Futbol üzrə İrlandiya millisinə yeni baş məşqçi təyin edilib

Futbol üzrə İrlandiya millisinə yeni baş məşqçi təyin edilib.Azərtac xəbər verir ki, Mik Makkartini Stiven Kenni əvəzləyib. 48 yaşlı mütəxəssislə imzalanan müqavilənin detalları barədə məlumat verilməyib.M.Makkartinin yığma ilə müqaviləsi iyulun sonu başa çatırdı. S.Kenni isə 2018-ci ildən İrlandiya millisinin gənclər komandasını çalışdırırdı.xeber100.com

“Bavariya” futbol klubunun baş məşqçisi müqavilə imzalayıb

Almaniyanın "Bavariya" futbol klubunun baş məşqçisi Hans-Diter Fliklə yeni müqavilə imzalayıb.Azərtac xəbər verir ki, 55 yaşlı mütəxəssislə müqavilənin müddəti 2023-cü ilin iyununa kimi uzadılıb.Qeyd edək ki, H.Flik 2019-cu ilin iyulundan Münhen təmsilçisini çalışdırır. Onun rəhbərliyi altında komanda Bundesliqada 25 turdan sonra 1-ci pillədə qərarlaşıb. "Bavariya" UEFA Çempionlar Liqasının səkkizdəbir finalında "Çelsi" ilə birinci matçda 3:0 hesabı ilə qalib gəlib.xeber100.com

Beynəlxalq Cüdo Federasiyası “Böyük dəbilqə” turnirini ləğv edib

Beynəlxalq Cüdo Federasiyası (IJF) may ayının 8-10-da Bakıda keçirilməsi planlaşdırılan “Böyük dəbilqə” turnirini ləğv edib.Azərtac xəbər verir ki, bu barədə qurumun rəsmi saytında məlumat verilib.Qeyd edək ki, cüdo üzrə iyunun 30-dək bütün rəsmi yarışlar ləğv edilib.xeber100.com

Futbol üzrə ölkə çempionatının yeni qərarları müzakirə edilir

İtaliya Futbol Federasiyası, A Seriyasının rəhbərliyi və İtaliyanın İdman naziri Vinçenco Spadafora futbol üzrə ölkə çempionatının bərpası ilə bağlı yeni qərarları müzakirə edirlər.Azərtac xəbər verir ki, federasiya rəhbəri mövsümü bitirməyin prioritet olduğunu bildirib. O, çempionatın nə vaxt bərpa oluna biləcəyi ilə bağlı deyib: “Mayın 20-də və ya iyunun əvvəlində başlamaq, iyulun sonuna qədər oynamaq istəyirik. Avqust və sentyabr variantları da müzakirə olunacaq”.Neytral ərazidə oynamağın yaxşı qərar olmadığını söyləyən federasiya rəhbəri bildirib: “Amma bu seçimi də nəzərdən keçiririk. Dörd-beş variant hazırlamağa çalışırıq. Mövsümü ləğv etmək çox çətin olacaq. Bu, böyük haqsızlıq olardı. İnanıram ki, hətta “Yuventus” da bu qərara qarşı çıxacaq”.Qeyd edək ki, İtaliya A Seriyası martın 11-də koronavirusa görə dayandırılıb.xeber100.com

Şahmat üzrə onlayn respublika birinciliyi keçiriləcək

“Təhsil” Respublika İdman Mərkəzinin təşkilatçılığı ilə sürətli şahmat üzrə onlayn respublika birinciliyi keçiriləcək.Azərtac xəbər verir ki, yarış www.chess.com internet portalı üzərindən aprelin 5-də saat 17:00-da start götürəcək. İsveçrə sistemi üzrə keçiriləcək və 11 turdan ibarət olacaq yarışda hər gedişə nəzarət vaxtı 3 dəqiqə + 2 saniyədir. Yekunda toplanan xallar əsasında yaş qruplarına görə (7, 9, 11, 13, 15, 17 yaşadək oğlanlar və qızlar) qaliblər müəyyən ediləcək. Yarışın nəticələri 1 gün ərzində elan olunacaq.xeber100.com

Formula 1-in yeni təqvimi yaxın günlərdə açıqlanacaq

Formula 1 Çin Qran-Prisi oktyabrda keçirilə bilər.Azərtac xəbər verir ki, Formula 4 çempionatının təşkilatçıları yeni təqvim hazırlayıblar. Həmin təqvimə əsasən Çində mövsümün ilk yarışı mayın 23-24-də baş tutacaq. Daha öncə bu yarışın oktyabrın 17-18-də Şanxayda keçirilməsi planlaşdırılırdı. Lakin sonradan bu qərar ləğv olunub. Buna səbəb kimi həmin tarixin Formula 1 yarışlarının təqviminə salınmasıdır.Qeyd edək ki, Formula 1-in yeni təqvimi yaxın günlərdə açıqlanacaq.xeber100.com

İspaniyanın “Marca” nəşri oxucuları arasında sorğu keçirib

İspaniyanın “Marca” nəşri öz oxucuları arasında onların kimi bütün dövrlərin ən yaxşı futbolçusu hesab etdikləri ilə bağlı sorğu keçirib.Azərtac xəbər verir ki, sorğunun finalında İtaliyanın “Yuventus” klubunun hücumçusu Kriştiano Ronaldo İspaniyanın “Barselona” komandasının kapitanı Lionel Messini qabaqlayıb. Finalda Ronaldo 54 faiz, Messi 46 faiz səs toplayıb.Portuqaliyalı hücumçu finala gedən yolda Paolo Maldinini, Zinəddin Zidanı qabaqlayıb. Messi isə Ferenç Puşkaş, Alfredo Di Stefano və braziliyalı Ronaldodan güclü olub.xeber100.com

Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) aprelin 1-nə olan reytinq siyahısını açıqlayıb.Azərtac xəbər verir ki, yeni reytinq cədvəlində Azərbaycan qrossmeysterlərindən biri ilk onluqda qərarlaşıb. Dünya kubokunun sahibi Teymur Rəcəbov doqquzuncu pillədəki yerini qoruyub. Onun aktivində 2765 xal var. Şəhriyar Məmmədyarov isə onuncu sıradakı mövqeyini itirib. Aktivində 2764 xal olan Ş.Məmmədyarov bir pillə geriləyərək, on birinci yerdə qərarlaşıb.Digər şahmatçılarımızdan Qədir Hüseynov (2665, 72-ci yer), Nicat Abasov (2664 xal, 74-cü yer), Rauf Məmmədov (2654, 91-ci yer) ilk yüzlükdə yer alıblar.Siyahıya norveçli hazırkı dünya çempionu Maqnus Karlsen (2863) başçılıq edir. ABŞ təmsilçisi Fabiano Karuana (2835) ikinci, çinli Liren Dinq (2791) üçüncü yerlərdə qərarlaşıblar.Qadın şahmatçılarımızdan Günay Məmmədzadə bir pillə geriləyib və 2443 xalla 29-cu yeri tutur. Gülnar Məmmədova 77-ci (2386 xal), Xanım Balacayeva 86-cı (2376 xal) pillədə qərarlaşıblar. Ülviyyə Fətəliyeva isə ilk yüzlükdən kənarda qalıb.Qadınların reytinq cədvəlində əvvəlki kimi birinci sırada çinli Hou Yifan (2658 xal) qərarlaşıb. Hindistan şahmatçısı Humpi Koneru (2586 xal) və Rusiya təmsilçisi Aleksandra Qoryaçkina (2582 xal) sonrakı iki pilləni tutublar.xeber100.com

Atletika üzrə dünya çempionatının vaxtı dəyişdirilib

2021-ci ildə keçiriləcək atletika üzrə dünya çempionatının vaxtı "Tokio-2020" Yay Olimpiya Oyunlarına görə dəyişdirilib. Belə ki, mundial 2022-ci ildə keçiriləcək.Azərtac xəbər verir ki, bu barədə Beynəlxalq Atletika Federasiyaları Assosiasiyası (World Athletics) rəsmi internet səhifəsində məlumat yayıb.Məlumatda "World Athletics"in Beynəlxalq Olimpiya Komitəsinin cari ildə keçirilməsi nəzərdə tutulan "Tokio-2020"nin koronavirus pandemiyasına görə gələn ilə təxirə salınmasını yüksək qiymətləndirib.Qeyd edək ki, atletika üzrə dünya çempionatı 2022-ci ildə ABŞ-ın Oreqon ştatında təşkil olunacaq.xeber100.com

UEFA milli assosiasiyanın rəhbərləri ilə videokonfrans keçirəcək

UEFA aprelin 1-də quruma üzv olan 55 milli assosiasiyanın rəhbərləri ilə videokonfrans keçirəcək.Azərtac UEFA-nın saytına istinadla xəbər verir ki, videokonfransın əsas mövzusu milli çempionatlarda oyunların yenidən təxirə salınması məsələsi olacaq.Qeyd edək ki, hazırda Avropada Belarusdan başqa bütün ölkələrdə liqalar dayandırılıb.xeber100.com