Topaz Premyer Liqasının dördüncü turuna start veriləcək

Sentyabrın 14-də uzun sürən fasilədən sonra Topaz Premyer Liqasının dördüncü turuna start veriləcək.Azərtac xəbər verir ki, bu gün meydançaya “Qarabağ” və “Sumqayıt” komandaları çıxacaq. İnqilab Məmmədovun idarə etdiyi oyun Bakı vaxtı ilə saat 20:00-da başlayacaq.Bu komandalar Premyer Liqada indiyədək 24 dəfə qarşılaşıblar. On yeddi matçda Ağdam təmsilçisi, dörd oyunda sumqayıtlılar qələbə qazanıb, üç qarşılaşma isə heç-heçə başa çatıb. Topların fərqində də Qurban Qurbanovun yetirmələri böyük üstünlük ilə öndədir (50:12).Turun növbəti oyunu sentyabrın 15-də keçiriləcək. “Səbail” klubu “Bayıl Arena”da “Zirə” komandası ilə qarşılaşacaq. Bakı vaxtı ilə saat 20:30-da başlayacaq oyunu baş hakimi Rəşad Əhmədov idarə edəcək.Xatırladaq ki, bu komandalar indiyədək dörd dəfə qarşılaşıblar. Üçün oyunda “Zirə” qalib gəlib, bir matçda isə heç-heçə qeydə alınıb.Çempionatın debütantı “Sabah” klubunu bu turda ağır sınaq gözləyir. Komanda doğma meydanda - “Əlincə Arena”da “Qəbələ” klubunu qəbul edəcək. Görüş Bakı vaxtı ilə saat 19:00-da başlayacaq.Dördüncü tura derbi oyunu ilə yekun vurulacaq. İki paytaxtın iki təmsilçisi “Neftçi” və “Keşlə” üz-üzə gələcəklər. “Bakcell Arena”da baş tutacaq oyunu Ramil Diniyev idarə edəcək. Qarşılaşma Bakı vaxtı ilə saat 21:00-da başlayacaq.“Ağ-qara”lar və keşləlilər bu vaxta kimi Topaz Premyer Liqasında 55 oyunda üz-üzə gəliblər. Bu oyunların 27-si “Neftçi”nin, 14 oyun isə “Keşlə” klubunun qələbəsi ilə başa çatıb, 14 qarşılaşma heç-heçə qurtarıb.Qeyd edək ki, turun bütün görüşləri “CBC Sport” kanalında canlı yayımlanacaq.xeber100.com

Topaz Premyer Liqasında hakim təyinatları açıqlanıb

Topaz Premyer Liqasında üçüncü turun oyunlarına hakim təyinatları açıqlanıb.Peşəkar Futbol Liqasından Azərtac-a bildiriblər ki, sentyabrın 14-də “Azərsun Arena” stadionunda “Qarabağ”–“Sumqayıt” qarşılaşmasını hakim İnqilab Məmmədov idarə edəcək.Sentyabrın 15-də “Bayıl Arena”da keçiriləcək “Səbail”–“Zirə” görüşünün əsas hakimi Rəşad Əhmədov olacaq.“Əlincə Arena”da oynanılacaq “Sabah”–“Qəbələ” matçına əsas referi Rauf Cabbarov təyin olunub. “Bakcell Arena”da keçiriləcək “Neftçi”- “Keşlə” oyununda baş hakim funksiyasını Ramil Diniyev yerinə yetirəcək.Qeyd edək ki, “Qarabağ”–“Sumqayıt” oyunu 20:00-da, “Səbail”–“Zirə” 20:30-da, “Sabah”–“Qəbələ” 19:00-da, “Neftçi” -“Keşlə” oyunu isə saat 21:00-da başlayacaq.Turun bütün görüşləri “CBC Sport” kanalı vasitəsilə canlı yayımlanacaq.xeber100.com

Futzal üzrə yoldaşlıq oyunu keçiriləcək

Futzal üzrə Azərbaycan milli komandası Qazaxıstan yığması ilə yoldaşlıq oyunu keçirəcək.Azərtac AFFA-ya istinadla xəbər verir ki, sentyabrın 23-də Bakı İdman Sarayında keçiriləcək oyun saat 16:00-da başlayacaq.xeber100.com

FIFA klublara məhdudiyyət qoya bilər

FIFA icarəyə verilən futbolçuların sayına görə klublara məhdudiyyət qoya bilər.Azərtac “Sport Bild” nəşrinə istinadla xəbər verir ki, FIFA maksimum 8 oyunçunun icarəsinə icazə verməyi planlaşdırır. Üstəlik, bir klubun digərinə ən çox 4 futbolçu göndərməsi nəzərə tutulub. Bununla belə, klubların 21 yaşadək yetirmələri istisna təşkil edəcək. Klublar bu oyunçuları daha da inkişaf etdirmək üçün limitsiz icarə edə bilərlər.FIFA-nın qərarı qüvvəyə minərsə, bu, ən çox İngiltərənin “Çelsi” və İtaliyanın “Yuventus” klublarına təsir edəcək. Belə ki, “Çelsi” bu yay transferində 40, “Yuventus” klubu isə 26 gənc oyunçu icarəyə verib.xeber100.com

İtaliya millisinin cüdo üzrə heyəti açıqlanıb

İtaliya millisinin Bakıda keçiriləcək cüdo üzrə dünya çempionatı üçün heyəti açıqlanıb.Azərtac xəbər verir ki, Bakı mundialında 9 italiyalı cüdoçu tatami üzərinə çıxacaq.Məşqçilər korpusu dünya çempionatında kişilərin yarışında Andrea Karlino (60 kq), Matteo Medves (66 kq), Fabio Basile (73 kq), Antonio Esposito (81 kq) və Nikolas Munqaiyə (90 kq) şans verəcək.Qadınların mübarizəsində isə Franseska Milani (48 kq), Odetta Giuffrida (52 kq), Edviqe Qvend (63 kq) və Karola Paissoni (70 kq) birincilik uğrunda mübarizə aparacaqlar.Qeyd edək ki, cüdo üzrə dünya çempionatı sentyabrın 20-dən 27-dək Bakıda keçiriləcək.xeber100.com

UEFA nümayəndələrinin Bakıya 4-cü işgüzar səfəri başlayıb

UEFA Avropa Liqası turnirinin 2019-cu ildə Bakı Olimpiya Stadionunda keçiriləcək final oyununa hazırlıq çərçivəsində UEFA nümayəndələrinin Bakıya 4-cü işgüzar səfəri başlayıb.Azərtac AFFA-nın rəsmi saytına istinadla xəbər verir ki, səfər sentyabrın 14-dək davam edəcək. Səfər proqramında UEFA-nın 40 nəfərdən ibarət işçi heyəti stadion, mobillik, fan zona, mehmanxanalar, könüllülük, təhlükəsizlik və digər məsələlərlə yerində tanış olacaq, fikir mübadiləsi aparılacaq.Qeyd edək ki, Avropa Liqasının final matçı gələn il mayın 29-da keçiriləcək.xeber100.com

Bədii gimnastika üzrə dünya çempionatının üçüncü günündə…

Sofiyada bədii gimnastika üzrə dünya çempionatının üçüncü günüdür. Çempionatda Azərbaycan yığması da iştirak edir.Azərtac xəbər verir ki, yarışların ilk günlərində bizim qızlarımız fərdi çıxışlarda öz məharətlərini göstəriblər. Bu gün isə çoxnövçülükdə seçmə yarışlar çərçivəsində Azərbaycan gimnastları Zöhrə Ağamirova və Darya Sorokina lent ilə kompozisiyalar nümayiş etdirəcəklər. Qızların bu yarışlarda göstərdiyi nəticələr komanda birinciliyinin yekunlarına da hesablanır.Dünya çempionatında 61 ölkədən 350 idmançı qız çıxış edir. Yaxın həftə ərzində həm mütləq birincilikdə, həm də ayrı-ayrı növlərdə yaxşıların ən yaxşıları müəyyən olunacaq. Çempionatda cəmi doqquz mükafat dəsti oynanılır.xeber100.com

Qran-Pri ərəfəsində festival keçirilməsi planlaşdırılır

Keçən il Londonda təşkil edilmiş F1 Live şousunun uğurundan sonra “Liberty Media”da buna oxşar daha bir neçə hadisə olub. Bu il Şanxayda, Marseldə və Milanda oxşar festivallar uğurla keçirilib. Qarşıda daha bir yürüş şousu gözlənilir. Bu, Mayamidə olacaq.Azərtac xəbər verir ki, 2019-cu ildə Qran-Pri ərəfəsində düz yeddi festival keçirilməsi planlaşdırılır.Formula 1-in kommersiya direktoru Şoin Bratçes deyib: “Bu il biz dörd festival keçirmişik, gələn il isə ən azı yeddi festival keçirməyi planlaşdırırıq. Düşünürəm ki, gələcəkdə onların sayı daha çox olacaq.Bizim sponsorlarımızın, tərəfdaşlarımızın və yürüş promouterlərin mənafeyi naminə, azarkeşləri cəlb etmək üçün yetişmiş bazarların tədqiq olunmasına xeyli vaxt sərf etmişik. Məncə, belə festivallar idmanın bu növünün əfsanəvi gözəlliyini tamaşaçıya çatdırmağın ən yaxşı üsuludur. Belə festivallarda insanlar Formula 1 maşınlarını öz şəhərində görmək imkanı qazanırlar”.xeber100.com

Həndbol Federasiyasının məlumatı

Həndbol üzrə 26-cı Azərbaycan çempionatının başlama vaxtı müəyyənləşib.Azərbaycan Həndbol Federasiyasından Azərtac-a bildiriblər ki, çempionata oktyabrın 6-da start veriləcək. Ölkə birinciliyində 6-sı qadınlardan, 4-ü isə kişilərdən ibarət olmaqla 10 komanda iştirak edəcək.Qadınların yarışında "Azərsu", "Azəryol", "Gənclər Birliyi", "İdman Akademiyası" və Gürcüstanın Tbilisi şəhərini təmsil edən "Olimpiya" kollektivləri mübarizə aparacaqlar. Kişi həndbolçuların mübarizəsində isə "Bakı", "Təhsil", "U-16" və "Məhsul" komandaları birincilik uğrunda yarışacaqlar.İlk yarış günündə qadınlar arasında üç oyun keçiriləcək. Belə ki, "Gənclər Birliyi "Azəryol"la, "İdman Akademiyası "Qarabağ"la, "Azərsu" isə "Olimpiya" kollektivi ilə üz-üzə gələcək.Çempionatın açılış mərasiminin saat 17:00-da keçirilməsi nəzərdə tutulub.xeber100.com

Gimnastika Federasiyasının məlumatına görə…

Azərbaycan Gimnastika Federasiyası ardıcıl olaraq, gimnastikanın 3 növü üzrə yerli yarışlar təşkil edəcək.Bu barədə Azərtac -a Azərbaycan Gimnastika Federasiyasından xəbər verilib.Sentyabrın 21-də Bakı Gimnastika Məktəbində tamblinq üzrə 16-cı Azərbaycan çempionatı və Bakı birinciliyi keçiriləcək. Yarışlarda Bakı Gimnastika Məktəbi, Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi, “Neftçi İdman Klubu” və “Ocaq Sport” klubunu təmsil edən 25 gimnast çıxış edəcək. İştirakçılar balacalar, yeniyetmələr, gənclər və böyüklər yaş kateqoriyasında medallar uğrunda mübarizə aparacaqlar.Bir neçə gün sonra – sentyabrın 26-27-də “Ocaq Sport” klubun zalında akrobatika gimnastikası üzrə 25-ci Azərbaycan və Bakı birinciliyi baş tutacaq. Bakı Gimnastika Məktəbi, Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi, Neftçi İdman Klubu və Ocaq Sport Klubunu (Şabran) təmsil edən ümumilikdə 25 qadın cütlükləri, kişi cütlükləri, qadın qrupları, kişi qrupları və qarışıq cütlüklər balacalar, uşaqlar, yeniyetmələr və gənclər yaş kateqoriyasında öz güclərini sınayacaqlar.Son olaraq isə mübarizəyə batutçular qoşulacaqlar. Sentyabrın 27-də “Ocaq Sport”da batut gimnastikası üzrə 4-cü Azərbaycan çempionatı və Bakı birinciliyi təşkil olunacaq. Bakı Gimnastika Məktəbi və Ocaq Sport Klubunu təmsil edən ümumilikdə 44 batutçu balacalar, uşaqlar, yeniyetmələr gənclər və böyüklər yaş kateqoriyasında mübarizə aparacaq.xeber100.com