“Yuventus” klubu yeni müqavilə imzalamağa hazırlaşır

“Yuventus” klubu futbolçusu Paulo Dibala ilə müqaviləni yeniləməyə hazırlaşır.Azərtac xəbər verir ki, Turin təmsilçisi 23 yaşlı hücumçunun agenti ilə danışıqlara başlayıb. Onunla 4 illik yeni müqavilə imzalanacaq. İtaliyalı futbolçu yeni müqavilə ilə ilinə 7 milyon avro qazanacaq.Xatırladaq ki, P.Dibala bundan əvvəl “Yuventus”la müqavilənin müddətini uzadacağını açıqlamışdı.xeber100.com

İsrail Voleybol Liqasının məlumatına görə…

Azərbaycanın voleybol üzrə qadınlardan ibarət yığmasının baş məşqçisi Aleksandr Çervyakov İsrail çempionu “Makkabi” klubuna (Hayfa) başçılıq edib.Azərtac İsrail Voleybol Liqasının mətbuat xidmətinə istinadla xəbər verir ki, 59 yaşlı Azərbaycan mütəxəssisinin müqaviləsi mövsümün sonuna qədər nəzərdə tutulub. A.Çervyakov öz karyerası ərzində ilk dəfə Azərbaycanın hüdudlarından kənarda işləyir. Əvvəllər o, Bakının “Azərreyl” və “Azəryol” komandalarının məşqçisi olub, 2013-cü ildə Azərbaycan milli yığmasına başçılıq edib.xeber100.com

Avropa İttifaqı İcraiyyə Komitəsinin toplantısı keçirilib

Maltada İdman Mətbuatı üzrə Avropa İttifaqının (AIPS EUROPE/UEPS) İcraiyyə Komitəsinin toplantısı keçirilib.Azərtac xəbər verir ki, tədbirin birinci günündə UEPS-in və Malta İdman Jurnalistləri Assosiasiyasının təşkilatçılığı ilə seminar baş tutub. Yerli media nümayəndələrinin də qatıldıqları seminarda Belarus Milli Olimpiya Komitəsinin nümayəndəsi, UEPS İcraiyyə Komitəsinin üzvü Nastasiya Marinina 2018-ci ildə Minskdə keçiriləcək ikinci Avropa Oyunlarına hazırlıq barədə məlumat verib və videoçarx nümayiş olunub. N.Marinina vurğulayıb ki, Azərbaycandan sonra bu missiyanı üzərimizə götürmək olduqca çətin və məsuliyyətlidir. Biz Oyunları mümkün qədər maraqlı keçirməyə çalışacağıq. Lakin hər dəfə Bakıda gördüklərimizi göz önünə gətirəndə hansı məsuliyyətin altına girdiyimizin fərqinə varmaya bilmirik. İndidən deyim ki, biz Bakını təkrarlaya bilməyəcəyik.Serbiya Milli Televiziyasının idman şərhçisi Predraq Milinkoviz iştirakçısı olduğu və şərh etdiyi Dakar rallisində kadrarxası riskli məqamlardan, idman telejurnalistikasının ekstremal vəziyyətlərdə iş həyatından danışıb və bu barədə nadir kadrları nümayiş etdirib.Malta İdman Jurnalistləri Assosiasiyasının prezidenti, UEPS-in baş katibi Çarles Kamenzulinin və milli təşkilatın baş katibi Sandro Micallefin rəhbərliyi ilə seminar iştirakçıları və İcraiyyə Komitəsinin üzvləri arasında səmərəli fikir mübadiləsi olub.xeber100.com

Yunan-Roma güləşi üzrə mübarizə davam edir

Bakı İdman Sarayında gənclər arasında sərbəst və yunan-Roma güləşi üzrə Azərbaycan birinciliyi davam edir.Azərtac xəbər verir ki, yarışın ikinci günündə yunan-Roma güləşi üzrə 169 pəhləvan mübarizə aparır.Turnirdə klub və cəmiyyətlərin yığma komandalarının üzvü olan 1997-1999-cu il təvəllüdlü idmançılar iştirak edirlər. Bütün çəki dərəcələrində mükafatçılar sırasında düşə bilən idmançılar medal və diplomla yanaşı, AGF tərəfindən pul mükafatı ilə təltif olunacaq və yığma komandanın heyətinə cəlb ediləcəklər.xeber100.com

UEFA Avropa Liqasında final mərhələsinin cavab matçları oynanılıb

Futbol üzrə UEFA Avropa Liqasında 1/16 final mərhələsinin cavab matçları oynanılıb.Azərtac xəbər verir ki, ötən gün baş tutan 3 qarşılaşmadan sonra daha 13 görüş keçirilib.Oyunların nəticələrini diqqətinizə çatdırırıq: “Osmanlıspor” (Türkiyə) – “Olimpiakos” (Yunanıstan) - 0:3 İlk oyun – 0:0 “Ayaks” (Hollandiya) – “Legiya” (Polşa) - 1:0 İlk oyun – 0:0 APOEL (Kipr) – “Atletik” (İspaniya) - 2:0 İlk oyun – 2:3 “Roma” (İtaliya) – “Vilyarreal” (İspaniya) - 0:1 İlk oyun – 4:0 “Beşiktaş” (Türkiyə) – “Hapoel” (Beer-Şeva, İsrail) - 2:1 İlk oyun – 3:1 “Zenit” (Rusiya) – “Anderlext” (Belçika) - 3:1 İlk oyun – 0:2 “Kopenhagen” (Danimarka) – “Ludoqorets” (Bolqarıstan) - 0:0 İlk oyun – 2:1 “Fiorentina” (İtaliya) – “Borussiya” (Mönhenqladbax, Almaniya) - 2:4 İlk oyun – 1:0 “Genk” (Belçika) – “Astra” (Rumıniya) - 1:0 İlk oyun – 2:2 “Lion” (Fransa) – “Alkmaar” (Hollandiya) - 7:1 İlk oyun – 4:1 “Şaxtyor” (Ukrayna) – “Selta” (İspaniya) - 0:1 İlk oyun – 1:0 “Sparta” (Çexiya) – “Rostov” (Rusiya) - 1:1 İlk oyun – 0:4 “Tottenhem” (İngiltərə) – “Gent” (Belçika) - 2:2 İlk oyun – 0:1(xeber100.com)

Azərbaycan yığmalarının yoxlama oyunu keçirilib

Seleksiya xarakterli təlim-məşq toplanışında olan 19 və 17 yaşadək futbolçulardan ibarət Azərbaycan yığmalarının yoxlama oyunu keçirilib.AFFA-dan Azərtac-a bildiriblər ki, oyundan əvvəl AFFA-nın Məşqçilər Komitəsinin sədri Vaqif Sadıqov, komitənin üzvləri Ağasəlim Mircavadov və Şakir Qəribov hər iki komandanın heyəti ilə görüşüb, müvafiq tövsiyələrini veriblər.xeber100.com

Hava və Ekstremal İdman Növləri Federasiyasının təşkilatçılığı ilə…

Azərbaycan Hava və Ekstremal İdman Növləri Federasiyasının (FAIREX) təşkilatçılığı ilə martın 4-5-də idman dırmanması üzrə “Ümid” yarışı keçiriləcək.FAIREX-dən Azərtac-a bildiriblər ki, dırmanmaya yeni başlayan şəxslər arasında keçiriləcək yarışın əsas məqsədi Azərbaycanda idmanın bu növünü geniş təbliğ etmək, gəncləri və yeniyetmələri cəlb etməkdir. İdman dırmanmasının boldrinq növü üzrə keçiriləcək yarışda 12 yaşdan yuxarı şəxslər iştirak edə bilərlər.Qaliblər FAIREX tərəfindən hədiyyələr və diplomlarla mükafatlandırılacaqlar.xeber100.com

Tələbə Futbol Federasiyasının təşkilatçılığı ilə…

Tələbə Futbol Federasiyasının təşkilatçılığı ilə ali təhsil müəssisələrinin və kolleclərin tələbələri arasında Azərbaycan çempionatının fevralın 22-də açılış mərasimi keçirilib.Azərtac xəbər verir ki, “Bayıl Arena”da keçirilən tədbirdə çıxış edən təhsil nazirinin müavini F.Qurbanov yarışı açıq elan edib, çempionatda mübarizə aparan komandalara uğurlar arzulayıb.Mərasimdə xüsusi qonaq qismində çıxış edən Regional Futbol Federasiyası İctimai Birliyinin prezidenti İsgəndər Cavadov topa ilk zərbəni vurub.İlk oyunda Azərbaycan Dövlət Bədən Tərbiyəsi və İdman Akademiyasının və Azərbaycan Tibb Universitetinin komandaları qarşılaşıb. Görüşdə Akademiyanın tələbələri 6:0 hesabı ilə qalib gəliblər.xeber100.com

UEFA Avropa Liqasında 1/16 final mərhələsində…

Bu gün futbol üzrə UEFA Avropa Liqasında 1/16 final mərhələsinin cavab oyunlarına start verilib.Azərtac xəbər verir ki, iki gün davam edəcək mərhələnin ilk oyun günündə 3 qarşılaşma keçirilib.stanbulda “Fənərbağça” Rusiyanın “Krasnodar” komandasını qəbul edib və oyun 1:1 hesabı ilə başa çatıb. Öz meydanında Türkiyə təmsilçisi üzərində 1:0 hesablı qələbə qazanmış “Krasnodar” səkkizdəbir finala vəsiqə qazanıb.Almaniyanın “Şalke” və İngiltərənin “Mançester Yunayted” klubları da növbəti mərhələyə keçən tərəf olublar. Bu klublar müvafiq olaraq PAOK (Yunanıstan) və “Sent Etyen”i (Fransa) mübarizədən kənarlaşdırıblar. “Şalke” öz meydanında Yunanıstan klubunun müqavimətini qıra bilməsə də (1:1), səfərdə qazandığı 3:0 hesablı qələbə sayəsində növbəti mərhələyə adlayıb. “Mançester Yunayted” isə öz meydanında olduğu kimi (3:0), səfərdə də “Sent-Etyen”i məğlub edib – 1:0.Mərhələnin digər görüşləri fevralın 23-də keçiriləcək.

Futbol üzrə final mərhələsinin ilk oyunlarına yekun vurulub

Fevralın 22-də futbol üzrə UEFA Çempionlar Liqasının səkkizdəbir final mərhələsinin ilk oyunlarına yekun vurulub.Azərtac xəbər verir ki, Portuqaliyanın “Porto” komandası öz meydanında İtaliyanın “Yuventus” klubuna 0:2 hesabı ilə uduzub. Matçın 27-ci dəqiqəsində “Portu”nun müdafiəçisi Aleks Telles qırmızı vərəqə alaraq komandasını azlıqda qoyub. Bundan istifadə edən turinlilər matçın 72-ci dəqiqəsində Pyaka ilə hesabı açıblar. Bu qoldan 2 dəqiqə sonra isə meydana yenicə daxil olan Dani Alveş komandasının ikinci qolunu vurub.Günün digər qarşılaşması isə İspaniyada keçirilib. “Sevilya” doğma meydanda “Lester” (İngiltərə) ilə üz-üzə gəlib. Görüş meydan sahiblərinin 2:1 hesablı qələbəsi ilə başa çatıb.Bununla da səkkizdəbir final mərhələsinin ilk oyunları başa çatıb. Bu mərhələnin digər matçları aşağıdakı kimi nəticələnib: “Benfika” (Portuqaliya) - “Borussiya Dortmund” (Almaniya) - 1:0 “PSJ” (Fransa) -“Barselona” (İspaniya) - 4:0 “Bavariya” (Almaniya) - “Arsenal” (İngiltərə) - 5:1 “Real Madrid” (İspaniya) - “Napoli” (İtaliya) - 3:1 “Bayer Leverkuzen” (Almaniya) - “Atletiko Madrid” (İspaniya) – 2:4 “Mançester Siti” (İngiltərə) - “Monako” (Fransa) - 5:3. Qeyd edək ki, səkkizdəbir final mərhələsinin cavab qarşılaşmaları martın 7-8-i və 14-15-də keçiriləcək.xeber100.com