Cənubi Afrika Respublikasında Formula 1 festivalı keçiriləcək

Martın 29-da Cənubi Afrika Respublikasında cari ildə birinci Formula 1 festivalı keçiriləcək. “F1 Joburg Festival” Yohannesburq şəhərində üç komanda – “Mercedes”, “Red Bull Racing” və “Renault”ın iştirakı ilə təşkil olunacaq.Azərtac xəbər verir ki, tədbirdə çempion komanda “Mercedes”i Valtteri Bottas, “Red Bull Racing”i Devid Kulthard təmsil edəcək. Festivalda Codi Şekterin də iştirakı təsdiqlənib. 1979-cu ilin dünya çempionu qalib gəldiyi “Ferrari” bolidi ilə Yohannesburq küçələrində sükan arxasına keçəcək.xeber100.com  

Şahmat festivalının səkkizinci turunun oyunları keçirilib

Fevralın 26-da Moskvada “Aeroflot open” beynəlxalq şahmat festivalının səkkizinci turunun oyunları keçirilib.Azərtac xəbər verir ki, festivalın A turnirində uğurla çıxış edən gənc şahmatçımız Aydın Süleymanlı səkkiz turdan 6 xal toplayaraq liderliyə yüksəlib. Onunla eyni xala malik olan komandamızın üzvü Rauf Məmmədov isə əlavə göstəricilərə görə ikinci yeri tutur. A turnirində digər şahmatçılarımız - Vüqar Əsədli 5 xal, Vasif Durarbəyli 4,5 xal, Abdulla Qədimbəyli 4 xal qazanıblar.Yarışın B turnirində mübarizə aparan Məhəmməd Muradlı 5,5 xalla səkkizinci yeri tutur.İsveçrə sistemi üzrə keçirilən yarış 9 turdan ibarətdir.xeber100.com

UEFA Çempionlar Liqasında ən yaxşı namizədlərin adları açıqlanıb

Fevralın 27-də UEFA Çempionlar Liqasında həftənin ən yaxşı futbolçusu adına namizədlər açıqlanıb.Azərtac UEFA-nın saytına istinadla xəbər verir ki, qitənin ən nüfuzlu klub turnirinin səkkizdəbir final mərhələsi çərçivəsində keçirilən oyunlara görə həftənin ən yaxşı futbolçusu adına Kevin de Brüyne (“Mançester Siti”), Serxio Buskets (“Barselona”), Serj Qnabri (“Bavariya”) və Ussem Aya (“Lion”) iddialıdırlar.xeber100.com

Azərbaycan Premyer Liqasının XX turunun təqvimi müəyyənləşib

Fevralın 27-də futbol üzrə Azərbaycan Premyer Liqasının XX turunun təqvimi müəyyənləşib.Azərtac xəbər verir ki, iki günü əhatə edəcək tura martın 8-də “Qəbələ” - “Sumqayıt” oyunu ilə start veriləcək. Qəbələ şəhər stadionunda keçiriləcək matç saat 16:00-da başlayacaq.Günün ikinci görüşündə “Neftçi” doğma meydanda “Sabah”ı qəbul edəcək. “Bakcell Arena” stadionunda təşkil olunacaq qarşılaşma saat 18:00-da start götürəcək.Turun üçüncü oyunu martın 9-da “ASCO Arena”da “Səbail” və “Zirə” komandaları arasında olacaq. Matç saat 16:00-da başlayacaq.Premyer Liqanın XX turuna həmin gün saat 18:00-da başlayacaq “Keşlə”-“Qarabağ” matçı ilə yekun vurulacaq. Görüş “ASK Arena”da oynanılacaq.Bütün görüşlər “CBC Sport” kanalı ilə birbaşa yayımlanacaq.Qeyd edək ki, 18 turdan sonra turnir cədvəlinə 41 xalla “Qarabağ” klubu başçılıq edir. Aktivində 33 xal olan “Neftçi” ikinci, 29 xalı olan “Keşlə” isə üçüncü yerdə qərarlaşıblar. Digər pillələrdə müvafiq olaraq “Sumqayıt” (22), “Zirə” (20), “Sabah” (20), “Səbail” (19) və “Qəbələ” (13) yer alıblar.xeber100.com

Azərbaycan Milli Paralimpiya Komitəsinin məlumatı

Beynəlxalq Paralimpiya Komitəsi Azərbaycan üzgüçülərinin nəticələrini nəzərə alaraq və gender bərabərliyi prinsiplərinə riayət edərək Azərbaycan Milli Paralimpiya Komitəsinin (AMPK) üzgüçülük üzrə komandasına daha iki lisenziya ayırıb.AMPK-dan Azərtac-a bildiriblər ki, lisenziyaları qadın üzgüçümüz, dünya reytinqində ilk onluqda olan Dana Şandıbina və 2019-cu ildə Londonda keçirilmiş dünya çempionatının bürünc mükafatçısı Vəli İsrafilov əldə ediblər.Beləliklə, “Tokio-2020”yə Azərbaycan paralimpiyaçılarının lisenziyalarının sayı üzgüçülük üzrə üçə, ümumilikdə isə doqquza çatıb.xeber100.com

Azərbaycan Super Liqasında iki oyun keçirilib

Fevralın 25-də qadın voleybolçular arasında Azərbaycan Super Liqasında iki oyun keçirilib.Azərtac xəbər verir ki, Azərbaycan Voleybol Mərkəzində əvvəlcə “Murov” və “Azərreyl” komandaları üz-üzə gəliblər. Görüş “Azərreyl”in 3:1 hesablı qələbəsi ilə bitib.Günə “Mübariz”-UNEC matçı ilə yekun vurulub. Bu dəfə “Mübariz” fərqlənib – 3:0.Aktivindəki xalların sayını 18-ə çatdıran “Azərreyl” turnir cədvəlində liderliyini davam etdirir. “Abşeron” isə 15 xalla ikincidir.xeber100.com

“La Gazzetta dello Sport” qəzeti yazır…

İtaliyada çıxan “La Gazzetta dello Sport” qəzeti “Ferrari” komandasının bu ölkədə koronavirus ocağının yaranmasına necə reaksiya verməsindən yazıb. Ölkədə koronavirusa 200 yoluxma faktı qeydə alınıb. Artıq 7 nəfər bu xəstəlikdən dünyasını dəyişib.Azərtac xəbər verir ki, nəşrin yazdığına görə, “Ferrari” Maranelloda muzeyini bağlayıb, bazaya turları ləğv edib və biznes səfərlərindən, demək olar, imtina edib.Həmçinin məlumatda deyilir ki, məhdudiyyətlər bilavasitə yürüş komandasına da aid edilə bilər. İstisna deyil ki, Qran-prilər zamanı avtodromda olmasına ehtiyac duyulmayan bəzi əməkdaşlar məsafədən işləyəcəklər.Xatırladaq ki, daha əvvəl Çin Qran-Prisi koronavirusla bağlı qeyri-müəyyən vaxtadək təxirə salınıb. Yeni mövsümün birinci mərhələsi olan Avstraliya Qran-Prisi martın 13-15-də keçiriləcək.xeber100.com

UEFA Çempionlar Liqasının səkkizdəbir final mərhələsində

Fevralın 25-də futbol üzrə UEFA Çempionlar Liqasının 2019-2020-ci il mövsümünün səkkizdəbir final mərhələsinin növbəti oyunları keçirilib.Azərtac xəbər verir ki, “San Paolo” stadionunda oynanılan görüşdə “Napoli” klubu “Barselona” komandasını qəbul edib.Görüş 1:1 hesabı ilə heç-heçə başa çatıb.Oyunda hesabı meydan sahibləri açıb. Dris Mertena 30-cu dəqiqədə hesabı açıb. Fasilədən sonra Kataloniya təmsilçisi hesaba tarazlıq gətirib. Antuan Qrizman cinah ötürməsini dəqiq zərbə ilə tamamlayıb.Bu komandalar arasındakı cavab görüşü martın 18-də keçiriləcək.xeber100.com

Mərakeşin Rabat şəhərində cüdo üzrə Qran-Pri turniri keçiriləcək

Martın 6-8-də Mərakeşin Rabat şəhərində cüdo üzrə Qran-Pri turniri keçiriləcək.Azərtac xəbər verir ki, Azərbaycanı bu nüfuzlu yarışda 14 cüdoçu (10 kişi, 4 qadın) təmsil edəcək.Yarışda indiyədək 95 ölkədən 611 cüdoçu iştirakını təsdiqləyib.xeber100.com

İspaniyanın “Real Madrid” futbol klubu La Liqanın XXVI turunda

İspaniyanın “Real Madrid” futbol klubu La Liqanın XXVI turunda keçiriləcək 2020-ci ilin birinci “El-Klassiko”suna itkilərlə çıxacaq.Azərtac xəbər verir ki, Madrid təmsilçisinin heyətində zədəli olan Eden Hazardın ardından Rodriqonun da bu vacib görüşü buraxacağı dəqiqləşib.Braziliyalı yarımmüdafiəçi “Real”ın ikinci komandası olan “Kastilya”nın heyətində 3-cü liqada “San Sebastian Reyes”lə qarşılaşmada qırmızı vərəqə alıb. La Liqanın qanununa əsasən Rodriqo növbəti matçda iştirak etməyəcək.Qeyd edək ki, “Real”–“Barselona” matçı martın 1-də Bakı vaxtı ilə saat 00:00-da keçiriləcək.xeber100.com