UEFA Çempionlar Liqasının ikinci təsnifat mərhələsində

Azərbaycan çempionu “Qarabağ” klubu futbol üzrə UEFA Çempionlar Liqasının ikinci təsnifat mərhələsinə yüksəlib.Azərtac xəbər verir ki, iyulun 18-də turnirin birinci təsnifat mərhələsinin cavab oyunları çərçivəsində “Qarabağ” komandası Tofiq Bəhramov adına Respublika stadionunda Sloveniyanın “Olimpiya” komandasını qəbul edib.İsrailli baş hakim Erez Papirin idarə etdiyi oyunun ilk hissəsində komandalar təhlükəli vəziyyətlər yaratsalar da, top qapıdan keçməyib. Matçın ilk hissəsində hesab açılmayıb.İkinci hissəyə komandalar daha fəal başlayıblar. Ancaq baxımlı oyun nümayiş etdirən futbolçular ikinci hissədə də fərqlənə bilməyiblər.Beləliklə, “Qarabağ”-“Olimpiya” matçında hesab açılmayıb.Komandalar arasında Sloveniyada keçirilmiş ilk oyunda “Qarabağ” 1:0 hesabı ilə qələbə qazanıb. İki oyunun nəticəsinə görə, Azərbaycan çempionu turnirin ikinci təsnifat mərhələsinə adlayıb. Bu mərhələdə komandamızın rəqibi Albaniyanın “Kukesi” klubu olacaq.“Qarabağ” – “Olimpiya” qarşılaşması Ağdam təmsilçisinin iki futbolçusu üçün əlamətdar olub. Belə ki, Dani Kintana “Qarabağ”ın heyətində 30-cu avrokubok görüşünü keçirib. Ansi Aqolli isə “Qarabağ”da ümumilikdə 300-cü matçına çıxıb.xeber100.com

“Qarabağ” futbol klubu cavab oyunu keçirəcək

Futbol üzrə UEFA Çempionlar Liqasının birinci təsnifat mərhələsində mübarizə aparan “Qarabağ” bu gün cavab oyununu keçirəcək. Tofiq Bəhramov adına Respublika stadionunda keçiriləcək qarşılaşmada Azərbaycan çempionu Sloveniyanın “Olimpiya” komandasını qəbul edəcək.Azərtac xəbər verir ki, saat 21:00-da başlayacaq matçı İsraildən olan hakimlər briqadası idarə edəcək. Qarşılaşmanın baş hakimi Erez Papir olacaq. Ona həmyerliləri David Elias Biton və Eliyahu Casapu kömək edəcəklər. Dördüncü hakim funksiyasını David Fuxman yerinə yetirəcək.Matçın UEFA nümayəndəsi Robert Kispal (Macarıstan), hakim-inspektoru isə Sokol Jareci (Albaniya) olacaq.Komandalar arasında keçirilmiş ilk oyunda “Qarabağ” 1:0 hesabı ilə qələbə qazanıb.“Qarabağ” mərhələ adlayacağı təqdirdə növbəti turda Albaniya çempionu “Kukesi” ilə qarşılaşacaq. “Kukesi” iki oyunun nəticəsinə görə, Maltanın “Valetta” komandasından üstün olub.xeber100.com

Çempionlar Liqasında I təsnifat mərhələsində

İyulun 18-də futbol üzrə Çempionlar Liqasında I təsnifat mərhələsinin daha altı oyunun cavab görüşləri keçiriləcək.Azərtac xəbər verir ki, ikinci oyun günündə “Qarabağ” Sloveniya “Olimpiya”sını qəbul edəcək. Qazaxıstan “Astana”sı Monteneqroda “Sutyeska”nın qonağı olacaq. Həm Qurban Qurbanovun, həm də Roman Qriqorçukun baş məşqçi olduğu kollektivlər ilk matçdan minimal hesablı qələbə qazanıblar. Qriqorçuk səfərə Azərbaycan millisinin futbolçusu Riçard Almeydanı da aparıb. Almeyda ilk görüşdə iştirak etməyib.İlk cütün qalibi növbəti mərhələdə Albaniyanın “Kukesi”, ikinci cütün sevinən tərəfi isə Danimarkanın “Mityulland” komandası ilə qarşılaşacaq.Məğlub komandalar isə Avropa Liqasının II təsnifat mərhələsində müvafiq olaraq, “Kruzaders” (Şimali İrlandiya) və “Seltik” (Şotlandiya) – “Alaşkert” (Ermənistan) cütünün uduzan tərəfi ilə qarşılaşacaq. İlk görüşdə “Seltik” səfərdə 3:0 hesabı ilə qalib gəldiyindən, Avroliqadakı rəqibin “Alaşkert” olacağı güman olunur.Mərhələnin digər dörd oyunu aşağıdakılardır: “Zrinski” (Bosniya və Herseqovina) – “Spartak” (Trnava, Slovakiya), “Şerif” (Moldova) – “Torpedo” (Kutaisi, Gürcüstan), “Rusenborq” (Norveç) – “Valür” (İslandiya), “Seltik” (Şotlandiya) – “Alaşkert” (Ermənistan).xeber100.com

“Real Madrid”in məşqçisi “Yuventus” klubunun idman direktoru olacaq

“Real Madrid”in sabiq baş məşqçisi Zinəddin Zidan İtaliyanın “Yuventus” klubunun idman direktoru olacaq.Azərtac xəbər verir ki, Zidanın İtaliya klubunda fəaliyyətə oktyabrda başlayacağı gözlənilir.“Real”ın portuqaliyalı hücumçusu Kriştianu Ronaldu da bu ay “Yuventus”a keçib.Qeyd edək ki, Zidan “Real”ın baş məşqçisi postunu mayın 31-də öz istəyi ilə tərk edib. Madrid klubunun baş məşqçisi kimi Zidan üç dəfə Çempionlar Liqasının, iki dəfə UEFA Superkubokunun, iki dəfə klublararası dünya çempionatının, bir dəfə İspaniya çempionatının və İspaniya Superkubokunun qalibi olub.xeber100.com

“Sabah” futbol klubu üçillik müqavilə bağlayıb

Azərbaycan Premyer Liqasının debütantı “Sabah” klubu serbiyalı müdafiəçi Filip İvanoviçlə üçillik müqavilə bağlayıb.Azərtac kluba istinadla xəbər verir ki, müdafiəçi Bakı təmsilçisinin heyətində 13 nömrəli formada çıxış edəcək.İyirmi altı yaşlı futbolçu karyerası ərzində Serbiyanın “Hayduk”, “Zvezdara”, “Lokomotiva”, “Bezaniya”, “Petrovaç”, “İndjiya” klublarında top qovub. Onun son çıxış etdiyi komanda “Radnik” (Serbiya) olub.xeber100.com

“Proqres” – “Qəbələ” matçının hakim təyinatları müəyyənləşib

UEFA Avropa Liqasının birinci təsnifat mərhələsinin cavab oyunları çərçivəsində keçiriləcək “Proqres” – “Qəbələ” matçının hakim təyinatları müəyyənləşib.Azərtac xəbər verir ki, iyulun 19-da Lüksemburqda keçiriləcək qarşılaşmanı şimali irlandiyalı hakimlər briqadası idarə edəcək. Oyunun baş hakimi Keyt Kennedi olacaq. Ona yan xətt hakimləri həmyerliləri Stefen Donaldson və Kristian Fransis Hanna kömək edəcəklər. Dördüncü hakim funksiyasını Evan Boys yerinə yetirəcək.Oyunun hakim-inspektoru serbiyalı Milan Karadjiç, UEFA nümayəndəsi estoniyalı Oleq Xarlamov olacaq.Differdanjdakı Munisipal stadionunda keçiriləcək matç Bakı vaxtı ilə saat 21:30-da başlayacaq.İlk oyunda Lüksemburq təmsilçisi 2:0 hesabı ilə “Qəbələ”dən üstün olmuşdu.xeber100.com

UEFA Çempionlar Liqasının I təsnifat mərhələsində

İyulun 17-də UEFA Çempionlar Liqasının I təsnifat mərhələsinin cavab oyunları start götürəcək.Azərtac xəbər verir ki, ilk oyun günündə 10 qarşılaşma keçiriləcək.Azərbaycan çempionu “Qarabağ”ın potensial rəqibləri - Maltanın “Valetta” və Albaniyanın “Kukesi” komandaları üz-üzə gələcəklər. Bu komandalar arasında ilk qarşılaşma qolsuz heç-heçə ilə yekunlaşıb.Bu gün, həmçinin “Qarabağ” – “Olimpiya” qarşılaşmasında məğlub olacaq komandanın Avropa Liqasının II təsnifat mərhələsindəki rəqibi də müəyyənləşəcək. İlk oyunda Şimali İrlandiyanın “Kruzaders” kollektivini 7:0 hesabı ilə darmadağın edən Bolqarıstanın “Ludoqorets” komandası böyük ehtimalla UEFA Çempionlar Liqasında növbəti mərhələyə vəsiqə qazanacaq. “Kruzaders” isə möcüzə baş verməsə Avropa Liqasının II təsnifat mərhələsində çıxış edəcək.Qeyd edək ki, ilk matçda səfərdə Sloveniyanın “Olimpiya” klubunu 1:0 hesabı ilə məğlub edən “Qarabağ” iyulun 19-da cavab görüşünə çıxacaq. Tofiq Bəhramov adına Respublika stadionunda keçiriləcək matç saat 21:00-da başlayacaq.Bu gün, eyni zamanda, UEFA Avropa Liqasının I təsnifat mərhələsinin üç cavab görüşü keçiriləcək. Belə ki, Macarıstanın “Honved” klubu ilə Makedoniyanın “Rabotniçki” komandası arasında oynanılacaq qarşılaşma azərbaycanlı futbolsevərlər üçün xüsusi əhəmiyyət kəsb edəcək. Çünki “Qəbələ” klubu Lüksemburq təmsilçisi “Proqres”i üstələyəcəyi təqdirdə II təsnifat mərhələsində məhz bu oyunun qalibi ilə görüşəcək. İlk görüşdə “Rabotniçki” evdə 2:1 hesablı qələbə qazanıb. “Qəbələ” isə doğma meydanda 0:2 hesabı ilə uduzub. “Qırmızı-qaralar”ın cavab matçı iyulun 19-da Lüksemburqda oynanılacaq.xeber100.com

Ağır atletika üzrə Avropa birinciliyi keçiriləcək

İyulun 22-29-da İtaliyanın Milan şəhərində 15 və 17 yaşadək yeniyetmə oğlan və qızlar arasında ağır atletika üzrə Avropa birinciliyi keçiriləcək. Qırxa yaxın ölkədən 388 atletin (169 qız və 219 oğlan) iştirak edəcəyi turnir, həmçinin Argentinanın paytaxtı Buenos-Ayresdə baş tutacaq Yeniyetmələrin III Olimpiya Oyunlarına lisenziya xarakteri daşıyacaq.Azərtac xəbər verir ki, Milandakı birincilikdə Azərbaycan yığma komandası da geniş heyətlə iştirak edəcək.On beş yaşadək oğlanların yarışında Elvin Şükürzadə (50 kq), Elşən Məmmədov, Fuad Həsənov (hər ikisi 56 kq), Murad Əliyev, Kamil Nəbiyev (hər ikisi 62 kq), Yaşar Mamayev (77 kq), Əli Şükürlü (85 kq), Əli Quliyev (94 kq), 17 yaşadək oğlanların mübarizəsində Ömər Cavadov (50 kq), Sale Alxasov (56 kq), Rüstəm Qasımov, Elməddin Hüseynov (hər ikisi 62 kq), Füqan Əliyev (69 kq), Əlimərdan Alxasov, İsmayıl Baxışov (hər ikisi 77 kq) və Tarmenxan Babayev (85 kq) körpücük üzərinə çıxacaqlar.On beş yaşadək qızların yarışında Günel Muxtarlı (44 kq), Selcan Qarayeva (48 kq), Fazilə İmanova (53 kq), Səma Mayılov, Anna Opanasyuk (hər ikisi 58 kq), Fidan Mirzəzadə (63 kq), Rəhilə Hüseynova (69 kq), U-17 yaş kateqoriyasında qızların mübarizəsində Lalə Rzazadə (58 kq) və Fidan Hüseynzadə (69 kq) ölkəmizi təmsil edəcəklər.xeber100.com

Rusiyada keçirilən dünya çempionatı – FİNAL

Rusiyada keçirilən dünya çempionatındakı qələbə Fransa millisinə FIFA tərəfindən 38 milyon dollar pul mükafatı qazandırıb.Azərtac FIFA-nın rəsmi saytına istinadla xəbər verir ki, dünya çempionatının ümumi mükafat fondu 400 milyon dollar təşkil edib. Mundialın gümüş mükafatçısı Xorvatiya millisi 28 milyon dollar gəlir əldə edib. Üçüncü yeri tutan belçikalılar 24, İngiltərə yığması isə 22 milyon dollar qazanıb.Həmçinin dünya çempionatının "play-off" mərhələsinin digər iştirakçılarının da qazandığı məbləğ açıqlanıb. Dörddəbir final mərhələsində mübarizəsini dayandıran Rusiya millisi, İsveç, Braziliya və Uruqvay komandaları 16 milyon dollar, səkkizdəbir finalda turniri tərk edən İspaniya, Danimarka, İsveçrə, Kolumbiya, Argentina, Meksika, Portuqaliya və Yaponiya komandaları isə 12 milyon dollar qazanacaqlar. FIFA qrup mərhələsindəki iştirakçıların hərəsinə 8 milyon dollar verəcək.xeber100.com

Cüdo üzrə Avropa Kuboku yarışına yekun vurulub

Almaniyanın Sarbrüker şəhərində cüdo üzrə Avropa Kuboku yarışına yekun vurulub.Azərtac Azərbaycan Cüdo Federasiyasının saytına istinadla xəbər verir ki, mötəbər turnirin ikinci günü millimiz üçün daha uğurlu olub. Belə ki, təmsilçilərimiz 2 qızıl, 1 gümüş medal qazanıb.90 kq çəki dərəcəsində ölkəmizi təmsil edən Məmmədəli Mehdiyev bütün rəqiblərinə qalib gələrək fəxri kürsünün ən yüksək pilləsinə qalxıb. +100 kq çəki dərəcəsində isə Azərbaycan finalı yaşanıb. Belə ki, həlledici görüşdə Uşanqi Kokauri və Şahin Qəhrəmanov üz-üzə gəlib. Kokauri qızıl, Qəhrəmoanov isə gümüş medal əldə edib.Bununla da, millimiz Avropa Kuboku yarışını 2 qızıl, 1 gümüş və 3 bürünc medalla başa vurub.Qeyd edək ki, 26 ölkədən 387 (269 kişi, 118 qadın) cüdoçunun qüvvəsini sınadığı qitə turnirdə Azərbaycan millisi 10 cüdoçu ilə təmsil olunub.xeber100.com