İdman dırmanması üzrə beynəlxalq turnir keçirilib

Azərbaycan idmançıları Gürcüstanda idman dırmanması üzrə beynəlxalq turnirdə üç gümüş medala layiq görülüblər.Azərtac xəbər verir ki, Bakı Şəhəri üzrə Təhsil İdarəsinin tabeliyindəki 56 nömrəli tam orta məktəbin XI sinif şagirdi Fuad Abdullayev 2000-2001-ci il təvəllüdlü idmançılar arasında idman dırmanması (çətinlik növü) üzrə yarışda ikinci yerə sahib olub.Bakı İdarəetmə və Texnologiya Kollecinin IV kurs tələbəsi Gəray Əliyev isə 1998-1999-cu il təvəllüdlü idmançılar arasında idman dırmanması (sürət və çətinlik növü) üzrə yarışlarda ikinci yeri tutub.Qaliblərə medal, diplom və mükafat təqdim edilib.xeber100.com

“Sumqayıt” komandası yoxlama oyununda gücünü sınayacaq

“Sumqayıt” futbol klubu Azərbaycan Premyer Liqasının 2017/2018-ci il mövsümü üçün hazırlıq prosesinin ikinci mərhələsini ölkə xaricində keçirəcək.Azərtac kluba istinadla xəbər verir ki, komanda baş məşqçi Samir Abasovun rəhbərliyi altında iyulun 15-dən 29-dək Türkiyənin Bolu bölgəsində hazırlaşacaq. “Sumqayıt” Türkiyədə 4 yoxlama matçı keçirməyi planlaşdırır. Rəqiblər hələ müəyyənləşməyib.Komanda Bolunun “VON Resort Hotel”ində məskunlaşacaq.xeber100.com

“Qarabağ” klubu futbol üzrə mübarizəyə qoşulacaq

Bu gün Ağdamın “Qarabağ” klubu futbol üzrə UEFA Çempionlar Liqasının ikinci təsnifat mərhələsindən mübarizəyə qoşulacaq.Azərtac xəbər verir ki, Ağdam təmsilçisi Tofiq Bəhramov adına Respublika stadionunda Gürcüstanın “Samtredia” klubunu qəbul edəcək.Qarşılaşmanı Türkiyədən olan hakimlər briqadası idarə edəcək. Görüşün baş hakimi Mete Kalkavan olacaq. Ona Esat Sancaktar və Erdem Bayik kömək edəcəklər. Dördüncü hakim funksiyasını Halit Umut Meler yerinə yetirəcək.Hakimlərin işinə Moldovadan olan Vladimir Antonov qiymət verəcək. Matçın UEFA nümayəndəsi ingiltərəli Qraham Hover olacaq.Qeyd edək ki, Tofiq Bəhramov adına Respublika stadionunda keçiriləcək oyun saat 21:00-da başlayacaq.xeber100.com

Fransada keçirilmiş 4-cü beynəlxalq open turnirdə…

Fransada keçirilmiş 4-cü beynəlxalq open turnirdə polşalı şahmatçı Mixail Krasenkov 9 xaldan 8-ni toplayaraq qalib olub.Azərtac xəbər verir ki, qrossmeysterlərimiz Eltac Səfərli və Qədir Hüseynov, fransalı şahmatçılar Matye Kornett, Laurent Fressine və belaruslu Sergey Jiqalko turnirin qalibindən bir xal geri qalıblar. Əlavə göstəricilərə görə, Eltac Səfərli turnirin gümüş medalına layiq görülüb, Qədir Hüseynov isə bürünc medala sahib olub.Turnir Korsikada İsveçrə sistemi üzrə keçirilib və 9 turdan ibarət olub. Turnirdə 21 ölkədən 200 şahmatçı, o cümlədən 18 qrossmeyster iştirak edib.xeber100.com

“Qəbələ”-“Yagelloniya” oyununun hakimləri müəyyənləşib

Futbol üzrə UEFA Avropa Liqasının ikinci təsnifat mərhələsinin ilk oyunu çərçivəsində keçiriləcək “Qəbələ”-“Yagelloniya” (Polşa) oyununun hakimləri müəyyənləşib.Azərtac xəbər verir ki, iyulun 13-də “Bakcell Arena”da keçiriləcək qarşılaşmanın baş hakimi almaniyalı Marko Fritz olacaq. Ona həmyerliləri Holger Gunter Henşel və Marsel Pelgrim kömək edəcəklər. Dördüncü hakim funksiyasını isə Guido Vinkmann yerinə yetirəcək.Matçın UEFA nümayəndəsi belaruslu Yevgeni Tratsyuk, hakim-inspektoru isə Erol Ersoy (Türkiyə) olacaq.xeber100.com

Cüdo Federasiyasının beynəlxalq dərəcəli imtahanı keçirilib

Polşanın Qdansk şəhərində gənclərin Avropa Kuboku yarışı zamanı Beynəlxalq Cüdo Federasiyasının beynəlxalq dərəcəli hakimlik üçün imtahanı keçirilib.Azərtac xəbər verir ki, imtahanda Azərbaycan Cüdo Federasiyasının respublika dərəcəli hakimi Nazim Umbayev də iştirak edib. Sınaqdan uğurla keçən N.Umbayev beynəlxalq dərəcəli hakim adını qazanıb.Bununla da, hazırda fəaliyyət göstərən beynəlxalq dərəcəli hakimlərimizin sayı 6-ya çatıb.Qeyd edək ki, beynəlxalq dərəcəli hakimlərdən üçü – Mətin Rəhimli, Arzu Acalova və Nazim Umbayev federasiyamızın son 2 ildəki səmərəli fəaliyyəti nəticəsində bu dərəcəyə sahib olub.xeber100.com

Avropa Liqasının ikinci təsnifat mərhələsi çərçivəsində…

AFFA-nın Beynəlxalq əlaqələr şöbəsinin müdiri Könül Mehtiyeva UEFA tərəfindən yeni təyinat alıb.AFFA-dan Azərtac-a bildirilib ki, K.Mehtiyeva Avropa Liqasının ikinci təsnifat mərhələsi çərçivəsində iyulun 20-də keçiriləcək “Dinamo Brest” (Belarus)-“SCR Altach” (Avstriya) matçının UEFA nümayəndəsi olacaq.xeber100.com

Güləş üzrə 48-ci beynəlxalq turnir keçirilib

Rusiya Federasiyası Dağıstan Respublikasının Kaspiysk şəhərində beşqat dünya çempionu Əli Əliyevin xatirəsinə həsr olunmuş sərbəst güləş üzrə 48-ci beynəlxalq turnir keçirilib.Azərbaycan Güləş Federasiyasından Azərtac-a verilən xəbərə görə, turnirdə iştirak edən sərbəst güləş yığmamızın üzvləri 2 qızıl, 2 gümüş və 4 bürünc medal qazanıblar.Keçirdikləri bütün görüşləri qələbə ilə başa vuran Mahir Əmiraslanov (57 kq) və Aslanbek Alborov (97 kq) fəxri kürsünün ən yüksək pilləsində qərarlaşıb və turnirin qızıl medalını qazanıblar.Yalnız final görüşündə uduzan Ağahüseyn Mustafayev (65 kq) və Aleksandr Qostiyev (86 kq) gümüş medalla kifayətləniblər.Bürünc medalları isə yığmamıza Georgi Edişeraşvili, Pərviz İbrahimov (hər ikisi 57 kq), Qalib Əliyev (61 kq) və Məhəmməd Müslümov (65 kq) qazandırıblar.xeber100.com

“Səbail” klubu transfer çalışmalarını davam etdirir

“Səbail” klubu heyətinə daha bir futbolçu cəlb edib.Azərtac kluba istinadla xəbər verir ki, Maudo Lamine Jarjue paytaxt təmsilçisində çıxış edəcək.On doqquz yaşlı mərkəz müdafiəçisi ilə ikiillik müqavilə imzalanıb. Qvineya-Bisaulu futbolçu son mövsümü Portuqaliyanın 1-ci liqa komandası “Gil Visente”də keçirib.Bakıya gələrək müqaviləyə qol çəkən Maudo Türkiyə toplanışına komanda ilə birlikdə yollanacaq.xeber100.com

“Qarabağ” – “Samtredia” oyununun hakim təyinatları açıqlanıb

Futbol üzrə UEFA Çempionlar Liqasının ikinci təsnifat mərhələsində keçiriləcək “Qarabağ” (Ağdam)–“Samtredia” (Gürcüstan) oyununun hakim təyinatları açıqlanıb.Azərtac xəbər verir ki, qarşılaşmanı Türkiyədən olan hakimlər briqadası idarə edəcək. Görüşün baş hakimi Mete Kalkavan olacaq. Ona Esat Sancaktar və Erdem Bayik kömək edəcəklər. Dördüncü hakim funksiyasını Halit Umut Meler yerinə yetirəcək.Hakimlərin işinə Moldovadan olan Vladimir Antonov qiymət verəcək. Matçın UEFA nümayəndəsi ingiltərəli Qraham Hover olacaq.Qeyd edək ki, iyulun 11-də Tofiq Bəhramov adına Respublika stadionunda keçiriləcək oyun saat 21:00-da başlayacaq.xeber100.com