Türkiyənin “Beşiktaş” klubu növbəti transferini gerçəkləşdirib

Türkiyənin “Beşiktaş” klubu növbəti transferini gerçəkləşdirib. Klubun saytı xəbər verir ki, komanda Onur Bulutu heyətinə qatıb. İyirmi səkkiz yaşlı müdafiəçi ilə 3,5 illik müqavilə imzalanıb. O.Bulut bir müddət əvvəl “Kayserispor” klubu ilə müqaviləsini ləğv etmişdi. Qeyd edək ki, “Beşiktaş” bundan əvvəl "Əl-Nəsr"dən Vensan Abubakarı heyətinə qatmışdı.xeber100.com

“Neftçi” futbol klubu zəlzələdən əziyyət çəkən insanlara yardım göndərib

Bakının “Neftçi” klubu Türkiyədə baş vermiş zəlzələdən əziyyət çəkən insanlara yardım göndərib. “Neftçi”nin bazasında yardım üçün hazırlanmış qutuların daşınmasında futbolçular da iştirak ediblər. Kapitan Emin Mahmudov, həmçinin digər oyunçular Azər Salahlı, Höccət Haqverdi, Kilan Lebon və Mərt Çelik işçilərə kömək ediblər. Qeyd edək ki, son məlumata əsasən, fevralın 6-da baş verən zəlzələdə 12 min 873 nəfər həlak olub, 62 min 937 insan isə yaralanıb.xeber100.com

Azərbaycan Boks Federasiyası: Boks üzrə beynəlxalq turnirə start verilib

Macarıstanın Debretsen şəhərində boks üzrə beynəlxalq turnirə start verilib. Azərbaycan milli komandasının iki üzvü yarışa qələbə ilə başlayıb. Azərbaycan Boks Federasiyası xəbər verir ki, turnirdə 54 kiloqram çəki dərəcəsində mübarizə aparan Nicat Hüseynov səkkizdəbir final mərhələsi çərçivəsində slovakiyalı Tibor Katona ilə üz-üzə gəlib. Gərgin keçən döyüş Avropa çempionumuzun 3:2 hesablı qələbəsi ilə yekunlaşıb. O, dörddəbir finalda Qabor Virbanla (Macarıstan) gücünü sınayacaq. Millimizin digər boksçusu Rəşid Həsənov (71 kq) isə qırğızıstanlı Sirqak Uulu Abdijaparı yarışdan kənarlaşdırıb. O, rəqibini 5:0 hesabı ilə məğlub edərək dörddəbir finala yüksəlib. R.Həsənov ikinci döyüşündə Yermanxan Jakpekovla (Qazaxıstan) münasibətinə aydınlıq gətirəcək. Qeyd edək ki, 26 ölkədən 294 boksçunun qatıldığı turnirin üçüncü günündə - fevralın 9-da Azərbaycan yığmasının 3 idmançısı rinqə çıxacaq.xeber100.com

Futbol üzrə Azərbaycan Premyer Liqasında XXI tura start verilib

Futbol üzrə Azərbaycan Premyer Liqasında XXI tura start verilib. Günün yeganə oyununda “Kəpəz” komandası “Qarabağ”ı qəbul edib. Gəncə şəhər stadionundakı qarşılaşma 1:1 hesabı ilə başa çatıb. Hesabı 24-cü dəqiqədə Ağdam təmsilçisinin hücumçusu Musa Qurbanlı açıb. Görüşün 49-cu dəqiqəsində meydan sahiblərindən Ahmed Ayzaya bərabərlik qolunun müəllifi olub. Bu qarşılaşmadan sonra xallarının sayını 57-yə çatdıran Ağdam komandası liderliyini möhkəmləndirib. 14 xala malik Gəncə klubu doqquzuncu pilləyə yüksəlib. Qeyd edək ki, turun “Neftçi” – “Sumqayıt” və “Zirə” – “Qəbələ” matçları fevralın 5-də, “Şamaxı” – “Turan Tovuz” və “Sabah” – “Səbail” oyunları isə fevralın 6-da təşkil olunacaq.xeber100.com

Xorvatiyada keçirilən güləş üzrə “Zaqreb Open” turniri sona yaxınlaşır

Xorvatiyada keçirilən güləş üzrə “Zaqreb Open” turniri sona yaxınlaşır. Yarışın 4-cü günündə - fevralın 4-də 3 güləşçimiz mübarizə aparıb. Yunan-Roma güləşçimiz Taleh Məmmədov (63 kq) ümidləri doğruldaraq fəxri kürsünün ən yüksək pilləsinə qalxıb. Təcrübəli güləşçimiz keçirdiyi hər 3 görüşdə qalib gələrək qızıl medal qazanıb. Qeyd edək ki, daha əvvəl sərbəst güləşçilərdən Əliabbas Rzazadə (57 kq) qızıl, Hacı Əliyev (70 kq) və Georgi Meşvildişvili (125 kq) gümüş, Cəbrayıl Qadjiyev (74 kq), Əli Rəhimzadə (65 kq), Xadjimurad Qadjiyev (70 kq), Osman Nurmaqomedov (92 kq), Maqomedxan Maqomedov (97 kq) bürünc medal əldə ediblər. Qadınlardan isə Alyona Kolesnik (59 kq) bürünc medala sahib çıxıb.xeber100.com

“Sevilya”nın futbolçusu karyerasını “Başakşehir”də davam etdirəcək

“Sevilya”nın futbolçusu Adnan Yanuzay karyerasını “Başakşehir”də davam etdirəcək. Belçikalı yarımmüdafiəçi cari mövsümün sonunadək icarə əsasında İstanbul təmsilçisində oynayacaq. Qeyd edək ki, Yanuzay 2022-ci ilin avqustunda İspaniya klubuna transfer olunub. O, bu komandada 6 matçda meydana çıxıb.xeber100.com

Cüdo üzrə “Böyük dəbilqə” turnirinin püşkü atılıb

Fevralın 4-də Parisdə start götürəcək cüdo üzrə “Böyük dəbilqə” turnirinin püşkü atılıb. Turnirdə mübarizə aparacaq Azərbaycan cüdoçularının da ilk rəqibləri müəyyənləşib. Püşkə əsasən, Balabəy Ağayev (60 kq) Matteus Takaki (Braziliya) – Petros Kristodolides (Kipr) cütünün, Yaşar Nəcəfov (66 kq) isə Cae-Onq An (Koreya Respublikası) – Cerard Kadet (Haiti) görüşünün qalibi ilə qarşılaşacaq. Nurlan Osmanov (73 kq) israilli İdo Levin, Elcan Hacıyev dominikanlı Medikson Del Orbe, Zelim Tçkayev (hər ikisi 81 kq) Polşa cüdoçusu Pavel Drzımal, Murad Fətiyev (90 kq) Qazaxıstan idmançısı Aydar Arapov, Zelim Kotsoyev (100 kq) fransalı Sedrik Olivar, Uşanqi Kokauri Voytsex Kordiyalik (Polşa) – Mark Deşene (Kanada) cütünün qalibi, Camal Qamzatxanov (hər ikisi 100 kq-dan yuxarı) isə Bubakar Mane (Qvineya-Bisau) ilə üz-üzə gələcək. İki gün davam edəcək turnirdə dünyanın 85 ölkəsindən 535 idmançı iştirak edəcək.xeber100.com

Azərbaycan Yüksək Liqasında ikinci dövrəyə start verilib

Kişi voleybolçular arasında Azərbaycan Yüksək Liqasında ikinci dövrəyə start verilib. IV turun ilk oyununda çempionatın lideri “Murov” komandası “Neftçi” ilə görüşüb. Matçda “Murov” rəqibinə 3:1 (25:22, 25:22, 16:25, 25:21) hesabı ilə qalib gəlib. Bu qələbə sayəsində çempionatın lideri xallarının sayını 12-yə çatdırıb. Qeyd edək ki, bu tur MOİK - “Xarı bülbül” matçı ilə yekunlaşacaq.xeber100.com

Xorvatiyada güləş üzrə “Zaqreb Open” turniri davam edir

Xorvatiyada güləş üzrə “Zaqreb Open” turniri davam edir. Turnirin ikinci günündə - fevralın 2-də beş güləşçimiz mübarizə aparıb. Sərbəst güləşçilərimiz 3 medal qazanıblar. Belə ki, Georgi Meşvildişvili (125 kq) gümüş, Osman Nurmaqomedov (92 kq) və Maqomedxan Maqomedov (97 kq) isə bürünc medal əldə ediblər. Qeyd edək ki, turnirin ilk yarış günündə sərbəst güləşçilərdən Əliabbas Rzazadə (57 kq) qızıl, Hacı Əliyev (70 kq) gümüş, Cəbrayıl Qadjiyev (74 kq), Əli Rəhimzadə (65 kq) və Xadjimurad Qadjiyev (70 kq) bürünc medal qazanıblar.xeber100.com

Yay Paralimpiya Oyunlarının idman proqramı açıqlanıb

2028-ci ildə Los-Ancelesdə keçiriləcək Yay Paralimpiya Oyunlarının idman proqramı açıqlanıb. Beynəlxalq Paralimpiya Komitəsinin qərarı ilə Oyunların proqramına 22 idman növü – parabadminton, boccia, futbol (tam görmə məhdudiyyətli şəxslər), qolbol, paracüdo, parakanoe, paraatçılıq, masaüstü tennis, əlil arabasında tennis, əlil arabasında qılıncoynatma, əlil arabasında basketbol, kamandan oxatma, paraatletika, parapauerliftinq, oturaq voleybol, paraüzgüçülük, paraavarçəkmə, güllə atıcılığı, parataekvondo, paratriatlon, əlil arabasında reqbi və paravelosiped daxil edilib. Qeyd edək ki, “Los-Anceles 2028” XVIII Yay Paralimpiya Oyunları 2028-ci il avqustun 22-dən sentyabrın 3-dək keçiriləcək.xeber100.com