Beynəlxalq tennis çempionatının qalibləri müəyyənləşəcək

İyulun 27-də Bakıda keçirilən ikinci beynəlxalq həmrəylik tennis çempionatının qalibləri müəyyənləşəcək.Azərtac xəbər verir ki, qızların şəxsi yarışlarının finalında rusiyalı tennisçi Anjelika İsayeva və Qırğızıstan təmsilçisi Kseniya Palkina üzə-üzə gələcəklər. Oğlanların şəxsi mübarizəsində isə finalda belaruslu idmançılar Yaroslav Şila və Maksim Dubarenko qarşılaşacaqlar.Qız cütlüklərin yarışında qızıl medal uğrunda görüşdə Züleyxa Səfərova (Azərbaycan) - Anjelika İsayeva (Rusiya) tandemi qırğızıstanlı Kseniya Palkina-Sara Kunakunova dueti ilə qızıl medal uğrunda görüşəcəklər. Tennisçilərimiz Alina Qavriş-Umayra Həşimova isə bürünc medal uğrunda görüşdə türkiyəli Selin Lidya Sepkin-Lara Biter dueti ilə üz-üzə gələcəklər.Oğlan cütlüklərin yarışında finalda türkiyəli tennisçilər Bora Başlar və Burakcan Yılmaz Belarus tandemi Yaroslav Şila və Maksim Dubarenko ilə qarşılaşacaqlar. Üçüncü yer uğrunda isə iraqlı raketka ustaları Ali Casim Davud Suad və Adil Mustafa Abdulkarim Al-Saedi seneqallı Yannik Lanquina və İraq təmsilçisi Mustafa Faysal Mahmud Al-Saedi ilə görüşəcəklər.Yarışda Azərbaycan tennisçiləri ilə yanaşı, Albaniya, Bəhreyn, Belarus, İraq, Qırğızıstan, Maldiv adaları, Mozambik, Rusiya, Səudiyyə Ərəbistanı, Liviya, Seneqal, Tacikistan, Türkiyə və Uqanda idmançıları birincilik uğrunda mübarizə aparırlar.Çempionat Azərbaycan Milli Olimpiya Komitəsi (MOK) ilə İslam Həmrəyliyi İdman Federasiyası (İHİF) arasında imzalanan memorandum əsasında təşkil olunub. Memorandum "Bakı-2017" IV İslam Həmrəyliyi Oyunlarının irsini davam etdirmək, İslam mədəniyyətini və idmanı gənclərə aşılamaq məqsədilə imzalanıb. Hədəf İHİF-ə üzv ölkələrin idmançıları arasında İslam həmrəyliyini möhkəmləndirmək, ən yüksək idman dəyərlərini və prinsiplərini qoruyub saxlamaq, müsəlman ölkələrində idman və Olimpiya hərəkatını, gənclər arasında birlik və qardaşlığı təbliğ etməkdir.Bakı Tennis Akademiyasında təşkil olunan çempionatda 14 və daha yuxarı yaş kateqoriyasına aid idmançılar iştirak edirlər. Tennisçilər 4 qrup üzrə yarışırlar.xeber100.com

2018-2019-cu illər mövsümünün püşkü atılıb

İyulun 27-də Topaz Premyer Liqasının 2018-2019-cu illər mövsümünün püşkü atılıb.Azərtac AFFA-nın saytına istinadla xəbər verir ki, püşkatmanın nəticələrinə əsasən 27-ci ölkə çempionatının ilk turunda sonuncu çempion “Qarabağ” klubu “Zirə” komandası ilə qarşılaşacaq.“Qəbələ” doğma meydanda “Səbail”, “Keşlə” isə “Sabah” klubu ilə üz-üzə gələcək. “Sumqayıt” komandası isə “Neftçi” klubunu qəbul edəcək.Topaz Premyer Liqasının birinci turunun görüşləri avqustun 11-də və 12-də keçiriləcək.xeber100.com

Çempionlar Liqasında ilk oyunlar başa çatıb

UEFA Çempionlar Liqasında II təsnifat mərhələsinin ilk oyunları başa çatıb.Azərtac xəbər verir ki, ikinci oyun günündə 5 qarşılaşma keçirilib və aşağıdakı nəticələr qeydə alınıb: "Kukesi" (Albaniya) - "Qarabağ" (Azərbaycan) - 0:0; BATE (Borisov, Belarus) - HİK (Helsinki, Finlandiya) - 0:0; "Ludoqorets" (Bolqarıstan) - "Videoton" (Macarıstan) - 0:0; "Ayaks" (Hollandiya) - "Şturm" (Qrats, Avstriya) - 2:0; "Seltik" (Şotlandiya) - "Rusenborq" (Norveç) - 3:1.xeber100.com

Azərbaycan millisi təlim-məşq toplanışı çərçivəsində

Qadın voleybolçulardan ibarət Azərbaycan millisinin ikinci heyəti Bakıda hazırlığını davam etdirir.Azərtac xəbər verir ki, komandamız təlim-məşq toplanışı çərçivəsində Bakıda qonaq olan İsveçrə yığması ilə yoxlama matçları keçirib.Azərbaycan Voleybol Mərkəzində keçirilən hər iki qarşılaşmada təmsilçimiz 3:1 hesabı ilə qalib gəlib.xeber100.com

İkinci beynəlxalq həmrəylik tennis çempionatı davam edir

Bakıda keçirilən ikinci beynəlxalq həmrəylik tennis çempionatı davam edir.Azərtac xəbər verir ki, iyulun 26-da - çempionatın dördüncü günündə Azərbaycanın tennisçiləri qoşa yarışlarda mübarizə aparacaqlar.Qız cütlüklərin yarışında tennisçilərimiz Alina Qavriş-Umayra Həşimova qırğızıstanlı Kseniya Palkina-Sara Kunakunova, Züleyxa Səfərova-Anjelika İsayeva (Rusiya) tandemi isə türkiyəli Selin Lidya SepkinLara Biter dueti ilə üz-üzə gələcəklər.İyulun 27-dək davam edəcək yarışda Azərbaycan tennisçiləri ilə yanaşı, Albaniya, Bəhreyn, Belarus, İraq, Qırğızıstan, Maldiv adaları, Mozambik, Rusiya, Səudiyyə Ərəbistanı, Liviya, Seneqal, Tacikistan, Türkiyə və Uqanda idmançıları birincilik uğrunda mübarizə aparırlar.Çempionat Azərbaycan Milli Olimpiya Komitəsi (MOK) ilə İslam Həmrəyliyi İdman Federasiyası (İHİF) arasında imzalanan memorandum əsasında təşkil olunub. Memorandum "Bakı-2017" IV İslam Həmrəyliyi Oyunlarının irsini davam etdirmək, İslam mədəniyyətini və idmanı gənclərə aşılamaq məqsədilə imzalanıb. Hədəf İHİF-ə üzv ölkələrin idmançıları arasında İslam həmrəyliyini möhkəmləndirmək, ən yüksək idman dəyərlərini və prinsiplərini qoruyub saxlamaq, müsəlman ölkələrində idman və Olimpiya hərəkatını, gənclər arasında birlik və qardaşlığı təbliğ etməkdir.Bakı Tennis Akademiyasında təşkil olunan çempionatda 14 və daha yuxarı yaş kateqoriyasına aid idmançılar iştirak edirlər. Tennisçilər 4 qrup üzrə yarışırlar.xeber100.com  

“Qarabağ” klubu ilə Kukesi” matçının biletləri satışa çıxarılıb

UEFA Çempionlar Liqasının II təsnifat mərhələsi çərçivəsində keçiriləcək “Qarabağ” (Azərbaycan) – “Kukesi” (Albaniya) matçının biletləri satışa çıxarılıb.Azərtac klubun rəsmi saytına istinadla xəbər verir ki, avqustun 1-də saat 21:00-da Tofiq Bəhramov adına Respublika stadionunda başlayacaq oyunun biletlərini stadionun kassalarından almaq mümkündür. Biletlərin qiymətləri 1 manat təşkil edəcək. Digər biletləri sektorlara uyğun olaraq, 2 manat, 3 manat, 5 manat və 10 manata almaq olar. VIP biletlər isə 50 manatadır.Biletlər iyulun 24-də səhər 10:00-dan etibarən satışa çıxarılıb. Qarşılaşmaya olan böyük maraq səbəbindən “Qarabağ” futbol klubu vətəndaşlardan biletləri sadəcə Tofiq Bəhramov adına Respublika stadionunun kassalarından holoqramlı bilet almağı xahiş edir.

UEFA Çempionlar Liqasının ikinci təsnifat mərhələsində

İyulun 25-də “Qarabağ” UEFA Çempionlar Liqasının ikinci təsnifat mərhələsində ilk oyununu keçirəcək.Azərtac xəbər verir ki, Azərbaycan çempionu səfərdə Albaniyanın “Kukesi” komandası ilə üz-üzə gələcək. Ağdam təmsilçisi birinci təsnifat mərhələsində Sloveniya “Olimpiya”sını mübarizədən kənarlaşdırıb. Səfərdə rəqibini 1:0 hesabı ilə məğlub edən Qurban Qurbanovun rəhbərlik etdiyi komanda evdə 0:0 hesabı ilə heç-heçə edərək, növbəti mərhələyə yüksəlib. Albaniya klubu isə iki oyunun nəticəsinə görə Malta “Valletta”sını mübarizədən kənarlaşdırıb (0:0, 1:1).Ağdam təmsilçisi bu matça itki ilə çıxacaq. Komandanın aparıcı futbolçularından Dani Kintana zədə səbəbindən qarşılaşmada iştirak edə bilməyəcək.Bu duelin qalibi növbəti mərhələdə BATE (Belarus) – HİK (Finlandiya) cütünün güclüsü ilə qarşılaşacaq. Mübarizəni dayandıran klub isə Avropa Liqasının üçüncü təsnifat mərhələsində “Torpedo” (Kutaisi, Gürcüstan) – “Vikinqur” (Farer adaları) cütünün qalibi ilə üz-üzə gələcək.Qarşılaşma Bakı vaxtı ilə saat 21:00-da başlayacaq. Oyunu norveçli Ola Hobber Nilsen idarə edəcək. Tom Harald Qronevik, Qeyr Oskar İsaksen baş hakimin köməkçiləri Kay Erik Stin isə dördüncü hakim funksiyasını yerinə yetirəcəklər.xeber100.com

Bədii gimnastika üzrə 25-ci Azərbaycan çempionatı keçiriləcək

İsti yay günlərində Milli Gimnastika Arenası növbəti milli yarışa hazırlaşaraq, öz qapılarını bədii gimnastların üzünə açacaq. Belə ki, ən zərif gimnastika növünün nümayəndələri avqustun 10-12-də bədii gimnastika üzrə 25-ci Azərbaycan çempionatı və Bakı birinciliyində güclərini sınayacaqlar.Azərtac xəbər verir ki, fərdi gimnastlar 2002-2010-cu il təvəllüdlü və daha böyük, qrup komandaları isə 2008-2010-cu və 2006-2007-ci il təvəllüdlü yaş kateqoriyasında mübarizə aparacaqlar.Qaliblər fərdi gimnastlar arasında çoxnövçülük xalına görə, qrup hərəkətləri komandalarında ayrı-ayrı alətlərdə çıxışlarına görə və komanda hesabında müəyyənləşəcək.Üç gün boyunca davam edəcək turnirdə tamaşaçıların əyləncəli vaxt keçirməsi üçün maraqlı müsabiqələr və fləşmoblar da təşkil olunacaq.Yarışlara biletləri arenanın kassasından əldə etmək mümkündür. Biletlərin qiyməti 5 manatdır.xeber100.com

Azərbaycan yığma komandası yoxlama oyunu keçirib

On doqquz yaşadək futbolçulardan ibarət Azərbaycan yığma komandası yoxlama oyunu keçirib.Azərtac xəbər verir ki, MOİK-lə qarşılaşan U-19 millimiz 2:1 hesabı ilə qələbə qazanıb.Yığmanın qollarını Emil Qasımov və Elcan Hafizli vurublar.U-19 millimizin baş məşqçisi Vüqar Məmməd deyib: "Təcrübəli futbolçulardan qurulmuş komandaya qarşı oynadıq. Qarşılaşmada sürət yüksək idi. Futbolçuların hamısı meydana çıxmaq şansı qazandı. Bizim üçün çox ağır oyun olsa da, qələbə qazandıq. Komandamı bu münasibətlə təbrik edirəm. Futbolçular meydanda çox çalışdılar. Ancaq razı qalmadığım nüanslar da oldu. Hər oyunda futbolçuların qarşısında müdafiədə diqqətli oynayaraq, hücumda daha dəqiq olmaları tələbini qoyuruq. Nöqsanlar üzərində səylə çalışaraq, oyundan-oyuna səhvləri minimuma endirməliyik".xeber100.com

Formula 1 yarışları 2019-cu il mövsümündə…

Formula 1 yarışlarının kommersiya direktoru Şon Bratçes bildirib ki, 2019-cu il mövsümünün təqvimi 24-26 avqust tarixlərində keçiriləcək Belçika Qran-Prisinə qədər dərc olunacaq. “F1News.ru” saytına istinadla xəbər verir ki, Bratçes mərhələlərin sayını açıqlamaqdan imtina edib. Bildirib ki, bu il olduğu kimi, gələn il də 21 yarışın gözlənildiyi istisna edilmir. “Liberty Media”da Almaniya Qran-Prisini təqvimdə saxlamağa çalışırlar.Şon Bratçes deyib: “Biz alman mərhələsinin saxlanılmasında maraqlıyıq. İyirmi bir Qran-Pridən yalnız üçündə – Avstriya, Böyük Britaniya və Almaniyada yarışlar yerli hökumətin dəstəyi olmadan keçirilir və biz bu məsələnin həlli yollarını tapmağa çalışırıq. Biz ağ bayraq qaldırmağa və 2019-cu ildə Almaniyadakı yarışlardan imtina etməyə hazır deyilik. Bununla bağlı razılıq əldə edilməsində hamı maraqlıdır. Bu gözəl ölkənin çoxlu trası var”.xeber100.com