Stolüstü Tennis Federasiyasının təşkilatçılığı ilə…

İyulun 3-də Azərbaycan Stolüstü Tennis Federasiyasının təşkilatçılığı ilə “Şüa” İdman-Sağlamlıq Kompleksində stolüstü tennis üzrə liqa çempionatının final mərhələsi başlayıb.Azərtac xəbər verir ki, yarışlarda 2006-cı il təvəllüdlü və daha azyaşlı idmançılar mübarizə aparırlar. Liqa çempionatı üç divizionda keçirilir. Çempionatda Azərbaycanın şəhər və rayonlarından federasiyada qeydiyyatdan keçən komandalar iştirak edirlər.xeber100.com

Velosiped üzrə Azərbaycan çempionatının qalibləri müəyyənləşib

Şose velosipedinin fərdi və qrup ötüşməsi üzrə Elit və U23 kateqoriyalı idmançılar arasında keçirilən Azərbaycan çempionatına yekun vurulub.Azərtac xəbər verir ki, Gənclər və İdman Nazirliyinin və Azərbaycan Velosiped İdmanı Federasiyasının təşkil etdiyi yarışda 40-dək idmançı mübarizə aparıb. Qala qəsəbəsində keçirilən və 24 kilometr məsafəyə fərdi ötüşmə yarışında yığma komandamızın lideri Elçin Əsədov bütün rəqiblərini qabaqlayıb. Ukraynanın “Lvov” kontinental klubunun üzvü 28 dəqiqə 16 saniyə göstərici ilə birinci yeri tutub. E.Əsədov fərdi ötüşmə yarışında ardıcıl altıncı dəfə Azərbaycan çempionatının qalibi olub. Belarusun “Minsk” kontinental komandasında çıxış edən Samir Cəbrayılov və Dünya Velosiped Mərkəzində təlim keçən Musa Mikayılzadə isə müvafiq olaraq 29 dəqiqə 58 saniyə və 31 dəqiqə göstərici ilə sonrakı iki yerdə qərarlaşıblar.Xızı rayonunda təşkil edilən qrup ötüşməsində də ilk üçlük dəyişməyib. 162 kilometrlik məsafəni 4 saat 30 dəqiqə 15 saniyəyə qət edən Elçin Əsədov ən yaxın izləyicisi Samir Cəbrayılovu 16 saniyə qabaqlayıb. Musa Mikayılzadə finiş xəttini üçüncü keçib.Azərbaycan çempionatının nəticələri Beynəlxalq Velosipedçilər İttifaqına (UCI) da göndərilib. Qazanılan xallar həm idmançıların, həm də ölkəmizin reytinq cədvəlində əksini tapacaq.xeber100.com

“Çelsi” klubu “Real Madrid”in yarımmüdafiəçisini transfer edib

İngiltərənin “Çelsi” futbol klubu ötən mövsüm “Real Madrid”dən icarə əsasında heyətinə cəlb etdiyi yarımmüdafiəçi Mateo Kovaçiçin birdəfəlik transferini reallaşdırıb.Azərtac xəbər verir ki, London təmsilçisi 25 yaşlı xorvatiyalı yarımmüdafiəçi üçün “Real Madrid”ə 45 milyon avro təzminat ödəyib. M.Kovaçiç “Çelsi” ilə beş illik müqavilə imzalayıb.Xorvatiyalı yarımmüdafiəçi ötən mövsüm “Çelsi”nin heyətində 51 oyun keçirib.xeber100.com

Beynəlxalq şahmat festivalı start götürüb

İyulun 2-də Bakıda, Respublika Şahmat Mərkəzində ənənəvi “Bakı yayı” beynəlxalq şahmat festivalı start götürüb.Beynəlxalq dərəcəli hakim, Əməkdar məşqçi İlqar Bacarani Azərtac-a bildirib ki, şahmatçılar A (master), B (açıq), C (uşaq turniri U-12), D (rapid) və E (blitz) turnirlərində mübarizə aparırlar. Şeveningen sistemi üzrə keçirilən A turnirində azərbaycanlı şahmatçılardan başqa Türkiyə, Gürcüstan, İran, Rusiya, İraq, Belarus təmsilçiləri də iştirak edirlər. Onlardan 6-sı qrossmeyster, 4-ü beynəlxalq usta, 9-u isə FIDE ustasıdır.İsveçrə sistemi üzrə keçirilən və 7 turdan ibarət B turnirində şahmatçılarımızla yanaşı, İran, Fransa, ABŞ, Xorvatiya və Rusiya təmsilçiləri də güclərini sınayırlar.xeber100.com

“Nyukasl” klubunun məşqçisinin çalışdıracağı klub müəyyənləşib

İngiltərənin “Nyukasl” klubunun sabiq baş məşqçisi Rafael Benites çalışdıracağı yeni klub müəyyənləşib.Azərtac xəbər verir ki, 59 yaşlı mütəxəssis Çinin Super Liqasında çıxış edən “Dalyan İfan”a rəhbərlik edəcək. İctimaiyyətə təqdim edilən ispaniyalı məşqçi ilə müqavilənin təfərrüatları barədə məlumat verilmir.“Sky Sports” nəşrinin məlumatına görə ispaniyalı mütəxəssis Çində ildə 12 milyon avro məvacib alacaq.R.Benites 2016-cı ilin martından “Nyukasl”a rəhbərlik edib. O, 2005-ci ildə “Liverpul” ilə UEFA Çempionlar Liqasının, 2013-cü ildə isə “Çelsi” ilə UEFA Avropa Liqasının qalibi olub.xeber100.com

Azərbaycan milli komandasının heyəti açıqlanıb

İyulun 3-dən 8-dək Portuqaliyanın Nazare şəhərində təşkil olunacaq çimərlik futbolu üzrə Avropa Liqası turnirində iştirak edəcək Azərbaycan milli komandasının heyəti açıqlanıb.Azərtac klubun saytına istinadla xəbər verir ki, heyətdə Vaqif Şirinbəyov, Elçin Qasımov, Comərd Baxşəliyev, İlkin Hacıyev, Amid Nəzərov, Orxan Məmmədov, Asif Zeynalov, Ramil Əliyev, Elşad Manafov, Rüfət Məmmədov, Sabir Allahquliyev və Ruslan Poladov yer alıblar.Millimiz iyulun 5-də, 6-da və 7-də müvafiq olaraq Rusiya, İspaniya və Türkiyə yığma komandaları ilə qarşılaşacaq.xeber100.com

Tennis Federasiyasının təşkilatçılığı ilə liqa çempionatı keçiriləcək

İyulun 3-də Azərbaycan Stolüstü Tennis Federasiyasının təşkilatçılığı ilə “Şüa” İdman-Sağlamlıq Kompleksində stolüstü tennis üzrə liqa çempionatının final mərhələsi keçiriləcək.Azərtac xəbər verir ki, yarışlar 2006-cı il təvəllüdlü və daha azyaşlılar arasında təşkil ediləcək.Liqa çempionatı üç divizionda keçirilir. Çempionatda Azərbaycanın şəhər və rayonlarından federasiyada qeydiyyatdan keçən komandalar mübarizə aparırlar.xeber100.com

Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FİDE) iyul ayı üçün reytinq siyahısını açıqlayıb.Azərtac xəbər verir ki, səkkizinci yerdə olan şahmatçımız Şəhriyar Məmmədyarov (2765) mövqeyini qoruyub. Teymur Rəcəbov isə geriləyərək 13-cü sırada qərarlaşıb (2759). Digər şahmatçılarımızdan Arkadi Naydiç (2681) 62-ci, Qədir Hüseynov (2654) 100-cüdür.“Top-100”lükdə Azərbaycanın bir qadın şahmatçısı – Günay Məmmədzadə (2427) yer alıb. O, 40-cı pillədədir.xeber100.com

Azərbaycan Triatlon Federasiyasının məlumatı

Triatlon üzrə Azərbaycan yığmasının üzvü Kseniya Levkovska açıq Asiya Kuboku turnirində qızıl medal qazanıb.Azərbaycan Triatlon Federasiyasından Azərtac-a bildiriblər ki, Qırğızıstanın Çolpon-Ata şəhərində keçirilən turnirdə idmançımız birinci yeri tutaraq aktivinə reytinq xalları yazdırıb. O, yarışı 1 saat 6 dəqiqə 23 saniyəyə başa vurub. K.Levkovska 750 metrlik su məsafəsini 10 dəqiqə 48 saniyəyə qət edib. İyirmi kilometrlik veloyürüş məsafəsini isə 33 dəqiqə 42 saniyəyə başa vuran idmançımız sonuncu - 5 kilometrlik qaçış zolağında 20 dəqiqə 3 saniyəlik nəticə göstərib.K.Levkovska cari mövsümdə iki medal qazanıb.xeber100.com

Beynəlxalq Şahmat Federasiyasının iclasına yekun vurulub

Beynəlxalq Şahmat Federasiyasının (FIDE) Prezident Şurasının Bakıda keçirilən iclasına iyunun 29-da yekun vurulub.Azərtac xəbər verir ki, ikigünlük toplantıda 40-a yaxın məsələ müzakirə edilib, təkliflər irəli sürülüb və fikir mübadiləsi aparılıb.İclasdan əvvəl FIDE-nin vitse-prezidenti Nayçel Şort çıxış edərək Argentinanın Folklend Adalarında şahmat turnirinin keçirilməsinə etiraz edərək Beynəlxalq Şahmat Federasiyası tərəfindən nəticələrin qəbul olunmamasını təklif edib. FIDE rəsmiləri təklifi qəbul ediblər.FIDE-nin və Azərbaycan Şahmat Federasiyasının vitse-prezidenti Mahir Məmmədov heç bir dövlət tərəfindən tanınmayan ərazilərdə turnirlərin keçirilməsinin məqsədəuyğun olmadığını bildirib. FIDE rəsmisi Azərbaycan ərazilərinin 20 faizinin işğal edildiyini xatırladaraq həmin torpaqlarda şahmat turnirlərinin yalnız Azərbaycan Şahmat Federasiyası tərəfindən keçirilməsinin mümkünlüyünü qeyd edib. O, FIDE-nin belə hallara diqqətli yanaşmasını və bu barədə qurumun nizamnaməsinə əlavələrin olunmasının vacibliyini qeyd edib.FIDE rəsmiləri maliyyə şəffaflığını təmin etmək üçün illik büdcə barədə müzakirələr aparıblar. İllik xərclərə yenidən baxılıb və yaranmış bəndlər üzrə bölgülər aparılıb. Toplantıda Avropa Şahmat İttifaqının keçirdiyi yarış və tədbirlər barədə hesabat məruzəsi dinlənilib. O cümlədən bütün qitələr üzrə şahmatın vəziyyəti müzakirə edilib, təşkil olunan yarışların hesabatı təqdim olunub.Vurğulanıb ki, münaqişədə olan ölkələrin şahmatçıları beynəlxalq yarışlarda bir qayda mübarizə aparmaqdan imtina etməməlidirlər. Müzakirələrin nəticəsi olaraq, ilk dəfə mübarizədən imtina edən şahmatçıya xəbərdarlıq ediləcək, bu hal təkrarlanacağı halda cəza tətbiq olunacaq.Eyni zamanda, FIDE Baş Assambleyasının iki ildə bir dəfə deyil, hər il toplaşması məsələsi qəbul olunub.xeber100.com