Azərbaycan yığması “Prezident kuboku” turnirinin finalına vəsiqə qazanıb

On yeddi yaşadək futbolçulardan ibarət Azərbaycan yığması Qazaxıstanda təşkil olunan “Prezident kuboku” turnirində növbəti oyununu keçirib.Azərtac AFFA-nın saytına istinadla xəbər verir ki, Qazaxıstan yığması ilə qarşılaşan komandamız heç-heçə edib - 1:1. Millimizin heyətində Musa Qurbanlı fərqlənib.Bu nəticədən sonra qrupda birinci yeri tutan komandamız finala vəsiqə qazanıb. Avqustun 28-də saat 15:00-da keçiriləcək final oyununda yığmamızın rəqibi digər qrupun qalibi - Krasnodar Futbol Akademiyasının U-17 komandası olacaq.xeber100.com

“Beşiktaş” klubu “Liverpul”a 2,5 milyon avro ödəyəcək

"Beşiktaş"ın "Liverpul"dan icarəyə götürdüyü Loris Karius İstanbulda tibbi müayinədən keçib.Milli.az xəbər verir ki, dünən axşam İstanbula gələn almaniyalı qapıçı bu gün tibbi müayinədən keçirilib. Onun bu gün "Beşiktaş"ın "Antalyaspor"la keçirəcəyi oyunu stadiondan izləyəcəyi bildirilir."Beşiktaş" Kariusun iki illik icarəsi üçün "Liverpul"a 2,5 milyon avro ödəyəcək. Kariusun transfer hüququnu almaq üçün isə əlavə 8 milyon avro təzminat ödəmək lazım gələcək.Peşəkar karyerasına 2005-ci ildə "Ştutqart"da başlayan Karius, daha sonra "Manşester Siti"yə transfer olunub. 2011-2016-cı illər aralığında "Maynts"da çıxış edən qapıçı 2016-cı ildən "Liverpul"un şərəfini qoruyur.xeber100.com

“Səbail” futbol klubu 1 illik müqavilə bağlayıb

Bir neçə gün öncə "Səbail"lə 1 illik müqavilə bağlayan Yevgeni Koçuk Moldova millisinə dəvət alıb.Milli.az bildirir ki, yığmanın baş məşqçisi Aleksandr Spiridon UEFA Millətlər Liqasının Lüksemburq və Belarusla oyunları üçün 25 yaşlı yaşlı yarımmüdafiəçiyə də dəvət göndərib. Koçukla yanaşı, "Zirə"nin hücumçusu Aleksandr Dedov da düşərgəyə çağırılan futbolçular arasındadır.Qeyd edək ki, Moldova sentyabrın 8-də səfərdə Luksemburq, 3 gün sonra isə evdə Belarusla üz-üzə gələcək.xeber100.com

UEFA Millətlər Liqasının oyunları üçün 23 futbolçuya dəvət göndərilib

"Qarabağ"ın qapıçısı Hannes Halldorsson İslandiya milli komandasına dəvət alıb.Milli.Az xəbər verir ki, yığmanın yeni baş məşqçisi Erik Hamre UEFA Millətlər Liqasının oyunları üçün 23 futbolçuya dəvət göndərib. Yığmaya çağırılan futbolçular arasında 34 yaşlı "çərçivə qoruyucusu" da var.İslandiya millisi Millətlər Liqasında sentyabrın 8-də İsveçrə, 11-də isə Belçika yığması ilə qarşılaşacaq.Qeyd edək ki, Hannes 2018-ci il dünya çempionatından sonra Danimarkanın "Randers" klubundan "Qarabağ"a transfer olunub.xeber100.com

İspaniya Futbol Federasiyasının açıqlamasında…

İspaniya Futbol Federasiyasının prezidenti Xavyer Tebas bəzi La Liqa matçlarının Amerika və Kanadada keçirləcəyini açıqlamışdı. Lakin onun bu açıqlaması birmənalı qarşılanmayıb.Milli.az istinadən xəbər verir ki, La Liqada çıxış edən 20 komandanın kapitanları bir araya gələrək, okeanın o tayında oynamaq istəmədiklərini federasiyaya çatdıracaqlar. Bu barədə İspaniya mətubatı məlumat yayıb.Qeyd edək ki, La Liqa "Relevant Grup"la 15 illik müqavilə bağlayıb və şərtlərə əsasən, bəzi oyunlar bu müddətdə Amerika və Kanadada keçiriləcək.xeber100.com

“Fənərbağça”nın sabiq müdafiəçisi “Qalatasaray”da oynayacaq

İstanbul təmsilçisi "Sevilya"dan Simon Kjaeri icarəyə götürəcək."Fənərbağça"nın sabiq müdafiəçisi 1 il "Qalatasaray"da oynayacaq. Klubun yaxın günlərdə bu transferi açıqlayacağı gözlənilir.Qeyd edək ki, 2015-2017-ci illərdə "Fənərbağça"da çıxış edən danimarkalı futbolçu ötən ildən "Sevilya"da oynayırdı.xeber100.com

UEFA yeni qərar qəbul edəcək

UEFA "Pari Sen-Jermen"i iki ən bahalı futbolçusundan birini satmağa məcbur edə bilər.Milli.az bildirir ki, UEFA bu gün PSJ-nin 2017-ci ilin yay transfer kampaniyası zamanı maliyyə "fair play" prinsiplərini pozmasına dair qərar qəbul edəcək.Beynəlxalq qurum parislilərdən Neymar və ya Mbappeni satmağı tələb edə bilər. Bu şərt qəbul edilməyəcəyi təqdirdə Fransa klubunu böyük məbləğdə cərimə gözləyir.Hazırda "Real" iki forvarddan birini almağa və bununla da "Yuventus"a transfer olunan Kriştianu Ronaldunun gedişindən sonra yaranan boşluğu doldurmağa hazırdır.Qeyd edək ki, Mbappenin qiyməti 150 milyon avro, Neymarınkı isə - 180 milyon avro göstərilir.xeber100.com

“Barselona” futbol klubu yeni müqavilə imzalayır

"Barselona" rəhbərliyi komandanın baş məşqçisi Ernesto Valverdenin işindən razıdır.Milli.az xəbər verir ki, Kataloniya təmsilçisi 54 yaşlı mütəxəssislə əməkdaşlığı davam etdirmək istəyir. Rəhbərliyin sentyabr ayının sonu və ya oktyabrın əvvələrində təcrübəli çalışdırıcı ilə müqavilə müddətinin uzadılması barədə danışıqlara başlayacağı bildirilir. Valverdenin hazırkı sözləşməsi 2019-cu ilin yayına qədərdir.Qeyd edək ki, ispan məşqçi "Barselona"ya ötən yay "Atletik"dən gəlib. Kataloniyalılar onun başçılığı altında La Liqa, İspaniya Kral kuboku və Superkuboku qazanıblar.xeber100.com

UEFA Çempionlar Liqasının pley-off mərhələsində…

UEFA Çempionlar Liqasının pley-off mərhələsinin ilk oyunları keçirilib.Azərtac xəbər verir ki, turun ilk oyun günündə üç görüş olub. Qitənin ən nüfuzlu klub turnirində “Qarabağ”ı mübarizədən kənarlaşdıran Belarusun BATE komandası Hollandiya təmsilçisi PSV-ni qəbul edib. Hesabı meydan sahibləri açsalar da, qonaqlar 3:2 hesablı qələbəyə nail olublar.Portuqaliyada “Benfika” Yunanıstanın PAOK klubu üzərində qələbəni əldən verib. Tərəflər hərəyə bir dəfə fərqləniblər.Serbiyada "Srvena Zvezda” ilə Avstriyanın “Zaltsburq”u arasındakı görüşdə isə hesab açılmayıb.Mərhələnin digər üç qarşılaşması “Ayaks” - “Dinamo Kiyev”, “Vidi” - AEK, “Yanq Boyz” - “Dinamo Zaqreb” oyunları avqustun 22-də baş tutacaq.Qeyd edək ki, UEFA Çempionlar Liqasının pley-off mərhələsinin cavab qarşılaşmaları avqustun 28-də və 29-da keçiriləcək.xeber100.com

“Yuventus” klubunun yarımmüdafiəçisi yeni müqavilə imzalayıb

İtaliyanın “Yuventus” klubunun yarımmüdafiəçisi Miralem Pyaniç Turin klubu ilə müqaviləsini yeniləyib.Azərtac xəbər verir ki, yeni müqavilə 2023-cü ilə qədər qüvvədə olacaq. Yeni müqaviləyə görə, Pyaniçin illik məvacibi 4,5 milyon avrodan 7 milyon avroyadək artırılıb.Bosniya və herseqovinalı yarımmüdafiəçi ötən mövsüm İtaliya çempionatında 31 matçda 5 qol vurub və 8 məhsuldar ötürmə verib.M.Pyaniç 2016-cı ildən “Yuventus”un şərəfini qoruyur.xeber100.com