“Qarabağ” klubu BATE komandası ilə üz-üzə gələcək

Bu gün UEFA Çempionlar Liqasının III təsnifat mərhələsinin ilk oyunları keçiriləcək.Azərtac xəbər verir ki, Azərbaycan çempionu “Qarabağ” klubu doğma meydanda Bolqarıstanın BATE komandası ilə üz-üzə gələcək. Qarşılaşmanın start fiti Bakı vaxtı ilə saat 21:00-da Tofiq Bəhramov adına Respublika Stadionunda veriləcək. Oyunu isveçli Andreas Ekberqin rəhbərlik etdiyi hakimlər briqadası idarə edəcək. Ona Mehmet Kulum və Stefan Hallberq kömək edəcəklər. Dördüncü hakim funksiyasını isə Kristofer Karlsson yerinə yetirəcək.Bu komandalar indiyədək heç vaxt qarşılaşmayıblar. BATE klubu Belarusun ən titulu klublarından biridir. Borisov təmsilçisi 14 dəfə ölkə çempionu olub. Aleksey Baqanın yetirmələri indiyədək 11 dəfə avrokuboklarda iştirak etmək hüququ qazanıb. Klubun ən böyük nailiyyəti UEFA Avropa Liqasının onaltıdabir final mərhələsinə yüksəlməsidir (2010 və 2012-ci illərdə). Bu komanda UEFA-nın klub reytinqində 70-ci pillədə qərarlaşıb.Ağdam təmsilçisi birinci təsnifat mərhələsində Sloveniya “Olimpiya”sını mübarizədən kənarlaşdırıb. Səfərdə rəqibini 1:0 hesabı ilə məğlub edən Qurban Qurbanovun yetirmələri evdə 0:0 hesablı heç-heçə edərək, növbəti mərhələyə yüksəliblər. İkinci təsnifat mərhələsində “Qarabağ” Albaniyanın “Kukesi” klubunu iki oyunun nəticəsinə görə ilə üstələyib (0:0, 3:0).Ağdamlılar altı dəfə Azərbaycan çempionu və ölkə kubokunun qalibi olub. Qurban Qurbanovun yetirmələrinin avrokuboklarda ən yaxşı göstəricisi 2017/2018-ci illər mövsümündə UEFA Çempionlar Liqasının qrup mərhələsinə vəsiqə qazanmaları olub.“Qarabağ”-BATE duelin qalibi pley-off mərhələsində Hollandiyanın PSV klubu ilə qarşılaşacaq. Mübarizəni dayandıran klub isə Avropa Liqasının play-off mərhələsində “Şerif” (Moldova) – “Valür” (İslandiya) cütünün qalibi ilə üz-üzə gələcək.xeber100.com

Çempionlar Liqasının III təsnifat mərhələsində

“Qarabağ” ilə şanslarımızı bərabər hesab edirəm. Bakıya müsbət nəticə üçün gəlmişik. “Qarabağ”ın yaxşı çıxış edən komanda olduğunu bilirik. Fikrimcə, çətin olacaq. Lakin istənilən halda hər şey özümüzdən asılıdır.Azərtac Belta.ru saytına istinadla xəbər verir ki, bunu Belarusun BATE klubunun futbolçusu Aleksandr Qleb “Qarabağ” komandası ilə keçirəcəkləri Çempionlar Liqasının III təsnifat mərhələsinin ilk oyunundan əvvəl deyib. 37 yaşlı yarımmüdafiəçi bildirib ki, bu cütün aşkar favoriti yoxdur. O, “Qarabağ” barədə elə də məlumatlı olmadıqlarını etiraf edib: “Rəqibimizin ötən mövsüm Çempionlar Liqasındakı çıxışlarına baxmışam və bəyənmişəm. Hərəkətli və döyüşkən komandadır. Hətta Avropanın top-komandaları da bu kollektivlə qarşılaşmalarda çətinliklə üzləşirdilər. Bu, çox şeydən xəbər verir. “Qarabağ”ı çox ciddi qəbul edirik”.A.Qleb BATE-nin əvvəlki səviyyədə olmadığı barədə fikirlərə də münasibət bildirib: “Bu sözləri istənilən rəqib barədə də demək olar. Futbolun səviyyəsi ildən-ilə artır. Hətta top-komandalar üçün də autsayderlərlə oynamaq çətinləşir. Bunu 2018-ci il dünya çempionatı da göstərdi. Ona görə də bütün bunlar yalnız söz-söhbətlərdir”.Qeyd edək ki, qarşılaşma Tofiq Bəhramov adına Respublika Stadionunda keçiriləcək “Qarabağ” - BATE matçı Bakı vaxtı ilə saat 21:00-da başlayacaq. Aleksandr Qleb Belarus futbolunun canlı əfsanəsi sayılır. O, ən böyük uğuruna İspaniyanın “Barselona” klubunun heyətində 2008/2009-cu il mövsümündə Çempionlar Liqasını qazanmaqla imza atıb.xeber100.com

“Qalatasaray” futbol klubu “Akhisarspor”la qarşılaşıb

Avqustun 5-də futbol üzrə Türkiyə Superkuboku uğrunda oyunda ötən mövsümün superliqa çempionu "Qalatasaray" Türkiyə kubokunun qalibi "Akhisarspor"la qarşılaşıb.Azərtac xəbər verir ki, görüş "Akhisarspor"un qələbəsi ilə başa çatıb.Baş hakim Cüneyt Çakırın idarə etdiyi oyunda hesabı birinci hissənin 5-ci dəqiqəsində Yevqeni Seleznyovun vurduğu qolla "Akhisarspor" komandası açıb. Lakin qalatasaraylılar matçın ikinci hissəsinin 79-cu dəqiqəsində hesabı bərabərləşdirməyə nail olublar. Eren Derdiyok Yuto Naqatomonun ötürməsini qola çevirib."Qalatasaray" komandası görüşün qalan dəqiqələrində üstün oyun nümayiş etdirsə də, hesab dəyişməyib-1:1.Əlavə olunan vaxtda da qalib müəyyənləşmədiyindən 11 metrlik cərimə zərbələri seriyası təyin olunub.Beləliklə, gərginliyi ilə yadda qalan matçda penaltilər seriyasında 5:4 hesabı ilə qalib gələn "Akhisarspor" tarixində ilk dəfə Türkiyə Superkubokunun qalibi olub. "Qalatasaray"ın hücumçusu Bafetimbi Qomisin zərbəsini rəqib komandanın qapıçısı dəf edib.Qarşılaşmanın 44-cü dəqiqəsində yaranan mübahisəli epizodda Türkiyə futbol tarixində ilk dəfə olaraq videonəzarət sistemindən (VAR) istifadə edilib.xeber100.com

Romada güləş üzrə Avropa çempionatı keçirilib

İtaliyanın paytaxtı Romada gənclər arasında güləş üzrə Avropa çempionatı keçirilib.Azərbaycan Güləş Federasiyasından Azərtac-a bildiriblər ki, çempionatın sonuncu günündə Dünya Güləş Birliyinin İcraiyyə Komitəsinin növbəti iclası baş tutub.İclasda Azərbaycan Güləş Federasiyasının birinci vitse-prezidenti, İcraiyyə Komitəsinin üzvü Namiq Əliyev də iştirak edib.Toplantıda Dünya Güləş Birliyinin ötən dövrdəki fəaliyyəti, qarşıdakı hədəflər, dünyada güləş idmanının daha da inkişafı və populyarlığının artırılması üçün görüləcək işlər müzakirə edilib, İcraiyyə Komitəsi üzvlərinin təklifləri dinlənilib.Məlumat üçün bildirək ki, Azərbaycan Güləş Federasiyasının birinci vitse-prezidenti Namiq Əliyev Dünya Güləş Birliyinin 2016-cı ilin sentyabrında Fransanın Makon şəhərində keçirilən illik konqresində ikinci dəfə altı illik müddətə İcraiyyə Komitəsinə üzv seçilib.xeber100.com

“BATE” klubu 2018/2019-cu illər mövsümündə

Belarusun “BATE” klubu 2018/2019-cu illər mövsümündə Çempionlar Liqasının III təsnifat mərhələsində Azərbaycanın “Qarabağ” futbol klubu ilə keçirəcəyi səfər görüşünə yola düşüb.Azərtac “BATE” klubunun saytına istinadla xəbər verir ki, Aleksey Baqinin məşqçi qərargahı qarşıdakı matçda 20 futbolçuya ümid bəsləyir. Qapıçılar: Aleksey Çernıx, Anton Çiçkan, Denis Şerbitski. Müdafiəçilər - Zaxar Volkov, Maksim Volodko, Nemanya Milunoviç, Aleksey Rios, Yeqor Filipenko, Aleksandr Filipoviç, Yevqeni Yablonski. Yarımmüdafiəçilər: Dmitri Baqa, Yevgeni Beryozkin, Aleksandr Qleb, Stanislav Draqun, Mirko İvanoviç, İqor Staseviç. Hücumçular: Vladislav Muxamedov, Nikolay Siqneviç, Maksim Skavış, Yasse Tuominen.xeber100.com

“Mançester Siti” futbol klubu “Çelsi” ilə qarşılaşıb

Bu gün İngiltərə superkuboku uğrunda oyun keçirilib.Milli.az xəbər verir ki, Londonun "Uembli" stadionunda son çempion "Mançester Siti" ölkə kubokunun qalibi "Çelsi" ilə qarşılaşıb. Matç "Mançester Siti"nin 2:0 hesablı qələbəsi ilə başa çatıb. "Çelsi" - "Mançester Siti" - 0:2 Qollar: Serxio Aquero, 13, 58.xeber100.com

PSJ futbol klubu ilə “Monako” üz-üzə gəliblər

Fransa Superkubokunun sahibi müəyyənləşib.Milli.Az xəbər verir ki, həlledici görüşdə son çempion PSJ ilə ölkə kubokunun qalibi "Monako" üz-üzə gəliblər. Çində keçirilən qarşılaşma Paris klubunun 4:0 hesablı qələbəsi ilə başa çatıb.Paytaxt təmsilçisinin heyətində qolları Anhel di Mariya (33 və 90), Kristofer Nkunku (40) və Timoti Vea (67) vurublar.

BATE klubu Çempionlar Liqasının III təsnifat mərhələsində

Belarusun BATE klubu Çempionlar Liqasının III təsnifat mərhələsində “Qarabağ”la keçirəcəyi oyunlar üçün iştirak ərizəsini UEFA-ya təqdim edib.Azərtac UEFA-nın rəsmi saytına istinadla xəbər verir ki, siyahıda 26 futbolçu yer alıb.Qapıçılar: Aleksey Çernıx, Anton Çiçkan, Denis Şerbiçki Müdafiəçilər: Aleksandr Filipoviç, Nikola Vasilyeviç, Nemanya Milunoviç, Yeqor Filipenko, Zaxar Bolkov, Artyom Şkurdyuk, Maksim Volodko.Yarımmüdafiəçilər: Yevgeni Yablonski, Yevgeni Beryozkin, Stanislav Draqun, Mirko İvaniç, Aleksandr Qleb, Aleksey Rios, İqor Staseviç, Dmitri Baqa, Alеksandr Nemirko, Mixail Qordeyçuk.Hücumçular: Nikolay Ciqneviç, Maksim Skaviş, Yasse Tuminen, İlya Sen, Vladislav Mukamedov, Kiril Yermakoviç.Qeyd edək ki, “Qarabağ” və BATE komandaları arasında ilk matç avqustun 7-də Bakıda, cavab görüşü isə ayın 14-də Borisovda olacaq. Hər iki qarşılaşma saat 21:00-da başlanacaq.xeber100.com

“Neftçi” futbol klubu müqavilənin müddətini uzadıb

“Neftçi” Mirabdulla Abbasovla müqavilənin müddətini uzadıb.Azərtac xəbər verir ki, iyirmi üç yaşlı hücumçu 2019/2020-ci illər mövsümünün sonunadək “Neftçi”də çıxış edəcək.Ötən mövsüm 30 oyunda 6 qol vuran Mirabdulla Abbasovun əvvəlki müqaviləsi 2018/2019-cu illər mövsümünün sonuna qədər idi.Qeyd edək ki, “Neftçi” bundan əvvəl Ruslan Abışov, Kirilo Petrov, Məhəmməd Mirzəbəyov, Emin Mahmudov, Rəhman Hacıyev, Anton Krivotsyuk, Soni Mustivar və Namiq Ələsgərovla müqaviləni yeniləyib.xeber100.com

Beynəlxalq Şahmat Federasiyasının reytinq cədvəlində

Azərbaycan qrossmeysteri Şəhriyar Məmmədyarov Beynəlxalq Şahmat Federasiyasının (FIDE) reytinq cədvəlində üçüncü yeri tutur.Azərtac xəbər verir ki, FIDE 2018-ci il avqustun 1-i üçün reytinq cədvəlini dərc edib.FIDE-nin rəsmi saytında bildirilir ki, 2018-ci il iyulun 1-i üçün reytinq cədvəlində 2801 xal ilə üçüncü yeri tutan Şəhriyar Məmmədyarov bu dəfə də həmin reytinq əmsalını və əvvəlki yerini qoruyub saxlayıb.Dünyanın ən güclü şahmatçılarının siyahısında birinci yeri yenə Norveç nümayəndəsi, hazırkı dünya çempionu Maqnus Karlsen (2841), ikinci yeri iddiaçılar turnirinin qalibi, amerikalı Fabiano Karuana tutur (2821).Siyahıda sonrakı yerləri çinli Din Lijen (2796), amerikalı Uesli So (2780), hollandiyalı Aniş Giri və rusiyalı Vladimir Kramnik (hərəyə 2779 xal), fransız Maksim Vaşye-Laqrav (2778), amerikalı Hikaru Nakamura (2777) və rusiyalı Sergey Karyakin tutur (2772).Azərbaycanın digər nümayəndəsi Teymur Rəcəbov da öz əmsalını (2751) və sıra nömrəsini (17) saxlayır. Reytinq əmsalını 2711-ə çatdırmış Arkadi Naydiç 47-ci mövqedən 33-cü yerə qalxıb. Dünya üzrə ilk yüzlüyə Azərbaycan qrossmeysterləri Rauf Məmmədov (2708, 38-ci yer), Eltac Səfərli (2676, 65-ci yer) və Qədir Hüseynov da daxildir (2665, 77-ci yer).Qadın şahmatçılar arasında ilk onluğa aşağıdakılar daxildir: çinli Hou İfan (2657), onun həmyerlisi Tszyuy Ventszyun (2565), ukraynalı Anna Muzıçuk (2563), rusiyalılar Aleksandra Kostentyuk (2558), Yekaterina Laqno (2556), Aleksandra Qoryaçkina (2534), çinli Tan Çjunyi (2529), rusiyalı Valentina Qunina (2528), ukraynalı Mariya Muzıçuk (2527) və gürcüstanlı Nana Dzaqnidze (2519).Dünyanın ən yaxşı yüz qadın şahmatçısının siyahısına azərbaycanlı Günay Məmmədzadə də daxildir. Reytinq əmsalı 2426 olan Günay bu siyahıda 39-cu yeri tutur.xeber100.com