Futbol üzrə 2017/2018-ci il mövsümündə

Futbol üzrə Azərbaycan Premyer Liqasında 2017/2018-ci il mövsümünün böyük bir hissəsi arxada qalıb. On doqquz tur ərzində “Sumqayıt” klubu 9 qələbə, 4 heç-heçə və 6 məğlubiyyətə imza ataraq 31 xal toplayıb və 4-cü pillədə qərarlaşıb.Azərtac xəbər verir ki, komanda geridə qalan 19 tur ərzində cəmi 8 ev oyunu keçirib ki, bu qarşılaşmaları da 10 min 578 azarkeş oyunu tribunalardan izləyib.xeber100.com

“Qarabağ” futbol klubunun tarixində ikinci seriya…

Ağdamın “Qarabağ” futbol klubu ardıcıl 7 oyundur evdə qol buraxmır. Qurban Qurbanovun yetirmələri sonuncu dəfə 2017-ci il sentyabrın 22-də “Sumqayıt”la qarşılaşmada (4:1) qonaqların qol vurmasına şahid olublar.Azərtac Peşəkar Futbol Liqasına istinadla xəbər verir ki, “Sumqayıt” ilə görüşdən sonra 169 gündür qapısını toxunulmaz saxlayan meydan sahibləri “Zirə” ilə iki matçda (0:0, 2:0), həmçinin “Səbail” (1:0), “Sumqayıt” (2:0), “Neftçi” (1:0), “Qəbələ” (0:0) və “Kəpəz”lə (1:0) qarşılaşmalarda doğma azarkeşlər önündə qol buraxmayıblar. Bəxtiyar Həsənalızadənin VI turun oyununun 8-ci dəqiqəsindən sonra başlayan quru seriya “Zirə” ilə XIX turun görüşündə 712 dəqiqəyə çatıb.Evdə 7 matçda qol buraxmayan “Qarabağ” tarixinin 2-ci nəticəsini təkrarlayıb. Bu, ağdamlıların 1995-ci ildə imza atdığı seriyanın təkrarı olsa da, 2 il əvvəlki rekorda çatmaq üçün daha 3 görüşdə qol buraxmamalıdır.xeber100.com

Beynəlxalq sosial proqramının püşkatma mərasimi olub

Moskvada “Dostluq üçün futbol” uşaqlar arasında beynəlxalq sosial proqramının altıncı mövsümünün püşkatma mərasimi olub.Azərtac xəbər verir ki, proqramın məqsədi gənc nəsil arasında dostluq, bərabərlik, sülh və digər xalqların mədəniyyətlərinə hörmət dəyərlərinin inkişaf etdirilməsidir.Bu il təşkil olunacaq proqram 211 ölkə və regionu əhatə edir. Tədbirin final mövsümü iyunun 8-15-də Moskvada keçiriləcək.Püşkatma zamanı futbol üzrə 32 beynəlxalq dostluq yığması, eləcə də hər ölkədən gənc futbolçu üçün oyun ampluası (qapıçı, müdafiəçi, yarımmüdafiəçi və ya hücumçu) təyin edilib. Yığmalar “Dostluq üçün futbol”un prinsipi əsasında təşkil edilib. Yəni, hər bir komandanın heyətində müxtəlif xalqların qadın və kişi təmsilçiləri, fiziki imkanlara sahib idmançılar mübarizə aparacaqlar. Oyunçuların yaş həddi 12-dir. Məşqçi vəzifələri isə müxtəlif ölkələrdən 14-16 yaşlı futbolçulara həvalə olunub. Mərasimi dünyanın 5 mindən çox KİV-i, eləcə də 211 ölkə və regiondan olan 12 yaşlı gənc jurnalistlərdən ibarət “Dostluq üçün futbol” Uşaq Mətbuat Mərkəzi işıqlandıracaq. Bütün dünya üzrə öz ölkələrində sülh, dostluq və bərabərliyi təmsil edən gənc səfirlərin milli seçimləri başlayıb.“Dostluq üçün futbol” proqramının əsas hissəsi ekoloji missiyaya həsr olunub. Belə ki, 2018-ci ildə dostluq üçün beynəlxalq futbol yığması planetin ən nadir və nəsli kəsilməkdə olan heyvanlarının şərəfinə adlandırılıb.Proqramı FIFA, UEFA, Beynəlxalq Olimpiya Komitəsi, müxtəlif ölkələrin futbol federasiyaları, beynəlxalq uşaq xeyriyyəçilik fondları, məşhur futbolçular və dünyanın aparıcı futbol klubları dəstəkləyirlər.Püşkatmanın nəticələrinə əsasən, Azərbaycan nümayəndəsi turnirdə qapıçı kimi çıxış edəcək. Onunla komanda yoldaşları Kosta-Rika, Qırğızıstan, Sent-Lüsiya və Laosdan olan futbolçular olacaq. Ölkəmizi təmsil edəcək gənc futbolçunun adı hələ müəyyənləşməyib.xeber100.com

Peşəkar Futbol Liqasının məlumatına görə…

“Neftçi”nin futbolçusu Ruslan Abışov yubiley qoluna imza atıb.Azərtac Peşəkar Futbol Liqasına istinadla xəbər verir ki, müdafiəçi Azərbaycan Premyer Liqasının XIX turunun “Keşlə” ilə görüşündə komandasına 3:2 hesablı qələbə qazandıran topun müəllifi olub. Bu qol R.Abışovun Azərbaycan çempionatlarında 20-ci qoludur. O, özünün 226-cı matçında buna nail olub.R.Abışov bu qollardan yarısını “Neftçi”nin heyətində rəqib qapısından keçirib. “Ağ-qaralar”ın kapitanı yetirməsi olduğu komandada 142-ci çempionat matçında “10”a çatıb.Müdafiəçi “Neftçi”nin tarixində 33-cü futbolçudur ki, Azərbaycan çempionatında 10 və daha çox qol vurub.Qeyd edək ki, futbolçu cari mövsümdə 3-cü qoluna imza atıb.xeber100.com

Şahmat tacına iddiaçıların turnirinə start verilib

Berlində şahmat tacına iddiaçıların turnirinə start verilib. Apasport.az saytının məlumatına görə, yarışda azərbaycanlı qrossmeyster Şəhriyar Məmmədyarov da iştirak edir.Həmyerlimiz ilk turda Sergey Karyakinlə qarşılaşıb. O, rusiyalı şahmatçıya qarşı qara fiqurlarla oynayıb.Görüş Məmmədyarovun qalibiyyəti ilə nəticələnib.İlk turda Vladimir Kramnik və Fabiano Karuana da qələbə qazanıb. Turun nəticələri: Sergey Karyakin (Rusiya) - Şəhriyar Məmmədyarov (Azərbaycan) - 0:1 Vladimir Kramnik (Rusiya) - Aleksandr Qrişuk (Rusiya) - 1:0 Levon Aronyan (Ermənistan) - Dinq Liren (Çin) - 0,5:0,5 Fabiano Karuana (ABŞ) - Uesli So (ABŞ) - 1:0/xeber100.com

Futbol üzrə dünya çempionatının rəsmi himni təqdim edilib

Amerikalı müğənni Ceycon Derulo Rusiyada keçiriləcək futbol üzrə dünya çempionatının rəsmi himnini təqdim edib. Apasport.az saytının məlumatına görə, kompozisiya “Colars” adlanır.Müğənni himni bu il təşkil olunacaq mundialın açılış mərasimində ifa edəcək.Dünya çempionatının açılışı iyunun 14-də Moskvanın “Lujniki” stadionunda olacaq. Ardınca Rusiya – Səudiyyə Ərəbistanı oyunu keçiriləcək.Qeyd edək ki, Rusiyanın 11 şəhərinin 12 arenasında baş tutacaq yarışın qalibi iyulun 15-də bilinəcək.xeber100.com

Həndbol Federasiyasının məlumatı

Həndbol üzrə Azərbaycan kuboku turnirinə yekun vurulub.Azərbaycan Həndbol Federasiyasından Azərtac-a bildiriblər ki, final qarşılaşmaları komandaların gərgin və maraqlı mübarizəsi ilə yadda qalıb. Qadın həndbolçuların həlledici görüşündə “Azərsu” və “Nur” kollektivləri üz-üzə gəliblər. Rəqibindən daha üstün oyun göstərən “Nur” 30:24 hesabı ilə qalib gələrək Azərbaycan kubokuna sahib çıxıb.Kişilərin final matçında isə “Məhsul” həndbolçularını 34:28 hesabı ilə məğlubiyyətə uğradan “Bakı” turnirin əsas mükafatına layiq görülüb.xeber100.com

“Atletiko” doğma meydanda Moskva “Lokomotiv”ni qəbul edib

Futbol üzrə Avropa Liqasının 1/8 final mərhələsinin növbəti oyunları keçirilib.Azərtac xəbər verir ki, mərhələnin ilk oyunları çərçivəsində 8 görüş baş tutub. Cari mövsümdə “Qarabağ”ın Çempionlar Liqasında rəqibi olmuş “Atletiko” doğma meydanda Moskva "Lokomotiv"ni qəbul edib.Mərkəzi qarşılaşma San Siro stadionunda keçirilib. “Milan” London “Arsenalı”nı qəbul edib, “Salzburg” isə “Borussiya Dortmund”un qonağı olub. “Lazio” “Dinamo” ilə, “Marsel” isə “Atletik Bilbao” ilə münasibətlərinə aydınlıq gətirib.Gün ərzində keçirilən qarşılaşmalar aşağıdakı kimi yekunlaşıb: “Milan” (İtaliya) – “Arsenal” (İngiltərə) - 0:2 “Atletiko” (İspaniya) – “Lokomotiv” (Rusiya) - 3:0 “Borussiya" D. (Almaniya) – “Zalsburq” (Avstriya) - 1:2 MOİK (Rusiya) – “Lion” (Fransa) - 0:1 "Latsio” (İtaliya) – “Dinamo” (Kiyev, Ukrayna) - 2:2 “Leyptsiq” (Almaniya) – “Zenit” (Rusiya) - 2:1 “Marsel” (Fransa) – “Atletik” (İspaniya) - 3:1 “Sportinq” (Portuqaliya) – “Viktoriya” (Plzen, Çexiya) - 2:0.xeber100.com

“Napoli” klubu yarımmüdafiəçisi ilə müqaviləni yeniləyib

İtaliyanın “Napoli” futbol klubu yarımmüdafiəçisi Allan ilə müqaviləni yeniləyib.Azərtac xəbər verir ki, braziliyalı futbolçu klubla 2023-cü ilin yayınadək müqavilə imzalayıb. Allanın hazırkı müqaviləsinin müddəti gələn ilin yayında başa çatacaqdı.Qeyd edək ki, Allan 2015-ci ildən “Napoli”nin heyətində çıxış edir.xeber100.com

PSJ futbol klubu kadr dəyişiklikləri edəcək

PSJ futbol klubu yayda ciddi kadr dəyişiklikləri edəcək.Azərtac “Le Parisien” qəzetinə istinadla xəbər verir ki, Paris təmsilçisi yayda futbolçulardan - Dani Alves, Leven Kurzava, Yuri Berçiçe, Adrien Rabo, Marko Verratti, Xavyer Pastore, Anhel Di Mariya və Edinson Kavani ilə yollarını ayıracaq.Heyətdən göndəriləcək futbolçuların çıxışı klub rəhbərliyini qane etmir. PSJ Neymar və Kiliana Mbappe ətrafında yeni komanda formalaşdırmağı düşünür.Qeyd edək ki, klubun baş məşqçisi Unai Emeri də istefaya göndəriləcək. Həmçinin idman direktoru Anteru Enrike klubdan kənarlaşdırılacaq.xeber100.com