Beynəlxalq Çempionlar Kuboku turnirində növbəti oyun keçirilib

Futbol üzrə Beynəlxalq Çempionlar Kuboku turnirində növbəti oyun keçirilib.Azərtac xəbər verir ki, ABŞ-ın Hyuston şəhərində Mançester derbisi baş tutub.Altımış yeddi mindən çox azarkeşin izlədiyi matçda əzəli rəqiblər - “Mançester Yunayted” və “Mançester Siti” qarşılaşıblar.“NRG Stadum”da keçirilən görüşdə “Mançester Yunayted” üç dəqiqə ərzində vurduğu 2 qol sayəsində qələbə qazanıb. “Qırmızı şeytanların” futbolçusu Lukaku 37-ci dəqiqədə hesabı açıb. Bu qoldan iki dəqiqə sonra Reşford hesab arasındakı fərqi iki topa çatdırıb.xeber100.com

“Sumqayıt” futbol klubu növbəti yoxlama matçını keçirib

2017/2018-ci il futbol mövsümünə hazırlaşan “Sumqayıt” futbol klubu hazırlığın ikinci mərhələsi üçün yollandığı Boluda növbəti yoxlama matçını keçirib.Azərtac xəbər verir ki, komandamız Səudiyyə Ərəbistanı təmsilçisi “Al-Fateh” klubu ilə üz-üzə gəlib.Qarşılaşma “Sumqayıt” klubunun hücumları ilə başlayıb. Oyunun əvvəlindən hücuma atılan komandamız hesabı 14-cü dəqiqədə açıb. Sumqayıt təmsilçisinin yeni transferi Rəşad Eyyubov cərimə zərbəsindən topu qapının “uzaq doqquzluğ”una göndərməklə baxımlı qola imza atıb.Oyunun 37-ci dəqiqəsində Rəşad Eyyubov daha bir gözəl qolla yadda qalıb. Fasilədən sonra heyətdə bir neçə dəyişiklik oldu. Ümumiyyətlə, baş məşqçi Samir Abasov bu oyunda bütün futbolçuları sınaqdan keçirib.İkinci hissə də “Sumqayıt”ın üstünlüyü ilə keçib. Qarşılaşmanın 88-ci dəqiqəsində Tural Bayramlının cinah ötürməsindən sonra Ramil Həsənov başla vurduğu qolla oyunun hesabını rəsmiləşdirib.Beləliklə, görüş “Sumqayıt”ın 3:0 hesablı qələbəsi ilə başa çatıb.xeber100.com

“Qarabağ” futbol klubunun rəqibi müəyyənləşib

"Qarabağ" futbol klubunun Çempionlar Liqasının III təsnifat mərhələsindəki rəqibi müəyyənləşib.Azərtac xəbər verir ki, Azərbaycan klubu Moldovanın "Şerif" komandası ilə oynayacaq. "Şerif" II təsnifat mərhələsində Albaniyanın "Kukesi" komandasına qalib gəlib. İki komanda arasındakı cavab görüşündə "Kukesi" 2:1 hesabı ilə qalib gəlib. Lakin ilk görüşdə 1:0 hesabı ilə qalib gələn "Şerif" Albaniyadakı qələbəsi sayəsində irəli çıxıb."Qarabağ" ilə "Şerif" arasındakı ilk oyun iyulun 25-26-da Bakıda, cavab görüşü isə 1-2 avqustda Tiraspolda keçiriləcək.xeber100.com

“Zirə” futbol klubu UEFA Avropa Liqası yarışlarında

Bu gün Bakının “Zirə” futbol klubu UEFA Avropa Liqası yarışlarında növbəti oyununu keçirəcək.Azərtac xəbər verir ki, Bakı təmsilçisi turnirin ikinci təsnifat mərhələsinin cavab oyunları çərçivəsində “Astra” (Rumıniya) ilə qarşılaşacaq.“Dalğa Arena”da keçiriləcək matçı gürcüstanlı hakimlər briqadası idarə edəcək. Oyunun baş hakimi Georgi Vadaçkoria olacaq. Ona həmyerliləri Zaza Menteşaşvili və Giorgi Elikaşvili kömək edəcəklər. Dördüncü hakim funksiyasını Georgi Kikaçeişvili yerinə yetirəcək.Qarşılaşmanın UEFA nümayəndəsi estoniyalı Tarqo Kaldoya, hakim-inspektoru isə rusiyalı Sergey Zuyev olacaq.“Zirə”-“Astra” oyunu saat 21:00-da başlayacaq.Komandalar arasında bir həftə əvvəl Rumıniyada təşkil olunan birinci matçda “Astra” 3:1 hesabı ilə qalib gəlib.xeber100.com

Futzal üzrə yoldaşlıq görüşü keçirilib

Azərbaycan Güləş Federasiyasının təşkilatçılığı ilə idman jurnalistləri və güləş üzrə ölkə yığma komandalarının idmançı və məşqçi heyəti arasında futzal üzrə yoldaşlıq görüşü keçirilib.Azərtac xəbər verir ki, Olimpiya Güləş Mərkəzinin oyun zalında baş tutan görüş dostluq şəraitində keçib.Yekunda güləş yığmamızın üzvləri və məşqçiləri jurnalistlər yığmasına 6:2 hesabı ilə qalib gəliblər.Oyun başa çatdıqdan sonra jurnalistlər üçün ziyafət verilib. Sərbəst güləş üzrə böyüklərdən ibarət Azərbaycan yığma komandasının baş məşqçisi Firdovsi Umudov çıxış edərək mətbuat nümayəndələrini peşə bayramı münasibətilə təbrik edib.xeber100.com

“Kəpəz” futbol klubu “Samsunspor” ilə qarşılaşacaq

Türkiyədə təlim-məşq toplanışında olan “Kəpəz” futbol klubu bu gün ilk yoxlama oyununu keçirəcək.Azərtac xəbər verir ki, “sarı-göylər” Ərzurumda “Samsunspor” ilə qarşılaşacaq. Oyun Bakı vaxtı ilə saat 18:30-da başlayacaq.“Kəpəz”in ölkə xaricindəki hazırlıq dövründə daha iki yoxlama görüşü keçirməsi nəzərdə tutulub.xeber100.com

“İnter” futbol klubu növbəti oyununu keçirəcək

Bu gün Bakının “İnter” futbol klubu UEFA Avropa Liqası yarışlarında növbəti oyununu keçirəcək.Azərtac xəbər verir ki, Bakı təmsilçisi turnirin ikinci təsnifat mərhələsinin cavab oyunları çərçivəsində “Fola” (Lüksenburq) ilə qarşılaşacaq.“Emil Mayriş” stadionunda keçiriləcək matçı litvalı hakimlər briqadası idarə edəcək. Oyunun baş hakimi Donatas Rumsas olacaq.Qarşılaşmanın UEFA nümayəndəsi portuqaliyalı Alvaro Albino, hakim-inspektoru isə ukraynalı Vasili Melniçuk olacaq.Komandalar arasında bir həftə əvvəl Bakıda təşkil olunan birinci matçda “İnter” 1:0 hesabı ilə qalib gəlib.xeber100.com

Futzal üzrə yoldaşlıq görüşü keçiriləcək

22 iyul - Milli Mətbuat Günü ilə əlaqədar olaraq Azərbaycan Güləş Federasiyası və İdman Araşdırmalar Mərkəzinin təşkilatçılığı ilə idman jurnalistləri və güləş üzrə ölkə yığma komandalarının idmançı və məşqçi heyəti arasında futzal üzrə yoldaşlıq görüşü keçiriləcək.Azərtac xəbər verir ki, yoldaşlıq görüşü iyulun 19-da Olimpiya Güləş Mərkəzinin oyun zalında baş tutacaq.xeber100.com

Həndbol Federasiyasının məlumatı

Azərbaycanın qadınlardan ibarət həndbol komandalarının Avropanın nüfuzlu klub turnirlərindəki rəqibləri məlum olub.Azərbaycan Həndbol Federasiyasından Azərtac-a bildiriblər ki, Mingəçevirin “Nur” komandası Avropa Həndbol Federasiyası (EHF) kuboku yarışında İsveçin “Luqi HK”, Bakının “Azəryol” klubu isə “Çağırış Kuboku” (“Challenge Cup”) turnirində Lüksemburq təmsilçisi “HB Dudelanj”la qarşılaşacaq.Ölkə çempionu “Nur” yarışlara birinci təsnifat mərhələsindən qoşulacaq. İlk mərhələnin qarşılaşmaları sentyabrın 9-10-da, cavab oyunları bir həftə sonra keçiriləcək.Ölkə çempionatının gümüş medalçısı “Azəryol” isə turnirdə mübarizəyə üçüncü təsnifat mərhələsindən başlayacaq. Üçüncü mərhələnin görüşləri noyabrın 11-12-də və 18-19-da oynanılacaq.xeber100.com

“Sumqayıt” klubu ilk yoxlama matçını keçirib

2017/2018-ci il futbol mövsümünə hazırlaşan “Sumqayıt” klubu hazırlığın ikinci mərhələsi üçün yollandığı Boluda ilk yoxlama matçını keçirib.Azərtac xəbər verir ki, komandamız Superliqa təmsilçisi “Osmanlıspor”la üz-üzə gəlib.Qarşılıqlı hücumlar şəraitində keçən görüşdə “Sumqayıt” komandası 1:2 hesabı ilə məğlub olub. “Sumqayıt”ın heyətində Amil Yunanov fərqlənib.1978-ci ildə yaradılmış klub 2014-cü ildən “Osmanlıspor” adını daşıyır. 2016/2017-ci il mövsümündə UEFA Avropa Liqasında çıxış etmiş komanda 1/16 final mərhələsində mübarizəni dayandırıb. Ötən mövsüm Türkiyə Supeliqasını 13-cü sırada tamamlayan Ankara təmsilçisinin heyətində Pierre Vebo 9 qolla komandanın ən məhsuldar futbolçusu olub.xeber100.com