2017-2018-ci il lisenziyalaşdırma mövsümündə…

Mayın 26-da AFFA-nın inzibati binasında 2017-2018-ci il lisenziyalaşdırma mövsümündə UEFA-nın klub yarışlarında və Premyer Liqada iştirak etmək üçün lisenziya əldə etmiş futbol klublarının nümayəndələri ilə görüş keçirilib.Azərtac xəbər verir ki, Lisenziyalaşdırma Qrupunun əməkdaşları tərəfindən iştirakçılara mövsümünün yekunları ilə bağlı statistik göstəricilər və növbəti mövsümün lisenziyalaşdırma prosesini əhatə edəcək yeniliklərlə bağlı məlumat verilib.Tədbirin sonunda növbəti mövsümdə Premyer Liqada iştirak edəcək klublara müvafiq lisenziyalar təqdim olunub. Həmçinin Zöhrab Hacıyev (“Neftçi”) ötən mövsümün ən yaxşı lisenziyalaşdırma üzrə meneceri, Mənsurə Məmmədova (“Kəpəz”) isə ən yaxşı maliyyə meneceri üzrə xüsusi sertifikatlarla təltif olunublar.xeber100.com

Dünya çempionatının seçmə mərhələsi çərçivəsində ikinci oyun keçirilib

Kişi voleybolçulardan ibarət Azərbaycan yığması Fransanın Lion şəhərində dünya çempionatının seçmə mərhələsi çərçivəsində ikinci oyununu keçirib.Azərtac xəbər verir ki, voleybolçularımız ikinci oyunda Almaniya yığması ilə üz-üzə gəliblər.Xorvatiyalı baş hakim Milan Raykoviçin idarə etdiyi oyunda Almaniya millisi 3:0 hesablı qələbə qazanıb.Millimiz ilk oyununda Türkiyə yığması ilə qarşılaşıb və rəqibə 0:3 hesabı ilə məğlub olub.Reqlamentə əsasən yalnız qrup qalibləri mərhələ adlayacaqlar. İkinci yerin sahibləri isə pley-off-da üz-üzə gələcəklər.Qeyd edək ki, 2018-ci ildə kişi voleybol komandaları arasında dünya çempionatına İtaliya və Bolqarıstan birgə ev sahibliyi edəcək.xeber100.com

Nodar Axalkatsinin xatirəsinə turnir təşkil edilib

“Qəbələ”nin 11 yaşadək futbolçulardan ibarət komandası beynəlxalq turnirdə çıxış edəcək.Azərtac xəbər verir ki, “qırmızı-qaralar” Tbilisidə təşkil edilən Nodar Axalkatsinin xatirəsinə turnirdə qüvvələrini sınayacaqlar. Mayın 26-dan iyunun 2-dək keçiriləcək yarış Tbilisi “Dinamo”sunun akademiyasının meydançasında baş tutacaq.Namiq Əliyevin baş məşqçisi olduğu komandamız qrup mərhələsində Gürcüstan təmsilçiləri ilə görüşəcək. Mayın 27-də “Dinamo” ilə üz-üzə gələcək “qırmızı-qaralar” ertəsi gün “Saburtalo”, mayın 29-da isə “Telavi” ilə qarşılaşacaqlar.“Qəbələ” Gürcüstandakı turnirə 16 futbolçu ilə yollanıb. Heyətdə İslam Əbduləzizov, Əli Tahirov, Ceyhun Bağırzadə, Həsən Nəzərli, Samid Əhmədov, Ziya Şəkərxanov, Əhməd Məmmədov, Asim Əlicanov, Nurlan Ağabəyov, Mahir Mehdiyev, İlkin Budaqov, Murad Abdullayev, Cümə Hüseynov, Elnur Mustafayev, Sənan Məsimov və Samir Musayev yer alıblar.xeber100.com

UEFA Avropa Liqasının 2016-2017-ci il mövsümünün final qarşılaşması keçirilib

Mayın 24-də UEFA Avropa Liqasının 2016-2017-ci il mövsümünün final qarşılaşması keçirilib.Azərtac xəbər verir ki, Stokholmdakı "Friends Arena"da keçirilən oyunda "Ayaks" komandasına 2:0 hesabı ilə qalib gələn "Mançester Yunayted" klubu UEFA Avropa Liqasının çempionu olub.Matçın ilk hissəsində nisbətən üstün oyun nümayiş etdirən "qırmızı şeytanlar" 18-ci dəqiqədə hesabı açıblar. Mata, Raşford və Fellaninin gözəl kombinasiyasını mançesterlilərin dünyanın ən bahalı transfer müqaviləsi ilə heyətinə qatdıqları Pol Poqba dəqiq zərbə ilə tamamlayaraq adını tabloya yazdırıb - 1:0. İlk hissə bu hesabla başa çatıb.İkinci hissənin əvvəlində - 47-ci dəqiqədə "Mançester Yunayted" hesab arasındakı fərqi iki topa çatdırıb.Komandaların cəhdlərinə baxmayaraq, qalan dəqiqələrdə qapılara top vurulmayıb. Beləliklə, "Ayaks" komandasını 2:0 hesabı ilə məğlub edən Joze Mourinyonun yetirmələri UEFA Avropa Liqasının kubokunu başları üzərinə qaldırıblar.Qeyd edək ki, UEFA Çempionlar Liqasının final görüşü iyunun 3-də Uelsin paytaxtı Kardifdə oynanılacaq.xeber100.com

Sambo üzrə Avropa çempionatına yekun vurulub

Minskdə sambo üzrə Avropa çempionatına yekun vurulub.Azərtac xəbər verir ki, çempionatda ölkəmizi 7 idmançı təmsil edib.Sambo Federasiyasının prezidenti C.Məmmədovun rəhbərliyi altında çempionatda iştirak edən millimiz Vətənə iki medalla qayıdıb.Finaladək inamla irəliləyən samboçularımız Ağasif Səmədov (52 kq) və Emil Həsənov (68 kq) qızıl medal uğrunda görüşdə uduzaraq ikinci yerlə kifayətləniblər.Yarışda ölkəmizi hakim kimi Cabir İsmayılov təmsil edib.xeber100.com

Dohada Dünya Stadionlar Konqresi keçirilib

Qətərin paytaxtı Dohada Dünya Stadionlar Konqresi keçirilib.Azərtac xəbər verir ki, tədbirin sonunda müxtəlif nominasiyalar üzrə dünyanın ən yaxşı stadionları adına layiq görülən arenalar mükafatlara layiq görülüb.Bakı Olimpiya Stadionu (BOS) “Dünyanın ən yaxşı yeni stadionu” nominasiyasında mükafatla təltif edilib. BOS-un tikintisində iştirak edən “TEKFEN İnşaat” şirkəti də mükafata layiq görülüb.Müxtəlif kateqoriyalar üzrə Moskvadakı “VTB Arena”, Barselonadakı “Kamp Nou”, Aşqabad Olimpiya Stadionu və Birləşmiş Ərəb Əmirliklərindəki “Həzza Bin Zayed” stadionu da qalib elan edilib.Müsabiqənin münsiflər heyəti məşhur tikinti mütəxəssisləri Filip Herpel, Mark Fenvik və Kris Daytdan ibarət olub.xeber100.com

“Atletiko Madrid” 2024-cü ilədək müqavilənin müddətini artırıb

İspaniyanın “Atletiko Madrid” futbol komandasında çıxış edən yarımmüdafiəçi Koke daha 7 il klubun uğurları üçün çalışacaq.Azərtac xəbər verir ki, paytaxt təmsilçisi 25 yaşlı ispaniyalı oyunçu ilə 2024-cü ilədək müqavilənin müddətini artırıb.Futbol üzrə İspaniya millisində də forma geyinən oyunçu 2009-cu ildən bəri “Atletiko Madrid”in şərəfini qoruyur və oynadığı 323 matçda 28 qol vurub.xeber100.com

“Monako” futbol klubu ilk transferini edib

“Monako” futbol klubu yeni mövsüm üçün ilk transferini edib.Azərtac xəbər verir ki, bu barədə klubun rəsmi saytı xəbər yayıb.Fransa klubu “Anderlext”in yarımmüdafiəçisi Yuri Tilemansı heyətinə cəlb edib. Belçikalı futbolçu ilə 5 illik müqavilə imzalanıb.Qeyd edək ki, 20 yaşlı Tilemans ötən mövsüm 37 oyuna 13 qol vurub, 12 məhsuldar ötürmə edib.xeber100.com

Kempo döyüş növləri üzrə turnir keçirilib

28 May – Respublika Günü münasibətilə kempo döyüş növləri üzrə turnir keçirilib.Azərtac xəbər verir ki, Abşeron Rayon Gənclər və İdman İdarəsinin, Şərq Döyüş Növləri Federasiyaları Şurasının razılığı, “Toğrul” Şərq əlbəyaxa döyüş növləri və təkmübarizlik sənəti klubunun təşkilatçılığı ilə uşaqlar, yeniyetmələr, gənclər və böyüklər arasında kempo full və kempo submişn gi üzrə turnirdə 16 klubdan 190-na yaxın idmançı gücünü sınayıb.Qalib idmançılar diplom, medal və qiymətli hədiyyələrlə təltif olunublar.xeber100.com

“Ayaks” klubu ilə “Mançester Yunayted” komandası üz-üzə gələcəklər

Bu gün İsveçin paytaxtı Stokholmda futbol üzrə UEFA Avropa Liqasının final qarşılaşmasında Hollandiyanın “Ayaks” klubu ilə İngiltərənin “Mançester Yunayted” komandası üz-üzə gələcəklər.Azərtac xəbər verir ki, komandalar bu günədək 4 dəfə qarşılaşıblar. Bunlarında heç birində bərabərlik qeydə alınmayıb. İki dəfə İngiltərə, iki dəfə isə Hollandiya təmsilçisi qalib gəlib.Joze Mourinyonun yetirmələri cari mövsüm İngiltərə çempionatında uğursuz çıxış etdiyindən Çempionlar Liqası yarışlarında iştirak etmək hüququnu qazana bilməyiblər. Lakin “qırmızı –şeytanlar” Avropa Liqasını qazanaraq buna nail ola bilərlər.“Ayaks” isə məğlub olacağı təqdirdə mübarizəyə UEFA Çempionlar Liqasının 3-cü təsnifat mərhələsindən başlamalı olacaq.Hər iki klubun heyətində ciddi itkilər var. Belə ki, “Ayaks”dan Deyli Sinkqraven zədəli, Nik Virqever cəzalı, mançesterlilərdən isə Markos Roxo, Lük Şou, Eşli Yanq, Timoti Fosu-Mensa və Zlatan İbrahimoviç zədəli olduqlarından oyunu buraxmalı olacaqlar.Hollandiya klubu sonuncu dəfə 1992-ci ildə Avropa Liqasının qalibi olub. “Mançester Yunayted” isə bu titula indiyənədək yiyələnməyib.Qeyd edək ki, final görüşü Bakı vaxtı ilə 22:45-də start götürəcək.xeber100.com