U-17 millisi Ukrayna yığması ilə qarşılaşacaq

Futbol üzrə 17 yaşadək qızlardan ibarət Azərbaycan milli komandasının martın 3-dən 9-dək Bakıda təlim-məşq toplanışı olacaq.Azərtac AFFA-ya istinadla xəbər verir ki, hazırlıq prosesi çərçivəsində yığmamız Ukraynanın müvafiq yaş qrupundan ibarət komandası ilə iki yoldaşlıq oyunu keçirəcək.Komandalar martın 6-da “Dalğa Arena”da, martın 8-də isə Bakı Olimpiya Stadionunun ehtiyat meydançasında qarşılaşacaqlar.xeber100.com

“Mançester Siti” 1954/1955-ci illər mövsümündən sonra…

“Mançester Siti” futbol klubu İngiltərə premyer-liqasının 28-ci turunda “Arsenal”ı darmadağın edib – 3:0.Beləliklə, “Mançester Siti” 1954/1955-ci illər mövsümündən sonra tarixdə ikinci dəfə ali divizion çərçivəsində bir mövsümdə “Arsenal”, “Çelsi” və “Mançester Yunayted” komandalarına onların meydanlarında qalib gəlib.Azərtac xəbər verir ki, Mançester klubu bu mövsümdə artıq 82 qol vurub və 55 il bundan əvvəl “Tottenhem” komandasının qazandığı nailiyyəti təkrarlayıb. Xatırladaq ki, 1962/1963-cü illər mövsümündə londonlular da 28 turda 82 qol vurmuşdular.Hazırda Pep Qvardiolanın komandası “Mançester Yunayted” klubunu 16 xal qabaqlayaraq liqada liderlik edir.xeber100.com

İtaliyanın “Atalanta” futbol klubu ilə bağlı araşdırma başlayıb

UEFA İtaliyanın “Atalanta” futbol klubu ilə bağlı araşdırmaya başlayıb.Azərtac xəbər verir ki, buna Avropa Liqası yarışlarının onaltıdabir final mərhələsi çərçivəsində “Borussiya” ilə oyunda Dortmund təmsilçisinin hücumçusu Mişi Batşuayinin italiyalı azarkeşlər tərəfindən irqçi şüarlarla qarşılanması səbəb olub.Bundan başqa, “Atalanta” komandasının fanatları oyun ərzində meymun səsləri çıxarıblar.Klubun UEFA tərəfindən cəzalandırılacağı gözlənilir.xeber100.com

Yunan-Roma güləşi üzrə Azərbaycan birinciliyi başa çatıb

Bakı İdman Sarayında yeniyetmə və gənclər arasında sərbəst və yunan-Roma güləşi üzrə Azərbaycan birinciliyi başa çatıb.Azərtac xəbər verir ki, yeniyetmələrin yarışında 2001-2003-cü, gənclərin mübarizəsində isə 1998-2000-ci il təvəllüdlü idmançılar güclərini sınayıblar.“Neftçi İdman Klubu”nun yeniyetmə güləşçiləri respublika birinciliyinin 10 medalına (3 gümüş, 7 bürünc) yiyələniblər. Medallardan beşini (1 gümüş, 4 bürünc) sərbəst güləşçilər, beşini (2 gümüş, 3 bürünc) isə yunan-Roma güləşçiləri əldə ediblər.Gənclər arasında təşkil olunan yarışda klubun təmsilçiləri 12 medal (4 qızıl, 2 gümüş, 6 bürünc) qazanıblar. Sərbəst güləşçilərdən 61 kiloqram çəki dərəcəsində mübarizə aparan İntiqam Vəlizadə bütün qaşılaşmalardan qalib ayrılaraq Azərbaycan çempionu adını qazanıb. Yunan-Roma güləşçilərinin mübarizəsində isə Elşad Məmmədov (60 kq), Kamran Mirzəliyev (63 kq) və Ülvi Qənizadə (72 kq) eyni uğuru təkrarlayaraq fəxri kürsünün ən yüksək pilləsinə qalxıblar.Qeyd edək ki, klubun gənc yunan-Roma güləşçiləri komanda hesabında birinci yeri tutublar.xeber100.com

UEFA Çempionlar Liqasının reqlamentlərinə dəyişikliklər edilib

UEFA Çempionlar Liqasının və Avropa Liqasının reqlamentlərinə dəyişikliklər edib. Bu dəyişikliklər gələn mövsümdə qüvvəyə minəcək.Azərtac xəbər verir ki, bundan sonra ən yüksək reytinqi olan 4 assosiasiyanın hər birinin 4 ən güclü komandası avtomatik olaraq Çempionlar Liqasının qrup mərhələsinə keçəcək.Reytinqdə 5-ci və 6-cı yerləri tutan assosiasiyaların hər birindən iki klub birbaşa Çempionlar Liqasında yer alacaq.Avropa Liqasının qalibi Çempionlar Liqasının qrup mərhələsinə vəsiqə qazanacaq, halbuki əvvəllər yalnız pley-off mərhələsinə keçə bilərdi.Klub əmsallarının hesablanması sistemi də dəyişdirilib. Assosiasiyanın əmsalı daha klubun əmsalına təsir göstərməyəcək, turnirdə həmin klubun tarixi uğurları nəzərə alınacaq.Klublar arasında maliyyə resurslarının paylanması qaydası da dəyişdiriləcək. Klub və liqalara ayrılan maliyyə vəsaiti əhəmiyyətli dərəcədə artacaq, pul vəsaitinin yeni dördpilləli paylanması sistemi tətbiq ediləcək.xeber100.com

Rusiya Olimpiya Komitəsinin üzvlüyü bərpa olunub

Rusiya Olimpiya Komitəsinin (ROK) Beynəlxalq Olimpiya Komitəsində (BOK) üzvlüyü bərpa olunub.“RİA Novosti” saytı xəbər verir ki, bu qərar “Pxençan-2018” Qış Olimpiya Oyunlarında iştirak edən rusiyalı idmançıların dopinq testinin yoxlanılmasından sonra qəbul edilib.ROK-un rəhbəri Aleksandr Jukov açıqlamasında bildirib: “Bu gün biz statusun bərpası ilə bağlı Beynəlxalq Olimpiya Komitəsindən məktub aldıq. Xatırladaq ki, bu, Qış Olimpiya Oyunlarında çıxış edən rusiyalı idmançıların dopinq sınaqlarının nəticələri ilə bağlıdır. Beynəlxalq antidopinq təşkilatı da idmançılarımızda heç bir qayda pozuntusu aşkarlamadığı üçün üzvlüyümüzün bərpası ilə bağlı qərar dərhal qüvvəyə minir”.xeber100.com

Qazaxıstan yığmasına yeni baş məşqçi təyin edilib

Bolqar mütəxəssis Stanimir Stoylov Qazaxıstan yığmasının yeni baş məşqçisi təyin edilib.“vesti.kz” saytı xəbər verir ki, bu barədə martın 1-də futbol üzrə Qazaxıstan yığmasının yeni baş məşqçisinin təqdim edilməsi mərasimində elan ediləcək.Qeyd edək ki, yanvarın 8-də “Astana” S.Stoylov ilə yeni sazişin imzalandığını açıqlayıb. Bolqar mütəxəssis “Astana” ilə birinci sazişini 2014-cü ilin iyununda imzalayıb. Sonra müqavilənin müddəti 2017-ci il dekabrın 31-dək uzadılıb.O, elə ilk mövsümdə komandaya çempion adı qazandırıb. Sonra həmin nəticəni daha üç dəfə təkrar edib. S.Stoylovun rəhbərliyi ilə “Astana” 2015-ci ildə Çempionlar Liqasının qrup mərhələsinə çatan ilk Qazaxıstan klubu olub.2016 və 2017-ci illərdə “Astana” Stoylov ilə birlikdə Avropa Liqasının qrup mərhələsində iştirak edib, bu mövsümdə isə futbol tarixində Avropa Liqasının dörddəbir finalında Qazaxıstanın ilk nümayəndəsi olub. Burada astanalıların rəqibi Lissabonun “Sportinq” klubu olub.Xatırladaq ki, Qazaxıstan yığmasının baş məşqçisi vəzifəsi yanvarın 22-də Aleksandr Borodyukun getməsindən sonra boş qalıb. Rusiyalı mütəxəssis Qazaxıstan yığması ilə bir ildən az müddət ərzində çalışıb. Milli komanda onun rəhbərliyi ilə keçirdiyi yeddi matçın altısında məğlub olub, birini heç-heçə başa çatdırıb.xeber100.com

“Yuventus” klubu həlledici matça vəsiqə əldə edib

Futbol üzrə İtaliya kuboku yarışlarının finalçılarına aydınlıq gəlib.Azərtac xəbər verir ki, kubokun son qalibi “Yuventus” yenidən həlledici matça vəsiqə əldə edib.“Qoca sinyora” yarımfinal mərhələsində “Atalanta” üzərində qələbə qazanıb. İlk görüşdə səfərdə 1:0 hesablı qələbə qazanan turinlilər doğma azarkeşləri önündə keçirdikləri cavab matçında da 1 qolla qalib gəliblər.Günün ikinci yarımfinalı “Olimpiya” stadionunda baş tutub və “Latsio” “Milan”ı qəbul edib. Həm ilk, həm də cavab oyununun əsas və əlavə vaxtında hesab açılmayıb. “Milan” rəqibinə penaltilər seriyasında qalib gəlib – 5:4.Final oyunu mayın 9-da Romadakı "Olimpiya" stadionunda baş tutacaq.Qeyd edək ki, “Milan” final matçında “Yuventus”la qarşılaşacaq. Bu komanda, həmçinin Avropa Liqasının 1/8 finalında İngiltərənin “Arsenal” komandası ilə üz-üzə gələcək. İlk oyun martın 8-də Milanda, cavab oyunu isə bir həftə sonra Londonda keçiriləcək.xeber100.com  

Futbol üzrə Avropa Liqasının təqvimi açıqlanıb

UEFA 2019-cu ildə final matçının Bakıda keçiriləcəyi futbol üzrə Avropa Liqasının təqvimini açıqlayıb.Azərtac UEFA-nın saytına istinadla xəbər verir ki, turnirin ilk mərhələsinin birinci görüşləri cari il iyunun 28-də, cavab matçları isə bir həftə sonra oynanılacaq.İlk təsnifat mərhələsinin oyunları iyulun 12-də və 19-da, ikinci təsnifat mərhələsinin görüşləri iyulun 26-da və avqustun 2-də, növbəti mərhələnin qarşılaşmaları isə avqustunda 9-da və 16-da keçiriləcək. Pley-off mərhələsi isə avqustun 23-nə və 30-na təsadüf edəcək.UEFA Avropa Liqasının qrup mərhələsində birinci turun görüşləri sentyabrın 20-də, ikinci turun oyunları oktyabrın 4-də, üçüncü turun matçları isə oktyabrın 25-də oynanılacaq. Klublar noyabrın 8-də dördüncü, noyabrın 29-da beşinci, dekabrın 13-də isə altıncı tur çərçivəsində qarşılaşacaqlar.Turnirin onaltıdabir final mərhələsinin oyunları 2019-cu il fevralın 14-də və 21-də keçiriləcək. Səkkizdəbir final mərhələsinin oyunları martın 7-də və 14-də təşkil olunacaq. Dörddəbir finalın matçları aprelin 11-də və 18-də, yarımfinal görüşləri isə mayın 2-də və 9-da oynanılacaq.UEFA Avropa Liqasının 2018-2019-cu il mövsümünün final oyunu isə mayın 29-da Bakı Olimpiya Stadionunda keçiriləcək.xeber100.com

Boksçular arasında Azərbaycan birinciliyinə start verilib

Yeniyetmə boksçular arasında Azərbaycan birinciliyinə start verilib.Azərtac xəbər verir ki, Boks Mərkəzində təşkil olunan yarışa 50-yə yaxın komandanın 375 idmançısı qatılıb.2002-2003-cü il təvəllüdlü boksçular arasında keçirilən birincilikdə 14 çəki dərəcəsi üzrə qaliblər müəyyənləşəcək.Final qarşılaşmaları isə martın 3-də olacaq.xeber100.com