Futbol Tarixi və Statistikası Tədqiqatlar Mərkəzinin məlumatına görə…

İspaniyanın “Barselona” klubunun argentinalı hücumçusu Lionel Messi İspaniya Futbol Tarixi və Statistikası Tədqiqatları Mərkəzinin versiyasına görə bu ölkənin futbol çempionatları tarixində ən yaxşı futbolçu sayılıb.Azərtac xəbər verir ki, “Marca” qəzetinin yazdığına görə, 30 yaşlı Messi 349 qolla İspaniya çempionatları tarixində ən yaxşı bombardir olub.Bunun üçün 1929-cu ildə İspaniyada keçirilən ilk futbol çempionatından başlamış 9280 futbolçu və 86 çempionatın oyunları təhlil edilib. Hesablama zamanı bir sıra amillər - hər mövsümdə oynanılan dəqiqələr, oyun zamanı vurulan qollar, onbirmetrlik cərimə zərbələri (penalti), avtoqollar və qırmızı vərəqələr nəzərə alınıb.L.Messi 545 xal toplayıb. Madridin “Real” klubunun heyətində oynamış Raul (1994-2010) 528 xalla ikinci yerdədir. 1939-1955-ci illərdə “Barselona”nın idman şərəfini qorumuş Sesar Sançes 524 xalla üçüncü yeri tutub.Maraqlıdır ki, “Real”ın təmsilçisi Kriştiano Ronaldo 415 xalla indiki futbolçular siyahısında ikinci, ümumi reytinqdə isə 17-ci yerdə qərarlaşıb ki, bu da ortaya çoxlu suallar çıxarır.L.Messi 2004-cü ildən “Barselona”nın heyətində çıxış edir. Bu müddət ərzində o, səkkiz dəfə İspaniya çempionu, 5 dəfə İspaniya Kubokunun və 4 dəfə Çempionlar Liqasının qalibi olub. Argentinalı ilin ən yaxşı futbolçusuna təqdim edilən “Qızıl top” mükafatının beşqat sahibidir. O, Argentina yığmasının heyətində 2014-cü ilin dünya çempionatının gümüş mükafatçısı olub.xeber100.com

Azərbaycan millisi Almaniya ilə yoxlama matçı keçirəcək

Qadın şahmatçılardan ibarət Azərbaycan millisi Almaniya ilə yoxlama matçı keçirəcək.Azərtac xəbər verir ki, avqustun 20-dən 26-dək davam edəcək görüşlər beş lövhədə olacaq. Bu yoxlama görüşü hər iki yığmanın qarşıdakı məsul yarışlara daha yaxşı hazırlaşması məqsədilə təşkil olunacaq.Görüşün baş hakimi FIDE dərəcəli Lütfiyar Rüstəmovdur.xeber100.com

Beynəlxalq seminar keçirilib

Ukraynanın Koblevo şəhərində “Goju Ryu Karate & Kobudo & Jundokan” beynəlxalq seminarı keçirilib.Azərtac xəbər verir ki, iyulun 31-dən avqustun 6-dək davam edən texniki seminarda Azərbaycanı məşqçi, 3-cü dan beynəlxalq dərəcəli qara kəmər sahibi Elmin İsayevin rəhbərliyi ilə Samuray Karate klubunun idmançıları Alika Semixova, Kamil və Tamerlan Kərimli qardaşları təmsil ediblər.Seminar 7-ci dan qara kəmər sahibi sensey Valeriy Kusinin rəhbərliyi ilə keçirilib.xeber100.com

2017/2018-ci illər mövsümünün ilk turunun görüş vaxtı müəyyənləşib

Azərbaycan Premyer Liqasının 2017/2018-ci illər mövsümünün ilk turunda keçiriləcək görüşün vaxtı müəyyənləşib.Azərtac xəbər verir ki, “Bakcell Arena”da Bakının “Neftçi” və Ağdamın “Qarabağ” komandaları arasında keçiriləcək Azərbaycan derbisi avqustun 11-də saat 21:00-da başlayacaq.Topaz Premyer Liqasının birinci turunda, həmçinin avqustun 12-də “İnter” – “Qəbələ”, bir gün sonra isə “Zirə” – “Səbail” və “Sumqayıt” – “Kəpəz” komandalarının oyunları olacaq.xeber100.com

UEFA Superkuboku uğrunda oyun keçiriləcək

Bu gün Makedoniyanın paytaxtı Skopyedə İspaniyanın “Real Madrid” və İngiltərənin “Mançester United” komandaları arasında UEFA Superkuboku uğrunda oyun keçiriləcək.Azərtac xəbər verir ki, bununla da 43-cü UEFA Superkubokunun qalibi məlum olacaq.Ötən mövsüm UEFA Çempionlar Liqasının qalibi olan İspaniya təmsilçisi və Avropa Liqasında uğur qazanan İngiltərə komandası arasında keçiriləcək matçı italiyalı baş hakim Canluka Rokki idarə edəcək.Qeyd edək ki, “Real Madrid” indiyədək üç dəfə (2002-ci il, 2014-cü il və 2016-cı il) UEFA Superkubokunu qazanıb, iki dəfə (1998-ci il, 2000-ci il) isə həlledici görüşdə uduzub. İkinci dəfə kuboka sahib olmaq üçün meydana çıxacaq “Mançester Yunayted” isə buna 26 il əvvəl - 1991-ci ildə nail olub. İngiltərə klubu 1999-cu və 2008-ci illərdə isə yalnız finalda məğlub olub.İlk dəfə 1972-ci ildə qalibi müəyyənləşən titul 42 dəfə sahibini tapıb. Əvvəllər Kuboklar Kuboku, sonra isə UEFA kuboku (indiki Avropa Liqası) turnirinin qalibi Çempionlar Liqasının ən güclüsü ilə qarşılaşıb. 1972-ci ildə klubların təşəbbüsü ilə təşkil edilən ilk Superkubok matçı isə hələ də UEFA tərəfindən rəsmi tanınmayıb. Həmin dueli də nəzərə alsaq, 42 mövsümdən 23-də Çempionlar Liqası, 12-də Kuboklar kuboku, 7-də Avropa Liqasının qalibi Superkuboka yiyələnib.İndiyədək 12 ölkə təmsilçisi kuboka yiyələnib. İspaniyanın 13, İtaliyanın 9, İngiltərənin 7 klubu buna nail olmaqla ilk üçlükdə qərarlaşıb.Klublar arasında hərəsi beş dəfə olmaqla “Barselona” və “Milan” liderdir. “Real Madrid”, “Liverpul” və “Ayaks” hərəyə üç dəfə Superkuboka sahib olub.“Real Madrid” komandasının baş məşqçisi Zinəddin Zidan oyundan əvvəl keçirilən mətbuat konfransında komandanın hazırlığı və məqsədləri barədə danışıb. O deyib: “Mövsümə uğurlu start vermək və Superkubok görüşündə nəticə qazanmaq bizim üçün vacibdir. Mövsümün ilk rəsmi qarşılaşmasının əhəmiyyətini dərk edirik. Komandam iştirak etdiyi hər bir yarışda qələbə uğrunda mübarizə aparan klubdur. Güclü heyətimiz mövcuddur. Odur ki, ötən mövsümün uğurlarını təkrarlamaq və ardıcıl üçüncü dəfə Çempionlar Liqasının qalibi olmaq istəyirik”.xeber100.com

“Qalatasaray” yeni mövsümdə sürpriz transfer etmək istəyir

Türkiyənin “Qalatasaray” futbol klubu Super Liqada yeni mövsümün başlanmasına bir həftə qalmış sürpriz transfer etmək istəyir.CNN Türk xəbər verir ki, “sarı-qırmızılar” klubun keçmiş üzvü Arda Turanı mövsümün sonuna kimi icarəyə götürməyi planlaşdırır. Klub rəhbərliyi bu həftə yarımmüdafiəçinin məxsus olduğu İspaniyanın “Barselona” komandası ilə danışıqlar masasına oturacaq. Otuz yaşlı futbolçunun icarəsi üçün 2,5 milyon avro ödənilməsi nəzərdə tutulub. Bundan əlavə, A.Turan illik 4 milyon avro qazanacaq.Transferin baş tutması tamamilə katalonlardan asılıdır. Bununla yanaşı, türkiyəli ulduzun milli komandaya geri dönmək şansının da olduğu bildirilir.xeber100.com

“Bayern Münxen” komandası mövsümün ilk kubokunu qazanıb

Almaniyada mövsümün ilk kubokunu “Bayern Münxen” komandası qazanıb.Azərtac verir ki, Almaniya kubokunun sahibi “Borussiya Dortmund”la qarşılaşan Bundesliqa çempionu superkubokun qalibi olub.Gərgin keçən matç 2-2 hesablı bərabərliklə yekunlaşıb. Dortmundluların heyətində Kristian Pulisiç (11) və Pierre-Emerik Aubameyanq (71) fərqlənib. Münxen təmsilçisinin qollarını isə Robert Levandovski (18) və Lukas Pisçek (88, avtoqol) vurublar. Artırılan əlavə dəqiqələrdə də tərəflərin səyinə baxmayaraq tablodakı rəqəmlər dəyişməyib. Qarşılaşmanın taleyinə penaltilər seriyasında aydınlıq gəlib. Burada daha dəqiq oynayan “Bavariya” 5-4 hesabı ilə qalib gəlib.xeber100.com

“Çelsi” – “Arsenal” oyunun əsas vaxtı heç-heçə başa çatıb

“Arsenal” futbol üzrə İngiltərə Superkubokunun qalibi olub.Azərtac xəbər verir ki, “Uembli” stadionunda “Çelsi” – “Arsenal” oyunun əsas vaxtı heç-heçə başa çatıb - 1:1. Penaltiləri daha dəqiq yerinə yetirən “Arsenal” 4:1 hesabı ilə qalib gələrək superkuboka sahib çıxıb.Bu, “Arsenal”ın tarixində qazandığı 15-cı superkubokdur.xeber100.com

“Beşiktaş” ilə “Konyaspor” qarşılaşıb

Türkiyədə Türkcell Superkuboku uğrunda liqa çempionu “Beşiktaş” ilə Türkiyə Kuboku çempionu “Konyaspor” qarşılaşıb.Azərtac xəbər verir ki, 33-cü dəqiqədə “Konyaspor” Traorenin qolu ilə 1:0 önə keçib. İlk yarı bu hesabla başa çatıb.Oyunun 78-ci dəqiqəsində Cenk Tosun hesabı bərabərləşdirib. Gərgin mübarizə şəraitində keçən qarşılaşmanın 90-cı dəqiqəsində Skubic penalti zərbəsi ilə “Konyaspor”a superkuboku qazandırıb.xeber100.com

Beynəlxalq boks turnirinə yekun vurulub

Sovet İttifaqı Qəhrəmanı Viktor Liventsevin xatirəsinə həsr olunan beynəlxalq boks turnirinə yekun vurulub. Belarusun paytaxtı Minskdə keçirilən yarışda 15 ölkədən 100-dən artıq kişi və qadın boksçu qüvvəsini sınayıb.Azərtac xəbər verir ki, turnirdə mübarizə aparan Azərbaycan yığması Vətənə beş medalla dönüb. Millimizin heyətində Pərviz Bağırov (69 kq) finaladək irəliləyib və gümüş medalla kifayətlənib. Onun komanda yoldaşı Umud Rustəmov (56 kq) yarışı üçüncü pillədə başa vurub.Digər üç medalı isə qadın boksçularımız qazanıblar. Həmyerlilərimizdən Anaxanım Ağayeva (51 kq), Məhsəti Həmzəyeva (57 kq) və Şəhla Allahverdiyeva (75 kq) bürünc medala sahib olublar.Qeyd edək ki, Fuad Aslanov turnirdə ölkəmizi hakim kimi təmsil edib.xeber100.com