Azərbaycan Basketbol Federasiyasının məlumatına görə…

Yanvarın 21-də Astara Olimpiya İdman Kompleksində “Zirvə Astara BK” və “AAAF Xırdalan BK” komandaları üz-üzə gəliblər. Azərbaycan Basketbol Federasiyasından bildiriblər ki, oyuna inamlı başlayan “AAAF Xırdalan BK” basketbolçuları yekunda rəqibi üzərində 100:76 hesablı qələbə qazanıblar. Ən məhsuldar basketbolçular “Zirvə Astara BK” (Cerret Henderson-16 xal, 2 ribaund ) və “AAAF Xırdalan BK” (Devin Pullum-34 xal, 9 asist) olublar. Qeyd edək ki, turun son oyunları (“Sərhədçi” PİK–“Gəncə BK”, “NTD BK”-“Neftçi İK”) yanvarın 22-də keçiriləcək.xeber100.com

Şahmat üzrə Azərbaycan çempionatında yeddinci tura yekun vurulub

Kişilər arasında şahmat üzrə Azərbaycan çempionatında yeddinci tura yekun vurulub. Çempionatın lideri Vasif Durarbəyli yeddinci turda Vüqar Əsədli ilə xalı yarı bölüb. Yarışın reytinq favoriti Nicat Abasov Xəzər Babazadə ilə heç-heçə edib. Məhəmməd Muradlı Aydın Süleymanlıya, Eltac Səfərli isə İsmayıl Şahəliyevə qalib gəlib. Yeddi turdan sonra hesabında 6 xal Vasif Durarbəyli liderliyini davam etdirir. Vüqar Əsədli 5 xalla turnir cədvəlində ikinci pillədə yer alıb. Hərəyə 4,5 xal toplayan Nicat Abasov, Məhəmməd Muradlı, Xəzər Babazadə və Eltac Səfərli 3-6-cı yeri bölüşürlər. Növbəti sıralarda Aydın Süleymanlı, Ülvi Sadıxov və Murad İbrahimli qərarlaşıblar. Onların aktivində 4 xal var. Xatırladaq ki, 9 turdan sonra ilk dörd yeri tutacaq şahmatçılar final mərhələsində mübarizəni davam etdirəcək. Ölkə çempionu yarımfinal və final görüşündən sonra məlum olacaq.xeber100.com

“Yuventus” futbol klubu yeni rekorda imza atıb

“Yuventus” klubu İtaliya kuboku yarışının dörddəbir final mərhələsinə yüksəlməklə yeni rekorda imza atıb. Turin klubu buna səkkizdəbir finalda “Monza” üzərində 2:1 hesablı qələbə qazanmaqla nail olub. Ardıcıl 16-cı dəfə ölkə kuboku yarışında dörddəbir finala adlayan komanda bu baxımdan turnirin rekordçusudur. “Yuventus” sonuncu dəfə 2006/2007-ci il mövsümündə, İtaliya B seriyasında çıxış edərkən kubok yarışında səkkizdəbir final səddini aşa bilməyib. Qeyd edək ki, “Yuventus” dörddəbir finalda “Latsio” ilə qarşılaşacaq. Oyun fevralın 1-də Romada keçiriləcək.xeber100.com

Almaniyanın “Borussiya” klubu heyətini yeni futbolçu ilə gücləndirib

Almaniyanın “Borussiya” klubu heyətini yeni futbolçu ilə gücləndirib. Dortmund təmsilçisi “Yunion Berlin”dən Julian Ryersonu transfer edib. Bu barədə klubun rəsmi saytı məlumat yayıb. Norveçli müdafiəçi ilə 2026-cı ilin yayınadək müqavilə imzalanıb. Dortmund təmsilçisi bu keçid üçün qarşı tərəfə 5 milyon avro ödəyəcək. Qeyd edək ki, J.Ryerson bu mövsüm Bundesliqa klubunun heyətində 21 rəsmi matçda meydana çıxıb.xeber100.com

IFFHS dünyanın ən yaxşı milli çempionatlarının illik reytinqini açıqlayıb

80 liqanın yer aldığı siyahıda Azərbaycan Premyer Liqası 41-ci pillədə qərarlaşıb. Hesabında 349,25 xal olan Azərbaycan çempionatı ötən reytinqlə müqayisədə 19 pillə irəliləyib. Siyahıya Braziliya A seriyası başçılıq edir. Yüksək liqa 1181 xala malikdir. İngiltərə Premyer Liqası (1086) ikinci, İspaniya La Liqası isə üçüncü (967,5) sırada qərarlaşıb.xeber100.com

Boksçular arasında Millətlər kuboku yarışı davam edir

Serbiyanın Sombor şəhərində qız və qadın boksçular arasında Millətlər kuboku yarışı davam edir. Yarışın ikinci günündə Azərbaycan milli komandasının 4 idmançısı rinqə çıxıb. Azərbaycan Boks Federasiyası xəbər verir ki, dörddəbir finalda macarıstanlı Laura Horvatı məğlub edən Aynur Mikayılova (52 kq) yarımfinalda rumıniyalı Karmen Kokosu sınağa çəkib. Gənc boksçular arasında baş tutan döyüş təmsilçimizin qələbəsi ilə yekunlaşıb – 5:0. O, yanvarın 22-də keçiriləcək finalda Draqana Yovanoviçlə üz-üzə gələcək. Böyüklərin mübarizəsində Günel Rəhimova da mərhələ adlayıb. Turnirdə 48 kiloqram çəki dərəcəsində gücünü sınayan boksçu dörddəbir finalda əlcəzairli Fatiha Mansuri ilə qarşılaşmalı olsa da, rəqib döyüşə gəlməyib. Yarımfinala yüksəlməklə özü üçün bürünc medalı təmin edən G.Rəhimova finala gedən yolda Nikola Durikova (Slovakiya) ilə münasibətinə aydınlıq gətirəcək. Digər boksçularımızdan Anaxanım İsmayılova (50 kq) yarımfinalda Petra Mezeiyə (Macarıstan) məğlub olaraq, üçüncü yeri tutub. Məhsəti Həmzəyeva (57 kq) isə dörddəbir finalda Lakramioara Periyoça (Rumıniya) ilə qarşılaşıb və rəqib mərhələ adlayıb. Yarışın üçüncü günündə millimizin 2 üzvü döyüşə çıxacaq. Qeyd edək ki, 13 ölkədən 100-dən çox idmançının qatıldığı Millətlər kuboku yarışının ilk günündə gənc boksçular arasında mübarizə aparan Nərmin Əlizadə (50 kq) və Aysu İsmayılova (48 kq) bürünc medala sahib olublar.xeber100.com

“Neftçi” klubu Antalyadakı təlim-məşq toplanışı çərçivəsində

Bakının “Neftçi” klubu Antalyadakı təlim-məşq toplanışı çərçivəsində bu gün sonuncu yoxlama oyununa çıxacaq. Komanda “Srvena Zvezda” (Serbiya) ilə üz-üzə gələcək. Görüş Bakı vaxtı ilə saat 18:00-da start götürəcək. “Neftçi” bundan əvvəlki yoxlama matçlarında Macarıstanın “Vaşaş” (1:1) və Polşanın “Medz Leqnisa” (1:2) klubları ilə qarşılaşıb. Komanda yanvarın 2-də Vətənə qayıdacaq.xeber100.com

Azərbaycan Basketbol Federasiyasının məlumatına görə…

Azərbaycan Basketbol Federasiyasının (ABF) dəstəyi ilə məşqçilərimiz Litvada seminarda iştirak edirlər. Federasiya xəbər verir ki, U-18 oğlanlardan ibarət komandanın və NTD klubunun baş və köməkçi məşqçiləri Tahir Baxşıyev, Polad Həsənov, U-20 oğlanlardan ibarət millinin və “Sərhədçi” klubun baş məşqçisi Anar Sarıyev səfərin ilk günündə Vilnüsdə yerləşən NBA basketbol məktəbində olublar. Onlar həmin məktəbdə litvalı mütəxəssislər tərəfindən keçirilmiş seminarda iştirak edərək, daha sonra Azərbaycan basketbolunun gələcək ümidi sayılan Hüseyn Qaflanovun təlim-məşq prosesini izləyiblər. Sonra Kaunasa gedən məşqçilər yerli “Jalgiris” klubunun bütün yaş qruplarının təlim-məşq prosesini izləyib, peşəkar mütəxəssislərin məşqçilik seminarlarında iştirak ediblər. Qeyd edək ki, azərbaycanlı məşqçilərin Litvada keçirilən seminarı yanvarın 21-dək davam edəcək.xeber100.com

Beynəlxalq Futbol Tarixi və Statistikaları Federasiyasının açıqlaması

Beynəlxalq Futbol Tarixi və Statistikaları Federasiyası Afrikada 2022-ci ilin rəmzi komandasını açıqlayıb. Federasiyanın saytı  xəbər verir ki, rəmzi komanda 4-3-3 sisteminə uyğun olaraq aşağıdakı kimi tərtib olunub: Qapıçı - Yassin Bunu (Mərakeş), Müdafiəçilər - Əşrəf Hakimi, Romain Saiss (hər ikisi Mərakeş), Xalidu Kulibali (Seneqal), Ali Malul (Tunis), Yarımmüdafiəçilər - Sofyan Amrabat, Azzedin Unahi (hər ikisi Mərakeş), Məhəmməd Kudus (Qana), Hücumçular - Məhəmməd Salah (Misir), Vensan Abubakar (Kamerun), Sadio Mane (Seneqal).xeber100.com

“Qarabağ” klubu UEFA Konfrans Liqasının pley-off mərhələsində

Ağdamın “Qarabağ” klubunun UEFA Konfrans Liqasının pley-off mərhələsindəki rəqibi Belçikanın “Gent” komandası heyətinə yeni futbolçu cəlb edib. Klubun rəsmi saytı xəbər verir ki, 23 yaşlı müdafiəçi Kamil Pyatkovski Avstriya təmsilçisi “Zalsburq”dan icarəyə götürülüb. 2021-ci ildən Polşa millisinə çağırılan mərkəz müdafiəçisi mövsümün sonunadək icarə əsasında “Gent”in formasını geyinəcək. Qeyd edək ki, “Qarabağ”la “Gent” komandaları fevralın 16-da və 23-də qarşılaşacaqlar. İlk oyun Bakıda, cavab matçı isə Gentdə baş tutacaq.xeber100.com