UEFA “Tottenhem” futbol klubunu cəzalandırıb

UEFA İntizam Komitəsi İngiltərənin "Tottenhem" klubunun baş məşqçisi Maurisio Poçettinonu cəzalandırıb.Milli.az xəbər verir ki, argentinalı mütəxəssisə bir oyunluq cəza verilib.Lakin cəza şərti xarakter daşıyacaq və ona bir il sınaq müddəti veriləcək. İngiltərə təmsilçisinə həmçinin 10 min avro məbləğində cəza kəsilib.Bu cəzaya Çempionlar Liqasının yarımfinalında Hollandiya "Ayaks"ı ilə ilk oyunun məhz Poçettinoya görə gec başlaması səbəb olub."Ayaks"la Londondakı görüş "Tottenhem"in 0:1 hesablı məğlubiyyəti ilə yekunlaşıb. Komanda Amsterdamdakı qarşılaşmada rəqibini 3:2 məğlub edərək finala yüksəlib.Çempionlar Liqasının finalı iyunun 1-də İspaniyanın paytaxtı Madriddə, "Vanda Metropolitano" stadionunda baş tutacaq. UEFA-nın bu cəzasına baxmayaraq, Poçettino həmin matçda texniki zonada yer ala biləcək.xeber100.com

Kataloniya futbol klubu “Liverpul” komandasına uduzub

"Mançester Yunayted"in sabiq baş məşqçisi Joze Mourinyo "Barselona"nın futbolçusu Lionel Messini "Qızıl top"u qazanmağa əsas namizəd hesab etmir.Milli.az xəbər verir ki, bu barədə o, "RMC"yə açıqlamasında deyib: "Mən Messinin bu il "Qızıl top"a layiq olduğuna şübhə edirəm. Çünki onun komandası Çempionlar Liqasında mübarizəni dayandırıb".Qeyd edək ki, Kataloniya klubu ÇL-in yarımfinalında "Liverpul"a uduzaraq (3:0, 0:4) turnirlə vidalaşıb.xeber100.com

Avropa Çempionatının üçüncü günü start götürüb

Bu gün Bakıda Milli Gimnastika Arenasında bədii gimnastika üzrə 35-ci Avropa Çempionatının üçüncü günü start götürüb.Milli.az bildirir ki, çempionatın 3-cü günü artıq komanda hesabında (böyük gimnastlar və gənc komandaların ortaq xalları əsasında) və qrup komandalarının çoxnövçülük yarışlarında qaliblərin adları açıqlanacaq. Və turnirin son günü ayrı-ayrı alətlər üzrə Avropanın ən yaxşı gimnastlarının adları məlum olacaq.Qeyd edək ki, 16-19 may tarixlərində keçirilən çempionatda fərdi proqramda böyük gimnastlar, qrup hərəkətləri proqramında isə gənc komandalar çıxış edir.Çempionatda 35 ölkədən gimnastlar iştirak edir.Azərbaycanı Avropa çempionatında yeniyetmələr arasında Nəzrin Cəfərzadə, Eleonora Yusifova, Ləman Əlimuradova, Fəridə Səfiyarzadə, Mədinə Əsədova, Selcan Hacızadə, Milana Əkbərovadan ibarət komanda təmsil edir.xeber100.com

“Çelsi”futbol klubunun yarımmüdafiəçisi matçda oynamayacaq

İngiltərənin “Çelsi”futbol klubunun yarımmüdafiəçisi Ruben Loftus-Çik zədələndiyi üçün, ola bilsin ki, Avropa Liqasının finalında Bakıda Londonun “Arsenal” komandasına qarşı matçda oynamayacaq.Azərtac xəbər verir ki, Loftus-Çik mayın 14-də Amerikanın “Nyu-İnqlend” klubuna qarşı yoldaşlıq matçında zədələnib. 3:0 hesabı ilə “Çelsi”nin xeyrinə başa çatmış bu oyunda 23 yaşlı Loftus-Çik havadakı top uğrunda mübarizədə tullandıqdan sonra onun ayağı burxulub.“Çelsi”nin yetirməsi olan bu oyunçu əsas komandanın heyətində 2017-ci ildə İngiltərə çempionu olub. Cari mövsümdə o, bütün turnirlərdə London klubunun heyətində 40 matç keçirib, 10 qol vurub və qol ilə nəticələnmiş 5 ötürmə edib.Xatırladaq ki, Avropa Liqasının final matçı mayın 29-da Bakıda “Çelsi” ilə “Arsenal” arasında keçiriləcək.xeber100.com

“Neftçi”nin 2019-2020-ci illər üçün hazırlıq planı müəyyənləşib

“Neftçi” klubunun 2019-2020-ci illər mövsümünə hazırlıq planı müəyyənləşib.Klubdan Azərtac-a bildiriblər ki, hazırlığın ilk mərhələsi iyunun 10-dan 15-dək Bakıda baş tutacaq. Bu müddət ərzində tibbi baxışdan keçəcək komanda üzvləri fiziki testləri də yerinə yetirəcəklər.Təlim-məşq toplanışının ikinci mərhələsi isə iyunun 15-dən iyulun 1-dək Türkiyədə keçiriləcək. Topuk yaylası bölgəsində yerləşən “Fenerbahçe Topuk Yaylası Resort and Sport” otelində məskunlaşacaq komandamız qardaş ölkədə 3 yoxlama görüşü keçirməyi planlaşdırır. Oyunlar iyunun 20-si, 25-i və 30-da olacaq. Rəqiblər barədə ətraflı məlumat veriləcək.xeber100.com

35-ci Avropa çempionatının ikinci gününün yarışları keçiriləcək

Mayın 17-də Bakıda bədii gimnastika üzrə 35-ci Avropa çempionatının ikinci gününün yarışları keçiriləcək.Azərtac xəbər verir ki, gimnastlar fərdi yarışlarda halqa və topla hərəkətlərdə mübarizə aparacaqlar. Azərbaycanı Zöhrə Ağamirova və Veronika Qudis təmsil edəcək.Qeyd edək ki, çempionatın birinci günündə gənclərdən ibarət qrup hərəkətləri komandaları çoxnövçülükdə - 5 halqa ilə çıxış ediblər. Azərbaycanın gənclərdən ibarət qrup hərəkətləri komandası yarışların finalına yüksəlib. Mədinə Əsədova, Ləman Əlimuradova, Selcan Hacızadə, Milana Əkbərova və Fəridə Səfiyarzadədən ibarət milli komandamız hakimlərdən 21,650 xal alaraq beşinci olub.Dörd gün davam edəcək çempionatın fərdi proqramında böyük gimnastlar, qrup hərəkətləri proqramında isə gənc komandalar çıxış edəcəklər.Çempionatda 35 ölkədən gimnastlar iştirak edirlər.Xatırladaq ki, Bakı 2007-ci, 2009-cu və 2014-cü illərdə də bədii gimnastika üzrə Avropa çempionatına ev sahibliyi edib.xeber100.com

2022-ci il dünya çempionatının ikinci stadionunun açılışı olub

Fransanın frans-press agentliyinin verdiyi məlumata görə, mayın 16-da Qətərdə futbol üzrə 2022-ci il dünya çempionatının ikinci stadionunun açılışı olub.Azərtac xəbər verir ki, “Al-Vakra” adlanan bu stadionun açılışı münasibətilə Qətər əmiri kuboku uğrunda “Al-Duhayl” və “Al-Sadd” komandaları arasında final oyunu keçirilib. Bu görüşdə “Al-Duhayl” 4:1 hesabı ilə qalib gəlib.Layihəsi memar Zaha Hadid tərəfindən hazırlanmış bu stadion 40 min tamaşaçı tutur. Stadionun tikintisi 575 milyon dollara başa gəlib.Dünya birinciliyi başlanana qədər Qətərdə 8 stadion tikiləcək və ya əsaslı şəkildə yenidən qurulacaq. Artıq istifadəyə verilmiş birinci arena Dohada yerləşən və 40 min tamaşaçı tutan “Xəlifə” stadionudur.Xatırladaq ki, Qətərdə futbol üzrə dünya çempionatı 2022-ci il noyabrın 21-dən dekabrın 18-dək Doha, Lusai, Al-Vakra, Al-Hora, Ər-Rayan, Ümm-Salal və Aş-Şamal şəhərlərində keçiriləcək.xeber100.com

“Yuventus”un hücumçusu Fələstinə 1.5 milyon dollarlıq yardım edib

"Yuventus"un hücumçusu Kriştianu Ronaldu xeyirxah addım atıb.Milli.Az xəbər verir ki, portuqaliyalı superulduz Ramazan ayı münasibəti ilə Fələstinə 1.5 milyon dollarlıq yardım edib. Həmin vəsaitin iftar yeməklərinə xərclənəcəyi bildirilir.Qeyd edək ki, bu, Ronaldunun Fələstinlə bağlı ilk xeyirxah addımı deyil. O, 2014-cü ildə də sözügedən ölkəyə 2 milyon dollar bağışlamışdı.xeber100.com

“Ayaks” klubu “De Qrafsxap” komandasına qalib gəlib

Amsterdamın "Ayaks" futbol klubu Hollandiya milli çempionatının 34-cü dəfə qalibi olub.Trend-in məlumatına görə, sonuncu turda "Ayaks" "De Qrafsxap" komandasına 4:1 hesabı ilə qalib gələrək 86 xal toplayıb və birinci yerdə qərarlaşıb."PSV" mövsümü ikinci yerdə başa vurub və "Ayaksdan" üç xal geridə qaldı. Bürünc medalı "Feyenord" futbol klubu qazanıb (65 xal).xeber100.com

PSJ futbol klubu yeni müqavilə imzalaycaq

PSJ qapıçısı Canluici Buffona yeni müqavilə təklif edib.Milli.Az bildirir ki, bu barədə 41 yaşlı qolkiperin özü məlumat verib. O, yaxın günlərdə klub rəhbərliyi ilə görüşəcəyini və təklifi müzakirə edəcəklərini bildirib.Qeyd edək ki, Buffon ötən ildən Paris təmsilçisində oynayır.xeber100.com