Avqustun 30-na planlaşdırılan Formula 1 azarkeşsiz keçiriləcək

Avqustun 30-na planlaşdırılan Formula 1 Belçika Qran-Prisi təşkil olunmaya bilər. Yürüşün keçirilməsinə 4 ay qalmasına baxmayaraq, Qran-Prinin taleyi ilə bağlı müəyyən suallar yaranıb.Azərtac xarici KİV-lərə istinadla xəbər verir ki, Belçika hökuməti koronavirus pandemiyasına görə, karantin rejiminin vaxtını uzadıb. Həmçinin avqustun 31-dək ölkədə təşkil ediləcək bütün idman yarışları qadağan edilib. Belə olan halda yarışın azarkeşsiz keçirilməsi gündəmə gəlib.Qeyd edək ki, koronavirus pandemiyasına görə Formula 1 üzrə dünya çempionatının yeni mövsümünün startı gecikir. Belə ki, artıq Avstraliya və Monako Qran-Priləri ləğv olunub. Azərbaycan da daxil olmaqla, Vyetnam, Bəhreyn, Çin, İspaniya, Niderland və Kanada mərhələləri qeyri-müəyyən vaxta təxirə salınıb. Fransa Qran-Prisinin keçirilməsi isə sual altındadır.xeber100.com

Şahmat üzrə onlayn Qran-Pri turniri keçiriləcək

Aprelin 19-dan 26-dək “Təhsil” Respublika İdman Mərkəzinin şahmatçıları arasında sürətli şahmat üzrə onlayn Qran-Pri turniri keçiriləcək.Azərtac xəbər verir ki, Qran-Pri turnirində 17 yaşadək (2003-cü il təvəllüdlü və daha kiçik yaşlı) məktəblilər, o cümlədən Təhsil Nazirliyi sistemində fəaliyyət göstərən UGİŞM-lərin və şahmat klublarının qeyd olunan yaşadək şahmatçıları iştirak edə bilərlər.Qran-Pri yarışları 7 mərhələdən ibarətdir. İlk 6 mərhələ seçmə, 7-ci mərhələ isə final xarakteri daşıyır. Seçmə mərhələlərdə yarışlar İsveçrə sistemi ilə keçirilir və 11 turdan ibarət olacaqdır.xeber100.com

“Anadolu Efes” komandası ilə müqavilə yenilənəcək

Şeyn Larkin Türkiyənin “Anadolu Efes” komandası ilə müqavilə müddətini yeniləməklə bağlı razılığa gəlib.Azərtac xəbər verir ki, basketbolçu İstanbul klubunda daha 2 il çıxış edəcək. Amma MBA klublarından təklif alacağı halda, amerikalı basketbolçu vətəninə azad agent statusu ilə qayıda bilər.Xatırladaq ki, müdafiəçi Avroliqa dayandırılanda yarışın ən məhsuldar oyunçusu idi. Ötən mövsüm məhz onun liderliyi sayəsində “Anadolu Efes” Avroliqanın finalına yüksələ bilmişdi.xeber100.com

“Barselona” klubu müdafiəçisi ilə yeni müqavilə imzalayacaq

İspaniyanın “Barselona” klubu müdafiəçisi Nelson Semedu ilə yeni müqavilə imzalaya bilər.Azərtac xəbər verir ki, bu barədə İspaniyanın “Marca” qəzeti məlumat yayıb.Məlumatda bildirilir ki, Kataloniya təmsilçisi bu ilin əvvəlində portuqaliyalı müdafiəçiyə yeni - 2025-ci ilin yayına qədər müddəti nəzərdə tutan müqavilə təklif etsə də, koronavirus pandemiyası ilə əlaqədar danışıqlarda məcburi fasilə yaranmışdı.Qeyd edək ki, N.Semedu “Barselona”nın yeganə nominal sağ müdafiəçisidir. Bəzən onun mövqeyində Serxio Roberto çıxış etməli olur.xeber100.com

“Qalatasaray” futbol klubu yeni transfer edəcək

Türkiyənin “Qalatasaray” klubu Çinin “Shanghai Shenhua” klubunda çıxış edən Halkı transfer etmək istəyir.Azərtac xəbər verir ki, Çində oyunçuların maaşları kəskin şəkildə azalacağı üçün futbolçular klublarından ayrılmağı düşünür.Çin Super Liqasının ulduzu olan 33 yaşlı hücumçu Avropaya qayıtmağı düşünür. Bu səbəbdən də braziliyalı futbolçunun “Qalatasaray”dan təklif gələcəyi halda danışığa gedəcəyi gözlənilir.Qeyd edək ki, Halk daha öncə Çində pula görə oynadığını demişdi: “Peşəkar futbolçuların 10 illik karyerası olur. Bunu diqqətə almalıyıq. Çinə pul qazanmağa gəlirik. Yoxsa hamımız Avropada oynamağa davam edərik”.xeber100.com

Dünya çempionatı 2022-ci ilin iyununda keçiriləcək

Futbol üzrə klublararası dünya çempionatı 2022-ci ilin iyununda keçiriləcək.Azərtac xarici KİV-lərə istinadla xəbər verir ki, əvvəlcə turnir 2021-ci il iyunun 17-dən iyulun 4-dək Çində keçirilməli idi, lakin Avropa çempionatının 2021-ci ilin yayına keçirilməsi səbəbindən klublararası çempionat təxirə salınıb.Futbol üzrə klublararası dünya çempionatı yeni formatda təşkil olunacaq: iştirakçı komandaların sayı 7-dən 24-dək artırılacaq, yarışlar isə dörd ildən bir keçiriləcək.xeber100.com

Portuqaliya Futbol Federasiyası seçmə mərhələsində

Xəbər verildiyi kimi, Portuqaliya Futbol Federasiyası (FPF) 2020-ci ilin Avropa çempionatının finalı uğrunda seçmə mərhələsinə görə mükafatın məbləğinin yarısını COVID-19 koronavirusu səbəbindən ləğv edilmiş həvəskar futbol matçlarına dəstək fonduna keçirəcək.Azərtac xəbər verir ki, portuqal futbolçu, "Mançester Siti"nin yarımmüdafiəçisi Bernardu Silvanın bəyanatına görə, ianələrin təşəbbüskarı Kriştianu Ronaldudur.Bernardu Silva "Instagram" sosial şəbəkəsinin "Bleacher Report" səhifəsində müsahibəsində deyib: "Kriştianu Ronaldu kömək etməyə həmişə hazırdır. Həvəskar klublara yardım üçün ianə ideyası ona məxsusdur. Portuqaliya komandasının oyunçuları "Euro 2020"də iştiraka görə mükafatın məbləğinin yarısını ianə edəcəklər və bu ideyanın təşəbbüskarı məhz odur".xeber100.com

“Tour de France” və “Giro d’Italia” veloyürüşlərinin vaxtı dəyişdiriləcək

“Tour de France” və “Giro d'Italia” çoxgünlük veloyürüşlərinin vaxtı dəyişdiriləcək.Azərtac xəbər verir ki, yarışların təşkilatçıları artıq yeni tarixi müəyyənləşdirməyə çalışırlar. Belə ki, mayda keçirilməsi nəzərdə tutulan “Giro d'Italia”nın oktyabrda təşkil olunması planlaşdırılır.Təqvimə əsasən iyunun 27-dən iyulun 19-dək keçirilməli olan “Tour de France” yarışının isə nə vaxta təxirə salınacağı hələ məlum deyil.xeber100.com

“Real Madrid” yenidən müqavilə bağlamaq niyyətindədir

İspaniyanın “Real Madrid” klubunun serbiyalı hücumçusu Luka Yoviç komandada karyerasını davam etdirəcək.Azərtac xəbər verir ki, bu barədə “AS” nəşri məlumat yayıb. Mənbənin bildirdiyinə görə, klub bu ilin yayında müqaviləsi başa çatacaq Luka Yoviçə yenidən şans vermək və onunla müqavilə bağlamaq niyyətindədir. “Kral” klubunda gələcəkdə forvardın əhəmiyyətli irəliləyiş əldə edəcəyinə və komandaya faydalı olacağına inanırlar.Xatırladaq ki, hazırda “Real Madrid” İspaniya çempionatında 56 xalla ikinci yerdədir.xeber100.com

Güləş üzrə dünya çempionatı Olimpiya Oyunları ilə eyni ildə keçirilə bilər

Uzun illərdən sonra ilk dəfə güləş üzrə dünya çempionatı Olimpiya Oyunları ilə eyni ildə keçirilə bilər.Azərtac xəbər verir ki, bu sözləri Rusiya Güləş Federasiyasının prezidenti Mixail Mamiaşvili deyib.M.Mamiaşvili vurğulayıb ki, Dünya Güləş Birliyinin iclasında dünya çempionatının 2021-ci ildə “Tokio-2020” Yay Olimpiya Oyunlarından sonra keçirilməsi təklif olunub. Bu barədə qərar hələ qəbul olunmayıb. Ancaq gələcəkdə bu variant ətrafında müzakirələr aparacağıq.Qeyd edək ki, son illər Olimpiya Oyunlarının təşkil olunduğu ildə dünya çempionatı keçirilmir. Ancaq koronavirus pandemiyasına görə “Tokio-2020”nin gələn ilə təxirə salınması Dünya Güləş Birliyini bu addımı atmağa məcbur edir.xeber100.com