“Dutch Open” beynəlxalq turnirinə yekun vurulub

Hollandiyanın Eyndhoven şəhərində keçirilən taekvando üzrə ənənəvi “Dutch Open” beynəlxalq turnirinə yekun vurulub.Azərtac xəbər verir ki, G1 kateqoriyalı yarışın son günü ölkəmizi təmsil edən gənc və böyüklərdən ibarət yığma komandamızın daha 5 üzvü uğura imza atıb. 45 kq çəki dərəcəsində mübarizə aparan gənc taekvandoçumuz Xanoğlan Kərimov, böyüklərdən isə Qaşım Maqomedov (54 kq), Məhəmməd Məmmədov (63 kq) və Radik İsaev (+87 kq) bütün rəqiblərini məğlub edərək qızıl medala sahib olublar.Qadın taekvandoçumuz Darya Şkurko (62 kq) finala yüksəlsə də, həlledici döyüşdə məğlub olaraq yarışı gümüş medalla başa vurub.Xatırladaq ki, yarışın ilk günü böyüklər arasında mübarizədə Ramin Əzizov (87 kq) və Fəridə Əzizova (67 kq) qızıl, Ayxan Tağızadə (68 kq) bürünc, gənclərdən isə Ayaz Qənbərli (51 kq) gümüş, Cavad Ağayev (63 kq) isə bürünc medala sahib olmuşdular.Beləliklə, milli komandamız iki gün davam edən beynəlxalq turniri 6 qızıl, 2 gümüş və 2 bürünclə, ümumilikdə, 10 medalla başa vurub.xeber100.com  

Ağır Atletika Federasiyasının məlumatı

Ağır atletika üzrə Azərbaycan yığma komandası İranın Əhvaz şəhərində keçirilən ikinci beynəlxalq “Fəcr kubok”u yarışında 7 medal qazanıb.Azərbaycan Ağır Atletika Federasiyasından Azərtac-a bildiriblər ki, turnirdə Sənan Mirzəyev (85 kq) birdən qaldırma hərəkətində 141 kiloqramı ram edib. O, bu nəticə ilə üçüncü olub. Təkanla qaldırmada isə 167 kiloqramı başı üzərinə qaldıran S.Mirzəyev dördüncü yeri tutub.Ruslan Rzazadə (56 kq) birdən qaldırma hərəkətində 98 kiloqramı ram edərək gümüş medala sahib olub.Allahyar Abışov (62 kq) birdən qaldırmada 120 kiloqramı ram edib. O, bu göstərici ilə bütün rəqiblərini üstələyib. A.Abışov təkanla qaldırmada 142 kiloqramı başı üzərinə qaldıraraq üçüncü yeri tutub.Beləliklə, Azərbaycan yığması “Fəcr kuboku” turnirini üç bürünc, həmçinin ayrı-ayrı hərəkətlərdə - birdən qaldırmada bir qızıl, bir gümüş və bir bürünc, təkanla qaldırmada isə bir bürünc medalla başa vurub.Millimiz topladığı 465 xal və qazandığı 7 medal sayəsində komanda hesabında dördüncü yeri tutub.xeber100.com

Azərbaycan çempionatına yekun vurulub

Martın 12-də həndbol üzrə Azərbaycan çempionatına yekun vurulub.Azərbaycan Həndbol Federasiyasından (AHF) Azərtac-a bildiriblər ki, ikinci dövrədə qadınlar arasında baş tutan sonuncu qarşılaşmalarında “Gənclər Birliyi” komandası “Qarabağ”ı 32:30, Respublika İdman Olimpiya Ehtiyatları Uşaq Gənclər İdman Mərkəzinin (RİOEUGİM) 2 saylı klubu “Nəsimi”ni (12 saylı İOEUGİM) 33:28 hesabı ilə məğlub edib. Kişilər arasında yarışda isə “Məhsul” kollektivi “Təhsil”ə 42:29, “Nur” komandası isə “Azəryol”a 27:21 hesabı ilə qalib gəlib.Sonra XXIV ölkə çempionatının bağlanış mərasimi olub.xeber100.com

“İnternational Champions Cup” turnirində qarşılaşma…

“Barselona” və “Real Madrid” futbol komandaları yoxlama oyununda üz-üzə gələcəklər.Azərtac xəbər verir ki, komandalar yayda keçiriləcək “İnternational Champions Cup” turnirində qarşılaşacaqlar. Matç iyulun 29-da Mayamidəki “Hard Rok Stadium”da keçiriləcək.Qeyd edək ki, “Barselona” və “Real Madrid” 1982-ci ildən sonra ilk dəfə İspaniya xaricində görüşəcəklər.xeber100.com

Şahmat üzrə Azərbaycan birinciliyi davam edir

Bakıda kişilər arasında şahmat üzrə Azərbaycan birinciliyi davam edir. Yarışda 24 nəfər, o cümlədən 4 qrossmeyster, habelə FİDE-nin beynəlxalq dərəcələrinin sahibləri olan 17 şahmatçı iştirak edir.Azərtac xəbər verir ki, İsveçrə sistemi üzrə keçirilən turnir 9 turdan ibarət olacaq.4 turdan sonra hər birinin aktivində 5 xal olan qrossmeysterlər Nicat Abbasov və Vüqar Rəsulov, beynəlxalq dərəcəli usta Misrəddin İsgəndərov və FİDE ustası Əhməd Əhmədzadə liderdir. Altı iştirakçı liderlərdən yarım xal geri qalır, 4 iştirakçının hərəsi liderlərdən bir xal az toplayıb.Püşkatmanın nəticələrinə görə beşinci turda ilk iki masa arxasında Nicat Abbasov Misrəddin İsgəndərovla, Əhməd Əhmədzadə isə Vüqar Rəsulovla qarşılaşacaq.xeber100.com

Ağır atletika üzrə beynəlxalq “Fəcr kubok”u davam edir

İranın Əhvaz şəhərində ağır atletika üzrə ikinci beynəlxalq “Fəcr kubok”u davam edir.Azərbaycan Ağır Atletika Federasiyasından Azərtac-a bildiriblər ki, turnirdə yığma komandamızın üzvlərindən daha biri bürünc medal qazanıb.Allahyar Abışov 62 kiloqram çəki dərəcəsində birdən qaldırmada 120 kiloqramı ram edib. Bu hərəkətdə o, bütün rəqiblərini üstələməyi bacarıb. A.Abışov təkanla qaldırmada 142 kiloqramı başı üzərinə qaldırıb. Toplam 262 kiloqram (120+142) nəticə göstərən A.Abışov turnirin bürünc medalına sahib olub.xeber100.com

“Baku open” turnirinin açılış mərasimi olub

Bakı İdman Sarayında keçirilən karate üzrə VIII beynəlxalq “Baku open” turnirinin martın 11-də açılış mərasimi olub.Azərtac xəbər verir ki, turnirin açılış mərasimində Azərbaycanın dövlət himni səsləndirilib.Azərbaycan Karate Federasiyasının (AKF) prezidenti Yaşar Bəşirov turnirdə iştirak edən müxtəlif ölkələrdən olan idmançıları salamlayıb və onlara uğurlar arzulayıb. Y.Bəşirov bildirib ki, AKF artıq 20 ildir Dünya Karate Federasiyasının üzvüdür. Federasiya bu illər ərzində bir çox mühüm uğurlara imza atıb, karateçilərimiz mötəbər beynəlxalq turnirlərdə qələbələr qazanıblar.Y.Bəşirov karateçilərimizin qarşıdan gələn yarışlarda - “Dubay open” turnirində, IV İslam Həmrəyliyi Oyunlarında və 2020-ci il XXXI Tokio Yay Olimpiya Oyunlarında da Azərbaycanı layiqincə təmsil edərək ölkəmizə medalla qayıdacaqlarına əminliyini bildirib.Sonra yarışda təmsil olunan xarici ölkələrin müvafiq federasiyalarının təmsilçilərinə diplom və medalları təqdim edilib.Açılış mərasimindən sonra turnirin final oyunlarına start verilib.xeber100.com

“Kortchnoi Open 2017 Zurich” şahmat festivalı keçiriləcək

Aprelin 12-17-də Sürixdə isveçrəli qrossmeyster Viktor Korçnoyun xatirəsinə həsr olunmuş “Kortchnoi Open 2017 Zurich” şahmat festivalı keçiriləcək.Azərtac xəbər verir ki, festival çərçivəsində “Master” və “Main” (Open) turnirləri keçiriləcək.“Master” turnirində yeddi ölkədən 30-dan çox şahmatçı iştirak edəcək.Turnirdə vaxta yeni nəzarət tətbiq ediləcək: 45 dəqiqə, üstəgəl hər gediş üçün 30 saniyə.Festivalın sonuncu günü iştirakçılar blits-turnirdə güclərini sınayacaqlar. Vaxta nəzarət 10 dəqiqə, üstəgəl hər gediş üçün 5 saniyə olacaq.xeber100.com

“Domestic Grassroots” proqramı çərçivəsində…

Martın 13-15-də “Bakı-2017” IV İslam Həmrəyliyi Oyunlarının cüdo, güləş və futbol üzrə idmançı səfirlərinin “Domestic Grassroots” proqramı çərçivəsində gənc idmançılar üçün ustad dərsləri təşkil olunacaq.Azərtac xəbər verir ki, layihə çərçivəsində “Bakı-2017”nin idmançı səfirləri tərəfindən üç fərqli ustad dərsi veriləcək. Məqsəd idmançı səfirlərin bilik və bacarıqlarını bölüşmək, eləcə də tərəfdarlarla görüşünü təşkil etməkdir.Üç gün davam edəcək tədbirlərdə iştirakçılar “Bakı-2017” IV İslam Həmrəyliyi Oyunlarının rəsmi “Facebook” səhifəsindəki müsabiqələrdə qalib olan şəxslər, gənc idmançılar və azarkeşlər iştirak edəcəklər.xeber100.com

Beynəlxalq turnirin birinci gününə yekun vurulub

Bakıda cüdo üzrə “Böyük dəbilqə” beynəlxalq turnirinin birinci gününə yekun vurulub.Azərtac xəbər verir ki, Azərbaycan millisi yarışını ilk günündə aktivinə bir medal yazdırıb. Altmış kiloqram çəki dərəcəsində mübarizə aparan Orxan Səfərov mötəbər turnirin bürünc medalını qazanıb.Mükafatlandırma mərasimində cüdoçumuza medalı Azərbaycan Cüdo Federasiyasının prezidenti Rövnəq Abdullayev təqdim edib.Heydər Əliyev adına İdman Sarayında keçirilən yarışın ilkin mərhələsi saat 13:00-dan etibarən başlayır. Final görüşləri isə saat 17:00-da keçirilir.Turnirdə 31 ölkədən 183 idmançı (110 kişi, 73 qadın) qalib adı uğrunda mübarizə aparır.xeber100.com