UEFA Çempionlar Liqasının II təsnifat mərhələsinin cavab matçında

Avqustun 1-də Ağdamın “Qarabağ” klubu UEFA Çempionlar Liqasının II təsnifat mərhələsinin cavab matçında Albaniya təmsilçisi “Kukesi” komandasını qəbul edəcək.Azərtac xəbər verir ki, səfərdə keçirdiyi ilk oyunda qolsuz heç-heçə edən Qurban Qurbanovun yetirmələri doğma meydanda azarkeşlər önündə qələbə qazanmağa çalışacaqlar. Ağdam təmsilçisi bu görüşdə yeni transferləri - Con Delarj və İnnosent Emeqaranı da meydana çıxara bilər.“Qarabağ” komandası “Kukesi” səddini keçəcəyi təqdirdə BATE (Belarus) – HİK (Finlandiya) qarşılaşmasının qalibi ilə üz-üzə gələcək. Məğlub olan komanda isə UEFA Avropa Liqasının III təsnifat mərhələsində “Torpedo” (Gürcüstan) – “Vikinqur” (Farer adaları) matçında üstün olan klubla qarşılaşacaq.Görüş Bakı vaxtı ilə saat 21:00-da başlayacaq. Oyunun slovakiyalı baş hakim Peter Kraloviç idarə edəcək.Xatırladaq ki, dünən UEFA Çempionlar Liqasının üç oyunu keçirilib. Səfərdə rəqibinə 0:1 hesabı ilə məğlub olan Moldovanın “Şerif” klubu evdə Makedoniyanın “Şkendiya” komandasını sınağa çəkib. Görüş qolsuz heç-heçə ilə yekunlaşıb. Bununla da “Şkendiya” mərhələ adlayıb.İlk oyunda İsrailin “Hapoel” komandasını beş cavabsız qolla darmadağın edən Xorvatiyanın “Dinamo” klubu cavab oyununda məhsuldar heç-heçə (2:2) sayəsində adını növbəti mərhələyə yazdırıb.Slovakiyanın “Spartak” klubu Trnavada Polşanın “Legiya” komandasına 0:1 hesabı ilə uduzub. Lakin ilk görüşdən 2:0 hesablı qələbə ilə ayrılan “Spartak” iki oyunun nəticəsinə görə bu turnirdə mübarizəni davam etdirəcək.xeber100.com

UEFA Çempionlar Liqasının II təsnifat mərhələsində

Bu gün UEFA Çempionlar Liqasında II təsnifat mərhələsinin cavab oyunları start götürəcək.Azərtac xəbər verir ki, ilk oyun günündə üç qarşılaşma keçiriləcək. Səfərdə rəqibinə 1:0 hesabı ilə məğlub olan Moldovanın “Şerif” klubu evdə Makedoniyanın “Şkendiya” komandasını sınağa çəkəcək.İlk oyunda İsrailin “Hapoel” komandasını beş cavabsız qolla üstələyən Xorvatiyanın “Dinamo” klubu möcüzə baş verməsə, növbəti mərhələyə vəsiqə qazanacaq. Hər iki qarşılaşma Bakı vaxtı ilə saat 21:00-da baş tutacaq.Günün saat 22:30 da başlayacaq son oyununda isə Slovakiyanın “Spartak” ilə Polşanın “Legiya” komandaları üz-üzə gələcək.Qeyd edək ki, ilk matçda səfərdə Albaniyanın “Kukesi” klubu ilə qolsuz heç-heçə edən Ağdamın “Qarabağ” klubu II təsnifat mərhələsinin cavab oyununa avqustun 1-i çıxacaq. Tofiq Bəhramov adına Respublika stadionunda keçiriləcək qarşılaşma Bakı vaxtı ilə saat 21:00-da start götürəcək.xeber100.com

Avropa çempionatının oyunlarına təyinatlar açıqlanıb

Qadın futzalçılardan ibarət milli komandalar arasında ilk dəfə təşkil edilən Avropa çempionatının ilkin seçmə mərhələsinin oyunlarına təyinatlar açıqlanıb.Azərtac AFFA-nın saytına istinadla xəbər verir ki, FIFA referisi Yusif Nurullayev çempionatın “C” qrupunun avqustun 20-dən 24-dək Moldovanın paytaxtı Kişineuda keçiriləcək oyunlarını idarə edəcək. Bu qrupda Belarus, Ermənistan və Moldova milli komandaları yer alıblar.Futzal üzrə FIFA referisi Ramil Namazov isə UEFA Çempionlar Liqasının ilkin seçmə mərhələsinin “A” qrupunda keçiriləcək oyunlara təyinat alıb. “Mostar”, “Futsal Gentofte”, “Makkabi Nahalat Yitjak Tel Aviv” və “Wattcell Futsal Club” komandalarının mübarizə aparacağı bu qrupun görüşləri avqustun 28-dən sentyabrın 2-dək Bosniya və Herseqovinada oynanılacaq.xeber100.com

Cüdo üzrə Qran-Pri yarışına yekun vurulub

Xorvatiyanın paytaxtı Zaqrebdə keçirilən cüdo üzrə Qran-Pri yarışına yekun vurulub. Beynəlxalq turnirin sonuncu günü millimiz aktivinə daha bir medal yazdırıb.Azərtac xəbər verir ki, 90 kiloqram çəki dərəcəsində ölkəmizi təmsil edən Məmmədli Mehdiyev turnirin bürünc medalını qazanıb.Bundan əvvəl Rüstəm Orucov (73 kq) və Elxan Məmmədov (90 kq) bürünc medal əldə etmişdilər.Qeyd edək ki, 78 ölkədən 508 (326 kişi, 182 qadın) cüdoçunun qüvvəsini sınadığı Qran-Pridə Azərbaycan millisi 11 cüdoçu (10 kişi, 1 qadın) ilə təmsil olunub.xeber100.com

Ağır atletika üzrə Avropa birinciliyi keçirilib

İyulun 22-29-da İtaliyanın Milan şəhərində keçirilən 15 və 17 yaşadək yeniyetmə oğlan və qızlar arasında ağır atletika üzrə Avropa birinciliyi keçirilib.Azərtac xəbər verir ki, 40-dək ölkədən 300-dən çox atletin iştirak etdiyi turnirdə Azərbaycan yığmasının üzvləri də körpücük üzərinə çıxıblar. Onlar tarixi uğura imza ataraq komanda hesabında Avropa birinciliyinin qalibi adına layiq görülüblər.Yeniyetmələrdən ibarət yığma komandamız toplamda 4 qızıl, 1 gümüş və 2 bürünc, ümumilikdə isə ayrı-ayrılıqda birdən və təkanla qaldırma hərəkətləri, həmçinin toplamdakı medallar nəzərə alınmaqla 22 medal qazanıb. Bu göstəricidə Azərbaycan 25 medal qazanan Türkiyə yığmasından sonra ikinci olub.17 yaşadək olan qız ağır atletlərimiz 115 xalla 12-ci, oğlan ağır atletlərimiz isə 471 xalla (4 qızıl, 3 gümüş və 3 bürünc medal) dördüncü yerə çıxıblar. 15 yaşadək olan qız ağır atletlərimiz Avropa birinciliyinə 44, 48, 53, 58, 63, 69 kiloqramda cəmi yeddi nəfərlə qatılıblar. Toplam 409 xal toplayan qızlardan ibarət yığmamız komanda hesabında Avropada üçüncü yeri tutmağı bacarıb. Millimiz yalnız İtaliya və Türkiyədən geri qalıb.15 yaşadək olan yeniyetmə oğlan ağır atletlərdə isə yığmamız 50, 56, 62, 77 və 94 kiloqram çəki dərəcələrində cəmi səkkiz nəfərlə təmsil olunub. 6 qızıl, 4 gümüş və 3 bürünc medal qazanan yığmamız bu nəticə ilə medal hesabında Avropanın ikinci ən güclü komandası olub. Medallarla yanaşı, atletlərimiz milli komandanın aktivinə xallar da yazdırıblar. Nəticədə yığmamızın üzvləri cəmi 550 xal toplayıblar. Bunun sayəsində Azərbaycan yığması Bolqarıstan və Türkiyə millilərini arxada qoyaraq komanda hesabında Avropa birinciliyinin qalibi adına layiq görülüb.xeber100.com

“Qarabağ” futbol klubu Çempionlar Liqasının 2-ci təsnifat mərhələsində

“Qarabağ”ın Çempionlar Liqasının 2-ci təsnifat mərhələsindəki rəqibi olan “Kukesi” klubunun prezidenti Safet Qyiçi futbolçulara “Valletta” ilə oyunlardan əvvəl vəd etdiyi 100 min avroluq mükafatı verib.Azərtac xəbər verir ki, təmsilçimizlə matçdan (0:0) sonra komandanın çıxışından razı qalan prezident vədinə əməl edib.“Qarabağ”la avqustun 1-də keçiriləcək cavab görüşü öncəsi S.Qyiçinin bu addımı komandada əhval-ruhiyyəni yüksəldib. Hətta o, futbolçulara yeni mükafat da söz verib. Əgər “Kukesi” “Qarabağ”ı keçsə, oyunçular boş kağıza istədikləri məbləği yazacaqlar. Bu məbləğin isə əvvəlkindən çox olacağı gözlənilir. Çünki albanlar “Qarabağ”ı “Valletta”dan daha ciddi rəqib hesab edirlər.“Qarabağ”–“Kukesi” oyunu avqustun 1-də Tofiq Bəhramov adına respublika stadionunda keçiriləcək. Görüş Bakı vaxtı ilə saat 21:00-da baş tutacaq.xeber100.com

“Real Madrid” klubu “Çelsi”yə 100 milyon funt təklif edib

Madridin “Real” klubu belçikalı qapıçı Tibo Kurtua və braziliyalı yarımmüdafiəçi Vilyama görə Londonun “Çelsi” klubuna 100 milyon funt (112 milyon avro) ödəməyə hazırdır.Azərtac Madrid klubunun rəsmi saytına istinadla xəbər verir ki, T.Kurtua “kral klubu”na razılıq verib. Əgər “Çelsi” klubu avqustun 9-na kimi (transfer pəncərəsinin bağlanma günü) Tibo Kurtua üçün əvəzləyici tapsa qapıçı “Real” klubuna transfer oluna bilər.T.Kurtua 2014-cü ildən “Çelsi” klubunun şərəfini qoruyur. O, London klubunun heyətində 126 oyun çıxıb, 71 oyunda qapısını toxunulmaz saxlayıb.Vilyam 2013-cü ildən “Çelsi” klubunun formasını geyinir. Keçən mövsüm İngiltərə Premyer Liqasında 55 oyun start heyətdə meydana çıxan braziliyalı 13 dəfə fərqlənib və 8 dəfə məhsuldar ötürmə ilə yadda qalıb.Qeyd edək ki, Rusiyada keçirilən dünya çempionatında Tibo mundialın ən yaxşı qapıçısı “Qızıl əlcək” mükafatı alıb. Vilyamın komandası Braziliya millisi isə dörddəbir final mərhələsində Belçikaya məğlub olaraq turnirdə mübarizəsini dayandırıb.xeber100.com

Cüdo üzrə “Qran-Pri” yarışına yekun vurulub

Xorvatiyanın paytaxtı Zaqrebdə cüdo üzrə “Qran-Pri” yarışına yekun vurulub.Apasport.az saytının məlumatına görə, beynəlxalq turnirin sonuncu günü millimiz aktivinə daha bir medal yazdırıb.90 kq çəki dərəcəsində ölkəmizi təmsil edən Məmmədli Mehdiyev Zaqrebdə bürünc medal qazanıb.Qeyd edək ki, 78 ölkədən 508 (326 kişi, 182 qadın) cüdoçunun qüvvəsini sınadığı “Qran-Pri”də Azərbaycan millisi 11 (10 kişi, 1 qadın) cüdoçu ilə təmsil olunub. Cüdoçularımız turnirdə 3 bürünc medal qazanıb - Rüstəm Orucov (73 kq), Məmmədəli Mehdiyev (90 kq), Elxan Məmmədov (90 kq).xeber100.com

Güləş üzrə 46-cı beynəlxalq turnir keçirilib

Türkiyənin İstanbul şəhərində sərbəst və qadın güləşi üzrə Yaşar Doğunun xatirəsinə həsr olunan sayca 46-cı beynəlxalq turnir keçirilir.Apa-nın Azərbaycan Güləş Federasiyasının saytına istinadən verdiyi xəbərə görə, turnirin ilk günündə 57, 65, 74, 86 və 97 kq çəki dərəcələrində sərbəst, 50, 55, 59, 65 və 72 kq çəki dərəcələrində qadın güləşçilər mübarizə aparıb.Sərbəst güləşçilərin mübarizəsində Əli Rəhimzadə (65 kq), Murad Süleymanov (86 kq) və Aslanbek Alborov (97 kq) bütün rəqiblərindən üstün olaraq finala yüksəlib. Finalda güləşçilərimiz müvafiq olaraq İran, ABŞ və İran idmançıları ilə qarşılaşacaq.Aslanbek Alborov ilk görüşdə komanda yoldaşı Şərif Şərifovu, yarımfinalda isə ABŞ idmançısı, Olimpiya çempionu Kyle Şnayderi mübarizədən kənarlaşdırıb.Qadın güləşçilərin mübarizəsində isə 65 kq-da təmsilçimiz İrina Netreba bütün rəqiblərini məğlub edərək finala yüksəlib. Yarımfinalda Netreba komanda yoldaşı Elis Manolovadan üstün olub. Finalda İrina Netrebanın, eləcə də bürünc medal görüşünə çıxacaq Elis Manolovanın rəqibi Ukrayna idmançısı olacaq.Final görüşləri Bakı vaxtı ilə 28 iyul, saat 18:30-da başlayacaq.xeber100.com

İngiltərənin “Suonsi Siti” komandasının hücumçusu icarəyə götürülüb

Türkiyənin “Fənərbağça” klubu İngiltərənin “Suonsi Siti” komandasının hücumçusu Andre Ayyunu bir illik icarəyə götürüb.İstanbul klubunun rəsmi saytı xəbər verir ki, Qana yığmasının 29 yaşlı forvardı cari mövsümün sonunadək “Fənərbağça”da çıxış edəcək.A.Ayyu əvvəllər Fransanın “Marsel”, “Lorian”, “Arl-Avinyon” və İngiltərənin “Vest Hem” komandalarında oynayıb.xeber100.com