FIFA “The Best” mükafatının qaliblərini açıqlayacaq

Bu gün FIFA Londonda “The Best” mükafatının qaliblərini açıqlayacaq.Azərtac xəbər verir ki, Bakı vaxtı ilə saat 22:30-da başlayacaq tədbirdə 2018-ci ilin ən yaxşı futbolçusu və baş məşqçisi elan olunacaq. Mərasimə FIFA-ya üzv olan 211 milli assosiasiyanın baş məşqçiləri, eləcə də 6 konfederasiyanın üzvləri dəvət alıb.Azərbaycan millisinin və “Qarabağ”ın baş məşqçisi Qurban Qurbanov FIFA-nın 2018-ci il dünya çempionatının yekunlarına həsr edilən konfransına və “The Best” adlı mükafatlandırma mərasiminə qatılmaqdan imtina edib. 46 yaşlı mütəxəssis səbəb kimi sentyabrın 23-də “Qəbələ” ilə Azərbaycan Premyer Liqasında vacib oyunlarının olmasını göstərib. Tədbirdə AFFA-nın baş katibi Elxan Məmmədov və texniki direktoru Bernhard Lippert iştirak edəcəklər.FIFA-nın fərqli nominasiyalar üzrə təsis etdiyi “The Best” mükafatında 2018-ci ilin ən yaxşı futbolçusu adına xorvatiyalı Luka Modriç (“Real Madrid”), misirli Məhəmməd Salah (“Liverpul”) və portuqaliyalı Kriştianu Ronaldu (“Real Madrid” - “Yuventus”) namizəddir. Ən yaxşı baş məşqçi isə Didye Deşam (Fransa millisi), Zinəddin Zidan (“Real Madrid”in sabiq baş məşqçisi) və ya Zlatko Daliçdən (Xorvatiya millisi) biri seçiləcək.Tədbirdə ən yaxşı qadın baş məşqçi, ən yaxşı qapıçı, ən yaxşı qol və ən yaxşı azarkeş aksiyası nominasiyaları üzrə qaliblər də elan olunacaq. Bundan başqa, FIFA-nın “Fair Play” mükafatı təqdim ediləcək. Həmçinin FIFA “FIFPro World 11” versiyasına əsasən ilin simvolik komandası açıqlanacaq.Qeyd edək ki, ilin ən yaxşı futbolçusu milli komandaların baş məşqçi və kapitanları, eləcə də jurnalistlərlə azarkeşlər arasında aparılan səsvermə ilə müəyyənləşdirilir. Ötən il bu mükafata Portuqaliya millisinin və İtaliyanın “Yuventus” klubunun futbolçusu Kriştianu Ronaldu layiq görülüb. Bu dəfə son 12 ildə ilk dəfə olaraq Argentina millisinin və İspaniyanın “Barselona” komandasının hücumçusu Lionel Messi ən yaxşı futbolçu nominasiyası üçün yekun siyahıda yer almayıb.xeber100.com

Cüdo üzrə dünya çempionatının yarımfinalçıları müəyyənləşib

Bakıdakı Milli Gimnastika Arenasında keçirilən cüdo üzrə dünya çempionatının beşinci gününün yarımfinalçıları müəyyənləşib.Azərtac xəbər verir ki, 125 ölkədən 800-dək cüdoçunun mübarizə apardığı çempionatda kişilər arasında 90 kiloqram çəki dərəcəsində finala gedən yolda kubalı İvan Felipe Silva Morales Fransa təmsilçisi Aksel Klerqet ilə, Macarıstan cüdoçusu Kristian Tot isə İspaniya idmançısı Nikoloz Şerazadişvili ilə üz-üzə gələcək.Qadınlar arasında 70 kiloqram çəkidə yarımfinal mərhələsində Puerto-Riko təmsilçisi Maria Perez yaponiyalı Çizuru Arai ilə, Fransa cüdoçusu Maria Yeva Qahie isə mərakeşli Assmaa Nianq ilə qarşılaşacaq.xeber100.com

“Enjoy with football” layihəsi reallaşacaq

Sentyabrın 24-dən 30-dək “Grassroots” həftəsi çərçivəsində “Enjoy with football” layihəsi reallaşacaq.Azərtac xəbər verir ki, layihə çərçivəsində sentyabrın 25-də Sumqayıt şəhərindəki Mehdi Hüseynzadə adına stadionda, sentyabrın 27-də Dənizkənarı Milli Parkda, sentyabrın 29-da isə Heydər Əliyev Mərkəzinin (Bakı şəhəri) ərazisində AFFA tərəfindən 6-13 yaşlı uşaqların iştirakı ilə Kütləvi Futbol Həftəsi (Grassroots Week) festivalı keçiriləcək.Qeyd edək ki, bu layihənin həyata keçirilməsində məqsəd futbolun kütləviliyini artırmaq, uşaqların və yeniyetmələrin asudə vaxtlarının səmərəli təşkili, onlarda futbola və digər idman növlərinə maraq yaratmaq, sağlam həyat tərzini təbliğ etməkdir.xeber100.com

“Napoli”nin kapitanı qış transfer dövründə komandadan ayrılacaq

"Napoli"nin kapitanı Marek Hamşik qış transfer dövründə komandadan ayrılacaq.Milli.az xəbər verir ki, slovakiyalı futbolçu yanvar ayında Neapol klubundan ayrılacaq. Baş məşqçi Karlo Ançelottinin heyətdə düşünmədiyi Hamşik, bu mövsüm İtaliya çempionatında keçirdiyi 5 oyundan yalnız birində 90 dəqiqə meydanda olub. 11 ildir "Napoli"nin şərəfini qoruyan yarımmüdafiəçinin Çin klublarının hədəfində olduğu iddia edilir.xeber100.com

Topaz Premyer Liqasının son oyunları keçiriləcək

Bu gün Topaz Premyer Liqasının V turunun son oyunları keçiriləcək.Milli.az xəbər verir ki, ilk oyunda "Keşlə" doğma meydanda "Sumqayıt" komandasını qəbul edəcək. Qarşılaşma Bakı vaxtı ilə saat 18:30-da başlayacaq.Turun mərkəzi görüşü "Azərsun Arena"da baş tutacaq. Son çempion "Qarabağ" "Qəbələ" ilə üz-üzə gələcək. Əliyar Ağayevin idarə edəcəyi matç saat 20:30-da start götürəcək.xeber100.com

“Beşiktaş” klubu “Chelsea”dən transfer etməkdə israrlıdır

"Beşiktaş" "Chelsea"nin hücumçusu Olivye Jirunu transfer etməkdə israrlıdır.Milli.az xəbər verir ki, İstanbul klubunun baş məşqçisi Şenol Günəş hücum xəttindəki çatışmazlığı məhz fransalı forvardla aradan qaldırmaq istəyir. Təcrübəli çalışdırıcı rəhbərliyə müraciət edərək 31 yaşlı futbolçunun qış fasiləsində alınmasını xahiş edib. "Qara qartallar" yaxın günlərdə London klubuna rəsmi təklif göndərəcəklər.Qeyd edək ki, bu ilin yanvarında "Arsenal"dan "Chelsea"yə keçən Jirunun "zadəganlar"la mövsümün sonuna kimi müqaviləsi var.xeber100.com

“Qarabağ” futbol klubunda yeni təyinat gerçəkləşib

"Qarabağ"da yeni təyinat gerçəkləşib.Milli.az bildirir ki, Adil Şükürov Ağdam klubunun aşağı yaş qrupları üzrə koordinatoru vəzifəsinə təyin olunub.Şükürov bundan əvvəl "Zirə"də eyni vəzifədə çalışırdı. O, əvvəllər "Zirə"nin baş məşqçisi də olub.41 yaşlı mütəxəssis vaxtilə Azərbaycanın U-15 və U-17 yığmalarında da çalışıb.xeber100.com

FIFA milli komandaların növbəti reytinq cədvəlini dərc edib

Sentyabrın 20-də FIFA milli komandaların növbəti reytinq cədvəlini dərc edib. Azərbaycan komandası siyahıda 3 pillə geriləyərək 1202 xalla 108-ci olub.Azərtac xəbər verir ki, dünyanın 210 yığmasının yer aldığı siyahıda ilk 15 yerə aktivlərində 1729 xal olan Belçika və son dünya çempionu Fransa yığmaları başçılıq edirlər. Braziliya 1663 xalla ikinci, Xorvatiya millisi isə 1634 xalla dördüncü yerdədir. Reytinq cədvəlində digər pillələrdə müvafiq olaraq Uruqvay (1632), İngiltərə (1612), Portuqaliya (1606), İsveçrə (1598), İspaniya (1597), Danimarka (1581), Argentina (1575), Çili (1568), Almaniya (1568), Kolumbiya (1567) və İsveç (1550) komandaları qərarlaşıb.xeber100.com

UEFA Avropa Liqasının birinci turuna yekun vurulub

Sentyabrın 20-də UEFA Avropa Liqasının birinci turuna yekun vurulub.Azərtac xəbər verir ki, İtaliyanın “Milan” klubu səfərdə Lüksemburqun “Dudelang” komandasının qonağı olub. Birinci hissədə hesab açılmasa da milanlılar qarşılaşmanın 59-cu dəqiqəsində Qonsalo Hiquayinin qolu ilə səfərdə minimal hesabla qələbə qazanıb.İngiltərənin “Çelsi” komandası da səfərdə Yunanıstanın PAOK klubunu 1:0 hesabı ilə məğlub edib. Oyunda yeganə qolu matçın 7-ci dəqiqəsində braziliyalı Vilyam vurub.Turun digər oyunlarında aşağıdakı nəticələr qeydə alınıb: AEK - "Cürix" - 0:1 "Ludaqorec" - "Bayer Leverkuzen" -2:3 "Seltik" - "Rosenborg" -1:0 "Leypsiq" - "Zalsburq" - 2:3 "Kopenhagen" - "Zenit" - 1:1 "Slaviya Praqa" - "Bordo" - 1:0 "Dinamo Zaqreb" - "Fənərbaxça" - 4:1 "Spartak Trnava" - "Anderlext" - 1:0 "Arsenal" - "Vorskla" - 4:2 "Olimpiakos" - "Real Betis" - 0:0 "Rapid" - "Spartak Moskva" - 2:0 "Vilyareal" - "Qlazqo Reyncers" - 2:2 "Lazio" - "Apallon Limassol" - 2:0 "Marsel" - "Ayntraxt" - 1:2 "Beşiktaş" - "Sarpsborg" - 3:1 "Genk" - "Malmö" - 2:0 "Akhisarspor" - "Krasnodar" - 0:1 "Sevilya" - "Standart" - 5:1 "Dinamo Kiyev" - "Astana" - 2:2 "Renn" - "Yabloneç" - 2:1 "Vidi" - BATE - 0:2.xeber100.com

Dünya Həndbol Federasiyasının məlumatı

Ölkənizdə yaxşı oyunçuları görməkdən çox şadam. Bu həndbolçuların Avropa və dünya səviyyəli yarışlarda iştirak etmək potensialları var.Bunu Azərtac-a məxsusi müsahibəsində Dünya Həndbol Federasiyasının prezidenti Həsən Mustafa deyib.Həsən Mustafa qeyd edib ki, onlara çox yaxşı məşqlərlə yanaşı, məşqçilər və güclü komandalarla oyun təcrübəsi lazımdır. Buna görə də yaxın ölkələrlə əlaqələr qurulmalıdır: “Biz Azərbaycan Həndbol Federasiyası ilə görüşlər keçirdik. İstəyimiz Azərbaycan həndboluna dəstək verməkdir. Çünki Azərbaycan o ölkələrdəndir ki, çoxsaylı idman yarışları və tədbirlər keçirir. Ölkə başçısının idmana yüksək diqqət və qayğısından da xəbərimiz var”.“Yerli federasiya ilə birlikdə Azərbaycan həndbolunu inkişaf etdirə bilərik. Mən buradakı oyunçuların, məşqçilərin, hakimlərin səviyyəsini görməkdən çox şadam. Axırıncı il demək olar ki, həndbolun böyük inkişafı və təbliği ili olmuşdur. Bu, o deməkdir ki, federasiya bu idmanı Azərbaycanda inkişaf və təbliğ etmək üçün böyük işlər görür. Mən buna görə, federasiya üzvlərinə təşəkkür etmək istəyirəm. Həndbolun məktəblərdə keçirilməsi çox vacibdir. Dünya Həndbol Federasiyasında bu məsələ ilə bağlı mühüm layihə var. Biz beynəlxalq federasiya olaraq sizə kömək göstərməyə hazırıq”, - deyə Dünya Həndbol Federasiyasının prezidenti bildirib.Qeyd edək ki, Azərbaycan Həndbol Federasiyasının qonağı olan Dünya Həndbol Federasiyasının prezidenti Həsən Mustafa sentyabrın 20-də Bakıda “Azərsu” və “Azəryol” arasındakı dostluq oyununu izləyib.xeber100.com