Futbol üzrə Topaz Premyer Liqası mövsümün ikinci yarısında

Futbol üzrə Topaz Premyer Liqasının 2017-2018-ci il mövsümünün ikinci yarısında yeni rekord müəyyənləşib. Belə ki, cari ildə bir matçda ən çox tamaşaçı Gəncədə keçirilən “Kəpəz”–“Səbail” matçında (2:1) qeydə alınıb. Həmin görüşü stadionda 5332 tamaşaçı izləyib.Peşəkar Futbol Liqasından (PFL) Azərtac-a bildiriblər ki, buna qədər keçirilən üç turda ən yaxşı halda 2000 tamaşaçı qeydə alınmışdı. Bu baxımdan XV turda “Neftçi”–“Kəpəz” və XVII turda “Keşlə”–“Sumqayıt” matçları fərqlənmişdi. Sonuncu – XVIII turda “Qəbələ”–“Neftçi” qarşılaşmasını 3 min tamaşaçı izləyib.Mövsümün rekordu isə XI turda “Kəpəz”–“Qarabağ” matçında qeydə alınıb (13 min 300 tamaşaçı).Qeyd edək ki, 2018-ci ilin rekordu “Kəpəz”in iki uğursuz seriyanı qırması ilə üst-üstə düşüb. Gəncə təmsilçisi ardıcıl 7 məğlubiyyətdən sonra həm xal, həm qələbə həsrətinə son qoyub. Qərblilər sonuncu dəfə 126 gün əvvəl - oktyabrın 28-də keçirilən X turda “İnter”lə səfər oyununda qalib gəlmişdi – 2:0.Cari mövsümdə öz meydanında xal qazanmayan “Kəpəz” 7 matçlıq məğlubiyyət seriyasını qırıb. Gəncə təmsilçisi ötən il aprelin 29-da “İnter”i 1:0 hesabı ilə məğlub edəndən 308 gün sonra doğma azarkeşləri önündə xal qazanıb.xeber100.com

Boksçular arasında keçirilən Azərbaycan birinciliyinə yekun vurulub

Yeniyetmə boksçular arasında keçirilən Azərbaycan birinciliyinə yekun vurulub.Azərtac xəbər verir ki, Bakı və respublikanın müxtəlif bölgələrini təmsil edən 50-yə yaxın komandanın qatıldığı yarışda 375 idmançı mükafatlar uğrunda mübarizə aparıb.Altı gün davam edən birincilikdə 2002-2003-cü il təvəllüdlü yeniyetmələr qüvvələrini sınayıblar. Boks Mərkəzində baş tutan yarışda 14 çəki dərəcəsində çempion və medalçılar bəlli olub.Turnirin komanda hesabında “Təhsil” Respublika İdman Mərkəzi birinci yeri tutub. İkinci pillədə “Rabitə” idman klubu qərarlaşdığı halda, üçlüyü “Neftçi” qapayıb.xeber100.com

“Barselona” öz meydanında “Atletiko” klubunu qəbul edib

İspaniya çempionatının 27-ci turunun matçında “Barselona” öz meydanında “Atletiko” klubunu qəbul edib. “Kamp Nou” stadionunda keçirilən görüş 1:0 hesabı ilə ev sahiblərinin xeyrinə başa çatıb.Azərtac xəbər verir ki, görüşdə yeganə qolu Lionel Messi vurub. O, oyunun 26-cı dəqiqəsində fərqlənərək cərimə zərbəsi vurub. Bu qol 30 yaşlı hücumçu üçün karyerası ərzində keçirdiyi 747 matçda, o cümlədən klub uğrunda 539 və Argentina yığması uğrunda 61 görüşdə 600-cü qol olub. Bundan əlavə, Messinin bu qolu indiki mövsümün bütün rəsmi oyunlarında “Barselona” üçün 100-cü qol olub. Messi 2003-cü ildən “Barselona”nın heyətində oynayır, Argentina yığmasının heyətində 2005-ci ildə debüt edib.Futbol tarixində 10 ən yaxşı bombardirdən biri olmaq üçün Messi rəqib qapısından 62 top keçirməlidir. Bu siyahıya 1329 qola imza atmış braziliyalı futbolçu Artur Fridenrayx başçılıq edir. Pelenin dünyaya gəlməsindən xeyli əvvəl Braziliya futbolunun ulduzu A.Fridenrayx olub. Hər bir futbol həvəskarı bilir ki, braziliyalı Pele XX əsrin ən yaxşı oyunçusudur. O, futbol üzrə dünya çempionatını üç dəfə udmuş yeganə futbolçu və Beynəlxalq Olimpiya Komitəsinin versiyasına görə ötən əsrin ən yaxşı idmançısıdır. Karyerası ərzində 1329 qol vurmuş Pele bu siyahıda ikinci yeri tutur. Alman mənşəli əfsanəvi futbolçu Gerd Müllerdir 1289 qolla üçüncü yerdədir. Romario (Braziliya, 1045), Eysebio (Portuqaliya, 886), Ziko (Braziliya, 857), Ferents Puşkaş (Macarıstan, 729), İmre Şlosser (Macarıstan, 679), Roberto Dinamit (Braziliya, 670), Qunnar Nordal (İsveç, 661) da “Yaxşıların yaxşısı” siyahısında yer alıblar.xeber100.com

Dünya Boks Şurasının super ağır çəki dərəcəsində

Dünya Boks Şurasının (WBC) super ağır çəki dərəcəsində dünya çempionu amerikalı Deontey Uaylder Nyu-Yorkda keçirilən qarşılaşmada rəqibi Luis Ortisi məğlub edib.TASS agentliyi xəbər verir ki, D. Uaylder 10-cu raundunda texniki nokautla qalib gəlib.Bu qələbə ilə 32 yaşlı D. Uaylder peşəkar rinqdə məğlubedilməzlik seriyasını qoruyub. Keçirdiyi 40 döyüşün hamısında qələbə qazanan amerikalı boksçu 39 görüşdə nokautla qalib gəlib və yeddinci dəfə titulunu qoruyub. 38 yaşlı L. Ortis isə 28 qələbəlik məğlubedilməzlik seriyasını qoruya bilməyib. Bu görüşün nəticəsində D. Uaylder 2,1 milyon, L. Ortis isə 500 dollar qonorar alıb.Qeyd edək ki, bu boksçular arasında döyüş keçən ilin noyabrında planlaşdırılsa da, L. Ortis dopinq testindən keçə bilmədiyi üçün diskvalifikasiya edilib. D. Uaylder isə kanadalı Bermeyn Stivern ilə rinqə çıxıb və ilk raundda da nokautla qələbə qazanıb.Super ağır çəki dərəcədə Dünya Boks Federasiyası (WBA) və Dünya Boks Federasiyasının (İBF) versiyaları üzrə dünya çempionu britaniyalı Antoni Coşua ilə Dünya Boks Təşkilatının (WBO) versiyası üzrə dünya çempionu Yeni Zelandiyalı Cozef Parker arasında qarşılaşma isə martın 31-də Kardifdə keçiriləcək.xeber100.com

Rusiyada keçiriləcək futbol üzrə dünya çempionatında

Beynəlxalq Futbol Federasiyası (FİFA) bu il Rusiyada keçiriləcək futbol üzrə dünya çempionatında oyunları idarə edəcək hakimlərin siyahısını martın sonlarında müəyyənləşdirməyi planlaşdırır.TASS agentliyinin verdiyi məlumata görə, bunu bu gün FİFA Hakimlər departamentinin rəhbəri Massimo Buzakka bildirib.FİFA martın 25-də Dubayda keçirilən iki günlük seminardan sonra dünya çempionatı üçün hakimlərin yekun siyahısını müəyyənləşdirəcək. Braziliyada keçirilən dünya çempionatında olduğu kimi Rusiyada da 25 hakim briqadasının oyunları idarə edəcəyi gözlənilir. M. Buzakka qeyd edib ki, Braziliyadan fərqli olaraq hakimlərin siyahısının yanvarda deyil, martda müəyyənləşdirilməsinin səbəbi isə Rusiyada keçiriləcək dünya çempionatında hakimlərə kömək məqsədi ilə video sisteminin tətbiq olunacağı ilə bağlıdır.Qeyd edək ki, Rusiyada futbol üzrə dünya çempionatı 14 iyun-15 iyul tarixlərində keçirəcək.xeber100.com

UEFA Qlobal Beynəlxalq Liqa adı altında yarış keçirəcək

Azərbaycan millisi yeni turnirdə iştirak edə bilər. Apasport.az saytının xarici mətbuata istinadən məlumatına görə, UEFA yığma komandalar arasında Qlobal Beynəlxalq Liqa adı altında yarış keçirmək niyyətindədi. Çempionlar Liqası və Avropa Liqasının formatını dəyişən, Millətlər Liqasını yaradan qitə futbol qurumu daha bir turnirin startına hazırlaşır. Qlobal Beynəlxalq Liqada təkcə Avropadan yox, dünyanın bir çox yerlərindən yığmalar qatıla biləcək. Plana əsasən, yarış 2 ildən bir keçiriləcək. Məlumatı UEFA nümayəndələri də Almaniya mətbuatına açıqlama zamanı təsdiqləyiblər.Kiçik dünya çempionatı hesab edilən yarışın seçmə mərhələsi 2020-ci ildə baş tutacaq. İlk final mərhələsinin isə 2021-ci ildə keçirilməsi nəzərdə tutulub. Əksər mütəxəssislərin fikrincə, UEFA-nın turnirə fərqli qitələrdən komandaları cəlb etməkdə məqsədi FİFA-ya meydan oxumaqdı.Hətta FİFA rəsmiləri də bütün Konfederasiyaların bununla bağlı UEFA ilə danışıq apardığını təsdiqləyiblər.xeber100.com

Futzal üzrə yeni reytinq siyahı açıqlanıb

Futzal üzrə milli komandaların yeni reytinq siyahısı açıqlanıb.Azərtac xəbər verir ki, Azərbaycan yığması 1440 xalla reytinq cədvəlində onuncu pillədə qərarlaşıb. Millimiz Avropa komandaları arasında yeddinci yerdədir.Reytinq cədvəlinə 1935 xalla Braziliya millisi başçılıq edir. İspaniya 1807 xalla ikinci, Rusiya isə 1700 xalla üçüncü pillədə yer alıb.xeber100.com

Taekvondo üzrə növbəti beynəlxalq turnir keçiriləcək

Bolqarıstanın paytaxtı Sofiyada taekvondo üzrə növbəti beynəlxalq turnir keçiriləcək.Azərtac Azərbaycan Taekvondo Federasiyasının saytına istinadən xəbər verir ki, “G-1” kateqoriyalı turnirdə iştirak etmək məqsədi ilə Bolqarıstana yollanan gənclərdən ibarət milli komandamız altı idmançı ilə təmsil olunacaq.Baş məşqçi Məmməd Abdullayev və böyük məşqçi Zahid Məmmədov “Sofia Open” turnirində gənc idmançılardan Bəhruz Quluzadə (48 kq), Xanoğlan Kərimov (51 kq), Ayaz Qənbərli (55 kq) və Cavad Ağayevi (63 kq) sınaqdan keçirəcək. Qızlardan isə Minayə Əkbərova (44 kq) və Sevda Pirseyidova (49 kq) medallar uğrunda mübarizə aparacaqlar.Qeyd edək ki, yarış martın 3-4-də baş tutacaq və qalib olan idmançı reytinqinə 10 xal əlavə edəcək.xeber100.com

“Borussiya” futbol klubu yeni müqavilə ilə bağlı danışıqlar aparıb

Dortmundun “Borussiya” futbol klubu yarımmüdafiəçisi Marko Roysu komandada saxlamaq fikrindədir.Azərtac xəbər verir ki, ötən həftə tərəflər arasında müqavilənin uzadılması barədə aparılan danışıqlarda “Borussiya”nın rəhbərliyi qəti niyyətdə olduğunu bildirib.Roys isə özünün gələcəyinə əmin deyil. Onun müqaviləsi 2019-cu ildə bitir və 28 yaşlı almaniyalı başa düşür ki, növbəti müqavilə onun karyerasında sonuncu böyük müqavilə ola bilər.Roys “Borussiya”da qalmağa razıdır, lakin mükafatlar uğrunda mübarizə də aparmaq fikrindədir. O, bunun zəmanətini hələ ki, klubdan görmür. Ehtimal var ki, Roysun gələcəyi yalnız dünya çempionatından sonra həll olunacaq.xeber100.com

“Beşiktaş” öz meydanında “Fənərbaxça”nı qəbul edib

Türkiyə kubokunda yarımfinal mərhələsində növbəti oyun keçirilib. İstanbul derbisində “Beşiktaş” öz meydanında “Fənərbaxça”nı qəbul edib.Azərtac xəbər verir ki, gərgin keçən oyunda hakim 3 qırmızı vərəqə göstərib. 101 dəqiqə davam edən matçda “Fənərbaxça”dan Alper və Volkan (qapıcı), “Beşiktaş”dan isə Quarejma qırmızı vərəqə alıb.Hərəyə iki qol vuran tərəflər meydandan 2:2 hesablı bərabərliklə ayrılıb. Beşiktaş”dan qolları Neqredo (14 dəq.) və Talişka (82-ci dəq.), “Fənəbaxça”dan isə Soldado (17-ci dəq.) və Şənər (45+2-ci dəq.) vurublar.Qeyd edək ki, bu komandalar bir neçə gün öncə Türkiyə Super Liqası çərçivəsində qarşılaşmış və “Beşiktaş” 3:1 hesablı qələbə qazanmışdı.xeber100.com