Avropa Liqasının üçüncü təsnifat mərhələsində

Avropa Liqasının üçüncü təsnifat mərhələsinin ilk oyunlarından sonra UEFA reytinqi açıqlanıb.Milli.az xəbər verir ki, keçirilən matçlardan sonra Azərbaycan daha 1 pillə geriləyib. 18,125 xalı olan ölkəmiz 25-ci pilləyə düşüb. "Hapoel"in APOEL-lə heç-heçə (2:2) etməsindən sonra İsrail xalını 18,125-ə yüksəldib və əlavə göstəricilərdə ölkəmizi geridə qoyub.Qeyd edək ki, Azərbaycandan 1 pillə geridə olan Qazaxıstanın 17,500 xalı var.xeber100.com

“Atletiko” futbol klubu yeni müqavilə bağladı

"Milan"ın hücumçusu Nikola Kaliniçin "Atletiko"ya keçidi rəsmiləşib.Milli.Az xəbər verir ki, xorvatiyalı futbolçu ilə 3 illik müqavilə imzalanıb. "Atletiko"nun 30 yaşlı forvard üçün İtaliya klubuna 15 milyon avro ödədiyi iddia olunur.Qeyd edək ki, Xorvatiya millisinin üzvü 2017-ci ildən "Milan"da çıxış edirdi.xeber100.com

2018-2019-cu il mövsümünün üçüncü təsnifat mərhələsi çərçivəsində

Avqustun 7-də UEFA Çempionlar Liqasının 2018-2019-cu il mövsümünün üçüncü təsnifat mərhələsi çərçivəsində “Qarabağ” – BATE (0:1) görüşündən başqa, daha 6 qarşılaşma oynanılıb.Azərtac xəbər verir ki, İstanbulun “Fənərbağça” klubu səfərdə Portuqaliyanın “Benfika” komandasına minimal hesabla məğlub olub. Görüşdə yeganə qolu matçın 69-cu dəqiqəsində Franku Servi vurub. Qazaxıstan çempionu “Astana” isə doğma meydanda Zaqrebin (Xorvatiya) “Dinamo” komandasına 0:2 hesabı ilə uduzub.Digər oyunlarda heç-heçə qeydə alınıb. İsveçin “Malmö” klubu ev oyununda Macarıstanın “Vidi” komandasının müqavimətini qıra bilməyib – 1:1. Kiyevin “Dinamo” komandası səfərdə “Slavia Praqa” ilə görüşdə 82-ci dəqiqədə hesabı açsa da, son saniyələrdə (90+5) qələbəni əldə verib – 1:1. Eyni hesab Serbiyanın “Çrvena Zvezda” və Slovakiyanın “Spartak Trnava” klublarının görüşündə də qeydə alınıb. Hollandiyanın “Ayaks” klubu Belçikanın “Standard Liq” komandası ilə səfər matçının 19-cu və 34-cü dəqiqələrində vurduğu qollarla ilk hissəni üstün başa vurub. Lakin ev sahibləri 67-ci və 90+4-cü dəqiqələrdə qonaqların qapısına yol taparaq məğlubiyyətdən xilas olmağı bacarıblar.Avqustun 8-də üçüncü təsnifat mərhələsi çərçivəsində PAOK (Yunanıstan) – “Spartak Moskva” (Rusiya), “Zalsburq” (Avstriya) – Şkendiya (Makedoniya), “Seltik” (Şotlandiya) – “AEK Afina” (Yunanıstan) görüşləri keçiriləcək.xeber100.com

Həndbol dərsi keçiriləcək

Avqustun 12-də saat 18:00-da Heydər Əliyev Mərkəzinin parkında həndbol dərsi keçiriləcək.Azərtac xəbər verir ki, dərsi kişi həndbolçulardan ibarət milli komandanın baş məşqçisi Hikmət Abdullayev aparacaq.Dərsə qatılanların idman geyimində olması tələb edilir. İştirak üçün minimum yaş həddi 7-dir. Təlimdə iştirak ödənişsizdir.xeber100.com

Berlində atletika üzrə Avropa çempionatı start götürüb

Avqustun 6-da Berlində atletika üzrə Avropa çempionatı start götürüb. Ayın 12-dək davam edəcək çempionatda Azərbaycan üç idmançı ilə təmsil olunacaq.Azərbaycan Atletika Federasiyasından Azərtac-a bildiriblər ki, idmançılardan Nazim Babayev və Aleksis Kopello üçtəkanla tullanma, Anna Skidan isə çəkicatma yarışlarında çıxış edəcəklər. Atletlərimiz turnirdə məşqçilər Ziyad Xəlfəyevin və Artyom Rubankonun rəhbərliyi ilə mübarizə aparacaqlar.Azərbaycan Atletika Federasiyasının prezidenti Çingiz Hüseynzadə, baş katibi Məhərrəm Sultanzadə də Berlinə səfər edəcəklər. Azərbaycan nümayəndə heyəti çempionat çərçivəsində Avropa Atletika Assosiasiyasının və Beynəlxalq Atletika Federasiyasının rəhbərliyi ilə görüşlər keçirəcək.Çempionatın üçtəkanla tullanma və çəkicatma yarışlarının təsnifat mərhələləri avqustun 10-da, final isə 12-də təşkil ediləcək.xeber100.com

“Qarabağ” klubu BATE komandası ilə üz-üzə gələcək

Bu gün UEFA Çempionlar Liqasının III təsnifat mərhələsinin ilk oyunları keçiriləcək.Azərtac xəbər verir ki, Azərbaycan çempionu “Qarabağ” klubu doğma meydanda Bolqarıstanın BATE komandası ilə üz-üzə gələcək. Qarşılaşmanın start fiti Bakı vaxtı ilə saat 21:00-da Tofiq Bəhramov adına Respublika Stadionunda veriləcək. Oyunu isveçli Andreas Ekberqin rəhbərlik etdiyi hakimlər briqadası idarə edəcək. Ona Mehmet Kulum və Stefan Hallberq kömək edəcəklər. Dördüncü hakim funksiyasını isə Kristofer Karlsson yerinə yetirəcək.Bu komandalar indiyədək heç vaxt qarşılaşmayıblar. BATE klubu Belarusun ən titulu klublarından biridir. Borisov təmsilçisi 14 dəfə ölkə çempionu olub. Aleksey Baqanın yetirmələri indiyədək 11 dəfə avrokuboklarda iştirak etmək hüququ qazanıb. Klubun ən böyük nailiyyəti UEFA Avropa Liqasının onaltıdabir final mərhələsinə yüksəlməsidir (2010 və 2012-ci illərdə). Bu komanda UEFA-nın klub reytinqində 70-ci pillədə qərarlaşıb.Ağdam təmsilçisi birinci təsnifat mərhələsində Sloveniya “Olimpiya”sını mübarizədən kənarlaşdırıb. Səfərdə rəqibini 1:0 hesabı ilə məğlub edən Qurban Qurbanovun yetirmələri evdə 0:0 hesablı heç-heçə edərək, növbəti mərhələyə yüksəliblər. İkinci təsnifat mərhələsində “Qarabağ” Albaniyanın “Kukesi” klubunu iki oyunun nəticəsinə görə ilə üstələyib (0:0, 3:0).Ağdamlılar altı dəfə Azərbaycan çempionu və ölkə kubokunun qalibi olub. Qurban Qurbanovun yetirmələrinin avrokuboklarda ən yaxşı göstəricisi 2017/2018-ci illər mövsümündə UEFA Çempionlar Liqasının qrup mərhələsinə vəsiqə qazanmaları olub.“Qarabağ”-BATE duelin qalibi pley-off mərhələsində Hollandiyanın PSV klubu ilə qarşılaşacaq. Mübarizəni dayandıran klub isə Avropa Liqasının play-off mərhələsində “Şerif” (Moldova) – “Valür” (İslandiya) cütünün qalibi ilə üz-üzə gələcək.xeber100.com

Çempionlar Liqasının III təsnifat mərhələsində

“Qarabağ” ilə şanslarımızı bərabər hesab edirəm. Bakıya müsbət nəticə üçün gəlmişik. “Qarabağ”ın yaxşı çıxış edən komanda olduğunu bilirik. Fikrimcə, çətin olacaq. Lakin istənilən halda hər şey özümüzdən asılıdır.Azərtac Belta.ru saytına istinadla xəbər verir ki, bunu Belarusun BATE klubunun futbolçusu Aleksandr Qleb “Qarabağ” komandası ilə keçirəcəkləri Çempionlar Liqasının III təsnifat mərhələsinin ilk oyunundan əvvəl deyib. 37 yaşlı yarımmüdafiəçi bildirib ki, bu cütün aşkar favoriti yoxdur. O, “Qarabağ” barədə elə də məlumatlı olmadıqlarını etiraf edib: “Rəqibimizin ötən mövsüm Çempionlar Liqasındakı çıxışlarına baxmışam və bəyənmişəm. Hərəkətli və döyüşkən komandadır. Hətta Avropanın top-komandaları da bu kollektivlə qarşılaşmalarda çətinliklə üzləşirdilər. Bu, çox şeydən xəbər verir. “Qarabağ”ı çox ciddi qəbul edirik”.A.Qleb BATE-nin əvvəlki səviyyədə olmadığı barədə fikirlərə də münasibət bildirib: “Bu sözləri istənilən rəqib barədə də demək olar. Futbolun səviyyəsi ildən-ilə artır. Hətta top-komandalar üçün də autsayderlərlə oynamaq çətinləşir. Bunu 2018-ci il dünya çempionatı da göstərdi. Ona görə də bütün bunlar yalnız söz-söhbətlərdir”.Qeyd edək ki, qarşılaşma Tofiq Bəhramov adına Respublika Stadionunda keçiriləcək “Qarabağ” - BATE matçı Bakı vaxtı ilə saat 21:00-da başlayacaq. Aleksandr Qleb Belarus futbolunun canlı əfsanəsi sayılır. O, ən böyük uğuruna İspaniyanın “Barselona” klubunun heyətində 2008/2009-cu il mövsümündə Çempionlar Liqasını qazanmaqla imza atıb.xeber100.com

“Qalatasaray” futbol klubu “Akhisarspor”la qarşılaşıb

Avqustun 5-də futbol üzrə Türkiyə Superkuboku uğrunda oyunda ötən mövsümün superliqa çempionu "Qalatasaray" Türkiyə kubokunun qalibi "Akhisarspor"la qarşılaşıb.Azərtac xəbər verir ki, görüş "Akhisarspor"un qələbəsi ilə başa çatıb.Baş hakim Cüneyt Çakırın idarə etdiyi oyunda hesabı birinci hissənin 5-ci dəqiqəsində Yevqeni Seleznyovun vurduğu qolla "Akhisarspor" komandası açıb. Lakin qalatasaraylılar matçın ikinci hissəsinin 79-cu dəqiqəsində hesabı bərabərləşdirməyə nail olublar. Eren Derdiyok Yuto Naqatomonun ötürməsini qola çevirib."Qalatasaray" komandası görüşün qalan dəqiqələrində üstün oyun nümayiş etdirsə də, hesab dəyişməyib-1:1.Əlavə olunan vaxtda da qalib müəyyənləşmədiyindən 11 metrlik cərimə zərbələri seriyası təyin olunub.Beləliklə, gərginliyi ilə yadda qalan matçda penaltilər seriyasında 5:4 hesabı ilə qalib gələn "Akhisarspor" tarixində ilk dəfə Türkiyə Superkubokunun qalibi olub. "Qalatasaray"ın hücumçusu Bafetimbi Qomisin zərbəsini rəqib komandanın qapıçısı dəf edib.Qarşılaşmanın 44-cü dəqiqəsində yaranan mübahisəli epizodda Türkiyə futbol tarixində ilk dəfə olaraq videonəzarət sistemindən (VAR) istifadə edilib.xeber100.com

Romada güləş üzrə Avropa çempionatı keçirilib

İtaliyanın paytaxtı Romada gənclər arasında güləş üzrə Avropa çempionatı keçirilib.Azərbaycan Güləş Federasiyasından Azərtac-a bildiriblər ki, çempionatın sonuncu günündə Dünya Güləş Birliyinin İcraiyyə Komitəsinin növbəti iclası baş tutub.İclasda Azərbaycan Güləş Federasiyasının birinci vitse-prezidenti, İcraiyyə Komitəsinin üzvü Namiq Əliyev də iştirak edib.Toplantıda Dünya Güləş Birliyinin ötən dövrdəki fəaliyyəti, qarşıdakı hədəflər, dünyada güləş idmanının daha da inkişafı və populyarlığının artırılması üçün görüləcək işlər müzakirə edilib, İcraiyyə Komitəsi üzvlərinin təklifləri dinlənilib.Məlumat üçün bildirək ki, Azərbaycan Güləş Federasiyasının birinci vitse-prezidenti Namiq Əliyev Dünya Güləş Birliyinin 2016-cı ilin sentyabrında Fransanın Makon şəhərində keçirilən illik konqresində ikinci dəfə altı illik müddətə İcraiyyə Komitəsinə üzv seçilib.xeber100.com

“BATE” klubu 2018/2019-cu illər mövsümündə

Belarusun “BATE” klubu 2018/2019-cu illər mövsümündə Çempionlar Liqasının III təsnifat mərhələsində Azərbaycanın “Qarabağ” futbol klubu ilə keçirəcəyi səfər görüşünə yola düşüb.Azərtac “BATE” klubunun saytına istinadla xəbər verir ki, Aleksey Baqinin məşqçi qərargahı qarşıdakı matçda 20 futbolçuya ümid bəsləyir. Qapıçılar: Aleksey Çernıx, Anton Çiçkan, Denis Şerbitski. Müdafiəçilər - Zaxar Volkov, Maksim Volodko, Nemanya Milunoviç, Aleksey Rios, Yeqor Filipenko, Aleksandr Filipoviç, Yevqeni Yablonski. Yarımmüdafiəçilər: Dmitri Baqa, Yevgeni Beryozkin, Aleksandr Qleb, Stanislav Draqun, Mirko İvanoviç, İqor Staseviç. Hücumçular: Vladislav Muxamedov, Nikolay Siqneviç, Maksim Skavış, Yasse Tuominen.xeber100.com