İtaliya A Seriyasının birinci turuna start verilib

Avqustun 18-də İtaliya A Seriyasının birinci turuna start verilib.Milli.az bildirir ki, turun ilk oyunu "Markantoniyo" stadionunda baş tutub. "Kyevo" klubu "Yuventus" komandasını qəbul edib.Qarşılıqlı hücumlar şəraitində keçən oyunda qonaqlar sonuncu dəqiqədə vurduğu qolla 3:2 hesabı ilə qalib gəliblər. Turinlilərin heyətində Sami Xedira və Federiko Bernardeski, Matia Bani (avtoqol) fərqləniblər. Meydan sahiblərinin heyətində isə Meriuş Stenpinski və Emanuyel Cakerini adlarını tabloya yazdırıblar.Qeyd edək ki, "Real"dan "Yuventus"a transfer edilən Kristianu Ronaldu bu matçda debüt edib. 90 dəqiqə meydanda olub.xeber100.com

“Qarabağ” klubu UEFA Avropa Liqasının pley-off mərhələsində

"Qarabağ"ın UEFA Avropa Liqasının pley-off mərhələsində Moldovada "Şerif"ə qarşı keçirəcəyi ilk oyunun təyinatları açıqlanıb.Avqustun 23-də Tiraspolda baş tutacaq görüş avstriyalı hakimlərə həvalə olunub. Matçın referisi Harald Lexner olacaq. Ona Andreas Heydenrex, Maksimilian Kolbim və Yulian Veynberger kömək edəcək.Oyunun hakim-inspektoru ukraynalı Vladimir Petrov, UEFA nümayəndəsi isə finlandiyalı Teuvo Holopainedir.Qeyd edək ki, qarşılaşma Bakı vaxtı ilə saat 21:00-da başlayacaq.xeber100.com

Polşanın “Krakoviya” futbol klubu yeni müqavilə imzalayıb

Son iki həftədə "Sumqayıt" klubunda baxışda olmuş rusiyalı futbolçu Sərdar Sərdarov Polşanın "Krakoviya" klubu ilə müqavilə bağlayıb.Milli.az xəbər verir ki, 24 yaşlı hücumçu sonradan daha bir il uzada bilməsi şərti ilə bir illik sözləşməyə (1+1) imza atıb.Qeyd edək ki, "Sumqayıt" Sərdarovla şəxsi müqaviləni razılaşdırsa da, müqavilə üzrə məxsus olduğu Rusiya "Yenisey"inin tələb etdiyi məbləği ödəyə bilməyib. Nəticədə bu transfer baş tutmayıb. Hazırda "Krakoviya"da "Qəbələ"nin sabiq futbolçuları Xavyer Ernandes və Sergey Zenyov da çıxış edir.xeber100.com

UEFA Avropa Liqası turnirinin püşkatma mərasimində

Avqustun 31-də Monakoda UEFA Avropa Liqası turnirinin cari mövsümünün qrup mərhələsinin püşkatma mərasimi təşkil olunacaq. AFFA-dan Milli.Az-a verilən məlumata görə, final qarşılaşması 2019-cu il mayın 29-da Bakı Olimpiya Stadionunda keçiriləcək UEFA Avropa Liqası turnirinin qrup mərhələsinin püşkatma mərasimində Azərbaycanı təmsil edən səfirlərdən biri futbol veteranı Vəli Qasımov olacaq.xeber100.com

Estoniya Futbol İttifaqının məlumatına görə…

Estoniya UEFA Super Kuboku uğrunda oyunun təşkili üçün 7 milyon avro xərcləyib.Milli.az xəbər verir ki, bu barədə Estoniya Futbol İttifaqının prezidenti Ayvar Poxlak bildirib. O, deyib ki, Estoniya hökuməti paytaxt Tallində matçın keçirildiyi "Lilleküla" stadionunun yenidənqurması üçün 5 milyon avro ayırıb. Milli assosiasiya isə 2 milyon avro sərf edib.Qeyd edək ki, Superkubokda iki İspaniya komandası - Çempionlar Liqasının qalibi "Real Madrid"lə Avropa Liqasında birinci olan "Atletiko" qarşılaşıb. Oyun Dieqo Simeonenin rəhbərlik etdiyi kollektivin 4:2 hesablı qələbəsi ilə yekunlaşıb.xeber100.com

İtaliya A Seriyasında ilk turun 2 oyunu təxirə salınıb

İtaliya A Seriyasında 2018-2019 mövsümünün ilk turunun 2 oyunu təxirə salınıb.Milli.az xəbər verir ki, avqustun 14-də Genuya şəhərindəki Morandi körpüsünün çökməsi nəticəsində baş vermiş faciəyə görə avqustun 19-a təyin olunan "Milan" - "Cenoa" və "Sampdoriya" - "Fiorentina" matçları keçirilməyəcək.Rəhbərlik hazırda digər oyunların da başqa vaxta keçirilməsini müzakirə edir.Qeyd edək ki, məlum faciə nəticəsində 38 nəfər dünyasını dəyişib.xeber100.com

Stolüstü Tennis Federasiyasının məlumatı

Stolüstü tennis üzrə yeniyetmələrdən ibarət Azərbaycan və İran yığma komandalarının birgə təlim-məşq toplanışı davam edir.Azərbaycan Stolüstü Tennis Federasiyasından Azərtac-a bildiriblər ki, avqustun 11-də başlayan və bir həftə davam edəcək təlim-məşq toplanışı Azərbaycan, İran və Türkiyə Stolüstü Tennis federasiyaları arasında imzalanan əməkdaşlıq haqqında Anlaşma Memorandumuna əsasən təşkil olunub.Təlim-məşq toplanışı yeniyetmələr arasında fiziki-taktiki hazırlığı artırmaq məqsədi daşıyır.xeber100.com

UEFA Super Kubokunun 44-cü qalibi müəyyənləşəcək

Avqustun 15-də Madridin iki təmsilçisi - “Atletiko” və “Real” 44-cü UEFA Super Kuboku uğrunda mübarizə aparacaqlar.Azərtac xəbər verir ki, qarşılaşma Estoniyanın paytaxtında Tallinndə “Lilleküla” stadionunda baş tutacaq.“Real Madrid” 2017-2018 mövsümündə Çempionlar Liqasının, “Atletiko” isə Avropa Liqasının qalibi olub. UEFA Super Kuboku tarixində ilk dəfə eyni şəhərin iki komandası qarşılaşacaq.“Real Madrid” UEFA Super Kubokunun hazırkı sahibidir. Ötən ilin avqustunda Madrid klubu “Mançester Yunayted”i 2:1 hesabı ilə məğlub edib.1972-ci ildən təşkil olunan Super Kuboku ən çox qazananlar İspaniyanın “Barselona” və İtaliyanın “Milan” komandalarıdır. Hər iki klub 5 dəfə qələbə sevinci yaşayıb. Bu gün “Real Madrid” qələbə qazanacağı təqdirdə “Barselona” və “Milan” klubları ilə UEFA Super Kuboku sayını bərabərləşdirəcək. “Atletiko Madrid” isə bu vaxta kimi iki dəfə bu titula sahib olub (2010, 2012).Görüş Bakı vaxtı ilə saat 23:00-da baş tutacaq. Qarşılaşmanı polşalı Şimon Marçinek idarə edəcək. Ona Pavel Sokolckiy və Tomaş Listkeviç kömək edəcəklər. Dördüncü hakim funksiyasını isə Ovidiu Xaceqan yerinə yetirəcək.xeber100.com

Azərbaycan yığma komandası hazırlıq çərçivəsində

Minskdə təlim-məşq toplanışında olan futbol üzrə 17 yaşadək qızlardan ibarət Azərbaycan yığma komandası hazırlıq çərçivəsində iki yoxlama oyunu keçirib.Azərtac AFFA-nın saytına istinadla xəbər verir ki, Belarusun müvafiq yaş qrupundan ibarət komandası ilə qarşılaşan yığmamız 1:0 hesabı ilə qalib gəlib. Millimizin heyətində Nigar Mirzəliyeva fərqlənib.Xatırladaq ki, bu komandalar arasında avqustun 12-də keçirilmiş oyunda Belarus yığması eyni hesabla qalib gəlmişdi.xeber100.com

Qılıncoynatma Federasiyasının məlumatı əsasında…

Avqustun 19-da Heydər Əliyev Mərkəzinin parkında qılıncoynatma üzrə növbəti pulsuz ustad dərsləri keçiriləcək. İştirakçılar burada keçirilən açıq məşğələlər zamanı öyrəndikləri bütün elementləri bir yerə toplayaraq yerinə yetirəcəklər.Bu barədə Azərtac-a Azərbaycan Qılıncoynatma Federasiyasından bildiriblər.Ölkə yığmasının baş məşqçiləri Elxan Əhmədov, Sudef Quliyev və digərləri tərəfindən aparılacaq ustad dərslərində yaşı 10-dan yuxarı hər kəs iştirak edə bilər. Zəruri qılıncoynatma təchizatı (gödəkçə, maska, əlcək, şpaqa və ya qılınc) yerində veriləcək.xeber100.com