“Milan” futbol klubu yeni müqavilə imzalayıb

İtaliyanın “Milan” klubu baş məşqçisi Cennaro Qattuzo ilə müqavilənin müddətini uzadıb.Azərtac xəbər verir ki, yeni anlaşma 2021-ci ilin yayına qədər nəzərdə tutulub.2017-ci ilin noyabrında “Rossonyerlər”in baş məşqçisi vəzifəsinə gətirilən “Milan”nın əfsanəvi yarımmüdafiəçisi daha 3 il bu postda qalacaq.Qattuzonun rəhbərliyi altında “Milan” 13 qələbə qazanıb, 6 dəfə heç-heçə edib və 6 dəfə məğlub olub. Hazırda “Milan” A seriyasında turnir cədvəlinin 6-cı pilləsində qərarlaşıb.Komandasını İtaliya kubokunun finalına çıxarmağı bacaran mütəxəssis “Milan”da xoşbəxt olduğunu bildirib.xeber100.com

Sərbəst güləş üzrə dünya kuboku yarışları keçiriləcək

Aprelin 7-8-də ABŞ-ın Ayova şəhərində sərbəst güləş üzrə dünya kuboku yarışları keçiriləcək.Azərtac xəbər verir ki, dünya kuboku yarışlarında iştirak edəcək sərbəst güləş üzrə Azərbaycan millisi yarışın keçiriləcəyi ABŞ-a çatıb. Komandamız mötəbər yarışa ev sahibliyi edən Ayova şəhərində ilk məşqinə çıxıb.Baş məşqçi Firdovsi Umudov milli üzvlərinin son hazırlığına rəhbərlik edib, onlara önəmli tapşırıqlarını verib. Aprelin 7-də start götürəcək dünya kubokunda ölkəmizi Giorgi Edişeraşvili, Əfqan Xalaşov (hər ikisi 57 kq), Əhmədnəbi Qvarzatilov (61 kq), Hacı Əliyev, Ağahüseyn Mustafayev (hər ikisi 65 kq), Coşqun Əzimov (70 kq), Hacımurad Ömərov (74 kq), Cəbrayıl Həsənov (79 kq), Aleksandr Qostiyev (86 kq), Aslanbek Alborov (92 kq), Roman Bəkirov (97 kq) və Cəmaləddin Məhəmmədov (125 kq) təmsil edəcəklər.Yığmamız turnirdə “B” qrupunda Qazaxıstan, Kuba və Monqolustanla mübarizə aparacaq. “A” qrupunda isə ABŞ, Yaponiya, Gürcüstan və Hindistan güləşçiləri yarışacaqlar.Görüşlərin idarə edilməsində ölkəmizi beynəlxalq dərəcəli hakim Natiq Hacıyev təmsil edəcək.xeber100.com

Türk Universiadasına start verilib

Bakıda Azərbaycan, Türkiyə, Qırğızıstan və Qazaxıstan idmançılarının iştirakı ilə birinci Türk Universiadasına start verilib.Azərtac xəbər verir ki, Universiadanın proqramına daxil olan stolüstü tennis yarışları aprelin 7-9-da “Şüa” İdman Sağlamlıq Kompleksində təşkil olunacaq.Stolüstü tennis yarışlarının ilk günündə kişi və qadınlardan ibarət komandamız Qırğızıstan, ikinci günündə isə Türkiyə millisi ilə qarşılaşacaq. Daha sonra turnir şəxsi yarışlar ilə davam edəcək.Turnirə aprelin 10-da yekun vurulacaq.xeber100.com

“UEFA Pro licence Student exchange” adlı seminar davam edir

İsveçrənin Nyon şəhərində, UEFA-nın mənzil-qərargahında PRO kateqoriyası kurslarında təhsil alan məşqçilər üçün “UEFA Pro licence Student exchange” adlı seminar davam edir.Azərtac xəbər verir ki, aprelin 6-dək davam edəcək seminarda Azərbaycan, Finlandiya, Serbiya və Ukraynadan olan məşqçilər iştirak edirlər.Oyunların şəffaflığına nəzarət üzrə UEFA-nın məsul nümayəndəsi Nikolas Raudenski futbol qarşılaşmalarında nəticələrin manipulyasiyası cəhdləri və bununla mübarizə ilə bağlı seminarda mühazirə oxuyub, məşqçilərə müvafiq məlumatlar verib.xeber100.com

“Bakı Şəhər Halqası” Əməliyyat Şirkətinin məlumatı

Formula 1 Azərbaycan Qran-Prisinə hazırlıq işləri ilə əlaqədar trekin bəzi hissələrində nəqliyyatın hərəkəti məhdudlaşdırılacaq.“Bakı Şəhər Halqası” Əməliyyat Şirkətindən Azərtac-a bildiriblər ki, aprelin 6-dan 7-ə keçən gecə Azneft dairəsində tribunanın tikintisi ilə əlaqədar olaraq kiçik radiuslu dairə quraşdırılacaq, həmçinin burada hərəkət hissəsi əvvəlki vəziyyəti ilə müqayisədə nisbətən daraldılacaq.Aparılan tikinti-quraşdırma işləri ilə əlaqədar aprelin 7-dən 8-nə keçən gecə Üzeyir Hacıbəyov küçəsinin Puşkin küçəsi ilə Azadlıq prospektinin arasında olan hissəsində hərəkət zolaqlarının sayı azaldılacaq. Həmçinin aprelin 9-da gecə saatlarından etibarən Səməd Vurğun küçəsinin Zərifə Əliyeva küçəsi ilə Neftçilər prospekti arasında olan hissəsi nəqliyyatın hərəkəti üçün bağlı olacaq.Bundan başqa, aprelin 11-dən 12-nə keçən gecə Neftçilər prospektinin Bakı dəniz vağzalının qarşısındakı hissəsində yolun hərəkət hissəsi daraldılacaq.xeber100.com  

İtaliya çempionatının XVIII turunda…

Futbol üzrə İtaliya çempionatının XVIII turunda “Milan” və “İnter” komandaları qarşılaşıblar.Azərtac xəbər verir ki, “San Siro – Cuzeppe Meatsa” stadionunda baş tutan Milan derbisi 0:0 hesabı ilə nəticələnib.Daim gərgin idman mübarizəsi şəraitində keçən və böyük maraq doğuran Milan derbisi 172-ci dəfə baş tutub. Bu matçların 64-də “İnter”, 53-də isə “Milan” qalib gəlib. Bundan başqa, 54 görüş heç-heçə nəticələnib.“Della Madonnina” adlanan Milan derbilərinin sonuncusunda “İnter” klubu qalib gəlmişdi – 3:2.xeber100.com

Futbol üzrə XXII turun oyun cədvəli müəyyənləşib

Futbol üzrə Azərbaycan Premyer Liqasının XXII turunun oyun cədvəli müəyyənləşib.Azərtac xəbər verir ki, iki günü əhatə edəcək tura aprelin 7-də start veriləcək. İlk oyun günündə “Keşlə” səfərdə “Kəpəz”in qonağı olacaq. Günün digər qarşılaşmasında isə “Qarabağ” və “Səbail” klubları üz-üzə gələcəklər.Turun ikinci gününün ilk qarşılaşmasında “Zirə” doğma meydanda “Qəbələ” klubunu qəbul edəcək. Turun sonuncu matçında isə “Neftçi” və “Sumqayıt” klubları qarşılaşacaqlar.Qeyd edək ki, turnir cədvəlinə 50 xalla “Qarabağ” komandası başçılıq edir. “Qəbələ” 40 xalla ikinci, “Sumqayıt” 35 xalla üçüncü, “Zirə” 34 xalla dördüncü, “Neftçi” 30 xalla beşinci yeri tutur. Sonrakı yerlərdə “Səbail” (18 xal), “Keşlə” (17 xal) və “Kəpəz” (11 xal) qərarlaşıb.xeber100.com

“Qəbələ” klubu “Mançester Siti” ilə qarşılaşacaq

“Qəbələ”nin 12 yaşadək futbolçulardan ibarət komandası beynəlxalq turnirdə iştirak edəcək. “Qırmızı-qaralar” aprelin 5-8-də Türkiyədə keçiriləcək ənənəvi “İzmir Cup”da qüvvələrini sınayacaqlar.Azərtac xəbər verir ki, “Qəbələ” Futbol Akademiyasının baş məşqçisi Halim Fıçıcı, məşqçilər Şəhruz Mustafayev və Elçin Rzazadə turnirdə 16 futbolçuya güvənəcək. Bunlar Əli Tahirov, İslam Əbdüləzizov, İlkin Budaqov, Elnur Mustafayev, Mahir Mehdiyev, Sənan Məsimov, Ceyhun Bağırzadə, Nurlan Ağabəyov, Cümə Hüseynov, Ziya Şəkərxanov, Həsən Nəzərli, Samid Əhmədov, Murad Ağamalıyev, Sənan Zəkəriyyəyev, Fərid İsayev və Vüsal Əmirəhmədovdur.Turnirdə 56 komanda mübarizə aparacaq. Aprelin 6-da qrup mərhələsinin oyunları keçiriləcək. “Qəbələ” “A” qrupunda İngiltərənin “Mançester Siti”, Hollandiyanın “Alkmaar”, Türkiyənin “Qalatasaray”, “Çaykur Rizəspor”, “Karasu” və “Altay” klublarının U-12 komandaları ilə üz-üzə gələcək. “Qırmızı-qaralar” ilk turda “Çaykur Rizəspor”, ardınca “Karasu” ilə qarşılaşacaq. Növbəti iki matçında “Mançester Siti” və “Qalatasaray”la görüşəcək komandamız V turda istirahət edib, sonda “Altay” və “Alkmaar”la üz-üzə gələcək. İştirakçıların növbəti mərhələdəki rəqibləri qrupda tutduqları yerlərə əsasən müəyyənləşəcək.xeber100.com

Şahmat üzrə ənənəvi 5-ci beynəlxalq superturnir keçiriləcək

Azərbaycanın tanınmış qrossmeysteri, Avropa çempionu mərhum Vüqar Həşimovun xatirəsinə həsr olunan şahmat üzrə ənənəvi 5-ci beynəlxalq superturnir keçiriləcək. Azərbaycan Şahmat Federasiyasının dəstəyi, “Synergy Group”un tərəfdaşlığı ilə keçiriləcək XXI kateqoriyalı Vüqar Həşimov Memorialında bu dəfə də FIDE reytinqində yüksək yerlərdə qərarlaşan 10 güclü qrossmeyster mübarizə aparacaq.Azərtac xəbər verir ki, turnirin Təşkilat Komitəsi artıq iştirakçıların siyahısını dəqiqləşdirib. Superturnirdə şahmat üzrə hazırkı dünya çempionu, “Shamkir Chess” turnirinin ikiqat qalibi, FIDE reytinqində ilk pillədə qərarlaşan Maqnus Karlsen (Norveç, 2843), sabiq dünya çempionu Vladimir Kramnik (Rusiya, 2792), sonuncu İddiaçılar Turnirinin iştirakçısı, Çin təmsilçisi Dinq Liren (2778), dünya kubokunun qalibi, şahmat tacı uğrunda matçın iştirakçısı Sergey Karyakin (Rusiya, 2778), Hollandiya şahmatının lideri Aniş Giri (2777), FIDE versiyası üzrə dünya çempionu Veselin Topalov (Bolqarıstan, 2749), çexiyalı David Navara (2745) iştirak edəcəklər.Azərbaycanı Vüqar Həşimov Memorialında “Shamkir Chess” superturnirinin ikiqat qalibi, üçqat Avropa çempionu, rapid üzrə dünya çempionu, FIDE reytinqində ikinci pillədə qərarlaşan Şəhriyar Məmmədyarov (2814), üçqat Avropa çempionu, dünya çempionatının bürünc mükafatçısı Teymur Rəcəbov (2748) və üçqat Avropa çempionu, blits üzrə Avropa çempionu Rauf Məmmədov (2704) təmsil edəcəklər.XXI kateqoriyalı superturnirin reytinq favoriti Norveç təmsilçisi Maqnus Karlsen olacaq. Hazırkı dünya çempionu Beynəlxalq Şahmat Federasiyasının reytinq cədvəlində 2843 xalla 1-ci pillədə qərarlaşıb.Vüqar Həşimovun xatirəsinə həsr olunan “Shamkir Chess-2018” turnirinin təntənəli açılış mərasimi aprelin 18-də Şəmkirdəki Heydər Əliyev Mərkəzində olacaq. Doqquz turdan ibarət yarışa aprelin 28-də yekun vurulacaq.Xatırladaq ki, 2014 və 2015-ci illərdə yarışın qalibi dünya çempionu Maqnus Karlsen (Norveç) olub. Son iki turnirdə isə azərbaycanlı şahmatçı Şəhriyar Məmmədyarov birinci yeri tutub.xeber100.com

Voleybolçulardan ibarət Azərbaycan yığması Türkiyə millisi ilə qarşılaşacaq

Kişi voleybolçulardan ibarət Azərbaycan yığmasının baş məşqçisi Fərid Cəlalov Türk Universiadası üçün heyəti açıqlayıb.Azərtac xəbər verir ki, Bakıda keçiriləcək yarışda Kənan Allahverdiyev, Asif Əliyev, Elmin Alışanov, Vüsal Rüstəmov, Dmitri Baranov, Andrey Vasilenko, İvan Kazaçkov, Ruslan Əliyev, Rudix Yaroslav, Vüqar Bayramov, Aqil Ağazadə və Tural Həsənli millinin heyətində yer alacaqlar.Yığmamızın rəqibi yalnız Türkiyə olacaq. Komandalar ilk qarşılaşmasına aprelin 7-də, ikinci oyununa ertəsi gün çıxacaqlar. Matçlar saat 15:00-da başlayacaq.xeber100.com