FIFA futbol üzrə növbəti reytinq cədvəlini açıqlayıb

FIFA futbol üzrə milli komandaların növbəti reytinq cədvəlini açıqlayıb.Azərtac xəbər verir ki, fevralda açıqlanmış reytinq cədvəli ilə müqayisədə Azərbaycan milli komandasının mövqeyində dəyişiklik olmayıb. Millimiz 1177 xalla 114-cü pillədə qərarlaşıb.Qeyd edək ki, cədvəlin ilk üç pilləsində Belçika (1765), Fransa (1733), Braziliya (1712) yığmaları yer alıb.xeber100.com

Niderland Kral Futbol İttifaqı oyunlarını bərpa etmək niyyətindədir

Niderland Kral Futbol İttifaqı (KNVB) ölkə çempionatının oyunlarını iyun ayında bərpa etmək niyyətindədir.Azərtac xarici KİV-lərə istinadla xəbər verir ki, klublar mayın 12-dən etibarən məşqlərə başlayacaq. İyunun 19-da isə ilk qarşılaşmaların keçirilməsi nəzərdə tutulur.Qeyd edək ki, bir müddət əvvəl futbol federasiyası COVID-19-la əlaqədar 2019-2020-ci illər mövsümünü başa çatmış elan etməyi planlaşdırırdı.xeber100.com

Şahmat üzrə Azərbaycan yığma komandasının seans oyunları keçirilib

Şahmat üzrə Azərbaycan yığma komandasının üzvü, üçqat Avropa çempionu Rauf Məmmədov xüsusi karantin günlərində gənc şahmatçılar üçün seans oyunları keçirib.Azərtac xəbər verir ki, seans “Lichess.org” şahmat platforması üzərindən onlayn formada təşkil olunub.Aprelin 8-9-da keçirilən və əlli dəqiqə davam edən hər seansa 25 şahmatçı qatılıb.

Beynəlxalq Atıcılıq Federasiyasının məlumatına görə…

Fransada keçirilməli olan stend atıcılığı üzrə dünya çempionatı koronavirus pandemiyası səbəbindən təxirə salınıb.Azərtac xəbər verir ki, bu barədə Beynəlxalq Atıcılıq Federasiyasının (ISSF) mətbuat xidməti məlumat yayıb.Yarış iyunun 9-19-da Şatoru şəhərində keçirilməli idi. Turnirin 2021-ci ildə təşkil olunması qərara alınıb.xeber100.com

Formula 1 təşkilatçıları yeni təqvim hazırlayır

Formula 1 təşkilatçıları maddi itkini minimuma endirmək üçün təqvimdəki yarış sayını artırmaq niyyətindədir.Azərtac xəbər verir ki, bu sözləri niderlandlı jurnalist Ulav Mol deyib. O, bildirib ki, hazırda Formula 1 təşkilatçıları ilkin versiya ilə heç bir əlaqəsi olmayan yeni təqvim hazırlayır və maksimum sayda yarış keçirməyi planlaşdırır.Yeni təqvimdə 17 yarışın baş tutacağı göstərilib. Avstraliya, Monako, Vyetnam, Kanada və Sinqapur Qran-prilərinin adlarına rast gəlinməyib. Azərbaycan Qran-Prisi isə oktyabrın 9-11-nə salınıb.xeber100.com

Milli komandaların yeni reytinq cədvəli açıqlanıb

Beynəlxalq Voleybol Federasiyası milli komandaların yeni reytinq cədvəlini açıqlayıb.Azərtac Azərbaycan Voleybol Federasiyasına istinadla xəbər verir ki, kişi voleybolçulardan ibarət Azərbaycan yığması reytinq cədvəlində mövqeyini qoruyub.Hesabında 101 reytinq xalı olan milli komandamız 58-ci pillədə qərarlaşıb.Siyahıya Braziliya voleybolçuları başçılıq edirlər.xeber100.com

Beynəlxalq Voleybol Federasiyası reytinq cədvəlini açıqlayıb

Beynəlxalq Voleybol Federasiyası milli komandaların yeni reytinq cədvəlini açıqlayıb.Azərtac Azərbaycan Voleybol Federasiyasına istinadla xəbər verir ki, siyahı yığmamız üçün uğurlu alınıb. Hesabında 127 reytinq xalı olan qadın voleybolçulardan ibarət milli komandamız bir pillə irəliləyərək 26-cı yerə yüksəlib.Siyahıya Çin voleybolçuları başçılıq edirlər.xeber100.com

Şahmat üzrə respublika birinciliyinin qalibləri müəyyənləşib

“Təhsil” Respublika İdman Mərkəzinin təşkilatçılığı ilə sürətli şahmat üzrə onlayn respublika birinciliyinin qalibləri müəyyənləşib.Azərtac xəbər verir ki, www.chess.com internet portalı üzərindən keçirilən turnirdə müxtəlif yaş qruplarında oğlanlar arasında Büsət Cəfərli, Yusif Babayev, Kənan İsbatov, Əhmədağa Həşimov, Ümid Aslanov, İsmayıl Qurbanov birinci yeri tutublar. Qızlar arasında isə Əsnad Baxışzadə, Nəzrin Abdullayeva, Zəhra Məmmədli, Leyla Budaqova, Cəmilə Paşayeva, Zeynəb İsmayılzadə qalib olublar.Ümumi hesabda Müthət Gülümov, Şiroğlan Talıbov, Cahandar Azadəliyev ilk üçlükdə qərarlaşıblar.Qeyd edək ki, turnir İsveçrə sistemi üzrə keçirilib və 11 turdan ibarət olub. Yarışda 7, 9, 11, 13, 15, 17 yaşadək oğlanlar və qızlar güclərini sınayıblar.xeber100.com

Dünya Güləş Birliyi yeni reytinq siyahısını açıqlayıb

Dünya Güləş Birliyi sərbəst güləşçilərin yeni Olimpiya reytinq siyahısını açıqlayıb.C xəbər verir ki, reytinq siyahısının ilk onluğunda iki güləşçimiz yer alıb. Belə ki, Olimpiya çempionu Şərif Şərifov (97 kq) 40 xalla üçüncü pillədə qərarlaşıb. Cəmaləddin Məhəmmədov (125 kq) isə 34 xalla dördüncü pillənin sahibidir.Qeyd edək ki, koronavirus pandemiyasına görə təxirə salınan "Tokio-2020" Yay Olimpiya Oyunlarına sərbəst güləşçilərimizdən yalnız Ş.Şərifov lisenziya qazanıb.xeber100.com

İspaniya Tennis Federasiyası yay turniri keçirməyi planlaşdırır

İspaniya Tennis Federasiyası mövsüm baş tutmayacağı halda yay turniri keçirməyi planlaşdırır.Azərtac xəbər verir ki, pandemiya ilə bağlı vəziyyət yaxşılaşmasa, federasiya yerli tennisçiləri formada saxlamaq üçün belə bir plan haqda fikirləşir. Turnirdə Rafael Nadal, Roberto Bautista-Aqut, Pablo Korrenyo-Busta, Albert Ramos, Fernando Verdasko və reytinqdə ilk “100-lük”də qərarlaşan digər tennisçilərin də iştirakı nəzərdə tutulub.Amma bu turnirdə göstərilən nəticələrə görə raketka ustaları reytinq xalları qazanmayacaq. Mükafat fondu isə milyon avro ola bilər.xeber100.com