Futbol yarışında mübarizə aparacaq komandalar müəyyənləşib

“Bakı-2017” IV İslam Həmrəyliyi Oyunlarının Əməliyyat Komitəsi (AİHOƏK) bu mötəbər turnirin futbol yarışında mübarizə aparacaq səkkiz komandanın adlarını açıqlayıb.Azərtac “Bakı-2017”nin saytına istinadla xəbər verir ki, ev sahibi Azərbaycan ilə yanaşı, Türkiyə, Səudiyyə Ərəbistanı, Kamerun, Mərakeş, Oman, Fələstin və Əlcəzair milliləri qələbə uğrunda mübarizə aparacaqlar. Hər bir komandanın heyəti 23 yaşadək futbolçulardan formalaşdırılıb. Bununla yanaşı, yaşı 23-dən yuxarı olan üç futbolçu da heyətdə yer ala bilər.Hər qrupda birinci və ikinci yeri tutacaq komandalar yarımfinala çıxacaqlar. Yarımfinalda məğlub olan komandalar üçüncü yer uğrunda görüşdə üz-üzə gələcəklər. Ümumilikdə futbol yarışında 16 matç oynanılacaq. Qarşılaşmalar “Bayıl Arena”, “Dalğa Arena”, Tofiq Bəhramov adına Respublika stadionu və “Azal Arena”da keçiriləcək. Mayın 18-21-də təşkil olunacaq yarımfinal və final oyunlarının Tofiq Bəhramov adına Respublika stadionunda keçirilməsi planlaşdırılır.“Bakı-2017”nin idman direktoru Mark Haniban Azərbaycanda futbola hər zaman böyük maraq göstərildiyini diqqətə çatdıraraq deyib: “IV İslam Həmrəyliyi Oyunlarında da futbol azarkeşlərin diqqət mərkəzində olacaq. Cəmi 16 matçdan ibarət yarış elə planlaşdırılıb ki, komandalar sonuncu mərhələlərdə lazımi vaxt qazanaraq, yarımfinal və final oyunlara yaxşı hazırlaşa bilsinlər. Biletlərə tələbatın çox olması gözlənilir. Əminəm ki, Azərbaycan azarkeşləri yalnız öz komandalarını deyil, digər ölkələrin də ulduz futbolçularını dəstəkləyəcəklər”.xeber100.com

Azərbaycan çempionatının ikinci dövrəsinə start veriləcək

Martın 10-da “ABU Arena”da həndbol üzrə kişi və qadınlar arasında Azərbaycan çempionatının ikinci dövrəsinə start veriləcək.Azərbaycan Həndbol Federasiyasından Azərtac-a verilən xəbərə görə, günün açılış oyunu “Gənclər Birliyi” və “Azəryol” komandaları arasında keçiriləcək. Bundan əlavə, “Nur”–“Qarabağ”, “Təhsil”–RİOEUGİM, “Nəsimi”–“Məhsul” qarşılaşmaları da eyni gündə keçiriləcək.Martın 12-də çempionatın təntənəli bağlanış və mükafatlandırma mərasimi olacaq.xeber100.com

45-ci beynəlxalq turnir keçiriləcək

Martın 10-12-də İstanbulda sərbəst və qadın güləşi üzrə Yaşar Doğunun xatirəsinə həsr olunmuş sayca 45-ci beynəlxalq turnir keçiriləcək. Turnirdə böyüklərdən ibarət sərbəst güləş üzrə yığma komandamızın üzvləri iştirak edəcəklər.Azərtac xəbər verir ki, baş məşqçi Firdovsi Umudov, məşqçilər Əsgərxan Novruzov və Rövşən Hacıyevin rəhbərliyi altında yığma komandamızın 5 üzvü turnirdə mübarizə aparacaq.Heyətdə Mahir Əmiraslanov (57 kq), Qalib Əliyev (61 kq), Ağahüseyn Mustafayev (65 kq), İbrahim Usubov (86 kq) və Aslanbek Alborov (97 kq) yer alıblar.Görüşlərin idarə edilməsində beynəlxalq dərəcəli hakim Vüqar Şükürov ölkəmizi təmsil edəcək.Turnirin proqramına əsasən, martın 10-da 57 və 70, martın 11-də 61, 74 və 125, son yarış günündə isə 65, 86 və 97 kiloqram çəki dərəcələrində pəhləvanlar mübarizə aparacaqlar.xeber100.com

Yaponiyanın ikinci liqasında…

Yaponiyanın ikinci liqasında çıxış edən “Yokohama” klubunun 50 yaşlı futbolçusu Kazuyoşi Miyura rəsmi oyunda meydana çıxan ən yaşlı futbolçu adını qazanıb.Azərtac xəbər verir ki, “V-Varen Nagasaki” ilə oyunda meydana çıxan futbolçu ingilis Stenli Matteusanın rekordunu yeniləyib.Xatırladaq ki, Braziliyada “Santos” və İtaliyada “Cenoa” kimi klublarda çıxış etmiş yapon futbolçu 1990-2000-ci illər ərzində formasını geydiyi Yaponiya yığma komandasında 89 oyun keçirib və 55 qol vurub.xeber100.com

AFFA və MFA arasında qarşılıqlı əlaqələr müzakirə olunub

AFFA-nın baş katibi Elxan Məmmədov martın 7-də Londonda Monteneqro Futbol Assosiasiyasının (MFA) prezidenti Deyan Saviçeviç ilə görüşüb.Azərtac xəbər verir ki, görüşdə AFFA və MFA arasında qarşılıqlı əlaqələr müzakirə olunub, fikir mübadiləsi aparılıb.Elxan Məmmədov UEFA-nın İcraiyyə Komitəsinin üzvlüyünə namizədliyi ilə bağlı platformasını Deyan Saviçeviçə təqdim edib.xeber100.com

Qol güləşi üzrə ölkə birinciliyi keçiriləcək

Martın 19-da Azərbaycan Memarlıq və İnşaat Universitetinin idman zalında qol güləşi üzrə ölkə birinciliyi keçiriləcək.Azərtac xəbər verir ki, birincilikdə 15 yaşından 21 yaşadək arzu edənlər birincilik uğrunda yarışa bilərlər.xeber100.com

UEFA Çempionlar Liqasının cavab görüşlərinə start verilib

Bu gün UEFA Çempionlar Liqasının səkkizdəbir final mərhələsinin cavab görüşlərinə start verilib.Azərtac xəbər verir ki, qitənin ən mötəbər klub turnirinin səkkizdəbir final mərhələsində Londonun “Arsenal” komandası Münxenin “Bavariya” klubunu qəbul edib. Digər oyunda isə “Real Madrid” komandası Neapolda “Napoli” klubunun qonağı olub.Hər iki oyun Bakı vaxtı ilə saat 23:45-də start götürüb.Qarşılaşmalarda aşağıdakı nəticələr qeyd alınıb: “Arsenal” (İngiltərə) – “Bavariya” (Almaniya) - 1:5 “Napoli” (İtaliya) – “Real” (Madrid, İspaniya) - 1:3xeber100.com

Türkiyə Super Liqasının 23-cü turunda…

İstanbulun “Qalatasaray” komandası üç oyunluq qələbə həsrətinə “Antalyaspor” ilə oyunda son qoyub. İstanbullular Türkiyə Super Liqasının 23-cü turunda Antalyada 3:2 hesabı ilə çətin qələbə qazanaraq xallarının sayını 43-ə çatdırıblar.Azərtac xəbər verir ki, “Qalatasaray” matçın 24-cü dəqiqəsində Brumanın qolu ilə hesabı açıb. Oyunun 36-cı dəqiqəsində Eren Derdiyok komandasının üstünlüyünü iki topa çatdırıb - 0:2. Lakin birinci hissənin başa çatmasına bir dəqiqə qalmış Mbilla bu fərqi azaldıb – 1:2.Fasilədən sonra – 53-cü dəqiqədə “Antalyaspor” Danilonun qolu ilə hesabı bərabərləşdirib – 2:2. Oyunun 84-cü dəqiqəsində istanbullular meydanda sayca azlıqda qalıblar. Hakim kobud oyuna görə ilk qolun müəllifi Brumanı ikinci sarı vərəqə ilə cəzalandıraraq meydandan kənarlaşdırıb. Lakin “Qalatasaray” oyunun qələbə qazana bilib. Matçın əsas vaxtına əlavə edilən hissənin sonunda - 96-cı dəqiqədə cərimə zərbəsindən ötürülən topu tora göndərən Eren Derdiyok ikinci dəfə fərqlənərək komandasına qələbə qazandırıb – 2:3.Beləliklə, “Qalatasaray” üç oyunluq qələbə həsrətinə son qoyaraq qalibiyyətə sevinib. İstanbullular bu oyundan əvvəlki üç görüşdə iki dəfə məğlub olub, bir oyunda isə heç-heçə etmişdilər (“Kayserispor” - 1:2, “Rizespor” – 1:1, “Beşiktaş” – 0:1). Hazırda 43 xalı olan “Qalatasaray” çempionatda üçüncü yerdədir. “Beşiktaş” 53 xalla birinci, “İstanbul Başakşehir” 49 xalla ikincidir. “Fənərbağça” isə 41 xalla dördüncü sıradadır.xeber100.com

“Stamford Bric” stadionunun yenidən qurulması layihəsi təsdiq edilib

Londonun meri Sadiq Xan “Çelsi” futbol klubunun ev oyunlarını keçirdiyi “Stamford Bric” stadionunun yenidən qurulması layihəsini təsdiq edib.BBC xəbər verir ki, 60 min tamaşaçı tutumuna malik yeni stadionun yenidən qurulmasına təqribən 500 milyon funt-sterlinq vəsaitin xərclənməsi nəzərdə tutulur.Layihəyə əsasən, klubun 41,5 min yerlik hazırkı stadionunun yerində yeni idman arenası inşa ediləcək. London təmsilçisi yeni stadionun inşasını 2021-2022-ci il mövsümünə qədər başa çatdırmağı planlaşdırır. Yeni stadionun layihəsi memarlar Hersoq və de Meuron tərəfindən hazırlanıb. Hər iki memar Pekində “Quş Yuvası” Olimpiya Stadionunun layihəsinin müəllifidir.Rusiyalı milyarder Roman Abramoviçin sahibi olduğu “Çelsi” klubunun 1905-ci ildən etibarən ev oyunlarını keçirdiyi “Stamford Bric” stadionunda sonuncu dəfə yenidənqurma işləri 1990-cı illərdə həyata keçirilib.xeber100.com

UEFA Çempionlar Liqasının ilk iki iştirakçısı müəyyənləşəcək

Martın 7-də UEFA Çempionlar Liqasının dörddəbir final mərhələsinin ilk iki iştirakçısı müəyyənləşəcək.Azərtac xəbər verir ki, qitənin ən mötəbər klub turnirinin səkkizdəbir final mərhələsində Londonun “Arsenal” komandası Münxenin “Bavariya” klubunu qəbul edəcək. Digər oyunda isə “Real Madrid” komandası Neapolda “Napoli” klubunun qonağı olacaq.Münxendə keçirilən ilk oyunda “Bavariya”ya 1:5 hesabı ilə məğlub olan “Arsenal”ın dörddəbir finala vəsiqə qazanması əsl möcüzə ola bilər. London təmsilçisinin baş məşqçisi Arsen Venger növbəti mərhələyə yüksəlməyin ancaq şans sayəsində reallaşa biləcəyini vurğulayaraq deyib: “Bizim hazırkı vəziyyətdə yeganə üstünlüyümüz heç bir şansımızın olmamasıdır. Buna görə də biz hücum etməli və qol vurmağa çalışmalıyıq. Biz Avropada həmişə ən yaxşı klublardan hesab edilən “Bavariya” ilə dörd dəfə qarşılaşmışıq və o, olduqca güclü rəqibdir. Biz hücumlarla özümüzə şans yaratmağa çalışacağıq. Söhbət bizim idman şərəfimizdən gedir və buna görə də 90 dəqiqə ərzində əlimizdən gələni etməliyik”.Madriddə “Napoli”ni 3:1 hesabı ilə məğlub edən “Real” da Napoliya yüksək əhval-ruhiyyədə gəlib. “Biz həmişə olduğu kimi, oyunda qələbə qazanmağa çalışacağıq. Bilirəm ki, oyunda çətinlik çəkəcəyik, ancaq buna hazırıq. Madriddəki qarşılaşmada ilk qolu “Napoli”nin vurmasına baxmayaraq, çox gözəl oynadıq. Bizim onların qoluna reaksiyamız möhtəşəm oldu. UEFA Çempionlar Liqasında həmişə inanılmaz ab-hava olur və bizim bu oyuna motivasiyamız xeyli yüksəkdir. Düşünürəm ki, biz çox gözəl oyun nümayiş etdirəcəyik”.Hər iki oyun Bakı vaxtı ilə saat 23:45-də start götürəcək.UEFA Çempionlar Liqasının səkkizdəbir final mərhələsi çərçivəsində digər cavab oyunları isə martın 8-də, 14-də və 15-də keçiriləcək.xeber100.com