Azərbaycan Kubokunun yarımfinal mərhələsində

Bu gün futbol üzrə Azərbaycan Kubokunda finalçılar müəyyənləşəcək.Milli.az xəbər verir ki, yarımfinal mərhələsinin ilk cavab matçı Zirədə olacaq. Burada qəsəbənin eyni adlı təmsilçisi "Sumqayıt"ı qəbul edəcək. İlk oyunda qolsuz heç-heçə qeydə alındığından meydan sahibləri nisbətən üstün durumdadırlar. Bu kollektivlər arasına cari çempionatda baş tutan 4 görüşdən 3-də "qartallar" qələbə qazanıblar. Ölkə Kuboku hər iki komandanın Avropa Liqasına vəsiqə qazanması üçün son şansdır.Digər yarımfinal matçı isə Tofiq Bəhramov adına Respublika stadionunda baş tutacaq. Mərkəzi arenada "Qarabağ" "Qəbələ"ni qəbul edəcək. Meydan sahibləri ilk görüşün 73-cü dəqiqəsində Ceyms Adeniyinin vurduğu tək qolla qalib gəlib. Ancaq cari çempionatda ağdamlılar 4 oyunun hamısında güclü olublar. Üstəlik, rəqiblər indiyədək 3 dəfə 1/4 final, bir dəfə finalda qarşılaşıblar. Bunlardan üçündə "Qarabağ", birində isə "Qəbələ" sevinən tərəf olub.xeber100.com

Beynəlxalq stolüstü tennis turniri keçiriləcək

Ümummilli lideri Heydər Əliyevin xatirəsinə həsr olunmuş yeniyetmələr arasında beynəlxalq stolüstü tennis turniri keçiriləcək.Azərbaycan Stolüstü Tennis Federasiyasından Beynəlxalq stolüstü tennis turniri 2-3 may tarixində Bakı İdman Sarayında keçiriləcək.Turnirdə 6 ölkədən 2004-2007; 2008-ci il təvəllüdlü və daha azyaşlı 70-dən çox idmançı iştirak edəcək.Yarışları 2 və 3 may tarixində saat 10:00-dan 12:00-a kimi və 15:00-19:00-da Bakı İdman Sarayında izləyə bilərsiniz.Turnirin təntənəli açılış mərasimi 2 may saat 17:-00da keçiriləcək.xeber100.com

UEFA Çempionlar Liqasının qalibi müəyyənləşib

Futzal üzrə UEFA Çempionlar Liqasının qalibi müəyyənləşib.Azərtac xəbər verir ki, “Sportinq” komandası ilk dəfə bu turnirin qalibi olub.Qeyd edək ki, yarış 2002-ci ildən keçirilir. İlk turnirin finalında 8 komanda yarışıb və kuboku “Kastellon” əldə edib. Sonrakı 4 mövsümdə çempionun adı bir yox, iki matçın yekununda müəyyənləşib. 2007-ci ildən etibarən “Dördlər finalı” keçirilib. Ötən yayadək UEFA futzal kuboku adlandırılan yarışın ən çox qalibi İspaniyanın “İnter” komandası olub. Onlar 5 dəfə titula sahib çıxıblar.xeber100.com

“Mançester Yunayted” klubu “Atletiko Madrid”ə 120 milyon avro ödəyəcək

İngiltərənin “Mançester Yunayted” futbol klubu sloveniyalı qapıçı Yan Oblakın transferi üçün “Atletiko Madrid” komandasına 120 milyon avro ödəməyə hazırdır.İspaniya KİV-ləri xəbər verir ki, 26 yaşlı qapıçının Madrid klubu ilə müqaviləsi 2023-cü ilin yayınadəkdir. Mançester təmsilçisi hazırda qapıçısı De Xeanın çıxışından narazı olduğu üçün onunla yeni müqavilə imzalamaq istəmir.Qeyd edək ki, De Xea cari mövsümdə “Mançester Yunayted”in heyətində keçirdiyi 45 oyunda 60 qol buraxıb. Yan Oblak isə “Atletiko Madrid” klubunda iştirak etdiyi 44 oyunda qapısında 34 qol görüb.xeber100.com

“Gazzetta dello Sport” qəzeti yazır…

“Ferrari” komandası Bakıda uğursuz çıxışından sonra İtaliya mətbuatının tənqid hədəfinə çevrilib. Mövsümün dördüncü mərhələsi “Mercedes” komandasının dördüncü qələbə dublu ilə başa çatdı. Skuderiyanın ən yaxşı nəticəsi isə Sebastian Fettelin üçüncü yer tutması olub.Azərtac xəbər verir ki, “Gazzetta dello Sport” qəzeti öz səhifələrində “Sebastian Fettel parlaq çıxış edə bilmədi. Onun podiumunu zəif təsəlli hesab etmək olar” yazır.“La Repubblica” qəzeti dördqat dünya çempionunun çıxışını belə təsvir edib: “Fettel sabit xallar toplamaq üzrə çempion olur. O, daha riskə getmir, ola bilər ki, belə fikirləşir: “Risk edib oyundan çıxmaq əvəzinə daha yaxşı olar ki, mən bir neçə xal toplayım”. Formula 1 İspaniyaya qayıdır, burada mövsümün Avropa hissəsi başlayır. Lakin əsas məsələ bu deyil: Titul uğrunda mübarizə artıq indidən sona çatmayıbmı?”“Tuttosport” nəşri Şarl Leklerin yürüşlərdə çıxışını yüksək dəyərləndirib: “Lekler özünün pip-stopuna qədər təkərlərin imkanından maksimal dərəcədə istifadə edərək, çox güclü mübarizə aparırdı”.Yürüşün yekunlarından “Corriere della Sera” qəzeti isə belə yazıb: “Ferrari” o qədər də çox uduzmayıb. Lekler mübarizə aparır, lakin Sebastian Fettel tərəfindən yerinə yetirilən bir neçə sürətli dövrə komanda üçün kifayət deyil. “Mercedes” komandasının rekord qələbə dublları “Ferrari”nin pilotu kimi fikirləşən və hərəkət edən hər kəs üçün dözülməz olmalıdır”.

Futzal üzrə dörddəbir final mərhələsinin oyunları keçiriləcək

Aprelin 30-da futzal üzrə Azərbaycan kuboku yarışlarının dörddəbir final mərhələsinin oyunları keçiriləcək.Azərtac xəbər verir ki, ilk oyunun start fiti 15:30-da səslənəcək. “CBC Sport” kanalında canlı yayımlanacaq matça marağı artıran məqamlardan biri cari mövsümdə xal itirməyən “Obolon”un Yüksək Liqa təmsilçisi “Neftçi” ilə dueldə göstərəcəyi performansdır.Mərhələnin ən maraqlı oyunu isə əzəli rəqiblərin dueli olacaq. Söhbət “Araz” – EKOL qarşılaşmasından gedir. Digər oyunda “Təbriz” komandasının iddialı rəqib – “Xəzər Cənub” qarşısında duruş gətirib-gətirə bilməyəcəyini isə matç göstərəcək. Aşkar favoritsiz oyunlardan biri də “Baku Fire”–“Advokat” görüşüdür.xeber100.com

İngiltərə Premyer Liqasının mərkəzi qarşılaşması keçirilib

Aprelin 28-də futbol üzrə İngiltərə Premyer Liqasının 36-cı turunun mərkəzi qarşılaşması keçirilib.Azərtac xəbər verir ki, “Old Trafford” stadionunda baş tutan görüşdə “Mançester Yunayted” doğma azarkeşlər önündə “Çelsi” komandasını qəbul edib. Görüş 1:1 hesablı heç-heçə ilə başa çatıb.Oyunda hesabı meydan sahibləri erkən qolla açıb. Matçın 11-ci dəqiqəsində Xuan Mata adını tabloya yazdırıb. Birinci hissənin başa çatmasına iki dəqiqə qalmış Markos Alonso hesabı bərabərləşdirib.Fasilədən sonra hər iki komandanın cəhdlərinə baxmayaraq hesab dəyişilməyib.Bu heç-heçədən sonra xallarının sayını 68-ə çatdıran “Çelsi” dördüncü yerdə, “Mançester Yunayted” isə 65 xalla 6-cı yerdə qərarlaşıb.xeber100.com

Türkiyə Superliqasının XXX turu çərçivəsində

Aprelin 28-də futbol üzrə Türkiyə Superliqasının XXX turu çərçivəsində keçirilən görüşdə İstanbulun “Beşiktaş” klubu doğma meydanda “Ankaragücü” komandasını qəbul edib.Azərtac xəbər verir ki, “Vodafon Park” arenada keçirilən oyun qarşılıqlı hücumlarla yada qalıb. Görüşdə hesabı 8-ci dəqiqədə meydan sahiblərinin hücumçusu Burak Yılmaz açıb. Birinci hissə elə bu hesabla başa çatıb: 1:0.İkinci hissənin 54-cü dəqiqəsində meydan sahibləri qonaqları yenidən mərkəzə dəvət edib. Damaqoy Vida komandasının ikinci qolunu vurub. Burak Yılmaz 63-cü dəqiqədə 11 metrlik cərimə zərbəsini dəqiq yerinə yetirərək hesab 3:0 edib. Qonaqların hücumçusu Hadi Saçko 79-cu dəqiqədə 11 metrlik cərimə zərbəsindən vurduğu qolla hesab arasındakı fərqi azaldıb. Lakin meydan sahibləri 81-ci dəqiqədə Adəm Lyayiçin vurduğu qolla yenidən hesab arasındakı fərqi artırıblar. Görüş 4:1 hesabı ilə İstanbul klubunun xeyrinə başa çatıb.Beləliklə, “Beşiktaş” bu oyundan sonra 59 xalla 3-cü pillədə qərarlaşıb. “Ankaragücü” isə 36 xalla 13-cü olub.Turun digər oyununda “Kayserispor” və “Alanyaspor” qarşılaşmasında isə tərəflər hər biri bir qol vuraraq heç-heçə ediblər. “Bursaspor” və “Akhisar Bələdiyyəspor” görüşündə qapılara qol vurulmayıb.xeber100.com

İspaniya La Liqasında 35-ci turun növbəti oyunu keçirilib

Aprelin 28-də İspaniya La Liqasında futbol üzrə 35-ci turun növbəti oyunu keçirilib.Azərtac xəbər verir ki, “Real Madrid” səfərdə “Rayo Vallekano” klubunun qonağı olub. Görüş meydan sahiblərinin qələbəsi ilə başa çatıb - 1:0. Oyunda yeganə qolu 23-cü dəqiqədə Adrian Embarba vurub.Qeyd edək ki, “Real Madrid” klubu 65 xalla üçüncü, “Rayo Vallekano” isə 31 xalla 19-cu yerdədir.xeber100.com

“GRENKE Chess Classic 2019” superturnirinin sonuncu turunda

Aprelin 29-da Almaniyada “GRENKE Chess Classic 2019” superturnirinin sonuncu turunun oyunları keçirilir.Azərtac xəbər verir ki, Azərbaycan şahmatçısı Arkadi Naydiç doqquzuncu turda almaniyalı Qeorq Mayer ilə qarşılaşacaq. Şahmatçımız ötən turu ispaniyalı Fransisko Valexo ilə heç-heçə başa vurub. Səkkiz turun nəticəsinə görə A. Naydiçin aktivində 4 xal var.Ötən turun digər oyunlarında Maksim Vaşe-Laqrav almaniyalı Vinsent Keymerə, norveçli dünya çempionu Maqnus Karlsen rusiyalı Pyotr Svidlerə, amerikalı Fabiano Karuana Qeorq Mayerə qalib gəliblər. Hindistanlı keçmiş dünya çempionu Vişvanatan Anand ermənistanlı Levon Aronyan ilə heç-heçə edib.Hazırda M.Karlsen 6,5 xalla turnir cədvəlinin vahid lideridir. F.Karuana 5,5 xalla ikinci pillədədir. M.Vaşe-Laqrav 5 xal, V.Anand, L.Aronyan, P.Svidler 4 xal, F.Valexo, V.Keymer və Q.Mayer 2 xal toplayıblar.xeber100.com