Karate üzrə doqquzuncu şotokan dünya çempionatı keçirilib

İstanbulda karate üzrə doqquzuncu şotokan dünya çempionatı keçirilib.Azərtac xəbər verir ki, “şobu İppon”, “WKF kumite” və “sambom kumite” versiyaları üzrə keçirilən yarışda 31 ölkənin idmançıları iştirak ediblər.Məşqçilər Əli Rəcəbov və Orxan Şabanovun rəhbərliyi ilə ölkəmizi təmsil edən “Qaraqaplan” klubunun idmançıları Mədinə Kazımova (25 kq-dan yuxarı) və Yusif Cəfərov (30 kq) bütün rəqiblərini məğlub edərək fəxri kürsünün ən yüksək pilləsinə qalxıblar.Digər təmsilçimiz Orxan Musayev isə komanda kumite yarışlarında birinci olub.xeber100.com

“La Vanguardia” nəşri yazır…

İspaniyanın "La Vanguardia" nəşrində "McLaren" komandasının ispan pilotu Fernando Alonsonun Azərbaycan Qran-Prisi haqqında fikirlərindən ibarət məqalə dərc edilib.Azərtac-ın məlumatına görə, yazıda qeyd olunur ki, dünya şöhrətli pilot komandasının bolidinin məhdudiyyətlərini etiraf edir və Azərbaycan Qran-Prisində xüsusi bir dəyişikliyin olacağını gözləmir.Fernando Alonso “Bakı Şəhər Halqası” haqqında da fikirlərini bildirib. Pilot deyib ki, bu, hazırda ən sürətli və uzun şəhər trasıdır, bolidə qarşı olduqca tələbkardır. O, həmçinin bütün pilotların Bakıdakı tras haqqında müsbət fikirdə olduqlarını qeyd edib.xeber100.com

UEFA Çempionlar Liqasının yarımfinal mərhələsində

Aprelin 25-də futbol üzrə UEFA Çempionlar Liqasının yarımfinal mərhələsinin növbəti oyunu keçiriləcək.Azərtac xəbər verir ki, mərhələnin ikinci oyun günündə İspaniya təmsilçisi “Real Madrid” səfərdə Almaniyanın “Bavariya” klubunun qonağı olacaq. Son iki mövsümdə Çempionlar Liqasının qalibi olan “kral” klubu uğurunu daha bir rekordla bərkitmək istəyir. Bu komandalar avrokuboklarda indiyədək iyirmi dəfə üz-üzə gəliblər. Bu komandalar arasında son görüş 2017-ci ildə Çempionlar Liqasının dörddəbir final mərhələsində baş tutub. Həmən görüşdə ispanlar iki oyunun nəticəsinə əsasən, qalib tərəf olub - 6:3.“Bavariya”nın heyətində Arturo Vidal, Koman, Noyer zədələndikləri üçün matçı buraxacaqlar.xeber100.com

İtaliya A Seriyasının 34-cü turunda

İtaliya A Seriyasının 34-cü turunda “Yuventus” və “Napoli” klublarının qarşılaşmasında zədələnən “Yuventus”un müdafiəçisi Corco Kyellini üçün mövsüm vaxtından əvvəl başa çata bilər.Azərtac xəbər verir ki, bu barədə klubdan verilən açıqlamada bildirilib. Müdafiəçinin “İnter” ilə oyunu buraxacağı artıq dəqiqləşib. Çox güman ki, mövsüm artıq C.Kyellini üçün yekunlaşıb.xeber100.com

Güləş üzrə Avropa çempionatı keçiriləcək

Aprelin 30-dan mayın 6-dək Rusiyanın Kaspiysk şəhərində böyüklər arasında güləş üzrə Avropa çempionatı keçiriləcək.Azərtac xəbər verir ki, Olimpiya Güləş Mərkəzində hazırlığı davam etdirən yunan-Roma güləşi üzrə yığma komandanın mətbuat üçün açıq məşqi keçirilib.Məşqdən əvvəl Azərbaycan Güləş Federasiyasının birinci vitse-prezidenti Firdovsi Umudov, vitse-prezidentlər Elçin Cəfərov və Namiq Abdullayev, baş katib Orxan Məmmədovun iştirakı ilə Avropa çempionatına yollanacaq yığmamızın heyəti açıqlanıb.Yığmamız qitənin ən mötəbər turnirində tam heyətlə çıxış edəcək. Baş məşqçi Şaban Donatın rəhbərlik etdiyi məşqçilər korpusu Avropa çempionatında Eldəniz Əzizli (55 kq), Murad Məmmədov (60 kq), Taleh Məmmədov (63 kq), Emin Muxtarov (67 kq), Rəsul Çunayev (72 kq), Elvin Mürsəliyev, (77 kq), Rafiq Hüseynov (82 kq), İslam Abasov (87 kq), Orxan Nuriyev (97 kq) və Türmən Eyyubova (130 kq) şans verəcək.Qeyd edək ki, yunan-Roma güləşçilərinin mübarizəsi 3 gün davam edəcək. Ardınca qadın və sərbəst güləşçilər mübarizəyə qoşulacaq.xeber100.com

Boksçular arasında Avropa birinciliyinin finalçıları müəyyənləşib

İtaliyanın Rozeto-deli-Abrutsi şəhərində gənc boksçular arasında Avropa birinciliyinin finalçıları müəyyənləşib. Azərbaycan millisinin yarımfinala yüksələn 2 boksçusu bu mərhələni də qələbə ilə başa vurub.Azərtac xəbər verir ki, Vaqif Şirinovun yetirmələrindən Nurlan Səfərov (60 kq) finala gedən yolda hollandiyalı Peer van Casla üz-üzə gəlib. Boksçumuz rəqibinə heç bir şans verməyib və 5:0 hesabı ilə qələbə qazanıb. O, həlledici qarşılaşmada ukraynalı Taras Bondarçukla qüvvəsini sınayacaq.Yığmamızın 69 kiloqram çəki dərəcəsindəki təmsilçisi Nicat Həsənov da adını finala yazdırıb. Həmyerlimiz yarımfinalda şotlandiyalı Samuel Hikkini mübarizədən kənarlaşdırıb. O, gərgin keçən döyüşdə 3:2 hesabı ilə qalib gəlib. N.Həsənov çempionluq uğrunda rusiyalı Cambulat Bijamovla qarşılaşacaq.Qeyd edək ki, final döyüşləri aprelin 25-də keçiriləcək.xeber100.com

Beynəlxalq Aeroportun məlumatı əsasında…

2018 Formula 1 Azərbaycan Qran Prisi çərçivəsində Bakı Heydər Əliyev Beynəlxalq Aeroportuna yüklərin gətirilməsinə başlanılıb.Heydər Əliyev Beynəlxalq Aeroportunun mətbuat xidmətindən Azərtac-a bildirilib ki, yarış bolidləri, onlara xidmət üçün və yarışların təşkili üçün lazım olan avadanlıq da daxil olmaqla 780 tondan çox yük Şanxay, Sinqapur və Bəhreyndən səkkiz reyslə gətirilib. Daha bir reys bu həftə yerinə yetiriləcək.Yüklərin böyük hissəsi Azərbaycanın “Silk Way West Airlines” aviaşirkəti tərəfindən daşınıb.2018 Formula 1 Azərbaycan Qran Prisinin başlamasına kimi ümumilikdə 800 tondan çox yükün gətirilməsi planlaşdırılır.Qeyd edək ki, bolidlərin təkərləri daimi +20 dərəcə temperaturun saxlanıldığı xüsusi konteynerlərdə daşınır.Azərbaycan Qran-Prisi 2018-ci il aprelin 27-dən 29-dək keçiriləcək. Yarışlar qədim İçərişəhər, şəhərin müasir hissəsinin siluetləri və Xəzər dənizinin sahili mənzərəsi fonunda keçiriləcək.xeber100.com

“Shamkir Chess 2018” də beşinci turun görüşləri keçirilib

Aprelin 23-də Şəmkirdə V Vüqar Həşimov Memorialında beşinci turun görüşləri keçirilib.Azərtac xəbər verir ki, bu turda norveçli dünya çempionu Maqnus Karlsen Polşa təmsilçisi Radoslav Voytaşekə, Bolqarıstan şahmatçısı Veselin Topalov isə çexiyalı David Navaraya qalib gəlib.Turun digər partiyalarında Şəhriyar Məmmədyarov hollandiyalı Aniş Giri ilə, Teymur Rəcəbov Çin idmançısı Dinq Lirenlə, Rauf Məmmədov isə rusiyalı Sergey Karyakinlə heç-heçə edib.Hesabında 3,5 xal olan V.Topalov liderliyini davam etdirir. M.Karlsen 3 xalla ikinci yerdə qərarlaşıb. T.Rəcəbov, R.Məmmədov, A.Giri, D.Liren, S.Karyakin 2,5 xalla 3-7-ci, Ş.Məmmədyarov, D.Navara və R.Voytaşek isə 2 xalla 8-10-cu pilləni bölüşürlər.xeber100.com

UEFA Çempionlar Liqasında oyunlara start veriləcək

Aprelin 24-də futbol üzrə UEFA Çempionlar Liqasında yarımfinal mərhələsinin oyunlarına start veriləcək.Azərtac xəbər verir ki, mərhələnin ilk oyun günündə İtaliya təmsilçisi “Roma” səfərdə İngiltərənin “Liverpul” klubunun qonağı olacaq. Bu komandalar indiyədək cəmi beş dəfə üz-üzə gəliblər. Bu komandalar arasında son görüş 2002-ci ildə baş tutub. Qarşılaşmada “Liverpul” öz meydanında 2:0 hesabı ilə qələbə qazandığı halda, səfərdə heç-heçə (0:0) edən ingilislər növbəti mərhələyə vəsiqə qazanmışdılar.“Liverpul”un heyətində J.Matip, Emre Can, Adam Lallana, N.Klayn zədələndikləri üçün matçı buraxacaqlar.Mərhələnin digər qarşılaşması aprelin 25-də keçiriləcək “Allianz Arena”da baş tutacaq oyunda “Bavariya” doğma meydanda “Real Madrid” klubunu qəbul edəcək.Hər iki görüş Bakı vaxtı ilə saat 22:45-də başlayacaq.xeber100.com

Futbolçulardan ibarət yığma komandamız ilk oyununu keçirib

Antalyada keçirilən beynəlxalq turnirdə iştirak edən 2003-cü il təvəllüdlü futbolçulardan ibarət yığma komandamız ilk oyununu keçirib.Azərtac xəbər verir ki, Azər Məmmədovun rəhbərlik etdiyi komanda Türkiyənin 2004-cü il təvəllüdlü futbolçulardan ibarət yığması ilə qarşılaşıb. Oyun 1:1 hesabı ilə başa çatıb. Komandamızın qoluna Mehrac Baxşəliyev imza atıb.Aprelin 25-də keçiriləcək növbəti oyunda millimiz Gürcüstanın 2003-cü il təvəllüdlü futbolçulardan ibarət yığma komandası ilə qarşılaşacaq.xeber100.com