“Real Madrid” yenidən müqavilə bağlamaq niyyətindədir

İspaniyanın “Real Madrid” klubunun serbiyalı hücumçusu Luka Yoviç komandada karyerasını davam etdirəcək.Azərtac xəbər verir ki, bu barədə “AS” nəşri məlumat yayıb. Mənbənin bildirdiyinə görə, klub bu ilin yayında müqaviləsi başa çatacaq Luka Yoviçə yenidən şans vermək və onunla müqavilə bağlamaq niyyətindədir. “Kral” klubunda gələcəkdə forvardın əhəmiyyətli irəliləyiş əldə edəcəyinə və komandaya faydalı olacağına inanırlar.Xatırladaq ki, hazırda “Real Madrid” İspaniya çempionatında 56 xalla ikinci yerdədir.xeber100.com

Güləş üzrə dünya çempionatı Olimpiya Oyunları ilə eyni ildə keçirilə bilər

Uzun illərdən sonra ilk dəfə güləş üzrə dünya çempionatı Olimpiya Oyunları ilə eyni ildə keçirilə bilər.Azərtac xəbər verir ki, bu sözləri Rusiya Güləş Federasiyasının prezidenti Mixail Mamiaşvili deyib.M.Mamiaşvili vurğulayıb ki, Dünya Güləş Birliyinin iclasında dünya çempionatının 2021-ci ildə “Tokio-2020” Yay Olimpiya Oyunlarından sonra keçirilməsi təklif olunub. Bu barədə qərar hələ qəbul olunmayıb. Ancaq gələcəkdə bu variant ətrafında müzakirələr aparacağıq.Qeyd edək ki, son illər Olimpiya Oyunlarının təşkil olunduğu ildə dünya çempionatı keçirilmir. Ancaq koronavirus pandemiyasına görə “Tokio-2020”nin gələn ilə təxirə salınması Dünya Güləş Birliyini bu addımı atmağa məcbur edir.xeber100.com

“Pepe Cuenca Invitational” şahmat turnirinin dörddəbir finalında

Azərbaycanlı şahmatçı T.Rəcəbov bu gün start götürən “Pepe Cuenca Invitational” onlayn şahmat turnirinin dörddəbir finalında mübarizə aparıb.Azərtac xəbər verir ki, 8 şahmatçının mübarizə apardığı yarışda T.Rəcəbovun ilk rəqibi ispaniyalı David Anton olub. Şahmatçılar hər gedişə 2 saniyə əlavə edilməklə 3 dəqiqəlik qarşılaşmalar keçiriblər. Qarşılaşma rəqibin qələbəsi ilə başa çatıb — 7:6. Şahmatçımız 13 turdan 3-də, ispan şahmatçısı isə 4-də qələbə qazanıb. Qalan turlar isə heç-heçə ilə nəticələnib.David Anton növbəti mərhələdə Santoş Vidit (Hindistan) – Pyotr Svidler (Rusiya) qarşılaşmasının qalibi ilə oynayacaq.Qeyd edək ki, aprelin 15-də yarımfinal, 17-də isə final qarşılaşmaları keçiriləcək.xeber100.com

İspaniya millisinin basketbolçuları qızıl medalları hərraca çıxarıblar

İspaniya millisinin basketbolçuları Xaviyer Beyran və Marta Sarqay dünya və Avropa çempionatlarında qazandıqları qızıl medalları hərraca çıxarıblar.Azərtac xəbər verir ki, hərracdan əldə edilən gəlir Qırmızı Xaç Komitəsinin hesabına köçürüləcək. Basketbolçular pandemiya ilə mübarizə məqsədilə belə bir addım atmağı qərara alıblar.Kişi basketbolçulardan ibarət İspaniya millisinin müdafiəçisi Beyran indiki ağır məqamda hamının həkimlərə borclu olduqlarını söyləyib. O, həmçinin koronavirusa yoluxanların sağalması üçün maddi yardımın ayrılmasının zəruriliyindən danışıb.xeber100.com

“Europe Échecs” şahmat platformasının təşkilatçılığı ilə…

Ötən həftə Fransada “C'Chartres Echecs” şahmat klubu və “Europe Échecs” şahmat platformasının birgə təşkilatçılığı ilə baş tutan onlayn blits turnir böyük marağa səbəb olub.Azərtac xəbər verir ki, karantin günlərində vaxtlarını evdə keçirən şahmatçıların onlayn yarışlara böyük maraq göstərdiklərini nəzərə alan təşkilatçılar bu həftə də belə bir turnir təşkil etmək qərarına gəliblər. Turnir aprelin 11-də start götürəcək.Yarışda ölkəmizi qrossmeysterlərimiz Rauf Məmmədov, Qədir Hüseynov və Namiq Quliyev təmsil edəcəklər.Qeyd edək ki, turnirin mükafat fondu 1200 avrodur.xeber100.com

“Avro-2022″nin püşkatma mərasiminin vaxtını dəyişib

UEFA koronavirus pandemiyası səbəbindən futzal üzrə "Avro-2022"nin püşkatma mərasiminin vaxtını dəyişib.Azərtac xəbər verir ki, tədbir əvvəlcədən planlaşdırıldığı kimi mayın 14-də deyil, iyulun 7-də təşkil olunacaq.Qeyd edək ki, Avropa çempionatının seçmə mərhələsində Azərbaycan millisi də iştirak edəcək. Seçmə mərhələnin oyunları 2021-ci il fevral, aprel və sentyabr aylarında olacaq. Turnirin final mərhələsi isə 2022-ci ilin yanvar-fevral aylarında Niderlandda keçiriləcək.xeber100.com

WTA kateqoriyalı turnir təxirə salınıb

Avqustun 7-16-da Kanadanın Monreal şəhərində keçirilməsi nəzərdə tutulan WTA (Qadın Tennisçilər Assosiasiyası) kateqoriyalı turnir təxirə salınıb.Azərtac xəbər verir ki, təşkilatçılar bu qərarı ölkədə koronavirus pandemiyasının geniş yayılmasının qarşısını almaq məqsədilə qəbul ediblər.Monreal səhərinin yerləşdiyi Kvebek əyalətinin rəhbərliyi avqustun 31-dək bütün idman yarışlarının keçirilməsini ləğv edib.Qeyd edək ki, bir müddət əvvəl iyunun 14-də Kanadada keçirilməsi planlaşdırılan “Formula 1” yürüşü də qeyri-müəyyən vaxta təxirə salınıb.xeber100.com

Mütləq Döyüş Çempionatının “UFC-249” turniri çərçivəsində

Mütləq Döyüş Çempionatının (UFC) “UFC-249” turniri çərçivəsində keçiriləcək döyüşü koronavirus pandemiyası səbəbindən ləğv edilib.Azərtac xarici KİV-lərə istinadla xəbər verir ki, bu barədə qurumun rəhbəri Dana Uayt məlumat verib.Qeyd edək ki, yüngül çəkidə çempionluq kəməri uğrunda turnirin aprelin 18-də əvvəlcə rusiyalı Həbib Nurməhəmmədov və amerikalı Toni Fergüson arasında keçirilməsi planlaşdırılmışdı. H. Nurməhəmmədov karantin vəziyyətinə görə ölkəni tərk edə bilmədiyi üçün turnirdən imtina etmişdi. Daha sonra onu amerikalı Castin Qetjinin əvəz edəcəyi bildirilmişdi.xeber100.com

“Herta” futbol klubunun yeni baş məşqçisinin adı məlum olub

Almaniyanın “Herta” futbol klubunun yeni baş məşqçisinin adı məlum olub.Azərtac xəbər verir ki, Bundesliqa təmsilçisini bundan sonra Bruno Labbadia çalışdıracaq. O, bu vəzifədə Aleksandr Nurini əvəzləyib.Əlli dörd yaşlı mütəxəssislə müqavilə 2022-ci ilin yayına qədər nəzərdə tutulub.Almaniyalı məşqçi daha əvvəl “Bayer”, “Hamburq”, “Ştutqart” və “Volfsburq” klublarını çalışdırıb.xeber100.com

Beynəlxalq Basketbol Federasiyasının məlumatına görə…

2021-ci ildə keçirilməsi nəzərdə tutulan kişi basketbolçular arasında Avropa çempionatı 2022-ci ilədək təxirə salınıb.Azərtac Beynəlxalq Basketbol Federasiyasına istinadla xəbər verir ki, bu qərar 2021-ci ildə təşkil olunacaq “Tokio-2020” Yay Olimpiya Oyunlarına görə verilib.Qitə birinciliyi 2022-ci il sentyabrın 1-dən 18-dək təşkil olunacaq. Həmin vaxtda, həmçinin Amerika kuboku yarışları da baş tutacaq.Kişi basketbolçular arasında Olimpiya təsnifat yarışları gələn il iyunun 22-dən iyulun 4-dək, dünya çempionatının seçmə mərhələsi isə 2022-ci ilin avqustunda keçiriləcək.xeber100.com