“Sumqayıt” futbol klubunun yoxlama oyunu ləğv olunub

Türkiyənin Antalya şəhərində təlim-məşq toplanışında olan "Sumqayıt"ın bu gün Bosniya v Herseqovina "Çelik"i nəzərdə tutulan yoxlama oyunu ləğv olunub.Milli.az xəbər verir ki, buna rəqib komandanın son anda meydana çıxmaqdan imtina etməsi səbəb olub.Qeyd edək ki, "Sumqayıt" ilk sınaq matçında Qazaxıstan təmsilçisi "Jetısu" ilə heç-heçə edib - 1:1. "Kimyaçılar" yanvarın 22-də Makedoniyanın "Vardar", 26-da isə Serbiyanın "Zemun" klubları ilə qarşılaşacaq.xeber100.com

Asiya Kubokunda 3-cü turun oyunları keçirilib

Birləşmiş Ərəb Əmirliklərində təşkil olunan Asiya Kubokunda 3-cü tur oyunları keçirilib. Trend-in məlumatına görə, tur çərçivəsində 12 görüş keçirilib.Qeydə alınan nəticələri diqqətinizə təqdim edirik: Fələstin – İordaniya 0:0 Avstraliya – Suriya 3:2 BƏƏ – Tayland 1:1 Hindistan – Bəhreyn 0:1 Vyetnam – Yəmən 2:0 İran – İraq 0:0 Qırğızıstan – Filippin 3:1 Cənubi Koreya – Çin 2:0 Oman – Türkmənistan 3:1 Yaponiya – Özbəkistan 2:1 Səudiyyə Ərəbistanı – Qətər 0:2 Livan – KXDR 4:1 Beləliklə, 1/8 final mərhələsində oynayacaq cütlüklər məlum olub. 20 yanvar Tayland – Çin İran – Oman İordaniya – Vyetnam 21 yanvar Yaponiya – Səudiyyə Ərəbistanı BƏƏ – Qırğızıstan Avstraliya – Özbəkistan 22 yanvar Cənubi Koreya – Bəhreyn Qətər – İraq.xeber100.com

“Səbail” klubu bu gün ikinci yoxlama oyununa çıxıb

Türkiyənin Antalya bölgəsində təlim-məşq toplanışında olan "Səbail" klubu bu gün ikinci yoxlama oyununa çıxıb.Milli.az bildirir ki, Aftandil Hacıyevin baş məşqçi olduğu kollektiv İsveçrə "Sürix"i ilə qarşılaşıb."Miracle Resort" İdman Kompleksinin stadionunda təşkil olunmuş oyun 1:1 hesablı heç-heçə ilə yekunlaşıb.Hesabı 37-ci dəqiqədə Ağabala Ramazanov açsa da, 79-cu dəqiqədə Marko Şönbaxler bərabərlik qolunu vurub. Bununla da "Səbail" qələbə hesabını qoruya bilməyib.xeber100.com

Şahmat üzrə üçüncü turun oyunları keçirilir

Yanvarın 18-də kişilər arasında şahmat üzrə Azərbaycan çempionatının üçüncü turunun oyunları keçirilir.Azərtac xəbər verir ki, İsveçrə sistemi üzrə keçirilən və 9 turdan ibarət çempionatın ilk iki turunda Fərid Zeynalov və İsmayıl Şahəliyev ardıcıl qələbə qazanıblar.Ölkə çempionatında beynəlxalq qrossmeysterlər, idman ustaları, dünya və Avropa çempionatlarının mükafatçıları, 16, 18 və 20 yaşlılar arasında ölkə çempionları, ötənilki Azərbaycan birinciliyinin üç mükafatçısı, 2018-ci ildə birinci dəstənin iki qalibi və bu il yanvarın 1-nə əmsalı 2300-dən yuxarı olan şahmatçılar mübarizə aparırlar.Bakıda Azərbaycan Şahmat Federasiyasının binasında keçirilən çempionata yanvarın 24-də yekun vurulacaq.xeber100.com

U-19 millisi Antalyada dörd yoxlama oyunu keçirəcək

Xəbər verdiyimiz kimi, Avropa çempionatının elit-raund mərhələsinə hazırlıq məqsədilə 19 yaşadək futbolçulardan ibarət Azərbaycan yığma komandası yanvarın 19-dan 31-dək Antalyada təlim-məşq toplanışında olacaq.Azərtac AFFA-ya istinadla xəbər verir ki, hazırlıq zamanı 4 yoxlama oyunu keçirəcək yığmamız yanvarın 21-də, 24-də, 27-də və 30-da müvafiq olaraq “Krasnodar-3” (Rusiya), Küveyt U-19, “Tromso” (Norveç) və “Dinamo-2” (Rusiya) komandaları ilə qarşılaşacaq.xeber100.com

“Tottenhem” klubu “Barselona”nın hücumçusunu heyətinə qatmaq istəyir

İngiltərənin “Tottenhem” futbol klubu İspaniyanın “Barselona” komandasının hücumçusunu heyətinə qatmaq istəyir.Azərtac xəbər verir ki, londonlular braziliyalı Malkoma görə danışıqlara başlayıblar.“Tottenhem” Malkomu cari mövsümün sonunadək icarə əsasında, daha sonra isə birdəfəlik şərtlərlə transfer etməyə dair müqavilə imzalamaq niyyətindədir.xeber100.com

MotoGP dünya çempionatının debüt mərhələsi keçiriləcək

2020-ci ildə Finlandiyanın paytaxtı Helsinkidən 110 kilometrlik məsafədəki avtodromda MotoGP dünya çempionatının debüt mərhələsi keçiriləcək.Azərtac xəbər verir ki, hazırda tikintisi davam edən avtodrom daha yüksək səviyyəli yarışların keçirilməsi üçün bütün tələblərə cavab verəcək. Bunu nəzərə alan Finlandiya Avtomobil İdmanı Federasiyası bu ölkədə Formula 1 dünya çempionatı mərhələsinin keçirilməsi imkanlarını araşdırır.“GPblog” saytına müsahibə verən federasiya rəhbəri Tatu Lexmuskallio bildirib ki, avtomobil idmanı sahəsində Finlandiyanın geniş təcrübəsi var. Son illər fin yürüşçülər Formula 1 və WRC yarışlarında digər ölkələrin təmsilçilərindən daha çox titul qazanıblar. Ölkədə uğurlu və maraqlı idman yarışlarının təşkili sahəsində də yaxşı ənənə mövcuddur.Finlandiyanın 150 min tamaşaçı yerlik “KymiRing” avtodromu 2019-cu ilin avqustunda avtomobil idmanı ilə məşğul olanların sərəncamına veriləcək.xeber100.com

Çelsi” klubu müdafiəçisini icarəyə verib

Çelsi" müdafiəçisi Abdul Rəhman Babanı icarəyə verib.Milli.az xəbər verir ki, 24 yaşlı sol cinah müdafiəçisi karyerasını Türkiyədə davam etdirəcək. Qana millisinin üzvü Super Liqa təmsilçisi "Göztəpə" ilə anlaşıb. Baba İzmir klubunda mövsümün sonuna qədər çıxış edəcək.Qeyd edək ki, "Çelsi" qanalı futbolçunu 2015-ci ildə "Auqsburq"dan 20 milyon avroya transfer etmişdi. O, iki il "Şalke"də icarə əsasında çıxış edib.xeber100.com

“Barselona” klubu “Barca Tekstil” şirkətini məhkəməyə verib

İspaniyanın "Barselona" klubu Türkiyənin İstanbul şəhərinin Şişli rayonunda yerləşən "Barca Tekstil" şirkətini məhkəməyə verib.Milli.az xəbər verir ki, Kataloniya təmsilçisi şirkəti "Barca" brendindən qanunsuz istifadədə ittiham edərək, adının dəyişdirlməsini istəyib. "Barselona"nın İstanbul Fikri ve Sınai Haklar Məhkəməsinə təqdim etdiyi şikayət ərizəsində klubun "Barça" adı ilə tanındığı və dünyanın köklü klublarından olduğu ifadə edilib, 100-dək ölkədə qeydiyyatdan keçmiş markasının mövcudluğu vurğulanıb."Barca Tekstil"in sahibi Ali Öziçer isə deyib ki, şirkət 1997-ci ildə qurulub və "Barca" italyanca "yaxta" deməkdir: "Firmamızın adı ilə Almaniya və İtaliya daxil olmaqla, bir çox Avropa ölkəsinə geyim satırıq. Bu adla bir çox ölkədə qeydiyyatdan keçmiş şirkətik. Bunun üçün İspaniyaya da müraciət etdik, amma rədd cavabı aldıq. "Barselona" klubu da Türkiyədə "Barça" adında bir restoran açmaq istəyir. Bunun üçün müvafiq quruma iki dəfə müraciət ünvanlayıblar. Biz buna etiraz edincə, şirkətimizi məhkəməyə veriblər".Qeyd edək ki, "Barselona" 1899-cu ildə təsis olunub.xeber100.com

İspaniya Kubokunun 1/8 final mərhələsində

İspaniya Kubokunda 1/8 final mərhələsinin oyunları keçirilir.Milli.Az xəbər verir ki, "Real Madrid" səfərdə "Leqanes"in qonağı olub. Matç meydan sahiblərinin minimal hesablı qələbəsiylə başa çatıb.İlk görüşdə 3:0 hesablı qələbə qazandığı üçün "kral klubu" 1/4 finala yüksəlib."Leqanes" - "Real Madrid" 1:0 (İlk oyun 0:3)/Qol: Martin Breysveyt, 30.xeber100.com