“Real” futbol klubu əməkdaşlığını davam etdirəcək

“Real” futbol klubunun baş məşqçisi Zinəddin Zidan Madrid klubu ilə əməkdaşlığını davam etdirəcək.Azərtac “As” nəşrinə istinadla xəbər verir ki, tərəflər 2020-ci ilin yayına qədər müddətə yeni müqavilə imzalayıblar. İsko ilə bağlı məsələdə olduğu kimi, bu barədə də münasib vaxtda məlumat veriləcək.Z.Zidanın məvacibi artaraq ildə 4,35 milyon avrodan 8 milyon avroya çatıb. Bu məbləğin bir hissəsi nailiyyətlərə görə bonus şəklində ödəniləcək.xeber100.com

“İnter” komandası “Qəbələ” klubu ilə qarşılaşıb

Avqustun 12-də futbol üzrə Azərbaycan Premyer Liqasında ilk tur çərçivəsində Bakının “İnter” komandası öz meydanında “Qəbələ” klubu ilə qarşılaşıb.Azərtac xəbər verir ki, baş hakim Ömər Paşayevin idarə etdiyi matçda “Qəbələ” rəqibinə 2:1 hesabı ilə qalib gələrək bu mövsüm ilk üç xalını qazanıb.“İnter Arena”da keçirilən görüşün 13-cü dəqiqəsində Elvin Məmmədov hesabı açıb. Bundan 11 dəqiqə sonra Filip Ozobiç penalti zərbəsini dəqiq yerinə yetirərək hesab arasındakı fərqi ikiyə çatdırıb. Lakin 70-ci dəqiqədə “İnter” hesab arasındakı fərqi azaldıb. Topu qəbələlilərin qapısından Pərdis Fərcad-Azad keçirib. Matçın qalan hissəsində başqa qol olmayıb.Qeyd edək ki, Premyer Liqanın digər oyunu avqustun 13-də Zirə İdman Kompleksinin stadionunda “Zirə” və “Səbail” komandaları arasında keçiriləcək. Görüş saat 19:00-da başlayacaq.İlk tura həmin gün saat 21:00-da “Kapital Bank Arena”da keçiriləcək “Sumqayıt” - “Kəpəz” (Gəncə) matçı ilə yekun vurulacaq.xeber100.com

Futbol üzrə 2017/2018-ci il mövsümünə start verilib

Avqustun 11-də futbol üzrə Azərbaycan Premyer Liqasında 2017/2018 mövsümünə start verilib.Azərtac xəbər verir ki, mövsümün açılış oyununda son çempion “Qarabağ” klubu ilə “Neftçi” komandası ilə üz-üzə gəlib. “Bakcell Arena”da keçirilən görüşdə “Qarabağ” rəqibi üzərində 3:1 hesablı qələbə qazanıb. Son çempionun heyətində Mahir Mədətov dubl edib, komandanın üçüncü qoluna isə Dino Ndlovu imza atıb. Ağdamlıların yarımmüdafiəçisi Rahid Əmirquliyev isə avtoqol müəllifi olub.xeber100.com

Ağır Atletika Federasiyasının məlumatı

Ağır atletika üzrə gənclərdən ibarət yığma komandamız təlim-məşq toplanışını davam etdirir.Azərbaycan Ağır Atletika Federasiyasından Azərtac-a bildirilib ki, Avropa çempionatına AAAF Park Yaşayış Kompleksində yerləşən mərkəzi bazada hazırlaşan atletlərimiz mütəmadi və intensiv məşqlərə ara vermirlər. Oktyabrda Albaniyanın paytaxtı Tiranada keçiriləcək gənclər arasında Avropa çempionatında iştirak edəcək yığmamız həmin yarışdan medallarla qayıtmaq niyyətindədir.Millinin məşqçisi Elnur Hüseynov da yaradılan şəraitdən, məşqlərdən və ümumi hazırlıqdan razılığını bildirib.xeber100.com

“İnter” komandası “Qəbələ”ni qəbul edəcək

Bu gün futbol üzrə Azərbaycan Premyer Liqasında ilk tur çərçivəsində daha bir oyun keçiriləcək. Ötən mövsümün bürünc medalının sahibi Bakının “İnter” komandası öz meydanında çempionatın gümüş mükafatçısı “Qəbələ”ni qəbul edəcək.Azərtac xəbər verir ki, “İnter Arena”da saat 20:00-da start götürəcək matçın baş hakimi Ömər Paşayev təyin edilib.Oyunda “İnter” 15-ci, “Qəbələ” 10-cu qələbənin astanasındadır. “Qəbələ” 13 dəfə bərabərliklə kifayətlənib. Paytaxt komandası son yeddi qarşılaşmada qələbə qazana bilməyib. Qəbələ təmsilçisi ardıcıl iki dəfə qalib gəlib.Ümumiyyətlə, “Qəbələ” Azərbaycan Premyer Liqasında 12-ci starta hazırlaşır. Komanda indiyədək çempionatda 11 dəfə iştirak edib və üç dəfə bürünc, bir dəfə gümüş medalları əldə edib.Qeyd edək ki, Premyer Liqada avqustun 13-də Zirə İdman Kompleksinin stadionunda “Zirə” – “Səbail” oyunu keçiriləcək. Bu görüşə saat 19:00-da start veriləcək.İlk tura həmin gün saat 21:00-da “Kapital Bank Arena”da keçiriləcək “Sumqayıt” və “Kəpəz” (Gəncə) komandalarının matçı ilə yekun vurulacaq.Xatırladaq ki, avqustun 11-də keçirilən turun ilk oyununda “Qarabağ” komandası “Neftçi”yə 3:1 hesabı ilə qalib gəlib.xeber100.com

“Real Madrid” klubunun məlumatı

İspaniyanın “Real Madrid” klubu ilə müqavilə imzalamağa hazırlaşan futbolçu İsko haqqında maraqlı məlumat yayılıb.“ESPN” nəşri xəbər verir ki, 25 yaşlı futbolçu “Malaqa”da oynayan vaxt “Mançester Yunayted” tərəfindən transfer edilə bilərmiş. Baxışdan keçəndən sonra yarımmüdafiəçi ilə müqavilə imzalanmama səbəbini klub belə açıqlayıb: “O, yaxşı futbolçudur, lakin kifayət qədər sürətli deyil və başı bədəninə görə çox böyükdür”.Xatırladaq ki, bir neçə gün öncə keçirilən UEFA Superkubokunda “Qırmızı şeytanlar”ı məğlub edən Kral klubunun 2-ci qolunun müəllifi İsko olub. Komandanın baş məşqçisi Zidan oyundan sonra İsko haqqında xoş fikirlər səsləndirib, onunla yeni müqavilə imzalanacağını deyib. Futbolçu da açıqlamasında bunu təsdiqləyib.xeber100.com

“Marca” qəzeti yazır…

“Monako”nun futbolçusu Kilian Mbappe PSG komandasına transfer olunub.İspaniyanın “Marca” qəzeti xəbər verir ki, klublar 18 yaşlı futbolçunun transferi ilə bağlı məsələni həll ediblər. Yaxın vaxtlarda onunla rəsmi müqavilə imzalanacaq.PSG Mbappeyə görə qarşı tərəfə 160 milyon avro və 20 milyon bonus ödəyəcək.xeber100.com

Dünya Çempionatı Bakı Olimpiya Stadionunda keçiriləcək

Futbol üzrə Dünya Çempionatı-2018-in seçmə mərhələsi çərçivəsində sentyabrın 4-də saat 20:00-da Bakı Olimpiya Stadionunda keçiriləcək Azərbaycan–San Marino oyununun biletləri satışa çıxarılıb.AFFA-dan Azərtac-a bildirilib ki, biletləri 28 Mall Ticarət Mərkəzində, Bakcell müştəri xidmətləri mərkəzində və "Bakcell Arena"nın kassalarında əldə etmək mümkündür. Həmçinin biletlərin onlayn satışı www.tickets.affa.az saytında da həyata keçirilir.xeber100.com

Boulinq üzrə beynəlxalq turnir keçirilib

Avqustun 10-da Tbilisidə jurnalistlər arasında ilk dəfə boulinq üzrə beynəlxalq turnir keçirilib.Azərtac xəbər verir ki, yarışda Azərbaycan, Gürcüstan, Ukrayna və Kanadadan 30-dan çox jurnalist birincilik uğrunda mübarizə aparıb.Gərgin idman mübarizəsi şəraitində keçən yarışda Azərbaycan komandasının üzvü, “İdman” qəzetinin əməkdaşı Rəşad Əliyev mükafatçılar sırasında yer alıb. 146 xalla R.Əliyev turniri üçüncü pillədə başa vurub.İlk iki pilləni isə Gürcüstan təmsilçiləri tutublar.Turnir başa çatdıqdan sonra bağlanış mərasimi təşkil olunub.Mərasimdə çıxış edən Gürcüstan İdman Jurnalistləri Assosiasiyasının prezidenti Mixail Abaişvili iştirakçılara təşəkkür edərək, idman jurnalistikasının dünyada aparıcı mövqeyindən danışıb və gələcəkdə belə yarışların davamlı təşkil edilməsinin vacibliyini diqqətə çatdırıb.“İdman” qəzetinin baş redaktoru, Əməkdar Jurnalist Qabil Mehdiyev M.Abaişviliyə Azərbaycan Respublikası Gənclər və İdman Nazirliyinin xatirə hədiyyəsini təqdim edib.Həmçinin Azərbaycan İdman Jurnalistləri Assosiasiyasının prezidenti, Əməkdar Jurnalist Eldar İsmayılov təşkilatçılara rəhbərlik etdiyi qurumun xüsusi hədiyyəsini verib.xeber100.com

“Beşiktaş” “İnter” klubunun futbolçusunu heyətinə cəlb edib

Son Türkiyə çempionu “Beşiktaş” İtaliyanın “İnter” komandasından Qari Medeli heyətinə cəlb edib.Azərtac Türkiyə mətbuatına istinadla xəbər verir ki, “Qara qartallar” Çili yığmasının üzvü ilə üçillik müqavilə imzalayıb.“Beşiktaş”ın otuz yaşındakı dayaq müdafiəçisinin transferi üçün Milan klubuna iki milyon yarım avro ödəyəcəyi bildirilir.Təcrübəli futbolçunun avqustun 11-də İstanbula gəlməsi və ictimaiyyətə təqdim olunması gözlənilir.Qeyd edək ki, peşəkar karyerasına 2005-ci ildə Çilinin “Universidad Katolika” komandasında başlayan Q.Medel sonralar Argentinanın “Boka Xuniors”, İspaniyanın “Sevilya” və İngiltərənin “Kardiff siti” klublarının heyətində çıxış edib. 2014-cü ildə səkkiz milyon avroya “İnter” komandasına transfer olan futbolçu ötən mövsüm İtaliya klubunun heyətində 30 matçda oynayıb. Müdafiəçi Çili milli komandasının heyətində 100-dən çox görüşdə çıxış edib və 7 qol vurub.Xatırladaq ki, İstanbul klubu bir müddət əvvəl “Real Madrid”in portuqaliyalı futbolçusu Pepeni, “Valensiya” komandasının ispaniyalı hücumçusu Alvaro Neqredonu da transfer edib.xeber100.com