Gimnastika Federasiyasının 30-cu iclasında…

Dekabrın 9-da Azərbaycan Gimnastika Federasiyasının (AGF) İcra Komitəsinin 30-cu iclasında federasiyanın yeni baş katibi seçilib.AGF-dən Azərtaac-a bildiriblər ki, iclasda əvvəlcə Bakı Gimnastika Məktəbi və “Ocaq” İdman Klubunun rəhbərləri həmin qurumların fəaliyyətini əks etdirən təqdimatla çıxış ediblər. Təqdimat zamanı gimnastika növləri üzrə fəaliyyət göstərən bölmələr haqqında məlumat verilib. Son bir ildə gimnastikanın inkişafı istiqamətində görülmüş işlər, o cümlədən gələcək planlar müzakirə edilib.Həmçinin iclasda gimnastların lisenziyası üzrə qaydalarına və AGF tərəfindən təltif olunan xatirə medalları haqqında əsasnaməyə təklif edilən dəyişikliklər təsdiqlənib.İclasda federasiyanın baş katibinin, gimnastika növləri üzrə kompleksli elmi tədqiqat qrupunun rəhbərinin və gimnastika növləri üzrə yığma komandaların baş məşqçilərinin illik hesabatları da dinlənilib.Sonra Avropa Gimnastika İttifaqına (UEG) prezident seçilmiş Fərid Qayıbovun AGF və UEG arasında maraqların mümkün toqquşmasını nəzərə alaraq federasiyada tutduğu baş katib vəzifəsindən azad olunması ilə bağlı icraiyyə komitəsinə ünvanladığı ərizəsi qəbul edilərək təsdiqlənib.Azərbaycan Gimnastika Federasiyasının baş katibi vəzifəsinə 2007-2009-cu illərdə federasiyanın baş katibinin köməkçisi, 2009-cu ildən bu günədək müavini vəzifəsində çalışmış Nurlana Məmmədzadə seçilib.N.Məmmədzadə 1979-cu ildə Bakıda anadan olub. 1996-2000-ci illərdə Təfəkkür Universitetinin ingilis dili ixtisası üzrə filologiya fakültəsində təhsil alıb, 2003-cü ildə isə həmin ixtisas üzrə Xəzər Universitetinin magistr dərəcəsini əldə edib.xeber100.com

“Yuventus” və “İnter” klubları Turində üz-üzə gəlib

İtaliya çempionatının liderləri “Yuventus” və “İnter” klubları Turində üz-üzə gəlib. Əzəli rəqiblərin turnir cədvəlində yerdəyişmələrə gətirib çıxara biləcək qarşılaşması böyük maraq doğururdu.Azərtac xəbər verir ki, “Yuventus” doğma meydanında “İnter”in qapısına yol tapa bilməyib. Qarşılıqlı hücumlar və gərgin idman mübarizəsi şəraitində keçən görüş heç-heçə qurtarıb – 0:0. Beləliklə, liderlərin sırasında gözlənilən dəyişiklik baş verməyib. Hazırda 16 turdan sonra hesabında 40 xal olan “İnter” turnir cədvəlində liderliyini davam etdirir. “Yuventus” və “Napoli” 38 xalla ikinci-üçüncü yerləri bölüşürlər. “Napoli” klubu rəqiblərinə nisbətən bir oyun az keçirib.Xatırladaq ki, “Yuventus” və “İnter” İtaliya A seriyasında indiyədək 175 dəfə qarşılaşıblar. Bu oyunların 81-də “Yuventus”, 48-də “İnter” qalib gəlib, 46 oyun isə heç-heçə başa çatıb.xeber100.com

Velosiped İdmanı Federasiyasının məlumatı

“Gənc Velosipedçilər” İctimai Birliyinin təşkilatçılığı, Azərbaycan Velosiped İdmanı Federasiyasının, BMT-nin Əhali Fondunun və Biləsuvar rayon gənclər və idman idarəsinin dəstəyi ilə dekabrın 11-14-də seminar və veloyürüş keçiriləcək.Azərbaycan Velosiped İdmanı Federasiyasından Azərtac–a bildirilib ki, Biləsuvar rayonunun Xırmandalı və Aşağı Cürəli kəndlərində, o cümlədən rayon mərkəzində yaşayan və velosiped idmanı ilə maraqlanan qızlar və oğlanlar üçün “Sağlam həyata doğru və velosiped idmanında gender bərabərliyi” mövzusunda dörd günlük seminar-təlim təşkil olunacaq. Seminarın sonunda iştirakçılar təşkil olunacaq veloyürüşdə mübarizə aparacaqlar.xeber100.com

Azərbaycan kubokunun dörddəbir final mərhələsinə start verilib

Futbol üzrə Azərbaycan kubokunun dörddəbir final mərhələsinə start verilib.Azərtac xəbər verir ki, mərhələnin ilk oyunda "Keşlə" klubu "Kəpəz"i qəbul edib. Matçın 18-ci dəqiqədə Pərdis Fərcad hesabı açıb. Görüşün 41-ci dəqiqəsində Rəfael Məhərrəmli hesab arasındakı fərqi iki topa çatdırıb. Beləliklə, meydan sahibləri 2:0 hesabı ilə qələbə qazanıblar.Günün ikinci oyununda "Neftçi" "Zirə"nin qonağı olub. Görüş meydan sahiblərinin minimal hesablı qələbəsi ilə yekunlaşıb. Matçda yeganə qolu 86-cı dəqiqədə David Manqa vurub.Dörddəbir final mərhələsinin növbəti oyunları dekabrın 11-də "Qəbələ" - "Səbail", "Qarabağ" - "Sumqayıt" klubları arasında keçiriləcək.xeber100.com

Kikboksinq üzrə “Glory” seriyalı növbəti turnir keçirilib

Hollandiyanın Rotterdam şəhərində kikboksinq üzrə “Glory” seriyalı növbəti turnir keçirilib.Azərtac xəbər verir ki, Azərbaycanın və “Qəbələ” idman klubunun təmsilçisi Alim Nəbiyev də “Glory 49”un iştirakçısı olub.Yarımorta çəki dərəcəsində çıxış edən idmançımız turnirin sabiq çempionu hollandiyalı Niki Holtskenlə qarşılaşıb. Üç raund davam edən döyüşdə rəqibini aşkar üstələyən A.Nəbiyev hakimlərin yekdil qərarı ilə qələbə qazanıb. Bununla da “Glory” reytinqindəki xal hesabını 466-ya çatdıran Alim siyahıda 6-cı pillədə qərarlaşıb.Xatırladaq ki, Rotterdamdakı uğur Alimin “Glory” seriyasında 2-ci qələbəsi olub. Oktyabrda Fransanın Lion şəhərində yerli idmançı Cimmi Vienota qalıb gələn idmançımız bu dəfə aktivinə növbəti qələbəni yazıb.xeber100.com

“Kütləvi futbolun inkişafı proqramı” çərçivəsində

AFFA-nın təşkilatçılığı ilə “Kütləvi futbolun inkişafı proqramı” çərçivəsində Balakən Olimpiya İdman Kompleksində 2006-2007-ci il təvəllüdlü uşaqlar (oğlanlar və qızlar) arasında futzal turniri keçirilib.Azərtac xəbər verir ki, iki gün davam edən yarışın birinci günündə oğlanlar mübarizəyə qoşulublar. İlkin qeydiyyatdan sonra bütün kollektivlərə oyun qaydaları ilə bağlı geniş məlumat verilib.Dairəvi sistem üzrə keçirilən yarışın ilk günü rayon mərkəzinin müxtəlif məktəblərini təmsil edən 9 komanda birincilik uğrunda yarışıb. Maraqlı idman mübarizəsi şəraitində keçən turnirin ən güclüsü Balakən şəhərinin 3 nömrəli tam orta məktəbinin komandası olub. İkinci yeri “Qazma”, üçüncü pilləni “Katex” komandası tutub. Qalib komandaların üzvlərinə kubok, diplom və medallar verilib.Qızlardan ibarət komandaların mübarizəsində “Tülü” bütün rəqiblərini geridə qoyaraq birinci yeri tutub. İkinci pilləni “Nəsimi” komandası tutub. “Qazma” isə turniri üçüncü sırada bitirib. Mükafatçılar sırasına düşən kollektivlərin üzvlərinə kubok, diplom və medallar verilib.Futzal turnirində müxtəlif nominasiyalar üzrə fərqlənənlərə isə AFFA tərəfindən diplom və hədiyyələr təqdim olunub.xeber100.com

Cüdo üzrə VI beynəlxalq turnirə yekun vurulub

Sumqayıt Olimpiya İdman Kompleksində keçirilən  cüdo üzrə VI beynəlxalq turnirə yekun vurulub.Azərtac xəbər verir ki, yeniyetmələr arasında keçirilən yarışda 39 komandanın tərkibində 563 idmançı qalib adı uğrunda mübarizə aparıb.Gənclər və İdman Nazirliyi, Azərbaycan Cüdo Federasiyası, Sumqayıt Şəhər Gənclər və İdman Baş İdarəsinin təşkilatçılığı ilə keçirilən turnirə Azərbaycan idmançıları ilə yanaşı, Rusiyanın Nalçik, Dərbənd şəhərlərinin, eləcə də Ukraynanın yeniyetmə cüdoçuları qatılıblar.“Neftçi İdman Klubu”nun təmsilçisi, 32 kiloqram çəki dərəcəsində mübarizə aparan Aydan Vəliyeva qızlar arasında keçirilən yarışda bürünc medala sahib olub.xeber100.com

İtaliya çempionatında 16-cı tura start verilib

Futbol üzrə İtaliya çempionatında 16-cı tura start verilib.Futbolinfo.az xəbər verir ki, turun ilk oyununda “Kalyari” “Sampdoriya”nı qəbul edib. Dörd qolun qeydə alındığı görüşdə qalib müəyyənləşməyib.Bu matçdan sonra isə bütün diqqətlər Turinə yönəlib. Bu şəhərdə İtaliyanın iki nəhəng klubu - son ölkə çempionu “Yuventus”la lider “İnter” münasibətlərinə aydınlıq gətirib. Bu görüşdə ümumiyyətlə nə qol, nə də qalib olub. İtaliya A Seriyası 16-cı tur 9 dekabr Kalyari - Sampdoriya 2:2 Qol: Farias, 56. Pavoletti, 60 - Kvalyarella, 12; 19. Yuventus - İnter 0:0 10 dekabr 15:30 Kyevo - Roma 18:00 SPAL - Verona 18:00 Napoli - Fiorentina 18:00 Udineze - Benevento 21:00 Sassuolo - Krotone 23:45 Milan - Bolonya 11 dekabr 22:00 Cenoa - Atalanta 00:00 Latsio – Torino.xeber100.com

İspaniya çempionatında 15-ci tur həyəcanı davam edir

Futbol üzrə İspaniya çempionatında 15-ci tur həyəcanı davam edir.Futbolinfo.az xəbər verir ki, çempion “Real” şənbə günü meydana çıxıb. “Kral klubu” doğma meydanda “Sevilya”nı sınağa çəkib və rəqibini 5 cavabsız qolla yenib."Valensiya" isə doğma meydanda "Leqanes"i minimal hesabla üstələyib. İspaniya La Liqası 15-ci tur 8 dekabr Alaves - Las-Palmas 2:0 Qol: Qomes, 23. El Haddadi, 55. 9 dekabr Xetafe - Eybar 0:0 Real - Sevilya 5:0 Qol: Fernandes, 3. Ronaldo, 23; 31-pen. Kroos, 38. Hakimi, 42. Deportivo - Leqanes 1:0 Qol: Lopes, 24. Valensiya - Selta 2:1 Qol: Zaza, 28. Parexo, 81-pen - Aspas, 46. 10 dekabr 15:00 Real Sosyedad - Malaqa 19:15 Betis - Atletiko 21:30 Levante - Atletik 23:45 Vilyarreal – Barselona.xeber100.com

“Keşlə” ilə “Kəpəz” bir araya gəlib

Bu gün Azərbaycan kubokunun 1/4 final mərhələsinin ilk iki oyunu keçirilir.Premyer.az xəbər verir ki, ilk olaraq, "Keşlə" ilə "Kəpəz" bir araya gəlib. Premyer Liqada son iki pillədə qərarlaşan komandalar Kubokda yarımfinala adlamağa çalışacaqlar. Meydan sahiblərinin 2:0 hesabı ilə qalib gəldiyi qarşılaşmada, qonaq komanda hesabdakı fərqi nə qədər azaltmağa çalışsa da, bütün cəhdləri boşa çıxıb. Beləliklə də cavab qarşılaşmasından öncə, keşləlilər böyük üstünlük əldə edib.xeber100.com