“Grand Chess Tour 2019” seriyasının ikinci mərhələsi çərçivəsində

Xorvatiyanın paytaxtı Zaqrebdə keçirilən “Grand Chess Tour 2019” seriyasının ikinci mərhələsi çərçivəsində iyulun 7-də sonuncu – 11-ci turun oyunları keçiriləcək.Azərtac xəbər verir ki, Azərbaycan şahmatçısı Şəhriyar Məmmədyarov sonuncu turda çinli Dinq Liren ilə üz-üzə gələcək. Turun digər oyunlarında rusiyalı Sergey Karyakin amerikalı Fabiano Karuana, norveçli dünya çempionu Maqnus Karlsen fransalı Maksim Vaşe-Laqrav, amerikalı Hikaru Nakamura sabiq dünya çempionu hindistanlı Vişvanatan Anand, rusiyalı Yan Nepomnyaşi hollandiyalı Aniş Giri, Amerikalı Uesli So ermənistanlı Levon Aronyan ilə qarşılaşacaqlar.On turdan sonra şahmatçımızın aktivində 4 xal var. M.Karlsen 7 xalla liderliyini davam etdirir. U.So 6,5, F.Karuana, L.Aronyan, Y.Nepomnyaşi 5,5, D.Liren 5, S.Karyakin, M.Vaşe Laqrav, A.Giri 4,5, V.Anand 4, H.Nakamura 3 xal toplayıblar.xeber100.com

Futbol üzrə Argentina-Çili qarşılaşması başa çatıb

Futbol üzrə Amerika kuboku turnirində üçüncü yer uğrunda Argentina-Çili qarşılaşması başa çatıb.Azərtac xəbər verir ki, gərgin epizodlarla zəngin olan oyunda Argentina yığması rəqibini 2:1 hesabı ilə məğlub edərək üçüncü yeri tutub. Argentina komandasının qollarını Aquero (12-ci dəqiqə) və Dibala (22-ci dəqiqə), Çili yığmasının cavab topunu isə penaltidən Vidal (59-cu dəqiqə) vurublar.Oyunun 37-ci dəqiqəsində argentinalı ulduz futbolçu Lionel Messi karyerası ərzində ikinci dəfə qırmızı vərəqə alaraq meydançadan qovulub. Ümumilikdə hakim oyun ərzində futbolçulara 2 qırmızı və 6 sarı kart göstərib.Xatırladaq ki, Amerika kubokunun bu gün keçiriləcək finalında Braziliya və Peru komandaları qarşılaşacaq. Oyun Bakı vaxtı ilə saat 00:00-da başlayacaq.xeber100.com

XXX Ümumdünya Yay Universiadasının üçüncü günündə

İyulun 6-da - XXX Ümumdünya Yay Universiadasının cüdo yarışlarının üçüncü günündə Azərbaycanın iki idmançısı mübarizəyə qoşulub.Azərtac xəbər verir ki, İbrahim Əliyev 66 kiloqram, Rüstəm Kotsoyev isə mütləq çəki dərəcələrində yarışlarda iştirak edəcəklər. İ.Əliyev ilk mərhələdə almaniyalı Sebastian Hofaeker, R.Kotsoyev Yaponiya təmsilçisi Kanta Nakano ilə gücünü sınayıblar. R.Kotsoyevin yarışların birinci günündə 90 kiloqramdan yuxarı çəki dərəcəsində çıxışı uğursuz alınıb. O, onaltıdabir finalda meksikalı Aleksis De Leonu, səkkizdəbir finalda rumıniyalı Mirçea Kraitoru üstələsə də, dörddəbir finalda Minconq Kimə (Cənubi Koreya) məğlub olub. Təsəlliverici görüşə qatılan cüdoçumuz polşalı Oleksi Lısenkonun da öhdəsindən gələ bilməyib.Qeyd edək ki, cüdo yarışlarının ikinci günündə milli komandamızın üzvü Hidayət Heydərov (73 kq) gümüş medal qazanıb. Bu, Azərbaycan komandasının universiadada qazandığı yeganə medaldır.Universiada çərçivəsində keçirilən cüdo yarışları bu gün başa çatacaq.

UEFA Avropa Liqasının 2019-2020-ci il mövsümünündə…

Bakının “Neftçi” futbol klubu UEFA Avropa Liqasının 2019-2020-ci il mövsümünün birinci təsnifat mərhələsində qarşılaşacağı Moldovanın “Speranta” komandası ilə oyun üçün sifariş ərizəsini qitənin ali futbol qurumuna təqdim edib.Azərtac xəbər verir ki, siyahıya 3 qapıçı, 8 müdafiəçi, 11 yarımmüdafiəçi və 2 hücumçu daxil edilib. “Neftçi”nin sifariş ərizəsində qapıçılardan Səlahət Ağayev, Kamran İbrahimov və Aqil Məmmədovun adları salınıb. Müdafiəçilərdən Mamadu Mbodj, Anton Krivotsyuk, Voislav Stankoviç, Tural Axundov, Kirilo Petrov, Ömər Buludov, Mehmet Serin və Şöhrət Yusifovun adları siyahıya daxil edilib. Yarımmüdafiəçilərdən Namiq Ələsgərov, Emin Mahmudov, Dario Frederiko, Vanqelis Platellas, Rəhman Hacıyev, Stiven Jozef-Monroz, Turan Vəlizadə, Mamadu Kane, Vüsal Əsgərov, İsmayıl Zülfüqarlı, Soni Mustivarın adlarının yer aldığı siyahıda hücumçu mövqeyində Baqali Dabo və Rauf Əliyev qeyd olunublar.Xatırladaq ki, “Speranta” ilə ilk oyun iyulun 11-də “Zimbru” stadionunda, cavab matçı isə bir həftə sonra “Bakcell Arena”da keçiriləcək. Hər iki görüş Bakı vaxtı ilə saat 21:00-da başlayacaq.xeber100.com

Türkiyə milli komandasının müdafiəçisi “Yuventus”a transfer olunub

Futbol üzrə Türkiyə milli komandasının müdafiəçisi Merih Demiral İtaliyanın “Yuventus” klubuna transfer olunub.Azərtac xəbər verir ki, Turin təmsilçisi 21 yaşlı müdafiəçi ilə beş illik müqavilə imzalayıb. “Yuventus” bu transfer üçün M.Demiralın məxsus olduğu “Sassuolo” klubuna 18 milyon avro ödəyib.Qeyd edək ki, türkiyəli müdafiəçi İtaliya çempionatında keçirdiyi 14 oyunda iki dəfə fərqlənib.xeber100.com

Boks üzrə beynəlxalq turnir keçiriləcək

İyulun 8-də Batumidə boks üzrə yeniyetmə və kadetlər arasında beynəlxalq turnir keçiriləcək.Azərtac xəbər verir ki, yarışlarda Azərbaycanı Əməkdar məşqçi Rəhim Allahverdiyevin rəhbərliyi ilə 1 saylı Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin (RİOEUGİM) və “Qızıl Əlcək” idman klubunun yetirmələri təmsil edəcəklər.Klubun və 1 saylı RİOEUGİM-in baş məşqçisi R.Allahverdiyev müsahibəsində yetirmələrinin Batumi turnirinə ciddi hazırlaşdıqlarını bildirib: “Komandamız turnirə hazırlıq məqsədilə təlim-məşq toplanışı keçib. Yarışda 25 boksçu çıxış edəcək. Batumi turniri kadetlər arasında keçiriləcək Avropa birinciliyinə hazırlıq xarakteri daşıyır”.Beynəlxalq turnir iyulun 11-də başa çatacaq.xeber100.com

Milli Karate Federasiyasının məlumatına görə…

yirmi bir yaşadək gənclərdən ibarət karate üzrə Azərbaycan milli komandasının üzvləri Murad Hacızadə (84 kq-dan yuxarı) və Fidan Teymurova (50 kq) Dünya Karate Federasiyasının WKF Kuboku turnirinin mükafatçıları olublar.Azərbaycan Milli Karate Federasiyasından Azərtac-a bildiriblər ki, iyulun 4-5-də Xorvatiyanın Umaq şəhərində keçirilən yarışda M.Hacızadə qızıl, F.Teymurova isə bürünc medal qazanıblar. Yuxarı yaş dərəcəsində daha iki idmançımızın nəticəsi iyulun 5-də məlum olacaq.Bu turnirdən əlavə, iyulun 5-7-də Umaqda WKF-in Gənclər Liqası yarışı da keçirilir. Kumite üzrə yeniyetmə və gənclərdən ibarət komandamızın baş məşqçisi Anar Allahverdiyevin rəhbərlik etdiyi heyətdən daha 14 idmançı turnirə qatılacaq.Kata üzrə baş məşqçi Vahid Ayvazov isə 14-15 yaşlı yeniyetmələr və 16-17 yaşlı gənclərin hər bir yaş dərəcəsində iki idmançısının iştirakına üstünlük verib.Beynəlxalq hakimlər Cahangir Babayev və Vüqar Kərimov WKF-in Gənclər Liqasını idarə edən hakimlər arasındadır.Yarışda 70 ölkədən 2577 idmançı iştirak edir.xeber100.com

“Qəbələ” futbol komandası növbəti transferini gerçəkləşdirib

2019-2020-ci illər mövsümünün hazırlıqlarını davam etdirən “Qəbələ” futbol komandası növbəti transferini gerçəkləşdirib.Azərtac klubun saytına istinadla xəbər verir ki, “qırmızı-qaralar” Fil Dişi Sahilindən olan futbolçu Kristian Kouakou ilə anlaşıb.İyirmi səkkiz yaşlı hücumçu ilə 1+1 illik müqavilə imzalanıb. Kristian futbol həyatına “Toumodi” klubunda başlayıb. O, 2007-ci ildə “Anderlext” Futbol Akademiyasına transfer olub və üç il gənclər komandasında top qovub. 2010-cu ildə “Anderlext”dən ayrılan forvard “Muanqtonq Yunayted”lə (Tailand) müqavilə bağlayıb. K.Kouakou burada keçirdiyi 53 oyunda 22 qol vurub. Uğurlu oyunu ilə fərqlənən Kristian Fransanın “Tours” klubuna transfer edilib. Həmin komandanın uğurları üçün üç mövsüm oynayan hücumçu 94 oyunda 26 dəfə fərqlənməyi bacarıb.Sonra K.Kouakou Fransada “Kaen” və “Nimes Olimpik” kollektivlərinin formasını geyinib. Forvardın sonuncu komandası Çexiyanın “Karvina” klubu olub.Xatırladaq ki, “Qəbələ” klubu daha əvvəl Fernan Ferreyra Lopes, Merab Qiqauri, Kamal Mirzəyev və Sadiq Quliyevi heyətinə qatıb.xeber100.com

“Bakı yayı” beynəlxalq şahmat festivalı davam edir

Bakıda keçirilən ənənəvi “Bakı yayı” beynəlxalq şahmat festivalı davam edir.Beynəlxalq dərəcəli hakim, Əməkdar məşqçi İlqar Bacarani Azərtac-a bildirib ki, qrossmeyster və beynəlxalq usta normalı yarışlarda 9 oyundan 5,5 xal toplayan “Qross expert” komandası turnir cədvəlinə liderlik edir. Komandanın heyətində Məhəmməd Muradlı (Bakı) 3 və iranlı Məsud Mosadeqpur 1,5 xal toplayıblar. Usta qrupunda isə “Şətrənc” ve “Ekspertlər” komandaları hərəyə 5,5 xal toplayıblar. Şəxsi hesabda isə 3 qələbə ilə Vüqar Manafov və Müşfiq Əsgərov turnir cədvəlinin ilk pilləsində qərarlaşıblar.Şeveningen sistemi üzrə keçirilən A turnirində Azərbaycan şahmatçılarından başqa, Türkiyə, Gürcüstan, İran, İraq, Belarus təmsilçiləri də iştirak edirlər. Onlardan altısı qrossmeyster, dördü beynəlxalq usta, doqquzu FIDE ustasıdır.xeber100.com

Atletika üzrə beynəlxalq xatirə turniri keçiriləcək

İyulun 6-7-də Qazaxıstanın Almatı şəhərində Qusman Kosanovun xatirəsinə həsr olunan atletika üzrə beynəlxalq xatirə turniri keçiriləcək. Turnirdə Azərbaycan atletləri də iştirak edəcəklər.Azərbaycan Atletika Federasiyasından Azərtac-a bildiriblər ki, beynəlxalq turnirdə tullanma növlərində Yekaterina Sarıyeva, Yelena Pextereva, Sabrina Zralova, Yadulla İbrahimov, qaçış növündə isə Cavid Məmmədov mübarizə aparacaqlar.xeber100.com