“Barselona” futbol klubu yeni müqavilə imzalayır

"Barselona" rəhbərliyi komandanın baş məşqçisi Ernesto Valverdenin işindən razıdır.Milli.az xəbər verir ki, Kataloniya təmsilçisi 54 yaşlı mütəxəssislə əməkdaşlığı davam etdirmək istəyir. Rəhbərliyin sentyabr ayının sonu və ya oktyabrın əvvələrində təcrübəli çalışdırıcı ilə müqavilə müddətinin uzadılması barədə danışıqlara başlayacağı bildirilir. Valverdenin hazırkı sözləşməsi 2019-cu ilin yayına qədərdir.Qeyd edək ki, ispan məşqçi "Barselona"ya ötən yay "Atletik"dən gəlib. Kataloniyalılar onun başçılığı altında La Liqa, İspaniya Kral kuboku və Superkuboku qazanıblar.xeber100.com

UEFA Çempionlar Liqasının pley-off mərhələsində…

UEFA Çempionlar Liqasının pley-off mərhələsinin ilk oyunları keçirilib.Azərtac xəbər verir ki, turun ilk oyun günündə üç görüş olub. Qitənin ən nüfuzlu klub turnirində “Qarabağ”ı mübarizədən kənarlaşdıran Belarusun BATE komandası Hollandiya təmsilçisi PSV-ni qəbul edib. Hesabı meydan sahibləri açsalar da, qonaqlar 3:2 hesablı qələbəyə nail olublar.Portuqaliyada “Benfika” Yunanıstanın PAOK klubu üzərində qələbəni əldən verib. Tərəflər hərəyə bir dəfə fərqləniblər.Serbiyada "Srvena Zvezda” ilə Avstriyanın “Zaltsburq”u arasındakı görüşdə isə hesab açılmayıb.Mərhələnin digər üç qarşılaşması “Ayaks” - “Dinamo Kiyev”, “Vidi” - AEK, “Yanq Boyz” - “Dinamo Zaqreb” oyunları avqustun 22-də baş tutacaq.Qeyd edək ki, UEFA Çempionlar Liqasının pley-off mərhələsinin cavab qarşılaşmaları avqustun 28-də və 29-da keçiriləcək.xeber100.com

“Yuventus” klubunun yarımmüdafiəçisi yeni müqavilə imzalayıb

İtaliyanın “Yuventus” klubunun yarımmüdafiəçisi Miralem Pyaniç Turin klubu ilə müqaviləsini yeniləyib.Azərtac xəbər verir ki, yeni müqavilə 2023-cü ilə qədər qüvvədə olacaq. Yeni müqaviləyə görə, Pyaniçin illik məvacibi 4,5 milyon avrodan 7 milyon avroyadək artırılıb.Bosniya və herseqovinalı yarımmüdafiəçi ötən mövsüm İtaliya çempionatında 31 matçda 5 qol vurub və 8 məhsuldar ötürmə verib.M.Pyaniç 2016-cı ildən “Yuventus”un şərəfini qoruyur.xeber100.com

İngiltərə Premyer Liqasının ikinci turuna yekun vurulub

Avqustun 20-də İngiltərə Premyer Liqasının ikinci turuna “Kristal Palas”–“Liverpul” oyunu ilə yekun vurulub.Azərtac xəbər verir ki, turun son oyununda Məhəmməd Salahın komandası “Kristal Palas”ın qonağı olub. Oyun “mersesayd”lıların qələbəsi ilə yekunlaşıb (0:2).Matçda hesab birinci hissənin son dəqiqəsində açılıb. Hakimin təyin etdiyi 11 metrlik cərimə zərbəsindən sonra Ceyms Milner şansını əldən verməyib. Qarşılaşmanın 75-ci dəqiqəsində hakim "Kristal Palas" klubunun müdafiəçisi Van Bisakaya qırmızı kart göstərərək meydandan kənarlaşdırıb. Oyunda son nöqtəni "Liverpul" klubunun seneqallı oyunçusu Sadio Mane qoyub. Qapıçı ilə təkbətək qalan hücumçu adını tabloya yazdırıb - 0:2. Beləliklə, "Liverpul" klubu Premyer Liqada ardıcıl ikinci dəfə qələbə qazanıb.Xatırladaq ki, İngiltərə Premyer Liqasının açılış turunda Yurqen Klopun yetirmələri "Vest Hem" klubunu (4:0), "Kristal Palas" isə səfərdə "Fulhem" (0:2) komandasını məğlub edib.Növbəti turda "Liverpul" "Brayton"la, "Kristal Palas" isə "Votford" klubu ilə qarşılaşacaq.xeber100.com

2017/2018-ci il mövsümünün ən yaxşı oyunçularının siyahısı açıqlanıb

UEFA 2017/2018-ci il mövsümünün ən yaxşı oyunçularının siyahısını açıqlayıb.Azərtac xəbər verir ki, bunlar “Real Madrid” klubunun yarımmüdafiəçisi Luka Modriç, “Yuventus”un yeni transferi Kriştiano Ronaldu və "Liverpul" klubunun ulduz oyunçusu Məhəmməd Salahdı.Həmçinin UEFA 2017/2018-ci il mövsümün də ən yaxşı qadın futbolçularının da adını açıqlayıb. Bu siyahıya Amandin Anri, Pernille Harder və Ada Heqerberq daxil edilib.Qeyd edək ki, Avropanın ən yaxşı futbolçusu, Çempionlar Liqasında 2017/2018-ci il mövsümündə mövqelər üzrə fərdi mükafatlar alacaqlar. Qalibin adı avqustun 30-da Çempionlar Liqasının qrup mərhələsinin püşkatma mərasimində açıqlanacaq.xeber100.com

UEFA Millətlər Liqasındakı ilk oyunun biletləri satışa çıxarılıb

Futbol üzrə Azərbaycan millisinin UEFA Millətlər Liqasındakı ilk oyununun biletləri satışa çıxarılıb.Azərtac AFFA-nın saytına istinadla xəbər verir ki, azarkeşlər sentyabrın 7-də Bakı Olimpiya Stadionunda Kosovo yığmasına qarşı keçiriləcək matçın biletlərini bu gündən etibarən əldə edə bilərlər.Üç kateqoriya üzrə təklif olunan biletlərin qiyməti 2-5 manat, VIP yerlər üçün isə 10 manatdır.Bu oyuna bilet alan hər bir azarkeş Azərbaycan – Malta (14 oktyabr) və Azərbaycan – Farer adaları (17 noyabr) oyunlarının biletinə 50 faiz endirim əldə edə bilər. Endirim yalnız eyni dəyərli biletə ilk biletin alışı vaxtı tətbiq edilir (endirimlər “Sky Box” biletlərinə şamil olunmur).Azərbaycan – Kosovo oyunu Bakı vaxtı ilə saat 20:00-da başlayacaq.xeber100.com

UEFA Avropa Liqasının cavab oyunları çərçivəsində

Beynəlxalq dərəcəli hakim-inspektor Asim Xudiyev növbəti beynəlxalq oyuna təyinat alıb.Azərtac AFFA-nın saytına istinadla məlumat verir ki, o, avqustun 30-da UEFA Avropa Liqasının play-off mərhələsinin cavab oyunları çərçivəsində Qazaxıstanda keçiriləcək “Astana” (Qazaxıstan)–APOEL (Kipr) oyununun hakim-inspektoru olacaq.xeber100.com

İspaniya çempionatının ilk turunu 48466 nəfər izləyib

“Real Madrid” klubunun avqustun 19-da keçirdiyi İspaniya çempionatının ilk turunu 48466 nəfər tribunadan izləyib. Bu, son 10 mövsümün ən aşağı göstəricisidir və klubun tarixində antirekorda səbəb olub.Azərtac xəbər verir ki, sonuncu dəfə bu cür aşağı göstərici 2009-cu ilin mayında qeydə alınıb. “Real Madrid”in “Santyaqo Bernabeu”da “Malyorka”ya 1:3 hesabı ilə uduzduğu matça 45 min azarkeş gəlmişdi.Qeyd edək ki, “Santyaqo Bernabeu”nun azarkeş tutumu 81044 nəfərdir. 2009-cu ilin yayında İngiltərənin “Mançester Yunayted” klubundan “Real Madrid” klubuna keçən Kriştianu Ronaldu ötən ay Turin şəhərinin təmsilçisi “Yuventus”a transfer olunub.xeber100.com

Boksçular arasında keçirilən beynəlxalq turnir başa çatıb

Serbiyanın Vrbas şəhərində yeniyetmə boksçular arasında keçirilən beynəlxalq turnir başa çatıb.Azərtac xəbər verir ki, 24 ölkənin qatıldığı yarışda Azərbaycan millisi 1 qızıl və 2 bürünc medal qazanıb.Vaqif Kazımovun rəhbərlik etdiyi yığmamızın heyətində Murad Allahverdiyev (80 kq) bütün rəqiblərinə qalib gələrək çempion adını qazanıb. O, finalda hindistanlı Abhimanyu Louranı 5:0 (30:27, 30:27, 30:27, 29:28, 29:28) hesabı ilə məğlub edib.Komandamızın digər boksçularından Əli Zamanovla (48 kq) Əzrak Bəbirov (54 kq) 3-cü yerlə kifayətləniblər. Onlar yarımfinalda müvafiq olaraq, Bişvamitra Çinqhtam və Laxmani Thanqjamçaya (hər ikisi Hindistan) uduzublar.Qeyd edək ki, millimiz turnirə 8 boksçu ilə qatılmışdı.xeber100.com

Cüdo Federasiyasının təşkilatçılığı ilə…

Azərbaycan Cüdo Federasiyası tərəfindən mütəmadi olaraq məşqçi-müəllimlər və hakimlər üçün seminarlar təşkil olunur. Növbəti belə bir tədbir Qəbələdə baş tutub.Azərtac xəbər verir ki, Azərbaycan Cüdo Federasiyasının təşkilatçılığı ilə ölkə birinciklərini idarə edən hakimlər, eləcə də “Şimal bölgəsi” regionunun məşqçi və müəllimləri üçün seminar keçirilib. Seminarda Hakimlər Komitəsinin üzvləri Tərlan Həsənov, Telman Əhmədli, beynəlxalq dərəcəli hakimlər Mətin Rəhimli, Arzu Acalova iştirak ediblər.Seminarda gün ərzində həm nəzəri, həm də tatamidə praktiki məşğələlər keçirilib.xeber100.com