UEFA “PSJ” və “Bazel” Çempionlar Liqasının 1/8 finalında

UEFA “PSJ” və “Bazel” azarkeşlərinin Çempionlar Liqasının 1/8 finalında müvafiq olaraq “Real” və “Mançester Siti” komandaları ilə matçlarda nümayiş etdirdikləri davranışa görə onlar barədə intizam işi açıb.Azərtac xəbər verir ki, Paris futbol klubunun fanatları pirotexnika və lazer fənərlərindən istifadə etməkdə ittiham olunur. Xatırladaq ki, “PSJ” azarkeşlərinin piroşousuna görə oyun iki dəqiqə dayandırılıb.“Bazel”ə gəldikdə isə UEFA bu komandanın “Mançester Siti”nin qonağı olarkən onların azarkeşlərinin də pirotexnikadan istifadə etdiyini bildirir.xeber100.com

Futbol üzrə Azərbaycan millisinin yoldaşlıq oyununda

Futbol üzrə Azərbaycan millisinin yoldaşlıq oyunundakı rəqibi Belarus yığmasının heyəti açıqlanıb.Azərtac xəbər verir ki, Belarus millisi martın 23-də Azərbaycan, dörd gün sonra isə Sloveniya ilə qarşılaşacaq.Belarus millisinin baş məşqçisi İqor Kriuşenko Azərbaycanla oyuna 23 futbolçu dəvət edib. Heyətdə qapıçılar – Andrey Qorbunov, Aleksandr Qutor, Pavel Pavlyuçenko, müdafiəçilər – Aleksandr Martınoviç, İqor Şitov, Denis Polyakov, Sergey Politeviç, Mixail Sivakov, Maksim Volodko, Oleq Veretilo, Sergey Matveyçik, yarımmüdafiəçilər – Sergey Kislyak, Stanislav Draqun, İqor Staseviç, Renan Bressan, Pavel Nexayçik, Pavel Savitskiy, İvan Maevskiy, Yuriy Kendış, Yuriy Kovalyev, hücumçular – Maksim Skavış, Denis Laptev, və Anton Saroka yer alıblar.Qeyd edək ki, Azərbaycan-Belarus oyunu martın 23-də saat 20:00-da Bakı Olimpiya Stadionunda keçiriləcək.xeber100.com

“Shamkir Chess” turnirinin iştirakçıları və keçiriləcəyi vaxt müəyyənləşib

Azərbaycanın məhrum şahmatçısı, beynəlxalq qrossmeyster Vüqar Həşimovun xatirəsinə həsr olunan ənənəvi “Shamkir Chess” super turnirinin iştirakçıları və keçiriləcəyi vaxt müəyyənləşib.Azərtac xəbər verir ki, turnir aprelin 18-dən 28-dək Şəmkirdə keçiriləcək. Ümumilikdə 10 şahmatçının qatılacağı yarış dairəvi sistem üzrə 9 turdan ibarət olacaq. “Shamkir Chess-2018”də hazırkı dünya çempionu norveçli Maqnus Karlsen, eks-dünya çempionu rusiyalı Vladimir Kramnik, güclü hollandiyalı şahmatçı Aniş Giri, çinli Dinq Liren, bolqarıstanlı Veselin Topalov, daha bir rusiyalı Sergey Karyakin mübarizə aparacaqlar. Yarışda Azərbaycanı hazırda dünya reytinqində ikinci olan Şəhriyar Məmmədyarov, beynəlxalq qrossmeysterlər Teymur Rəcəbov və Rauf Məmmədov təmsil edəcəklər.Xatırladaq ki, sonuncu iki “Shamkir Chess” turnirinin qalibi Şəhriyar Məmmədyarov olub.xeber100.com

Futbol üzrə Avropa Liqasının 1/8 final mərhələsi çərçivəsində

Bu gün futbol üzrə Avropa Liqasında 1/8 final mərhələsi çərçivəsində ilk oyunlar keçiriləcək.Apasport.az saytının məlumatına görə, mərhələnin ən çox gözlənilən matçı İtaliyada oynanılacaq. “Milan” doğma azarkeşləri önündə “Arsenal”ı qəbul edəcək.Çempionlar Liqasının qrup mərhələsində “Qarabağ”la rəqib olmuş "Atletiko” da tura evdə start verəcək. Madrid təmsilçisi Moskva “Lokomotiv”i ilə üz-üzə gələcək.Avropa Liqasında mübarizə aparan 3 Rusiya klubundan yalnız MOİK doğma azarkeşlər önündə oynayacaq. MOİK Fransa "Lion"unu sınağa çəkəcək. Turnirin güclü komandalarından hesab olunan Dortmund "Borussiya"sı Avstryanın "Zalsburq" klubu ilə ilk matçda sərfəli nəticə əldə etməyə çalışacaq. Almaniyanın digər təmsilçisi "Leyptsiq" doğma meydanda Rusiya "Zenit" ilə görüşəcək. Avropa Liqası 1/8 final, ilk oyunlar 22:00. “Milan” (İtaliya) – “Arsenal” (İngiltərə) 22:00. “Atletiko” (İspaniya) – “Lokomotiv” (Rusiya) 22:00. “Borussiya D.” (Almaniya) – “Zalsburq” (Avstriya) 22:00. MOİK (Rusiya) – “Lion” (Fransa) 00:05.”Latsio” (İtaliya) – “Dinamo” (Kiyev, Ukrayna) 00:05. “Leyptsiq” (Almaniya) – “Zenit” (Rusiya) 00:05. “Marsel” (Fransa) – “Atletik” (Bilbao, İspaniya) 00:05. “Sportinq” (Portuqaliya) – “Viktoriya” (Plzen, Çexiya).xeber100.com

“Rekrativo” futbol klubu müflis elan edilib

İspaniyanın “Rekrativo” klubu müflis elan edilib. Apasport.az saytının məlumatına görə, bu barədə “AS” nəşri xəbər yayıb.Bildirilib ki, Uelva şəhərinin bələdiyyəsi klubun bütün borclarını ödəməyi öhdəliyinə götürüb. Belə olan halda isə “Eurosamop” şirkəti klubu 1 avro rəmzi məbləğə satın alacaq.Maraqlıdı ki, “Rekreativo” İspaniyanın ən qədim klubudur. Bu komanda 1889-cu ildə - “Barselona”dan 10, “Real”dan isə 13 il əvvəl yaradılıb.xeber100.com

İtaliya çempionatının oyunlarının vaxtı dəyişdirilib

Futbol üzrə İtaliya çempionatının martın 4-də keçirilməsi nəzərdə tutulan 27-ci turun oyunlarının vaxtı dəyişdirilərək aprelin 3-nə və 4-nə təyin olunub.Azərtac İtaliya Futbol Federasiyasına istinadla xəbər verir ki, 27-ci turun tarixi bilinməyən yeganə oyunu “Milan” və “İnter” arasındakı görüşdür.“Milan” Avropa Liqasında mübarizə aparır, komandanın dörddəbir finala çıxmaq şansı var və ilk matç aprelin 5-nə planlaşdırılıb.“Atalanta”-“Yuventus” oyununun vaxtı qar səbəbindən dəyişdirildiyindən “Atalanta”-“Sampdoriya” qarşılaşması aprelin 11-də keçiriləcək.İtaliya çempionatının bazar günü matçlarının vaxtı “Fiorentina”nın müdafiəçisi və kapitanı David Astorinin ölümü ilə əlaqədar dəyişdirilib. Udine şəhərindəki “La 'di Moret” mehmanxanasında bazar günü futbolçunun meyiti tapılıb. Komanda bu şəhərdə “Udineze” ilə 27-ci turun oyunları çərçivəsində qarşılaşmalı idi. Bazar günü şəhər prokuroru Antonio de Nikolo oyunçunun ölüm səbəbinin ürəyinin dayanması olduğunu, lakin səhəri gün “qərəzsiz ölüm” maddəsi ilə cinayət işi açıldığını bəyan edib.xeber100.com

“Betis” klubu yeni müqavilə bağlamağa hazırlaşır

“Portu” futbol komandasının qapıçısı İker Kasilyas mövsümün sonunda “Betis”ə keçə bilər.Azərtac “A Bola” nəşrinə istinadla xəbər verir ki, əgər Kasilyas MLS-yə getməyə qərar verməzsə, İspaniya klubu 36 yaşlı oyunçu ilə müqavilə imzalamağa hazırdır.Daha əvvəl “Portu”nun kommunikasiyalar üzrə direktoru Fransişku Markeşa bildirmişdi ki, Kasilyas mövsümün sonunda komandanı tərk edəcək. Çünki klub məvaciblərə sərf olunan xərcləri azaltmaq fikrindədir.Kasilyas “Portu” komandasına 1998-ci ildən oynadığı “Real”dan 2015-ci ildə keçib. Cari mövsümdə o, meydana qeyri-müntəzəm çıxır və bu mövsümdə bütün turnirlərdə 21 oyun keçirib.xeber100.com

Azərbaycan millisi yoldaşlıq oyunu keçirib

Martın 6-da futbol üzrə 17 yaşadək qızlardan ibarət Azərbaycan millisi yoldaşlıq oyunu keçirib.Azərtac xəbər verir ki, “Dalğa Arena”da Ukraynanın müvafiq yaş qrupundan ibarət yığması ilə qarşılaşan millimiz 1:0 hesabı ilə qalib gəlib.Oyunda yeganə qolu Birgul Çelik vurub.xeber100.com

Həndbol Federasiyasının məlumatı

Martın 6-da həndbol üzrə Azərbaycan kuboku uğrunda yarımfinal görüşləri keçirilib.Azərbaycan Həndbol Federasiyasından Azərtac-a bildiriblər ki, yarımfinal mərhələsinin cavab görüşləri gözlənildiyi kimi maraqlı mübarizə şəraitində keçib. Qadın həndbolçuların mübarizəsində "Azərsu" komandası "İdman Akademiyası"na 37:22, "Nur" kollektivi "Qarabağ"a 31:22 hesabı ilə qalib gəlib.Kişi həndbolçuların yarışında isə "Məhsul" "Təhsil" komandasını 33:31, "Bakı" Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin (RİOEUGİM) təmsilçilərini 37:25 hesabı ilə məğlub edib. Beləliklə, yarımfinal mərhələsinin oyunlarının nəticəsinə əsasən, finalda "Azərsu" "Nur"la, "Məhsul" isə "Bakı" ilə qarşılaşacaq.Xatırladaq ki, final qarşılaşmaları martın 7-də keçiriləcək.xeber100.com

“PSG” futbol klubu “Real”ı qəbul edib

Futbol üzrə UEFA Çempionlar Liqasının səkkizdəbir final mərhələsinin cavab oyunlarına start verilib.Azərtac xəbər verir ki, günün əsas oyunu Parisdə keçirilib. “PSG” “Real”ı qəbul edib. Matçın 52-ci dəqiqəsində Dani Alvesin kobud səhvindən sonra Kriştiano Ronaldu hesabı açıb. Oyunun 65-ci dəqiqəsində hakimə etirazına görə Marko Veratti ikinci sarı vərəqəni alaraq meydandan qovulub. Meydan sahibləri oyunun 71-ci dəqiqəsində Edison Cavaninin vurduğu qol ilə hesabı bərabərləşdiriblər. Qonaq "kral" klubu 80-ci dəqiqədə hesabda yenə önə keçib. Kazemiro fransızları meydanın mərkəzinə dəvət edib. Komandaların cəhdlərinə baxmayaraq matçın sonunadək hesab dəyişməyib.Bu komandalar arasında ilk görüş madridlilərin 3:1 hesablı qələbəsi ilə başa çatmışdı. "Real" növbəti mərhələyə yüksəlib.Günün digər matçı İngiltərədə keçirilib. Səfərdə rəqibini 5:0 hesabı ilə darmadağın edən “Liverpul” öz meydanında “Portu”nu məğlub edə bilməyib. “Liverpul” 0:0 hesablı bərabərliklə növbəti mərhələyə yüksəlib.xeber100.com