Növbəti Formula 1 Qran-Pri mərhələsi Fransada keçiriləcək

“Mercedes”in britaniyalı pilotu Lüis Hamilton Formula 1 sinfində maşınların dünya çempionatının yeddinci mərhələsinin - Kanada Qran-Prisinin qalibi olub.Azərtac xəbər verir ki, hazırkı dünya çempionu L.Hamilton karyerasında 78-ci, mövsümdə beşinci, və Monrealda yeddinci qələbəsini qazanaraq Mixail Şumaxerin rekordunu təkrarlayıb.“Ferrari”nin pilotu alman Sebastyan Fettel finiş xəttini birinci keçib. L.Hamilton ondan 1,342 saniyə geri qalıb. Lakin 48-ci dövrədə trasa təhlükəli qayıdışına görə finişdə Fettelin vaxtına 5 saniyə cərimə əlavə olunub.S.Fettel trasa qayıdarkən L.Hamiltonun yoluna çıxaraq az qala onun divara çırpılmasına səbəb olub.S.Fettel deyib: “Mən trasa otun üstündən keçərək qayıtmağa məcbur oldum. Nə edə bilərdim ki? Bu, onun səhvidir, çünki yolun o biri hissəsindən keçdi. Bəxtim gətirdi ki, özüm divara çırpılmadım. Bu ədalətsizlikdir. Qəzəbliyəm və buna tam haqqım çatır”.Nəticədə S.Fettel ikinci yerlə kifayətlənməli olub. Üçüncü yeri Fettelin komanda yoldaşı Şarl Lekler tutub.Hiddətlənmiş Fettel finişdən sonra mətbuata müsahibə verməkdən imtina edərək stüardların otağına qalxıb. Onun cəriməyə etiraz etmək cəhdləri uğursuz olub. Fettel yürüşdə yekun yerlərinin qeyd edildiyi lövhələri də dəyişdirib.L.Hamilton 162 xalla şəxsi hesabda liderliyini möhkəmləndirib. İkinci yerdə onun komanda yoldaşı Valtteri Bottas (132), üçüncü yerdə S.Fettel (100) gəlirlər. “Mercedes” 294 xalla Konstruktorlar Kubokunda “Ferrari”dən (172) xeyli irəlidədir.Növbəti Formula 1 Qran-Pri mərhələsi iyunun 21-23-də Fransada keçiriləcək.xeber100.com

“iTicket” şirkəti arasında imzalanan razılıq müqaviləsi çərçivəsində

Bu il iyulun 21-27-də Bakıda keçiriləcək Avropa Gənclər Yay Olimpiya Festivalının biletləri iyunun 10-da satışa çıxarılıb. Biletlərin satışı Festivalın Əməliyyat Komitəsi ilə “iTicket” şirkəti arasında imzalanan razılıq müqaviləsi çərçivəsində həyata keçirilir.Gənclər və İdman Nazirliyinin mətbuat xidmətindən Azərtac-a bildiriblər ki, satışa çıxarılan 146 min bilet “Bakı 2019” Avropa Gənclər Yay Olimpiya Festivalının www.eyofbaku2019.com, eləcə də www.iticket.az saytlarından əldə oluna bilər. Bundan əlavə, bütün idmansevərlər biletləri “Park Bulvar”, “Gənclik”, “28 May” ticarət mərkəzlərindən və paytaxtın müxtəlif ərazilərində fəaliyyət göstərən 12 bilet satışı məntəqəsindən də əldə edə bilərlər.Festivalın açılış mərasiminə bir biletin qiyməti 10-15, bağlanış mərasiminə isə 5-10 manat təşkil edəcək. Hər iki mərasim “Baku Crystal Hall”da keçiriləcək. Bütün idman yarışlarına biletlərin ödənişsiz olmasına baxmayaraq, arenalara giriş yalnız əvvəlcədən əldə edilən biletlər vasitəsilə mümkün olacaq.Gənclər və İdman naziri Azad Rəhimov bildirib ki, açılış və bağlanış mərasimlərinin biletləri üçün ən münasib qiymətlərin təyin edilməsi, habelə bütün idman yarışlarına biletlərin pulsuz olması yerli və xarici azarkeşlərdə festivala daha çox maraq oyatmaq və onların bu möhtəşəm oyunları şəxsən izləmələrinə imkan yaradacaq.İyulun 21-27-də Bakıda keçiriləcək festivalla əlaqədar Azərbaycana 3600-dən çox idmançı və texniki nümayəndə gələcək. Atletlər idmanın 10 növü üzrə - gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş yarışlarında qüvvələrini sınayacaqlar. Festival zamanı 12 idman obyektində 2500-dən çox könüllü fəaliyyət göstərəcək.xeber100.com

“Tottenhem” klubu yeddi futbolçusu ilə müqavilə imzalamayıb

İngiltərənin "Tottenhem" klubu yeddi futbolçu ilə yolları ayırıb.Milli.az xəbər verir ki, London klubu Fernando Lyorente, Daylan Danken, Çarli Friman, Mixel Vorm, Konnor Oqilvie, Ceymi Co Reynoldsla başa çatan müqaviləni uzatmayıb.34 yaşlı Lyorente 2017-ci ildən "Tottenhem"də çıxış edirdi. İspaniyalı hücumçunun vətəninə qayıdacağı gözlənilir.xeber100.com

Güləş Federasiyasının məlumatına görə…

Azərbaycanın iki gənc güləşçisi Turan Bayramov və Abubakr Abakarov İspaniyanın Pontevedra şəhərində keçirilən Avropa çempionatında fəxri kürsünün ən yüksək pilləsinə qalxıblar.Azərbaycan Güləş Federasiyasından Trend-ə verilən məlumata görə, iyunun 8-də 57, 65, 70, 79 və 97 kiloqram çəki dərəcələrində gənc sərbəst güləşçilər qızıl medal uğrunda mübarizə aparıblar.Çempionatda 65 kiloqram çəki dərəcəsində çıxış edən Turan Bayramov səkkizdəbir finalda Gürcüstandan olan güclü rəqibinə minimal fərqlə qalib gəlib. Pəhləvanımız sonra Fransa təmsilçisini üstələyərək yarımfinala yüksəlib. Yeniyetmələr arasında dünya, Avropa və olimpiya çempionumuz yarımfinalda Moldova güləşçisini məğlub edərək finala vəsiqə qazanıb. Həlledici görüşdə Rusiya idmançısı ilə qarşılaşan Gəncə güləş məktəbinin yetirməsi hesab 1:1 olarkən sonuncu xal prinsipinə əsasən qalib gələrək Avropa çempionu olub.Yetmiş doqquz kiloqram çəki dərəcəsində yarışan Abubakr Abakarov qitə birinciliyinə inamlı start verib. Təmsilçimizə Belarus güləşçisini məğlub etmək üçün cəmi 1 dəqiqə 30 saniyə kifayət edib. Komandamızın üzvü Litva idmançısını da vaxtından əvvəl 11:0 hesabı ilə məğlubiyyətə uğradaraq yarımfinala adlayıb. İdmançımız bu mərhələdə estoniyalı rəqibi üzərində də qələbə qazanaraq finala yüksələn ikinci sərbəst güləşçimiz olub. Həlledici qarşılaşmada Rusiya güləşçisini də üstələyən A.Abakarov Avropa çempionatının qalibi olub.xeber100.com

Azərbaycan – Slovakiya oyunu üçün hakim təyinatları açıqlanıb

Avro-2020-nin seçmə mərhələsində keçiriləcək Azərbaycan - Slovakiya oyunu üçün hakim təyinatları açıqlanıb.Milli.az xəbər verir ki, matçı Şotlandiya Futbol Federasiyasından Con Biton idarə edəcək. Ona Alan Malvenni və Sin Karr köməklik edəcək. Dördüncü hakim funksiyasını Donald Robertson yerinə yetirəcək.Qeyd edək ki, Azərbaycan - Slovakiya görüşü iyunun 11-i saat 20:00-da başlayacaq.xeber100.com

“Avro-2020”nin seçmə mərhələsində növbəti oyuna start verilib

İyunun 7-də “Avro-2020”nin seçmə mərhələsinə 12 oyunla start verilib.Azərtac xəbər verir ki, turun ilk günündə aşağıdakı hesablar qeydə alınıb: A qrupu Çexiya-Bolqarıstan - 2:1; Monteneqro-Kosova - 1:1. B qrupu Litva-Lüksemburq - 1:1; Ukrayna-Serbiya - 5:0. D qrupu Gürcüstan-Cəbəllütariq - 3:0; Danimarka-İrlandiya - 1:1. F qrupu Farer adaları-İspaniya - 1:4; Norveç-Rumıniya - 2:2; İsveç-Malta - 3:0. G qrupu Avstriya-Sloveniya - 1:0; Makedoniya – Polşa - 0:1; Latviya – İsrail - 0:3.xeber100.com

“Çelsi” klubunun futbolçusu “Real Madrid” klubuna transfer olub

İngiltərənin “Çelsi” klubunun futbolçusu Eden Hazard İspaniyanın “Real Madrid” klubuna transfer olub.Azərtac klubun rəsmi “Instagram” səhifəsinə istinadla xəbər verir ki, belçikalı yarımmüdafiəçi ilə beşillik müqavilə imzalanıb.Bildirilir ki, 28 yaşlı cinah hücumçusu tezliklə tibbi müayinədən keçəcək. Sözləşmə şərtləri açıqlanmasa da, mətbuatda bu transferin “Real Madrid”ə 100 milyon avroya başa gəldiyi yazılıb.E.Hazar 2018/2019-cu illər mövsümündə İngiltərə Premyer Liqasında 37 oyuna 16 qol vurub və 15 məhsuldar ötürmə edib. O, “Çelsi”nin Bakıda “Arsenal”ı 4:1 hesabı ilə məğlub etdikləri final qarşılaşmasında isə “dubl” edib.Peşəkar karyerasına 2007-ci ildə Fransanın “Lill” klubundan başlayan Eden Hazard 2012-ci ildə “Çelsi”yə keçib. O, kapitanı olduğu Belçika millisində 100 oyuna 30 qol vurub.xeber100.com

“Azerbaijan International 2019” turnirinin ikinci yarış günündə

“Azerbaijan International 2019” turnirində ikinci yarış gününə yekun vurulub.Azərtac xəbər verir ki, 5 kateqoriya üzrə keçirilən yarışın ikinci günündə təsnifat, ardınca əsas mərhələnin görüşləri keçirilib. Otuz doqquz ölkədən 248 badmintonçunun yarışdığı turnirdə bu gün 1/32 final mərhələsinin görüşləri başa çatıb.Badmintonçularımızdan kişilərin qoşa yarışında Edi Reski Dviçayo-Ezmi Qovimuramadhoni cütü İran təmsilçiləri Əmir Cabbari-Mehran Şahbazi tandeminə 2:0 (21-19, 24-22) hesabı ilə qalib gəlib. Kişilərin qoşa yarışında Azərbaycan derbisi baş tutub. Cahid Əlhəsənov-Səbuhi Hüseynov cütü Zaur İsazadə-Seyid Mircəfərov qoşasına 2:0 (21-11,21-12) hesabı ilə qalib gəlib. Aqil Qəbilov-Rəvan Niftəliyev qoşası sinqapurlu Kai Terri-Kin Hin cütünə 0:2 (8-21, 2-21) hesabı ilə uduzub. Kərim Musayev-Tural Rəsulov cütü fransalı Kristo Popov-Toma Junior Popov tandeminə 0:2 (7-21, 9-21), Cavanşir Kişiyev-Rəvan Rüstəmov cütü isə türkiyəli Mehmet Capar-Emre Sönmez tandeminə 0:2 (4-21, 4-21) hesabı ilə məğlub olublar. Qarışıq-qoşa yarışlarında mübarizə aparan Orxan Qələndərov-Adilə Mehtiyeva cütü türkiyəli Mert Tunco-Yasemen Bektaş tandeminə 0:2 (9-21, 7-21) hesabı ilə uduzub. Səbuhi Hüseynov-Elnurə Cəfərova isə hindistanlı Saurab Şarma-Anouşka Parix qoşasına 0:2 (11-21, 7-21) hesabı ilə məğlub olub. Kişi badmintonçuların şəxsi yarışında Edi Reski Dviçayo fransalı Lukas Korve ilə üz-üzə gəlib. Gərgin keçən qarşılaşma 3 set davam edib. Korve badmintonçumuzu 2:1 (19-21, 21-13, 21-7) hesabı ilə məğlub edib.Turnirin bütövlükdə gedişatını isə Avropa Badminton Konfederasiyasının rəsmi “YouTube” kanalı vasitəsilə izləmək mümkündür. Nəticələri isə onlayn olaraq Dünya Badminton Federasiyasının rəsmi saytında izləmək olar.xeber100.com

26-cı ölkə birinciliyi və paytaxt çempionatı start götürüb

Milli Gimnastika Arenasının köməkçi zalında akrobatika üzrə 26-cı Azərbaycan və Bakı birinciliyi, həmçinin idman gimnastikası üzrə 26-cı ölkə birinciliyi və paytaxt çempionatı start götürüb.Azərtac xəbər verir ki, iki gün davam edəcək yarışa idman gimnastları start veriblər. İştirakçılar yarışlar ərzində böyüklər, gənclər, yeniyetmələr, uşaqlar, balacalar və kiçiklər yaş kateqoriyasında medallar uğrunda mübarizə aparırlar.Akrobatlar isə yeniyetmələr, uşaqlar və balacalar yaş kateqoriyasında yer alaraq, qadın və kişi cütlükləri, qarışıq cütlüklər, qadın və kişi qrupları proqramında yarışacaqlar.Gimnastikanın hər iki növü üzrə yarışlarda ümumilikdə 100-ə yaxın idmançı Bakı Gimnastika Məktəbi, “Ocaq Sport”, “Neftçi” klubları, Nizami rayonu idman məktəbi, Sumqayıt və Balakəni təmsil edirlər.xeber100.com

Fransanın “PSJ” klubunun məlumatına görə…

İtaliyalı qapıçı Canluici Buffon ispaniyanın "Barselona" futbol klubunun oyunçusu ola bilər.Trend-in məlumatına görə, fransanın "PSJ" klubu bildirib ki, 41 yaşlı qapıçı ilə imzalanmış müqavilənin müddəti artırılmayacaq.C.Buffonla müqavilə 30 iyunda başa çatır. Həmin müddət ərzində məşhur italiyalı qapıçı 25 oyunda iştirak edib.Məlumata əsasən, "Barselona" C.Buffonu rezerv qapıçısı kimi öz heyətində görmək istəyir.xeber100.com