“Kəpəz” futbol klubu ilk yoxlama oyununa çıxıb

Yeni mövsümün hazırlığını Bakıda davam etdirən “Kəpəz” futbol klubu ilk yoxlama oyununa çıxıb.Azərtac xəbər verir ki, “sarı-göylər” həvəskarlar liqasının təmsilçisi olan “Bakı” ilə qarşılaşıblar. Rəqib meydanında baş tutan görüş Gəncə klubunun 2:1 hesablı qələbəsi ilə nəticələnib.“Kəpəz”dən qolları yeni transferlər İlyas Səfərzadə və Kamran Abdullazadə vurublar.Xatırladaq ki, gəncəlilər növbəti yoxlama oyununu iyulun 11-də “Neftçi”yə qarşı keçirəcəklər.xeber100.com

UEFA Avropa Liqasının ikinci təsnifat mərhələsi çərçivəsində…

Futbol üzrə UEFA Avropa Liqasının ikinci təsnifat mərhələsi çərçivəsində keçiriləcək “İnter” (Bakı)–“Fola” (Lüksemburq) matçının hakimləri müəyyənləşib.Azərtac xəbər verir ki, UEFA ilk qarşılaşmanı israilli hakimlər briqadasına həvalə edib.İyulun 12-də keçiriləcək görüşün baş hakimi Eytan Şmuelevits olacaq. Ona həmyerliləri Nissan Davidu və Saqi Mazamber kömək edəcəklər. Dördüncü hakim funksiyasını Daniel Bar Natan yerinə yetirəcək.Qeyd edək ki, “İnter”–“Fola” görüşü “Dalğa Arena”da saat 20:00-da start götürəcək.xeber100.com

Formula-1 üzrə dünya çempionatının doqquzuncu yarışında

Formula-1 üzrə dünya çempionatının doqquzuncu yarışı – Avstriya Qran-Prisində “Mercedes” komandasının pilotu Valtteri Bottas qalib gəlib.Azərtac xəbər verir ki, doqquzuncu yarışda pilotlar Şpilberqdəki “Redd Bull Ring”də 4326 metrlik trasda 71 dövrə vurublar.Valtteri Bottas 1 saat 21 dəqiqə 48,523 saniyəlik nəticə ilə aktivinə 25 xal yazdırıb. Liderdən 0,658 saniyə geri qalan Sebastian Fettel (“Ferrari”) yarışı 18 xalla ikinci pillədə yekunlaşdırıb. İlk üçlüyü liderdən 6,012 saniyə sonra finişə çatan Daniel Rikkardo (“Red Bull Racing”, 15 xal) tamamlayıb.Pilotların yarış cədvəlinə 171 xalla Sebastian Fettel başçılıq edir. Luis Hamilton (“Mercedes”) 151 xalla ikinci, V.Bottas isə 136 xalla üçüncü pillədə qərarlaşıb.Konstruktorlar kubokunda isə “Mercedes” 287 xalla birinci, “Ferrari” 254 xalla ikinci, “Red Bull Racing” isə 152 xalla üçüncü pillədə yer alıb.Çempionatın növbəti – onuncu yarışı olan Böyük Britaniya Qran-Prisi iyulun 14-16-da keçiriləcək.xeber100.com

İkinci Avropa Oyunlarının loqotipinin təqdimatı keçiriləcək

İyulun 8-də belarusluların Kupalye xalq bayramı çərçivəsində ikinci Avropa Oyunlarının loqotipinin təqdimatı keçiriləcək və turnirin talismanı üçün müsabiqənin başlandığı elan ediləcək.Azrtac Belarus Milli Olimpiya Komitəsinə istinadla xəbər verir ki, tədbirdə adlı-sanlı belaruslu idmançılar – Olimpiya çempionu və mükafatçısı, kanoyedə avarçəkmə üzrə birinci Avropa Oyunlarının qalibi Aleksandr Boqdanoviç, birinci Avropa Oyunlarının çempionu, sambo üzrə dünya və qitə birinciliklərinin dəfələrlə qalibi Stepan Popov, yuniorlar arasında dünya və Avropa çempionu, gənclər arasında Olimpiya Oyunlarının gümüş mükafatçısı, Belarus Prezidentinin “Belarusun Olimpiya Olimpi” xüsusi mükafatının sahibi Elvira German iştirak edəcəklər.Bundan əlavə, tədbirdə Belarus Milli Olimpiya Komitəsinin çadırı işləyəcək.İkinci Avropa Oyunlarının rəsmi devizi “Bright Year, Bright You” (“Parlaq il, parlaq sən”) sözləri olacaq.Belarus ikinci Avropa Oyunlarını keçirmək hüququnu Avropa Olimpiya Komitələri Baş Assambleyasının 2016-cı ilin oktyabrında Minskdə keçirilən 45-ci iclasında alıb. Birinci Avropa Oyunları 2015-ci ilin iyununda Azərbaycanın paytaxtı Bakıda keçirilib. Belaruslu atletlər bu yarışlarda 43 mükafat qazanıblar.xeber100.com

UEFA Çempionlar Liqasının ilk oyunları çərçivəsində…

Futbol üzrə UEFA Çempionlar Liqasının ikinci təsnifat mərhələsinin ilk oyunları çərçivəsində keçiriləcək “Qarabağ” (Ağdam)-“Samtredia” (Gürcüstan) qarşılaşmasının biletləri iyulun 7-dən satışa çıxarılıb.Azərtac xəbər verir ki, azarkeşlər biletləri hər gün saat 10:00-dan 19:00-dək Tofiq Bəhramov adına Respublika stadionunun kassalarından əldə edə bilərlər.Biletlərin qiyməti sektorlara görə 1-5 manatdır. VİP sektoruna isə biletlər 30 manat təşkil edir.Qeyd edək ki, “Qarabağ”–“Samtredia” matçı iyulun 11-də saat 21:00-da Tofiq Bəhramov adına Respublika stadionunda start götürəcək.xeber100.com

2017/2018-ci il mövsümünün hazırlıq işləri davam edir

Avstriyanın Zalsburq bölgəsində təlim-məşq toplanışında olan “Qəbələ” futbol klubu 2017/2018-ci il mövsümünün hazırlığını davam etdirir.Azərtac xəbər verir ki, “qırmızı-qaralar” gündə iki dəfə məşq keçirlər. Komandanın yeni transferi Deyv Bultuis də məşq prosesində iştirak edib. Bu gün baş tutan məşqə yalnız zədəli futbolçular Baqali Dabo və Tellur Mütəllimov qatılmayıblar. Ruslan Qurbanov və Dion Malone isə fərdi məşqlə kifayətləniblər.“Qəbələ” bu gün təlim-məşq toplanışında sonuncu yoxlama oyununa çıxacaq. Bakı vaxtı ilə saat 18:00-da başlayacaq qarşılaşmada komandamız Hollandiyanın “Utrext” klubu ilə üz-üzə gələcək.xeber100.com

“Yuventus” Netonun satışından 7 milyon avro əldə edəcək

“Yuventus” klubu qapıçısı Neto ilə yollarını ayırır.Az'rtac xəbər verir ki, braziliyalı qolkiper karyerasını “Valensiya”da davam etdirəcək. “Yuventus” Netonun satışından 7 milyon avro əldə edəcək.Qeyd edək ki, 27 yaşlı futbolçu son mövsüm “A” seriyasında 8 oyunda meydana çıxıb və qapısında 2 qol görüb.xeber100.com

Futzal üzrə UEFA kubokunun əsas mərhələsinin püşkatması keçirilib

İyulun 6-da İsveçrənin Nyon şəhərində futzal üzrə UEFA kubokunun əsas mərhələsinin püşkatması keçirilib.Azərtac xəbər verir ki, püşkün nəticəsinə əsasən, turnirdəki təmsilçimiz “Araz” “Deva” (Rumıniya), “E” və “F” qruplarının qalibi ilə 8-ci qrupda mübarizə aparacaq. Bu qrupun oyunları oktyabrın 10-dan 15-dək Rumıniyada keçiriləcək.Qeyd edək ki, “E” qrupunda “Flamurtari” (Albaniya), “Mostar” (Bosniya və Herseqovina), “Arnavutköy Bələdiyyəspor” (Türkiyə) və “Narva Yunayted” (Estoniya), “F” qrupunda “Anorthosis” (Kipr), “Klassik” (Moldova), “Leo” (Ermənistan), “Vrexham” (Uels) komandaları qüvvəsini sınayacaq. Əgər “Leo” “F” qrupunun qalibi olarsa, bu komanda mübarizəni 5-ci qrupda davam etdirəcək.xeber100.com

Tennis üzrə Azərbaycan birinciliyinə yekun vurulub

Gənclər və İdman Nazirliyinin və Stolüstü Tennis Federasiyasının birgə təşkilatçılığı ilə stolüstü tennis üzrə Azərbaycan birinciliyinə yekun vurulub.Azərtac xəbər verir ki, dörd gün davam edən və şəxsi xarakter daşıyan birincilikdə Bakı, Sumqayıt, Qaradağ, Şəki, Şabran, Gədəbəy və digər şəhər və rayonlardan 100-ə yaxın idmançı iştirak edib.Qalib gəlmiş idmançılara diplom və medallar təqdim olunub.xeber100.com

“Qarabağ” klubu ikiillik müqavilə imzalayıb

2017/2018-ci illər mövsümü üçün nəzərdə tutulan transfer pəncərəsi zamanı Ağdamın “Qarabağ” klubu növbəti transferi reallaşdırıb.Azərtac kluba istinadla xəbər verir ki, yarımmüdafiəçi mövqeyinə transfer etməyi planlaşdıran “Qarabağ” uzun müddətdir davam edən prosesi uğurla tamamlayıb. Komanda Haiti millisinin üzvü və ötən mövsüm Türkiyə Superliqasında “Alanyaspor”da forma geyinən Vild-Donald Guerrierin keçidini rəsmiləşdirib. Yarımmüdafiəçi ilə ikiillik müqavilə imzalanıb.Futbolçu peşəkar karyerasına ölkəsinin “Amerika De Ke” klubunda başlayıb və 2013-cü ilin yayında Polşanın “Visla” klubuna transfer olunub. 2013-2016-cı illərdə “Visla”da 75 oyuna çıxan Guerrier 20 qolla yadda qalıb. Geridə qalan mövsümdə isə futbolçu “Alanyaspor” forması ilə 20 oyunda 4 qol vurub.2010-cu ildən Haiti millisinə dəvət alan 28 yaşlı futbolçu yığma komandada 37 oyunda 8 dəfə fərqlənib.xeber100.com