“Çelsi” klubunun müdafiəçisi məşqçilik karyerasına başlayıb

İngiltərə millisi və "Çelsi"nin sabiq müdafiəçisi Con Terri məşqçilik karyerasına başlayıb.Milli.az xəbər verir ki, Terrinin məşqçi kimi ilk iş yeri "Çelsi"olacaq. O, "zadəganlar"ın 23 yaşdan aşağı futbolçulardan ibarət komandasına rəhbərlik edəcək. Terri bu postda Codi Morissanı əvəz edib. Morissa Frenk Lempardın baş məşqçisi olduğu Derby County-yə gedib.Terrinin illik məvacibi 800 min funt olacaq. Con Terri sentyabr ayında Moskva Spartak-ına keçməyə yaxın idi. Ancaq futbolçu ailəsi ilə məsləhətləşdikdən sonar Rusiyaya getməkdən imtina edib. Terri 1998-2017-ci illərdə "Çelsi"nin şərəfini qoruyub. Ö, ötən mövsümü Aston Villa-da keçirib.xeber100.com

“Arsenal” futbol klubu V pilləyə yüksəlib

İngiltərənin "Arsenal" komandası Bakıya qələbə ilə gələcək.Milli.az bildirir ki, Avropa Liqasının II turunun "Qarabağ"la səfər görüşü öncəsi London təmsilçisi Premyer Liqada "Uotford"la qarşılaşıb və 2:0 hesabı ilə qalib gəlib.Qollar son dəqiqələrdə vurulub. 81-ci dəqiqədə qonaqlar öz qapısına yol tapıb. Bundan iki dəqiqə sonra Məsut Özil fərqi ikiyə çatdırıb.Bununla da "Arsenal" ardıcıl yeddinci qələbəsini qazanıb. Komanda sonuncu dəfə avqustun 18-də keçirilmiş Premyer Liqanın II turunda əzəli rəqibi "Çelsi"yə uduzub (2:3).Bu nəticə ilə Unai Emerinin yetirmələri turnir cədvəlində də irəliləyib. Xalını 15-ə yüksəldən "Arsenal" məhz "Uotford"u qabaqlayaraq V pilləyə yüksəlib.Qeyd edək ki, oktyabrın 4-də Bakı Olimpiya Stadionunda keçiriləcək "Qarabağ" - "Arsenal" görüşü saat 20:55-də başlayacaq.xeber100.com

UEFA Millətlər Liqasının IV turunda

Azərbaycan millisinin UEFA Millətlər Liqasının IV turunda Malta yığması ilə ev oyunu üçün biletləri satışa çıxarılıb.Milli.az xəbər verir ki, azarkeşlər oktyabrın 14-də Bakı Olimpiya Stadionunda keçiriləcək matçın biletlərini bu gündən əldə edə bilərlər.Üç kateqoriya üzrə biletlərin qiyməti 2 - 5 manat, VİP yerlər üçün isə 10 manat təşkil edir.Qeyd edək ki, milli komanda oktyabrın 11-də III tur çərçivəsində Farer adalarının qonağı olacaq. D Liqasında III qrupda yer alan Qurban Qurbanovun rəhbərlik etdiyi kollektiv hazırda 2 xalla 3-cü pillədə qərarlaşıb.xeber100.com

Ümumdünya Şahmat Olimpiadasında 5-ci turun oyunları keçirilir

Gürcüstanın Batumi şəhərində təşkil olunan 43-cü Ümumdünya Şahmat Olimpiadasında bu gün 5-ci turun oyunları keçirilir. Kişi şahmatçılardan ibarət yığmamız Ermənistan komandası ilə, qadın təmsilçilərimiz isə Yunanıstan yığması ilə qələbə uğrunda mübarizə aparacaqlar.Azərbaycan-Ermənistan matçında Levon Aronyan-Şəhriyar Məmmədyarov, Qabriel Sarkisyan-Teymur Rəcəbov, Qrant Melkumyan-Arkadi Naydiç və Hayk Martirosyan-Rauf Məmmədov qarşılaşmaları gözlənilir. Azərbaycan-Yunanıstan qarşılaşmasında isə Anna-Mariya Botsari-Zeynəb Məmmədyarova, Stavroula Solakidu-Xanım Balacayeva, Anastasiya Avromidu-Gülnar Məmmədova və Xaritomeni Markantonaki-Ülviyyə Fətəliyeva yarışacaqlar.Azərtac xəbər verir ki, Batumi Olimpiadasının dördüncü turunda Azərbaycan yığması qələbə qazanıb. Kişi şahmatçılarımız 3,5:0,5 hesabla İngiltərə yığmasına qalib gəlib, qadın təmsilçilərimiz isə 1,5:2,5 hesabla ABŞ komandasına məğlub olublar. Komandaya qələbəni Şəhriyar Məmmədyarov, Teymur Rəcəbov və Rauf Məmmədov qazandırıb, Arkadi Naydiç üçüncü şahmat taxtası arxasında heç-heçə oynayıb. ABŞ-la qarşılaşmada isə Xanım Balacayeva qələbə qazanıb, Gülnar Məmmədova “sülh” bağlayıb, Günay Məmmədzadə və Zeynəb Məmmədyarova məğlub olublar.Dörd turdan sonra 3 komandanın – Azərbaycan, Polşa və Çinin hərəsinin aktivində 8 xal var.xeber100.com

Aerobika gimnastikası üzrə Azərbaycan çempionatı keçiriləcək

Oktyabrın 6-7-də Milli Gimnastika Arenasında aerobika gimnastikası üzrə 4-cü Azərbaycan çempionatı və Bakı birinciliyi keçiriləcək.Azərtac xəbər verir ki, idmanın bu növünün ölkəmizdə qısa inkişaf yolu keçməsinə baxmayaraq, artıq ikinci dəfədir ki, çempionat açıq elan olunub və Beynəlxalq Gimnastika Federasiyası tərəfindən beynəlxalq yarış kimi təsdiqlənib. Bu da o deməkdir ki, medallar uğrunda gedən mübarizədə yerli gimnastlarımız meydançanı xarici gimnastlarla da bölüşəcəklər. Ötən il olduğu kimi bu il də Bolqarıstan və Rusiyadan, həmçinin ilk dəfə olaraq, Ukrayna və Qazaxıstandan gimnastların qatılacağı turnir artıq rəqabətin yüksək olacağını vəd edir.Qeyd edək ki, 2 gün davam edəcək yarışda 200-ə yaxın gimnastın iştirakı gözlənilir. “Ocaq Sport” və “AyUlduz” klublarının təmsilçiləri, o cümlədən qonaq gimnastlar 7-8, 9-11, 12-14, 15-17, 18 və daha böyük yaş kateqoriyasında yer alaraq, fərdi qadın, fərdi kişi, qarışıq cütlük, üçlük və qrup proqramında çıxış edəcəklər.xeber100.com

“Barselona” futbol klubu 2019/2020-ci il mövsümündə

İspaniyanın “Barselona” futbol klubunun 2019/2020-ci il mövsümündə loqosunda dəyişiklik olunacaq.Azərtac klubun rəsmi saytına istinadla xəbər verir ki, istifadəyə veriləcək yeni loqonun forması saxlanılıb. Dəyişiklik yalnız “FCB” yazısının yığışdırılması olub. Sonuncu dəfə klub 2002-ci ildə loqo dəyişikliyi edib.“Barselona” 25 dəfə İspaniya çempionu olub, həmçinin 30 dəfə İspaniya kubokunun, 13 dəfə İspaniya Super kubokunun, 5 dəfə UEFA Çempionlar Liqasının və UEFA Super kubokunun qalibidir.xeber100.com

Avropa çempionatının ilkin seçmə mərhələsi çərçivəsində

Sentyabrın 28-də AFFA-nın baş katibi Elxan Məmmədov 19 yaşadək futbolçulardan ibarət Azərbaycan yığmasının üzvləri ilə görüşüb.Azərtac xəbər verir ki, baş katib Avropa çempionatının seçmə mərhələsində mübarizə aparacaq yığmamıza uğurlar arzulayıb.Qeyd edək ki, yığmamız Avropa çempionatının ilkin seçmə mərhələsi çərçivəsində oktyabrın 3-də Türkiyə, 6-da İsveçrə, 2 gün sonra isə Kipr komandası ilə qarşılaşacaq. Yığmamızın mübarizə aparacağı ikinci qrupun oyunları Türkiyədə təşkil olunacaq.xeber100.com

43-cü Ümumdünya Şahmat Olimpiadasının üçüncü turunda

Azərbaycanın şahmat ustaları Gürcüstanın Batumi şəhərində keçirilən 43-cü Ümumdünya Şahmat Olimpiadasının üçüncü turunu da qələbə ilə başa vurublar.Azərtac xəbər verir ki, kişilərdən ibarət Azərbaycan millisi bu turda Sloveniya yığmasına qarşı oynayıb. İdman ustalarımız Arkadi Naydiç Matey Şebeniki, Rauf Məmmədov Yure Şkobereneni, Eltac Səfərli isə Boris Markojanı məğlub ediblər. Şəhriyar Məmmədyarovun Yure Borişeklə görüşü isə heç-heçə başa çatıb.İngiltərə komandası ilə qarşılaşan qadın şahmatçılarımız rəqiblərinə 3:1 hesabı ilə qalib gəliblər. Zeynəb Məmmədyarova, Xanım Balacayeva və Gülnar Məmmədova görüşləri qələbə ilə başa vurub, Günay Məmmədzadə isə məğlubiyyətə uğrayıb.Qeyd edək ki, Azərbaycanın hər iki komandası indiyədək keçirilən üç turun hamısında qələbə qazanıblar.xeber100.com

“Qarabağ” klubu “Zirə” kollektivini qəbul edib

Sentyabrın 26-da Topaz Premyer Liqasının ikinci turundan təxirə salınmış matçı oynanılıb.Azərtac xəbər verir ki, “Azərsun Arena”da keçirilən görüşdə “Qarabağ” klubu “Zirə” kollektivini qəbul edib. Görüşdə hesabı 28-ci dəqiqədə meydan sahibləri açıblar. Oyunun baş hakimi Ramin Diniyevin təyin etdiyi 11 metrlik cərimə zərbəsini Filip Ozoviç dəqiq yerinə yetirib. Birinci hissə ağdamlıların 1:0 hesablı üstünlüyü ilə başa çatıb.Fasilədən sonra Qurban Qurbanovun yetirmələri hesab arasındakı fərqi artırıblar. İnnosent Emeqara cinah ötürməsini dəqiq baş zərbəsi ilə tamamlayıb - 2:0. Qarşılaşmanın 58-ci dəqiqəsində hakim bu dəfə “Qarabağ” klubunun qapısına 11 metrlik cərimə zərbəsi təyin edib. Mirsahib Abbasov zərbəni dəqiq yerinə yetirərək adını tabloya yazdırıb - 2:1. Matçın 82-ci dəqiqəsində M.Abbasov dublunu rəsmiləşdirərək hesaba tarazlıq gətirib - 2:2. Lakin “Qarabağ” qələbə topunu vurmağa nail olub. Qoldan üç dəqiqə sonra Abdullah Zubirin cinah ötürməsini İ.Emeqara dəqiq zərbə ilə tamamlayaraq oyunda özünün ikinci komandasının isə üçüncü qolunu vurub - 3:2. Komandaların cəhdlərinə baxmayaraq, qalan dəqiqələrdə hesab dəyişməyib.Beləliklə, görüş Ağdam təmsilçisinin 3:2 hesabı ilə qələbəsi ilə başa çatıb.Bu qələbə sayəsində xalını 13-ə çatdıran “Qarabağ” 1-ci pilləyə yüksəlib. Qurban Qurbanov rəhbərlik etdiyi kollektiv “Neftçi” ilə eyni xala malik olsa da, top fərqindəki üstünlüyə görə liderə çevrilib.xeber100.com

İspaniya La Liqasının altıncı turunun oyunları keçirilib

Sentyabrın 26-da İspaniya La Liqasının altıncı turunun oyunları keçirilib.Azərtac xəbər verir ki, son çempion “Barselona” klubu səfərdə “Leqanes”ə məğlub olub (1:2). Kataloniyalılar Koutinyonun qolu sayəsində hesabı erkən açsalar da, qarşılaşmanın 52-ci və 53-cü dəqiqələrində meydan sahibləri iki qol vuraraq oyunun taleyini həll ediblər.La Liqanın digər favoriti “Real Madrid” klubu “Sevilya”nın qonağı olub. Matçın 17-ci dəqiqəsində Andre Silva hesabı açıb. Qoldan dörd dəqiqə sonra Andre Silva dublunu rəsmiləşdirərək hesab arasındakı fərqi iki topa çatdırıb. Qarşılaşmanın 39-cu dəqiqəsində “Sevilya” klubu üçüncü dəfə “Kral klubu”nu meydanın mərkəzinə dəvət edib, Ben Yeder fərqlənib. Birinci hissə 3:0 hesabı ilə meydan sahiblərinin xeyrinə başa çatıb.Oyunun ikinci hissəsində irəli atılan “Real Madrid” futbolçularının bütün cəhdlərinə baxmayaraq, hesab dəyişilməyib.Turun digər oyunlarında aşağıdakı nəticələr qeydə alınıb: “Espanyol” – “Eybar” - 1:0 “Real Sosyedad” – “Rayo Valyekano” - 2:2 "Atletiko Madrid” – “Ueska” - 3:0 “Atletik Bilbao” – “Vilyareal” - 0:3 “Valensiya” – “Selta Viqo” - 1:1.xeber100.com