Beynəlxalq Velosipedçilər İttifaqının Mərakeş Turunda

Azərbaycanın kontinental velosiped komandası “Synergy Baku” Beynəlxalq Velosipedçilər İttifaqının 2.2 kateqoriyalı Mərakeş Turunda çıxış edir. 10 günlük yarışın 4-cü mərhələsi komandamızın uğurlu nəticəsi ilə yadda qalıb.Azərtac xəbər verir ki, yarışın ən ağır dağ mərhələsi hesab edilən 193 kilometrlik 4-cü günündə Azərbaycanın elit yığma komandasının üzvü Samir Cəbrayılov dağ finişlərində hamıdan yaxşı çıxış edib. Bununla da velosipedçimiz Mərakeş Turunun ən yaxşı dağ velosipedçisi üçün nəzərdə tutulan xüsusi köynəyi ələ keçirib və 5-ci mərhələyə bu köynəklə başlayacaq.Dördüncü mərhələ, həmçinin Azərbaycanın elit yığmasının digər üzvü Kiril Pozdnyakovun 193 kilometrlik məsafəni 3-cü sırada tamamlaması ilə yadda qalıb. Finişi 4 nəfərlik qrupda başa vuran təmsilçimiz 4 saat, 39 dəqiqə, 59 saniyə nəticə göstərib və yalnız fotofinişə əsasən üçüncü olub. Bununla da K.Pozdnyakov ümumi təsnifatda 13 pillə irəliləməklə 3-cü yerə yüksəlib və hazırda yarış liderindən 34 saniyə geri qalır.Veloturun 5-ci mərhələsində iştirakçılar 142,8 kilometr məsafə qət edəcəklər. Qeyd edək ki, “Synergy Baku” bu yarışda Samir Cəbrayılov, Elçin Əsədov, Kiril Pozdnyakov, Aleksandr Polivoda, Ənvər Asanov və Elgün Əlizadə ilə təmsil olunur.xeber100.com  

Azərbaycan Premyer Liqasının XXII turunun oyun cədvəli müəyyənləşib

Futbol üzrə Azərbaycan Premyer Liqasının XXII turunun oyun cədvəli müəyyənləşib.Azərtac xəbər verir ki, iki günü əhatə edəcək tura aprelin 14-də start veriləcək. İlk oyun günündə “Qarabağ” səfərdə “Kəpəz”in qonağı olacaq. Günün digər qarşılaşmasında isə “Zirə” və “Neftçi” klubları üz-üzə gələcəklər.Turun ikinci gününün ilk qarşılaşmasında “Sumqayıt” doğma meydanda “Keşlə” klubunu qəbul edəcək. Turun sonuncu matçında isə “Qəbələ” və “Səbail” klubları qarşılaşacaqlar.Qeyd edək ki, turnir cədvəlinə 53 xalla “Qarabağ” komandası başçılıq edir. “Qəbələ” 41 xalla ikinci, “Sumqayıt” 36 xalla üçüncü, “Zirə” 35 xalla dördüncü, “Neftçi” 31 xalla beşinci yeri tutur. Sonrakı yerlərdə “Səbail” (18 xal), “Keşlə” (18 xal) və “Kəpəz” (12 xal) qərarlaşıb.xeber100.com

Futbolçular arasında “İzmir Cup” turnirinə yekun vurulub

Türkiyədə keçirilən 12 yaşadək futbolçular arasında “İzmir Cup” turnirinə yekun vurulub.Azərtac xəbər verir ki, yarışda “Qəbələ”nin U-12 komandası da qüvvəsini sınayıb.“Qırmızı-qaralar” 56 komandanın mübarizə apardığı yarışa “A” qrupunda başlayıb. Bu mərhələdə “Qəbələ” Türkiyə təmsilçisi “Karasu”nu 2:0 hesabı ilə məğlub edib, “Rizəspor”a (Türkiyə) 1:2, “Mançester Siti”yə (İngiltərə) 0:3, “Qalatasaray”a (Türkiyə) 0:5, “Altay”a (Türkiyə) 0:1, “Alkmaar”a (Hollandiya) 0:7 hesabı ilə uduzub.Növbəti qrup mərhələsində “Qəbələ” Küveytin “Al-Arabi” (1:1, 2:2) və Azərbaycanın digər təmsilçisi “Neftçi” (1:1, 2:2) ilə qarşılaşıb. Ardınca “qırmızı-qaralar” “Göztəpə” (Türkiyə) ilə qolsuz bitən matçın penaltilər seriyasında qalib gəlib.Komandamız turnirin sonuncu günündə “İzmir Bornova”ya (Türkiyə) 0:1, “Dinamo”ya (Tbilisi) 0:2 hesabı ilə uduzub.Turnirin qalibi adını isə Hollandiya təmsilçisi “Alkmaar” qazanıb.xeber100.com

“Barselona” klubu 100 milyon avro təzminat ödəyəcək

“Barselona” klubu fransalı futbolçu Dayo Upamekanonu tarixin ən bahalı müdafiəçisi edə bilər.Azərtac xəbər verir ki, kataloniyalılar Xaviyer Maskeranonu Çin klubuna buraxdıqdan sonra və Samuel Umtitinin klubla müqaviləni uzatmağa əmin olmadığı üçün müdafiəçi axtarışına çıxıblar. “Barselona” klubu “Leyptsiq”in 19 yaşlı oyunçusu Dayo Upamekanonu yay transfer dövründə sıralarına qatmaq niyyətindədir. “Barselona” Upamekano üçün 100 milyon avro təzminat məbləği ödəməyə hazırdır.Qeyd edək ki, oyunçu “Bavariya”, “Mançester Yunayted”, “Arsenal” və “Milan” klublarının da maraq dairəsindədir.xeber100.com

“Medal Day Open” beynəlxalq turnirinin “A” kateqoriyasında

Azərbaycan qrossmeysteri Vüqar Rəsulov 9 mümkün xaldan 6,5 xal toplayaraq, Türkiyənin Qəhrəmanmaraş şəhərində keçirilən “Medal Day Open” beynəlxalq turnirinin “A” kateqoriyasında qalib gəlib.Azərtac xəbər verir ki, Azərbaycanın digər şahmatçısı Misrəddin İsgəndərov, türkmən Melis Annaberdiyev və gürcü Gigi Kuparadze də eyni xala sahibdirlər. Əlavə göstəricilərə görə beynəlxalq usta M.İsgəndərov gümüş medala layiq görülüb. İlk onluqda, həmçinin digər şahmatçımız - FIDE ustası Pərviz Qasımov 5,5 xalla 8-ci yerdədir.Azərbaycan bu turnirdə 10 şahmatçı ilə təmsil olunur.İsveçrə sistemi ilə 9 turda keçirilən “Medal Day Open” turnirində 33 şahmatçı, o cümlədən 6 qrossmeyster iştirak edir.xeber100.com

Güləş üzrə dünya kuboku yarışları davam edir

ABŞ-ın Ayova şəhərində sərbəst güləş üzrə dünya kuboku yarışları davam edirAzərtac xəbər verir ki, “B” qrupunda yer alan millimiz aprelin 8-də Monqolustan yığması ilə qarşılaşıb. Görüş güləşçilərimizin 7:3 hesablı qələbəsi ilə yekunlaşıb. İlk yarış günündə yığmamız qrup mərhələsi çərçivəsində Kubaya 8:2, Qazaxıstana isə 9:1 hesabı ilə qalib gəlib.Beləliklə, millimiz dünya kuboku yarışlarının finalına yüksəlib.Final görüşündə yığma komandamızın rəqibi ev sahibi ABŞ idmançıları olacaqlar. Həlledici görüş aprelin 9-da Bakı vaxtı ilə saat 01:00-da start götürəcək.xeber100.com

Velosiped İdmanı Federasiyasının təşkilatçılığı ilə…

Azərbaycan Velosiped İdmanı Federasiyasının (AzVİF) təşkilatçılığı ilə fərdi və kriterium ötüşməsi üzrə Bakı çempionatı keçirilib.Azərtac xəbər verir ki, Bakı Şəhər Gənclər və İdman Baş İdarəsi ilə birgə keçirilən yarışda klub və cəmiyyətlərin 70-ə yaxın idmançısı mübarizə aparıb.Qala qəsəbəsində təşkil olunan fərdi ötüşmədə Respublika Olimpiya Ehtiyatları Uşaq-Gənclər Velosiped İdmanı Məktəbinin (ROEİUGVİM) üzvləri Nəcəf Bağırov, Nikita Sitov, Kamran Mirzəxanov və Ayan Xankişiyeva müvafiq olaraq Gənclər, U-17, U-15 və qızların mübarizəsində birinci yeri tutublar. Yalnız 15 yaşadək qızlar arasında 1-ci yerə 7 saylı İxtisaslaşdırılmış Olimpiya Ehtiyatları Uşaq-Gənclər İdman Məktəbinin (7 İOEUGİM) təmsilçisi İradə Abdurəhimova layiq görülüb.Veloparkda keçirilən kriterium ötüşməsinə gəlincə, burada Respublika Olimpiya Ehtiyatları Uşaq-Gənclər Velosiped İdmanı Məktəbinin velosipedçiləri Əli Qurbanov, Nikita Sitov və Ayan Xankişiyeva digər rəqiblərindən daha yaxşı çıxış ediblər. Qaliblər AzVİF və Bakı Şəhər Gənclər və İdman Baş İdarəsi tərəfindən diplom və xatirə hədiyyələri ilə təltif ediliblər.xeber100.com

Triatlon Federasiyasının qərargahında

Azərbaycan Triatlon Federasiyasının (ATF) qərargahında təşkilatın İcraiyyə Komitəsinin cari ildə ikinci iclası olub. İclasda yığma komandanın ilk qazandığı nəticələr, gənclərdən ibarət komandanın işində irəliləyiş, respublikada triatlonun inkişafı, habelə bu mövsüm üçün planlar müzakirə edilib.Azərtac xəbər verir ki, federasiyanın prezidenti Azər Məhərrəmov cari ilin komandamız üçün uğurlu başladığını deyib. Bildirib ki, cari ildə idmançılarımızın aktivində üç gümüş medal var. Yığma komandanın lideri Rostislav Pevtsov Las-Palmasda keçirilən Avropa kubokunda, həm də Misirin Şarm Əl-Şeyx şəhərində təşkil olunan açıq Afrika kuboku yarışlarında fərqlənib. Kseniya Levkovskaya Misirdə gümüş medal əldə edib.Qeyd edilib ki, bu ildən başlayaraq triatlon komandamız Olimpiya marafonuna qatılacaq. İdmançılarımız “Tokio-2020” Olimpiya Oyunlarına vəsiqə qazanmaq üçün təsnifat turnirlərdə iştirak edəcəklər. Yay Olimpiya Oyunlarından əvvəlki 2 il ərzində triatlonçular dünya və Avropa çempionatları, dünya kuboku yarışları da daxil olmaqla çıxış etdikləri bütün turnirlərdə Olimpiadaya lisenziya xalları toplayırlar.A.Məhərrəmov deyib: “Azərbaycanın triatlon idmanı ilk dəfə Rio Olimpiadasında təmsil olunub. Bu nailiyyətə görə biz hamımız fəxr edirik. Bu, gələcəkdə daha yaxşı nəticələrə ümid etməyə əsas verir. Rostislav Pevtsov Rioya lisenziya alıb və orada debüt edib. Təbii ki, yeni dövrədə başqa idmançılarla yanaşı, ona da böyük ümid bağlayırıq. Kseniya Levkovskaya və Darina Moskalenko da Olimpiya vəsiqələr uğrunda mübarizə aparacaqlar”.xeber100.com

“2018 CFA Belt and Road İnternational Beach Soccer Cup” beynəlxalq turnirdə…

Çinin Haikou şəhərində təşkil olunmuş “2018 CFA Belt and Road İnternational Beach Soccer Cup” beynəlxalq turnirdə iştirak edən çimərlik futbolu üzrə Azərbaycan milli komandası yarışın qalibi olub.Azərtac xəbər verir ki, sonuncu oyunda Çexiya yığma komandası ilə qarşılaşan millimiz 8:3 hesabı ilə qələbə qazanıb. Sabir Allahquliyev, Ramil Əliyev və Orxan Məmmədovun dubl etdiyi oyunda digər qolları Asif Zeynalov və İlkin Hacıyev vurublar.Rəqib qapılarından 5 top keçirən Ramil Əliyev turnirin ən məhsuldar oyunçusu olub.Qeyd edək ki, millimiz əvvəlki oyunlarda Macarıstan 7:3, Çinə isə 7:2 hesabı ilə qalib gəlib.xeber100.com

XXVI Azərbaycan çempionatına yekun vurulub

Şağan Olimpiya İdman Kompleksində keçirilən uşu idman növü üzrə XXVI Azərbaycan çempionatına yekun vurulub.Azərtac xəbər verir ki, Gənclər və İdman Nazirliyi və Azərbaycan Uşu Federasiyasının təşkilatçılığı ilə keçirilən yarışda kişi idmançılar arasında sanda və çinda növləri üzrə müxtəlif yaş kateqoriyasında və çəki dərəcələrində qaliblər müəyyənləşib.Ümumi komanda hesabında yeniyetmələr arasında “Artika-Abşeron”, gənclərin mübarizəsində “Omar”, böyüklər yarışlarında “Savalan” birinci yerə sahib olublar.Qeyd edək ki, yarışın keçirilməsində məqsəd idmançıların ustalıq dərəcəsinin artırılması, 2018-ci il Avropa çempionatında iştirak edəcək heyətin müəyyənləşdirilməsidir.xeber100.com