Güləş Federasiyasının məlumatına görə…

Azərbaycanın sərbəst güləş üzrə gənclərdən ibarət yığma komandası Yaponiyanın Komatsu şəhərində təlim-məşq toplanışına başlayıb.Azərtac Azərbaycan Güləş Federasiyasına istinadla xəbər verir ki, millimiz yerli komanda ilə birgə məşq edir. Məşqçilər Arif Abdullayevin və Nazim Əlicanovun rəhbərliyi ilə keçən təlim-məşq toplanışına İslam Bazarqanov, Mahir Məmmədzadə (hər ikisi 57 kq), Əsgər Məmmədəliyev (61 kq), Turan Bayramov (65 kq), Davud İbrahimov, Əşrəf Aşurov (hər ikisi 70 kq), İsmayıl Abdullayev (74 kq), Rəşad Yusifli (79 kq), Asxab Həmzətov (92 kq) və İslam Abuyev (125 kq) qatılıblar.Gənc sərbəst güləşçilərimizin Yaponiyadakı hazırlığı iyulun 17-dək davam edəcək.xeber100.com

“Roma” klubu “Real Betis” komandasının qapıçısını transfer edib

“Roma” futbol klubu “Real Betis” komandasının ispaniyalı qapıçısı Pau Lopezin transferini başa çatdırıb.Azərtac xəbər verir ki, müqaviləyə əsasən Roma klubu 24 yaşlı qapıçı üçün İspaniya təmsilçisinə 30 milyon avro ödəyəcək.“Real Betis” qapıçını ötən ilin yayında “Espanyol” klubundan transfer haqqı ödəmədən heyətinə cəlb edib.“Roma” ötən il isveçli qapıçı Robin Olsen üçün “Kopenhagen” klubuna 9 milyon avro ödəyib.xeber100.com

Respublika Şahmat Olimpiadası start götürəcək

İyulun 12-də Qax Olimpiya İdman Kompleksində Respublika Şahmat Olimpiadası start götürəcək.Azərtac xəbər verir ki, yarışda 16 yaşadək şahmatçılar mübarizə aparacaqlar. İyulun 21-dək davam edəcək turnirdə 500-ə yaxın şahmatçı iştirak edəcək.Respublika Şahmat Olimpiadasının baş hakimi Qüdrət İsmayılov olacaq.xeber100.com

“Milan” futbol klubu “Liverpul”un müdafiəçisi ilə maraqlanır

İtaliyanın “Milan” klubu “Liverpul”un müdafiəçisi Deyan Lovrenlə maraqlanır. La Gazzetta nəşri xəbər verir ki, italyan klubu 30 yaşlı xorvat futbolçu üçün 15 milyon avro təklif etməyə hazırdır, amma “Liverpul” 25 milyon istəyir. Vəziyyəti, həmçinin futbolçunun İngiltərədə yüksək maaşı mürəkkəbləşdirir. Lovren orada ilə 4,5 milyon avro alır.Xorvatiyalı müdafiəçi 2014-cü ildə “Sautgempton”dan “Liverpula” təxminən 20 milyon funt sterlinq müqabilində keçib. Onun “qırmızılarla” müqaviləsi 2021-ci ilin yayınadək hesablanıb.2018-ci il dünya çempionatında Lovren Xorvatiya yığmasının əsas oyunçularından biri olub. O, mundialda komandasının bütün oyunlarında, o cümlədən Fransa yığması ilə final matçında iştirak edib. Xorvatiya həmin oyunda 2:4 hesabı ilə uduzaraq dünya çempionatının gümüş mükafatçısı olub.xeber100.com  

Afrika millətləri kubokunun 1/8 final matçında

Misir Futbol Assosiasiyasının (MFA) başçısı Xani Abo Rida ölkə millisinin Misirdə keçirilən Afrika millətlər kubokunun 1/8 finalında məğlubiyyətə uğramasından sonra istefaya gedib.Azərtac yerli KİV-ə istinadla xəbər verir ki, Afrika millətləri kubokunun 1/8 final matçında Misir millisi Cənubi Afrika Respublikasının komandasına 0:1 hesabı ilə uduzub. Bu məğlubiyyətdən sonra, həmçinin meksikalı məşqçi Havyer Aqirre başda olmaqla, bütün məşqçi heyəti istefaya göndərilib.Misir millisinin ev turnirindəki uğursuz çıxışına görə məsuliyyəti 60 yaşlı meksikalı məşqçı Havyer Aqirre öz üzərinə götürüb.xeber100.com

“Grand Chess Tour 2019” seriyasının ikinci mərhələsi çərçivəsində

Xorvatiyanın paytaxtı Zaqrebdə keçirilən “Grand Chess Tour 2019” seriyasının ikinci mərhələsi çərçivəsində iyulun 7-də sonuncu – 11-ci turun oyunları keçiriləcək.Azərtac xəbər verir ki, Azərbaycan şahmatçısı Şəhriyar Məmmədyarov sonuncu turda çinli Dinq Liren ilə üz-üzə gələcək. Turun digər oyunlarında rusiyalı Sergey Karyakin amerikalı Fabiano Karuana, norveçli dünya çempionu Maqnus Karlsen fransalı Maksim Vaşe-Laqrav, amerikalı Hikaru Nakamura sabiq dünya çempionu hindistanlı Vişvanatan Anand, rusiyalı Yan Nepomnyaşi hollandiyalı Aniş Giri, Amerikalı Uesli So ermənistanlı Levon Aronyan ilə qarşılaşacaqlar.On turdan sonra şahmatçımızın aktivində 4 xal var. M.Karlsen 7 xalla liderliyini davam etdirir. U.So 6,5, F.Karuana, L.Aronyan, Y.Nepomnyaşi 5,5, D.Liren 5, S.Karyakin, M.Vaşe Laqrav, A.Giri 4,5, V.Anand 4, H.Nakamura 3 xal toplayıblar.xeber100.com

Futbol üzrə Argentina-Çili qarşılaşması başa çatıb

Futbol üzrə Amerika kuboku turnirində üçüncü yer uğrunda Argentina-Çili qarşılaşması başa çatıb.Azərtac xəbər verir ki, gərgin epizodlarla zəngin olan oyunda Argentina yığması rəqibini 2:1 hesabı ilə məğlub edərək üçüncü yeri tutub. Argentina komandasının qollarını Aquero (12-ci dəqiqə) və Dibala (22-ci dəqiqə), Çili yığmasının cavab topunu isə penaltidən Vidal (59-cu dəqiqə) vurublar.Oyunun 37-ci dəqiqəsində argentinalı ulduz futbolçu Lionel Messi karyerası ərzində ikinci dəfə qırmızı vərəqə alaraq meydançadan qovulub. Ümumilikdə hakim oyun ərzində futbolçulara 2 qırmızı və 6 sarı kart göstərib.Xatırladaq ki, Amerika kubokunun bu gün keçiriləcək finalında Braziliya və Peru komandaları qarşılaşacaq. Oyun Bakı vaxtı ilə saat 00:00-da başlayacaq.xeber100.com

XXX Ümumdünya Yay Universiadasının üçüncü günündə

İyulun 6-da - XXX Ümumdünya Yay Universiadasının cüdo yarışlarının üçüncü günündə Azərbaycanın iki idmançısı mübarizəyə qoşulub.Azərtac xəbər verir ki, İbrahim Əliyev 66 kiloqram, Rüstəm Kotsoyev isə mütləq çəki dərəcələrində yarışlarda iştirak edəcəklər. İ.Əliyev ilk mərhələdə almaniyalı Sebastian Hofaeker, R.Kotsoyev Yaponiya təmsilçisi Kanta Nakano ilə gücünü sınayıblar. R.Kotsoyevin yarışların birinci günündə 90 kiloqramdan yuxarı çəki dərəcəsində çıxışı uğursuz alınıb. O, onaltıdabir finalda meksikalı Aleksis De Leonu, səkkizdəbir finalda rumıniyalı Mirçea Kraitoru üstələsə də, dörddəbir finalda Minconq Kimə (Cənubi Koreya) məğlub olub. Təsəlliverici görüşə qatılan cüdoçumuz polşalı Oleksi Lısenkonun da öhdəsindən gələ bilməyib.Qeyd edək ki, cüdo yarışlarının ikinci günündə milli komandamızın üzvü Hidayət Heydərov (73 kq) gümüş medal qazanıb. Bu, Azərbaycan komandasının universiadada qazandığı yeganə medaldır.Universiada çərçivəsində keçirilən cüdo yarışları bu gün başa çatacaq.

UEFA Avropa Liqasının 2019-2020-ci il mövsümünündə…

Bakının “Neftçi” futbol klubu UEFA Avropa Liqasının 2019-2020-ci il mövsümünün birinci təsnifat mərhələsində qarşılaşacağı Moldovanın “Speranta” komandası ilə oyun üçün sifariş ərizəsini qitənin ali futbol qurumuna təqdim edib.Azərtac xəbər verir ki, siyahıya 3 qapıçı, 8 müdafiəçi, 11 yarımmüdafiəçi və 2 hücumçu daxil edilib. “Neftçi”nin sifariş ərizəsində qapıçılardan Səlahət Ağayev, Kamran İbrahimov və Aqil Məmmədovun adları salınıb. Müdafiəçilərdən Mamadu Mbodj, Anton Krivotsyuk, Voislav Stankoviç, Tural Axundov, Kirilo Petrov, Ömər Buludov, Mehmet Serin və Şöhrət Yusifovun adları siyahıya daxil edilib. Yarımmüdafiəçilərdən Namiq Ələsgərov, Emin Mahmudov, Dario Frederiko, Vanqelis Platellas, Rəhman Hacıyev, Stiven Jozef-Monroz, Turan Vəlizadə, Mamadu Kane, Vüsal Əsgərov, İsmayıl Zülfüqarlı, Soni Mustivarın adlarının yer aldığı siyahıda hücumçu mövqeyində Baqali Dabo və Rauf Əliyev qeyd olunublar.Xatırladaq ki, “Speranta” ilə ilk oyun iyulun 11-də “Zimbru” stadionunda, cavab matçı isə bir həftə sonra “Bakcell Arena”da keçiriləcək. Hər iki görüş Bakı vaxtı ilə saat 21:00-da başlayacaq.xeber100.com

Türkiyə milli komandasının müdafiəçisi “Yuventus”a transfer olunub

Futbol üzrə Türkiyə milli komandasının müdafiəçisi Merih Demiral İtaliyanın “Yuventus” klubuna transfer olunub.Azərtac xəbər verir ki, Turin təmsilçisi 21 yaşlı müdafiəçi ilə beş illik müqavilə imzalayıb. “Yuventus” bu transfer üçün M.Demiralın məxsus olduğu “Sassuolo” klubuna 18 milyon avro ödəyib.Qeyd edək ki, türkiyəli müdafiəçi İtaliya çempionatında keçirdiyi 14 oyunda iki dəfə fərqlənib.xeber100.com