İdman Mərkəzinin təşkilatçılığı ilə şahmat turniri başlayıb

“Təhsil” Respublika İdman Mərkəzinin təşkilatçılığı ilə Xocalı soyqırımı qurbanlarının xatirəsinə həsr olunmuş respublika şahmat turnirinə başlanılıb.Təhsil Nazirliyindən Azərtac-a bildiriblər ki, turnir Xocalı soyqırımı haqqında gənc şahmatçıları məlumatlandırmaq, onlarda vətənpərvərlik hisslərini gücləndirilmək, dostluq və idman əlaqələrinin möhkəmləndirmək məqsədilə keçirilir. Ağcabədi rayonunda keçirilən turnirdə bölgələrdən beş yaş qrupu üzrə 194 şahmatçı mübarizə aparır.Turnirə fevralın 28-də yekun vurulacaq.Qaliblər “Təhsil” Respublika İdman Mərkəzinin kubok və diplomları ilə təltif ediləcək.xeber100.com

Futbol üzrə Azərbaycan Premyer Liqasında…

“Qarabağ”ın qapıçısı İbrahim Şehiç futbol üzrə Azərbaycan Premyer Liqasındakı quru oyunlar seriyasını altıya çatdırıb.Azərtac xəbər verir ki, XVII turun “Kəpəz” ilə ev matçında qapısını toxunulmaz saxlayan Şehiç sonuncu dəfə IX turda qol buraxıb. O, 2017-ci il oktyabrın 22-də keçirilən “Qəbələ” ilə qarşılaşmanın səkkizinci dəqiqəsində Asif Məmmədovun fərqlənməsinə mane ola bilməyib. Həmin qoldan sonra Şehiç meydanda olduğu matçlarda uğurlu seriyaya imza atıb.Ötən il “Səbail” (1:0), “Kəpəz” (2:0) və 30-cu dəqiqəsində qırmızı vərəqə aldığı “Sumqayıt”la (2:0), mövsümün ikinci yarısında isə “Qəbələ” (0:0), “Səbail” (1:0), “Kəpəz”lə görüşlərdə top buraxmayan İ.Şehiçin quru seriyası 562-yə dəqiqəyə çatıb.xeber100.com

Atletika üzrə beynəlxalq turnir keçirilib

Minskdə atletika üzrə beynəlxalq turnir keçirilib.Azərtac xəbər verir ki, yarışda ölkəmizi 10 atlet təmsil edib.Üç təkanla tullanma yarışlarında milli komandamızın üzvü Səid Nəcəfzadə 14 metr 98 santimetr nəticə ilə gümüş medala sahib olub.“Ümid” idman klubunun yetirməsi olan S.Nəcəfzadə yarışa şəxsi məşqçisi Elvin Əliyevin rəhbərliyi altında hazırlaşıb.Turnirdə 10 ölkədən 250-dən artıq idmançı birincilik uğrunda mübarizə aparıb.xeber100.com

Cənubi Koreyada keçirilən Qış Olimpiya Oyunları başa çatıb

Pxençxanda keçirilən XXIII Qış Olimpiya Oyunları başa çatıb.Apa-nın "Apasport.az" saytına istinadən verdiyi məlumata görə, Cənubi Koreyada keçirilən 4 illiyin ən böyük qış idman yarışı bir sıra rekordlarla yadda qalıb.Belə ki, “Ağ Olimpiada”da “qızıl” qazanan ölkələrin sayında da rekord təkrarlanıb. Ötən gün finlandiyalı xizəkçi Yivo Niskanen çempion olmaqla ölkəsinin adını ən az bir qızıl medal qazananların siyahısına yazdırıb. Bununla da Pxençxanda himni səslənən 22-ci ölkə Finlandiya olub.Bu isə Soçi-2014 Olimpiadasında qeydə alınan rekordun təkrarı olub.Qeyd edək ki, turnirin ən çox medal qazanan ölkəsi Norveçdir. Skandinaviyalılar ümumilikdə 39 (14 qızıl, 14 gümüş və 11 bürünc) medalla bütün rəqiblərini qabaqlayıblar. İkinci yeri Almaniya (31 – 14,10, 7), üçüncü yeri isə Kanada (29 – 11, 8, 10) tutub.xeber100.com

XXIII Qış Olimpiya Oyunları davam edir

Cənubi Koreyanın Pxençxan şəhərində keçirilən XXIII Qış Olimpiya Oyunları davam edir.Apasport.az saytının məlumatına görə, ötən gün nüfuzlu turnirdə rekord qeydə alınıb.Belə ki, kişilər arasında biatlon estafet yarışlarında Norveç komandası gümüş medal qazanıb. Bu, şimallıların sözügedən yarışda 37-ci medalı olub. 13 “qızıl”, 14 “gümüş” və 10 “bürünc” əldə edən Skandinaviya təmsilçisi sıralamada da birinci yerə yüksəlib. Bununla da Norveç ABŞ-ın Vankuver-2010 Olimpiadasındakı rekorduna ortaq olub. Həmin Olimpiya Oyunlarında ABŞ yığması da 37 (9-15-13) “qənimət” əldə etmişdi.Qeyd edək ki, Cənubi Koreyada hazırda davam edən “Ağ Olimpiada”nın iki yarış günü qalıb.xeber100.com

Avropa Liqasının 1/16 final mərhələsində

Avropa Liqasının (AL) 1/16 final mərhələsində cavab matçlarının ən yaxşı futbolçusu müəyyənləşib. Apasport.az saytı xəbər verir ki, UEFA-nın apardığı səsvermənin qalibi “Latsio”nun hücumçusu Çiro İmmobile olub.“Styaua” ilə qarşılaşmada (5:1) het-trikə imza atan İmmobile oyunla yanaşı, həftənin qəhrəmanı seçilib. Azarkeşlər arasında aparılan sorğunun qalibi olan forvard 49% səs toplayıb.Onu “Milan”ın hücumçusu Fabio Borini (32%) və “Atletiko”nun forvardı Kevin Qameyro (15%) izləyib.xeber100.com

Avropa Liqası turnirinin final mərhələsi çərçivəsində

Avropa Liqası turnirinin onaltıdabir final mərhələsi çərçivəsində keçirilən “Atletik Bilbao”-“Spartak” oyunundan əvvəl azarkeşlər arasında qanlı toqquşmalar baş verib.Səhər saatlarından başlayaraq radikal rus azarkeşlərin törətdiyi qanunsuzluqlar böyüyərək kütləvi hal alıb. Azarkeşlər oyunun keçiriləcəyi “San-Mames” stadionunun ətrafındakı kafe və barlara hücum edərək yerlilərlə əlbəyaxa olub, şüşə butulkalarla insanlara xəsarət yetiriblər.Oyun öncəsi baş verən toqquşmalar zamanı 5 rus azarkeş həbs olunub. Matçın gedişində isə yenə də rus azarkeşlərin qanunsuz davranışları səbəbindən oyun bir müddət dayandırılıb. Hadisələrin qarşını almaq üçün 800-dən çox yerli polis cəlb edilib.Son məlumatlara görə, 4 nəfər ağır xəsarətlərlə xəstəxanaya yerləşdirilib.xeber100.com

Taekvondo üzrə çempionata yekun vurulub

Taekvondo üzrə Azərbaycan çempionatına yekun vurulub. Bakı Boks Mərkəzində təşkil olunan yarışda “Qəbələ” idman klubunun təmsilçiləri də uğurla çıxış ediblər.Azərtac xəbər verir ki, iki gün davam edən çempionatda klubun yetirmələri 4 medal qazanıblar.Çempionatda 58 kiloqram çəki dərəcəsində çıxış edən Əli Məmmədov bütün rəqiblərinə qalib gələrək fəxri kürsünün ən yüksək pilləsinə qalxıb. Yalnız finalda məğlub olan Məcid Sofiyev (54 kq) və Məhəmməd Məmmədovun (68 kq) qazancı gümüş medal olub. Qadınların mübarizəsində qüvvəsini sınayan Mujgan Zadmohammad (57 kq) isə yarışı üçüncü pillədə başa vurub.Beləliklə, “Qəbələ”nin idmançıları 1 qızıl, 2 gümüş və 1 bürünc əldə ediblər.xeber100.com

Güllə atıcılığı üzrə XI respublika turniri keçirilib

Xocalı soyqırımının 26-cı ildönümü ilə əlaqədar Gənclər və İdman Nazirliyinin və Azərbaycan Tələbə Gənclər Təşkilatları İttifaqının (ATGTİ) təşəbbüsü ilə fevralın 23-də Bakı Atıcılıq Mərkəzində güllə atıcılığı üzrə “Mahir nişançı” XI respublika turniri keçirilib.Azərtac xəbər verir ki, tələbələr arasında təşkil olunan turnirin açılışında Azərbaycan Respublikasının dövlət himni səsləndirilib, Xocalı soyqırımı qurbanlarının xatirəsi bir dəqiqəlik sükutla yad edilib.Turnirin açılış mərasimində Gənclər və İdman Nazirliyinin sektor müdiri Elşən Hüseynov, ATGTİ-nin icraçı direktoru Faiq Məmmədov çıxış edərək ermənilər tərəfindən xalqımızın başına gətirilən müsibətlərdən, dünya ictimaiyyətinin hadisəyə münasibətindən və bu soyqırımının beynəlxalq aləmin diqqətinə çatdırılması istiqamətində görülən işlərdən danışıblar.Çıxışlardan sonra yarışlara start verilib.Turnirdə 23 ali təhsil müəssisəsindən 100-ə yaxın tələbə iştirak edib. Hər biri beş nəfərdən ibarət komandalar dəqiq atəş açmaq bacarıqlarını yerinə yetiriblər.“Mahir nişançı” XI respublika turnirinin qalibləri Gənclər və İdman Nazirliyinin diplom və xatirə hədiyyələri ilə mükafatlandırılıblar.xeber100.com

Azərbaycan Premyer Liqasının 17-ci turu çərçivəsində

Futbol üzrə Azərbaycan Premyer Liqasının 17-ci turu çərçivəsində “Neftçi” ilə qarşılaşacaq “Zirə” hazırlığını Bakı Olimpiya Stadionunda davam etdirir.Azərtac xəbər verir ki, komandanın hazırlığında qonaqları olub. Belə ki, “Autizmlilərin İdman Klubu İctimai Birliyi”nin üzvləri “Zirə”nin düşərgəsinə baş çəkiblər. Autizm sindromundan əziyyət çəkən uşaqlar futbolçularla məşq edib, daha sonra baş məşqçi Ayxan Abbasov oyunçulara sözügedən sindrom haqda danışıb.Qeyd edək ki, indi dünyada hər 68 uşaqdan biri autizmli doğulur. Autizmin dünyada nədən qaynaqlandığı bəlli olmadığı üçün bu gün onun tibb sahəsində heç bir müalicə üsulu yoxdur. Reabilitasiya yolu isə ancaq idmandan keçir.xeber100.com