Beynəlxalq turnirə start verilib

Avqustun 5-də Bakı Su İdmanı Sarayında futvole (çimərlik voleybolu və futbolun sintezi) üzrə beynəlxalq turnirə start verilib.Azərtac xəbər verir ki, Azərbaycan Futnet Assosiasiyasının (AFNA) təşkilatçılığı ilə keçirilən turnir iki gün davam edəcək.“Baku World Open” adlanan turnirdə kişilərdən ibarət 8, qadınlardan ibarət 4 komanda yarışır.Qadınların yarışında Azərbaycan, Rusiya (iki komanda) və Ukrayna iştirak edir. Kişilərin yarışda Azərbaycan yığması ilə yanaşı, Rusiya (iki komanda), Finlandiya, Pakistan, Hollandiya, İran və Ukrayna komandaları mübarizə aparır.“Baku World Open” turniri beynəlxalq futvoley yarışları sırasına daxildir.Əvvəlcə Azərbaycanın qadınlardan ibarət yığması Rusiyanın birinci komandası ilə qarşılaşıb. Təmsilçilərimiz ilk görüşdə qalib gəliblər - 2:0.Turnirin açılış mərasimimdə AFNA-nın prezidenti Vüqar Xəlilov yarış iştirakçılarını və idmançıları salamlayaraq onlara uğurlar arzulayıb.Daha sonra “Baku World Open” turniri rəsmi olaraq açıq elan edilib.Yarış kişilərdən ibarət komandaların oyunları ilə davam edib.xeber100.com

“Qalatasaray” daha bir futbolçu ilə müqavilə imzalayıb

Türkiyənin “Qalatasaray” komandası daha bir futbolçu ilə müqavilə imzalayıb.Azərtac klubun saytına istinadla xəbər verir ki, “Qalatasaray” İngiltərənin “Mançester Siti” komandasının yarımmüdafiəçisi Fernandonu heyətinə cəlb edib. Otuz yaşlı təcrübəli futbolçunun transferi üçün İngiltərə klubuna 5 milyon 250 min avro ödənib.Braziliyalı futbolçu ilə üçillik müqavilə imzalanıb. O, “sarı-qırmızılılar”ın heyətində ildə 3,3 milyon avro məvacib alacaq.Qeyd edək ki, karyerası boyunca Braziliyanın “Vila Nova”, Portuqaliyanın “Porto” və “Estrela Amadora” komandalarında forma geyən Fernando 2014-cü ildən “Mançester Siti”nin heyətində çıxış edirdi. O, son mövsümdə İngiltərə klubunun heyətində 64 oyunda 4 qol vurub.Xatırladaq ki, “Qalatasaray” bir müddət əvvəl 7 milyon 500 min avro ödəyərək seneqallı yarımmüdafiəçi Badu Ndiayeni digər Türkiyə klubu “Osmanlıspor”dan transfer edib. Bu futbolçu son mövsüm Türkiyə Superliqa təmsilçisinin heyətində meydana çıxdığı 42 matçda 7 dəfə fərqlənib.xeber100.com

Güləş üzrə dünya çempionatı davam edir

Finlandiyanın Tampere şəhərində güləş üzrə gənclər arasında dünya çempionatı davam edir.Dördüncü yarış günündə 48, 55, 63 və 72 kq çəki dərəcələrində gənc qızlar mübarizə aparır. Yığma komandamızın 2 üzvü yarışda iştirak edir.Azərtac xəbər verir ki, 48 kq-da mübarizə aparan Türkan Nəsirova bütün rəqiblərini məğlub edərək finala yüksəlib. Güləşçimiz ardıcıl olaraq Avstriya və Türkiyə təmsilçilərini vaxtından əvvəl, Qazaxıstan və Tunis idmançılarını isə böyük xal fərqi ilə mübarizədən kənarlaşdırıb. Final görüşündə onun rəqibi Yaponiya idmançısı olacaq.55 kq çəkidə yarışan Leyla Qurbanova ilk görüşündə Koreya idmançısına vaxtından əvvəl qalib gəlib. Ardınca Yaponiya təmsilçisinə uduzan güləşçimiz rəqibin finala yüksəlməsi ilə təsəlliverici görüşə qatılıb. Macarıstan təmsilçisi ilə gərgin keçən görüşü qalib başa vuran Leyla bürünc medal görüşünə haqq qazanıb. Həlledici görüşdə onun rəqibi Ukrayna idmançısı olacaq.xeber100.com

Futbol üzrə UEFA Çempionlar Liqasının pley-off mərhələsində

“Qarabağ” komandasının futbol üzrə UEFA Çempionlar Liqasının pley-off mərhələsində Danimarka çempionu “Kopenhagen” klubu ilə keçirəcəyi oyunların tarixləri müəyyənləşib.Azərtac UEFA-nın rəsmi saytına istinadla xəbər verir ki, bu komandalar arasında ilk görüş avqustun 15-də Bakıda Tofiq Bəhramov adına Respublika stadionunda keçiriləcək.Cavab matçı isə avqustun 23-də Kopenhagen şəhərindəki “Telia Parken” stadionunda oynanılacaq.xeber100.com

Atıcılıq üzrə Avropa çempionatı başa çatıb

Bakıda keçirilən atıcılıq üzrə Avropa çempionatı avqustun 3-də başa çatıb.Azərtac xəbər verir ki, çempionatın sonuncu günündə 50 metr məsafədən qarışıq hərəkətdə olan hədəfə atəşaçmada kişilər arasında fərdi yarışın qalibi İsveç təmsilçisi olub. Emil Martinsson 3955 xal toplayaraq qızıl medal qazanıb. Gümüş medala 392 xal toplayan rusiyalı Mixail Azarenko yiyələnib. Finlandiyalı Topi Hulkkonen isə 390 xalla ilk üçlüyü qapayıb.Əlli metr məsafədən qarışıq hərəkətdə olan hədəfə atəşaçmada kişilər arasında komanda yarışının qalibi Rusiya təmsilçiləri olub. Mixail Azarenko, Maksim Stepanov, Dimitri Romanov ümumilikdə 1169 xal toplayaraq rəqiblərini üstələyib və fəxri kürsünün ən yüksək pilləsinə qalxıblar. Gümüş medalı 1167 xalla İsveç atıcıları Emil Martinsson, Jasper Nyberg, Rickard Johansson qazanıb. Finlandiyalı Topi Hulkkonen, Heikki Lahdekopi, Tomi-Pekka Heikkla 1161 xalla bürünc mükafata layiq görülüb.Əlli metr məsafədən qarışıq hərəkətdə olan hədəfə atəşaçmada kişi yeniyetmələr arasında yarışın qalibi isə Ukrayna təmsilçisi olub. İqor Kizima 387 xal toplayaraq qızıl medal qazanıb. İsveçrəli atıcı Berqstroem Andreas 379 xalla gümüş medala yiyələnib. Rusiya təmsilçisi Valeri Davidov 378 xal toplayaraq bürünc medala sahib olub.Bununla da Avropa çempionatına yekun vurulub.xeber100.com

“Qəbələ”-“Panatinaikos” oyununun ilk hissəsi 0:0 hesabı ilə başa çatıb

“Qəbələ” klubu UEFA Avropa Liqasının üçüncü təsnifat mərhələsinin cavab matçında Yunanıstanın “Panatinaikos” komandası ilə “Bakcell Arena”da qarşılaşıb.Azərtac xəbər verir ki, İngiltərədən olan hakimlər briqadasının idarə etdiyi “Qəbələ”-“Panatinaikos” oyununun ilk hissəsi hər iki komandanın cəhdlərinə baxmayaraq, 0:0 hesabı ilə başa çatıb. Birinci hissənin 18-ci dəqiqəsində “Qəbələ”nin heyətində İlqar Qurbanovun təhlükəli cərimə zərbəsini rəqib qapıçı dəf edib. Görüşün 43-cü dəqiqəsində komandamızın heyətində Deyvi Bultyuz, iki dəqiqə sonra isə Dion Malone real qol imkanları əldə etsələr də bundan yararlana bilməyiblər.İkinci hissədə daha fəal başlayan “Qəbələ” klubu “Panatinaikos” ilə oyunda hesabı açıb. Topu 53-cü dəqiqədə komandamızın üzvü Steven Jozef-Monrozun ötürməsindən sonra Yunanıstan təmsilçisinin futbolçusu Rodriqo Moledo öz qapısından keçirib - 1:0. Bundan 10 dəqiqə sonra oyunda hesab bərabərləşib. Yunanıstan komandasının heyətində yarımmüdafiəçi Robin Lod fərqlənib - 1:1. Altmış altıncı dəqiqədə “Panatinaikos” “Qəbələ” ilə oyunda hesabda irəli çıxıb - Yunanıstan klubunda sonradan meydana çıxan Braian Kabazes hesabı artırıb-1:2. Görüş bu hesabla başa çatıb.Komandalar arasında bir həftə əvvəl Afinada təşkil olunmuş ilk matç 1:0 hesabı ilə rəqibin xeyrinə yekunlaşdığından Yunanıstan təmsilçisi iki oyunun nəticəsinə görə “Qəbələ” klubundan 3:1 hesabı ilə üstün olaraq, Avroliqanın pley-off mərhələsinə yüksəlib. Beləliklə, “Qəbələ” klubu Avrokuboklarda mübarizəni dayandırıb.Xatırladaq ki, Azərbaycan çempionatının gümüş mükafatçısı ikinci təsnifat mərhələsində Polşanın “Yagelloniya” klubunu mübarizədən kənarlaşdırmışdı.xeber100.com

Həndbol Federasiyasının məlumatına görə…

Avqustun 18-20-də Bakıda Avropa Həndbol Federasiyası (EHF) və Azərbaycan Həndbol Federasiyasının (AHF) təşkilatçılığı ilə çimərlik həndboluna dair seminar keçiriləcək.AHF-dən Azərtac-a verilən məlumata görə, tədbirdə EHF-in nümayəndəsi Tamas Neukum çıxıç edəcək, çimərlik həndbolu və onun inkişafı haqqında iştirakçılara məlumat verəcək. Bununla yanaşı, Azərbaycanda çimərlik həndbolu ilə tanışlıq, həmin idman növünün hazırkı vəziyyəti, tətbiq ediləcək yeni qaydalarla bağlı fikir mübadiləsi aparılacaq.Qeyd edək ki, seminar çimərlik həndbolu üzrə ikinci ölkə çempionatı ilə eyni vaxtda baş tutacaq.xeber100.com

Voleybol üzrə Avropa çempionatına hazırlıq davam edir

Voleybol üzrə qadınlardan ibarət Azərbaycan yığma komandası Avropa çempionatına hazırlığı davam etdirir.Azərtac xəbər verir ki, Faiq Qarayevin yetirmələri təlim-məşq toplanışının növbəti mərhələsini Sloveniyada keçəcək.Komandamız Maribor şəhərinə avqustun 4-də yollanacaq. Voleybolçularımız burada fiziki hazırlığı yekunlaşdırıb topla məşqlərə üstünlük verəcək. Millimizin Sloveniyada bir neçə yoxlama görüşü keçirməsi də planlaşdırılır.Təmsilçimiz daha sonra İtaliyaya gedəcək. Azərbaycan və Gürcüstanın birgə keçirəcəyi qitə çempionatına hazırlıq da məhz bu ölkədə başa çatacaq. Komandamız İtaliya millisi ilə keçirəcəyi yoxlama oyunundan sonra sentyabrda vətənə qayıdacaq.Xatırladaq ki, sentyabrın 22-dən oktyabrın 1-dək Azərbaycanda və Gürcüstanda qadın voleybol komandaları arasında Avropa çempionatı keçiriləcək.On altı ölkənin mübarizə aparacağı qadın voleybol komandaları arasında Avropa çempionatının oyunları Bakıda, Göygöldə və Tbilisidə keçiriləcək. Qarşılaşmalar Bakıda Milli Gimnastika Arenasında, Göygöldə isə Olimpiya İdman Kompleksində baş tutacaq.xeber100.com

Güləş üzrə dünya çempionatı davam edir

Finlandiyanın Tampere şəhərində güləş üzrə gənclər arasında dünya çempionatı davam edir.Dördüncü yarış günündə 48, 55, 63 və 72 kq çəki dərəcələrində gənc qızlar mübarizə aparırlar.Azərbaycan Güləş Federasiyasından Azərtac-a verilən məlumata görə, yığma komandamızın 2 üzvü yarışda iştirak edir. Ölkəmizi 48 kq çəki dərəcəsində Türkan Nəsirova və 55 kq çəki dərəcəsində Leyla Qurbanova təmsil edirlər.Türkanın ilk rəqibi 1/16 final mərhələsində Avstriya təmsilçisi Kim Marlies Gmeiner olacaq. Leyla isə 1/8 finalda koreyalı Eunyounq Parka qarşı mübarizə aparacaq.xeber100.com

“Qəbələ” klubu “Panatinaikos” komandası ilə cavab matçına çıxacaq

Bu gün “Qəbələ” klubu futbol üzrə UEFA Avropa Liqasının üçüncü təsnifat mərhələsinin cavab oyununa çıxacaq.Azərtac xəbər verir ki, bu mərhələ çərçivəsində Azərbaycan təmsilçisi Bakıda Yunanıstanın “Panatinaikos” klubunu qəbul edəcək.Matçı İngiltərədən olan hakimlər briqadası idarə edəcək. Görüşün baş hakimi Kreyq Pauson olacaq. Ona yan xətt hakimləri Li Betts və Adam Nunn (hər ikisi İngiltərədən) kömək edəcəklər. Dördüncü hakim funksiyasını isə Kevin Friend yerinə yetirəcək.“Bakcell Arena” stadionunda keçiriləcək qarşılaşma saat 21:00-da start götürəcək.Komandalar arasında iyulun 27-də Afinada təşkil olunmuş ilk oyun 1:0 hesabı ilə rəqibin xeyrinə başa çatıb.“Qırmızı-qaralar” iki görüşün nəticəsinə görə Yunanıstan təmsilçisindən üstün olsa, turnirin pley-off mərhələsinə yüksələcəklər.Xatırladaq ki, Azərbaycan çempionatının gümüş mükafatçısı ikinci təsnifat mərhələsində Polşanın “Yagelloniya” klubunu mübarizədən kənarlaşdırmışdı.xeber100.com