Ağır atletika üzrə Avropa birinciliyi keçiriləcək

İyulun 22-29-da İtaliyanın Milan şəhərində 15 və 17 yaşadək yeniyetmə oğlan və qızlar arasında ağır atletika üzrə Avropa birinciliyi keçiriləcək. Qırxa yaxın ölkədən 388 atletin (169 qız və 219 oğlan) iştirak edəcəyi turnir, həmçinin Argentinanın paytaxtı Buenos-Ayresdə baş tutacaq Yeniyetmələrin III Olimpiya Oyunlarına lisenziya xarakteri daşıyacaq.Azərtac xəbər verir ki, Milandakı birincilikdə Azərbaycan yığma komandası da geniş heyətlə iştirak edəcək.On beş yaşadək oğlanların yarışında Elvin Şükürzadə (50 kq), Elşən Məmmədov, Fuad Həsənov (hər ikisi 56 kq), Murad Əliyev, Kamil Nəbiyev (hər ikisi 62 kq), Yaşar Mamayev (77 kq), Əli Şükürlü (85 kq), Əli Quliyev (94 kq), 17 yaşadək oğlanların mübarizəsində Ömər Cavadov (50 kq), Sale Alxasov (56 kq), Rüstəm Qasımov, Elməddin Hüseynov (hər ikisi 62 kq), Füqan Əliyev (69 kq), Əlimərdan Alxasov, İsmayıl Baxışov (hər ikisi 77 kq) və Tarmenxan Babayev (85 kq) körpücük üzərinə çıxacaqlar.On beş yaşadək qızların yarışında Günel Muxtarlı (44 kq), Selcan Qarayeva (48 kq), Fazilə İmanova (53 kq), Səma Mayılov, Anna Opanasyuk (hər ikisi 58 kq), Fidan Mirzəzadə (63 kq), Rəhilə Hüseynova (69 kq), U-17 yaş kateqoriyasında qızların mübarizəsində Lalə Rzazadə (58 kq) və Fidan Hüseynzadə (69 kq) ölkəmizi təmsil edəcəklər.xeber100.com

Rusiyada keçirilən dünya çempionatı – FİNAL

Rusiyada keçirilən dünya çempionatındakı qələbə Fransa millisinə FIFA tərəfindən 38 milyon dollar pul mükafatı qazandırıb.Azərtac FIFA-nın rəsmi saytına istinadla xəbər verir ki, dünya çempionatının ümumi mükafat fondu 400 milyon dollar təşkil edib. Mundialın gümüş mükafatçısı Xorvatiya millisi 28 milyon dollar gəlir əldə edib. Üçüncü yeri tutan belçikalılar 24, İngiltərə yığması isə 22 milyon dollar qazanıb.Həmçinin dünya çempionatının "play-off" mərhələsinin digər iştirakçılarının da qazandığı məbləğ açıqlanıb. Dörddəbir final mərhələsində mübarizəsini dayandıran Rusiya millisi, İsveç, Braziliya və Uruqvay komandaları 16 milyon dollar, səkkizdəbir finalda turniri tərk edən İspaniya, Danimarka, İsveçrə, Kolumbiya, Argentina, Meksika, Portuqaliya və Yaponiya komandaları isə 12 milyon dollar qazanacaqlar. FIFA qrup mərhələsindəki iştirakçıların hərəsinə 8 milyon dollar verəcək.xeber100.com

Cüdo üzrə Avropa Kuboku yarışına yekun vurulub

Almaniyanın Sarbrüker şəhərində cüdo üzrə Avropa Kuboku yarışına yekun vurulub.Azərtac Azərbaycan Cüdo Federasiyasının saytına istinadla xəbər verir ki, mötəbər turnirin ikinci günü millimiz üçün daha uğurlu olub. Belə ki, təmsilçilərimiz 2 qızıl, 1 gümüş medal qazanıb.90 kq çəki dərəcəsində ölkəmizi təmsil edən Məmmədəli Mehdiyev bütün rəqiblərinə qalib gələrək fəxri kürsünün ən yüksək pilləsinə qalxıb. +100 kq çəki dərəcəsində isə Azərbaycan finalı yaşanıb. Belə ki, həlledici görüşdə Uşanqi Kokauri və Şahin Qəhrəmanov üz-üzə gəlib. Kokauri qızıl, Qəhrəmoanov isə gümüş medal əldə edib.Bununla da, millimiz Avropa Kuboku yarışını 2 qızıl, 1 gümüş və 3 bürünc medalla başa vurub.Qeyd edək ki, 26 ölkədən 387 (269 kişi, 118 qadın) cüdoçunun qüvvəsini sınadığı qitə turnirdə Azərbaycan millisi 10 cüdoçu ilə təmsil olunub.xeber100.com

Basketbol idman növü üzrə ikinci turnir keçirilib

Kutaisidə 3x3 basketbol idman növü üzrə “3x3GeoTour2018” Gürcüstan turunun ikinci turniri keçirilib.Azərtac xəbər verir ki, turnirə ölkəmizdən “3x3 Azərbaycan” (Nicat Mirzəyev, Teymur Quliyev, Ramil Əyyubov) və “Phoenix Baku” (Rəhman Teymurbəyov, Elmar Mir-Bağırov, Andrey Kondratyev, Fariz Qənbərov) komandaları qatılıblar.“A” qrupunda çıxış edən “Phoenix Baku” komandası “Young boys” 17:14, “Alik&Company” isə 17:13 hesabı ilə qalib gələrək yarımfinala yüksəlib. Eyni zamanda “B” qrupunda yer alan “3x3 Azerbaijan” komandası “Bad Boys”a 14:16 və “Whats Up”a 16:17 hesabı ilə məğlub olaraq mərhələ adlaya bilməyib və turnirdə beşinci yerə sahib olub.“Phoenix Baku” yarımfinalda “Whats Up”a 21:17 hesabı ilə qalib gələrək həlledici mərhələyə vəsiqə qazanıb. Finalda “Bad Boys” komandasına 19:21 hesabı ilə məğlub olan təmsilçimiz “3x3GeoTour2018” adlı Gürcüstan turunun Kutaisi mərhələsində ikinci yerə çıxıb.Qeyd edək ki, “3x3GeoTour2018” turunun növbəti turniri Rustavidə davam edəcək.xeber100.com

XX San-Marti Beynəlxalq Şahmat Turniri keçirilir

Barselonada XX San-Marti Beynəlxalq Şahmat Turniri keçirilir. Turnirin “A” qrupunda 24 ölkədən 120 şahmatçı, o cümlədən 12 qrossmeyster iştirak edir.Azərtac xəbər verir ki, Azərbaycanın idman şərəfini qoruyan qrossmeyster Qədir Hüseynov həm də turnirin reytinq-favoritidir.Kataloniyada İsveçrə sistemi üzrə keçirilən turnir 9 turdan ibarətdir.“A” qrupunda üç turdan sonra Qədir Hüseynov irəlilədir. Həmçinin kubalı şahmatçılar Luis Lazaro Djimenes Aquero, Yasser Perez Kesada, Aleksey Kardoso Fernandes, hindistanlı Quxa Mitraba və Perudan Xose Eduardo Alkantara Martines hərəyə üç xal toplayıblar. On beş şahmatçı liderlərdən yarım xal geri qalır.Dördüncü tur üçün püşkatmanın nəticələrinə əsasən, Qədir Hüseynov Aleksey Kardoso Fernandeslə qarşılaşacaq.xeber100.com

DÇ-2018-nin ilk mükafatçısı məlum olacaq

Rusiyada keçirilən dünya çempionatı yekunlaşmaq üzrədi. Apasport.az saytının məlumatına görə, bu gün ilk mükafatçı bilinəcək.Belə ki, Belçika ilə İngiltərə bürünc medal uğrunda mübarizədə üz-üzə gələcək. Heyəti ulduz futbolçulardan təşkil olunmasına baxmayaraq, yarımfinalda Fransa səddinə ilişən Belçika 3-cülüklə təsəlli tapmaq arzusundadır.Gənc oyunçulardan qurulan ingilislərin isə final yolunu Xorvatiya kəsmişdi. Qaret Sautqeytin komandası bürünc mükafatı növbəti böyük turnir üçün stimul olaraq görür. Dünya çempionatı 3-cü yer uğrunda oyun 14 iyul 18:00. Belçika – İngiltərə Baş hakim: Alireza Faqani (İran) Sankt-Peterburq. Şəhər stadionu.xeber100.com

Badminton Federasiyası yeni reytinq cədvəlini açıqlayıb

Beynəlxalq Badminton Federasiyası yeni reytinq cədvəlini açıqlayıb.Azərtac xəbər verir ki, Azərbaycan millisinin üzvü Edi Reski Dviçayo yeni açıqlanan cədvəldə 21 pillə irəliləyib. Hesabında 6880 xal olan idmançımız 239-cu sıradan 218-ci yerə yüksəlib.Otuz doqquz pillə irəliləyən Ezmi Qovimuramadhoni isə reytinqdə 436-cı sıradadır. Ezminin hesabındakı reytinq xalının sayı 2458-ə bərabərdir.Badmintonçularımız iyulun 18-21-də Nigeriyanın Laqos şəhərində keçiriləcək “Lagos International-2018” turnirində çıxış edəcəklər.xeber100.com

Avropa Liqasının I təsnifat mərhələsində

Futbol üzrə Avropa Liqasının I təsnifat mərhələsinin cavab görüşündə “Keşlə” klubunun Maltanın “Baltsan” komandası ilə keçirəcəyi oyuna təyinatlar açıqlanıb.Azərtac xəbər verir ki, oyun rusiyalı hakimlər briqadasına həvalə olunub. Matça baş hakim Mixail Vilkov təyin olunub. Ona Aleksey Vorontsov və Vladimir Mineviç kömək edəcəklər. Qarşılaşmanın dördüncü hakimi isə Aleksey Suxoy olacaq.Qeyd edək ki, iyulun 19-da “Dalğa Arena”da keçiriləcək qarşılaşma saat 21:00-da başlayacaq. İlk görüşdə “Baltsan” “Keşlə”yə böyük hesabla qalib gəlib - 4:1.xeber100.com

2017/2018-ci il mövsümündə İtaliya A Seriyasında

“Yuventus”un hücumçusu Qonzalo İquain komandanı tərk edə bilər.Azərtac xəbər verir ki, “qoca senyora” 60 milyon avro qarşılığında onu göndərməyə hazırdır. Bununla belə, “Yuventus” “Napoli”dən 94 milyon avroya transfer etdiyi argentinalı futbolçuya görə, indiyə kimi rəsmi təklif almayıb.2017/2018-ci il mövsümündə İtaliya A Seriyasında 35 matçda meydana çıxan Qonzalo İquain 16 qol və 8 məhsuldar ötürmə ilə yadda qalıb.xeber100.com

Avropa Liqasının birinci təsnifat mərhələsi çərçivəsində

İyulun 12-də Avropa Liqasının birinci təsnifat mərhələsi çərçivəsində "Dalğa Arena”da "Neftçi” – "Uypeşt” oyunu keçiriləcək.Azərtac xəbər verir ki, oyun öncəsi komandamızın baş məşqçisi Roberto Bordin və kapitan Ruslan Abışovun iştirakı ilə mətbuat konfransı təşkil olunub. "Dalğa Arena”da baş tutan tədbirdə əvvəlcə oyun haqqında fikirlərini bildirən italiyalı mütəxəssis sonra jurnalistlərin suallarını cavablandırıb. O deyib: "Yeni mövsümün başlanması ilə əlaqədar çox xoşbəxtik. Şadıq ki, ilk matçı Azərbaycanda – azarkeşlərimizin qarşısında keçirəcəyik. Çünki birinci oyun həmişə çox vacibdir. Bilirik ki, rəqib güclü komandadır. Onlar yaxşı hazırlıq keçiblər. Biz də son bir ayı boş keçirməmişik, yaxşı hazırlaşmışıq. Futbolçular da ilk oyuna hazırdır. Ona görə, mövsümə çox yaxşı başlamaq istəyirik. Hazırda "Sevilya” haqda düşünmürük. Fikrimizi "Uypeşt”lə oyunlara yönəltmişik”.Sonra Ruslan Abışov fikirlərini açıqlayıb: "Müəyyən aradan sonra ilk oyuna çıxacağıq. Yeni baş məşqçimiz var, yeni oyunçular gəlib. Yaxşı hazırlıq keçmişik. Var gücümüzlə oynayacağıq. Rəqibimiz Macarıstanın ən köklü klublarından biridir. Buna baxmayaraq, yaxşı nəticə qazanmaq istəyirik. Hər bir futbolçu mərhələni adlayıb, "Sevilya” kimi məşhur komandaya qarşı oynamaq istəyər”.Mətbuat konfransından sonra komandamızın ilk 15 dəqiqəsi media nümayəndələri üçün açıq olan məşqi baş tutub.xeber100.com