Beynəlxalq turnirdə millimizin rəqibi bəlli olub

Sankt-Peterburqda Valentin Qranatkinin xatirəsinə həsr olunmuş beynəlxalq turnirdə çıxış edən 1999-cu il təvəllüdlü futbolçulardan ibarət millimizin növbəti rəqibi bəlli olub.Azərtac xəbər verir ki, “C” qrupunda 3 oyundan sonra 1 xalla sonuncu sırada qərarlaşan komandamız İran yığması ilə qarşılaşacaq.Cənub qonşularımız son matçda moldovalı həmyaşıdlarına 5:0 hesabı ilə qalib gələrək qrupda 3-cü yeri tutub və 9-16-cı yerlər uğrunda mübarizədə millimizə rəqib olub.xeber100.com

Qılıncoynatma Federasiyasının təşkilatçılığı ilə…

Yanvarın 14-də Azərbaycan Qılıncoynatma Federasiyasının təşkilatçılığı ilə gənclər arasında sablya üzrə ölkə birinciliyi keçirilib.Azərtac xəbər verir ki, yarışın açılış mərasimində Federasiyanın vitse-prezidenti Y.Məmmədov, Gənclər və İdman Nazirliyinin nümayəndəsi Y.Hüseynov turnirin əhəmiyyətini yüksək qiymətləndirib.Gərgin idman mübarizəsi şəraitində keçən birincilikdə oğlanların yarışında 12 nəfər mübarizə aparıb. Yekunda X.Əsədov qalib gələrək birinci yeri tutub.On bir idmançının gücünü sınadığı qızların yarışında isə Fatimə İbrahimova rəqiblərinə qalib gələrək çempion olub.Qaliblər Azərbaycan Qılıncoynatma Federasiyası tərəfindən diplom və mükafatla təltif edilib.xeber100.com

Güləş Federasiyasının təşkilatçılığı ilə…

Yanvarın 13-də Bakı İdman Sarayında sərbəst və yunan-Roma güləşi üzrə böyüklər arasında Azərbaycan çempionatına yekun vurulub.Azərtac xəbər verir ki, Azərbaycan Güləş Federasiyasının (AGF) təşkilatçılığı ilə keçirilən yarışda 18 yaşı tamam olan və yuxarı yaşlı idmançılar iştirak ediblər. Şəxsi xarakter daşıyan yarışda idman cəmiyyət, klub və təşkilatlarının, şəhər və rayon yığma komandalarının tərkibinə daxil olan güləşçilər mübarizə aparıblar.Çempionatın sonuncu günündə yunan-Roma güləşi yarışlarında 75, 80, 85, 98 və 130 kiloqram çəki dərəcələri üzrə 84 idmançı mübarizə aparıb.xeber100.com  

Futbol üzrə XVI turun oyunları keçirilir

Futbol üzrə İran çempionatında XVI turun oyunları keçirilir.Azərtac xəbər verir ki, Təbrizi təmsil edən “Traktorsazi” bu tur səfərdə “İstiqlal” (Xuzestan) komandasının qonağı olub. Oyun təbrizlilərin 1:0 hesablı qələbəsi ilə başa çatıb.“Traktorsazi” bu qələbə sayəsində xallarının sayını 33-ə çatdıraraq, turnir cədvəlinin zirvəsinə yüksəlib.xeber100.com

“Arsenal” klubu müqaviləni uzadıb

İngiltərənin “Arsenal” klubu üç futbolçusu ilə müqaviləni uzadıb.Azərtac xəbər verir ki, fransalı oyunçular Olivye Jiru, Loran Kosyelni və Fransis Koklenlə müqavilənin müddəti artırılıb. Amma müddətin nə qədər artırıldığı haqda məlumat verilməyib.Müqavilənin imzalanması prosesində klubun baş məşqçisi Arsen Venger də iştirak edib.xeber100.com

Futbol üzrə dünya çempionatında…

FIFA-nın 2026-cı ildən başlayaraq futbol üzrə dünya çempionatında komandaların sayının artırılması ilə bağlı çıxardığı qərar hələ də idman ictimaiyyətində birmənalı qarşılanmır.“Sportbild” xəbər verir ki, məsələyə münasibət bildirən Münxenin “Bavariya” futbol klubunun prezidenti Uli Höness də ali futbol qurumunun qərarını qınayanlar arasında yer alıb: “Hesab edirəm ki, bu, icrası mümkün olmayan qərardır. Düşünmürəm ki, mundialda 48 güclü komanda olacaq. Bundan başqa, əsas məsələ futbolçuların sağlamlığıdır. Onların belə formatda oynaya biləcəkləri şübhə doğurur”.Almaniyanın ən titullu klubunun təmsilçisi hələ qərar qəbul olunmazdan əvvəl Avropa Klublar Assosiasiyasının adından FIFA-ya etiraz məktubu göndərmişdi. Ancaq “Barselona” və “Real” bu məktubla razılaşmadıqlarını ifadə etmişdilər.xeber100.com

“İnter” futbol klubunun təlim-məşq toplanışı davam edir

Bakının “İnter” futbol klubunun Antalyada təlim-məşq toplanışı davam edir.Klubdan Azərtac-a bildiriblər ki, komandamızın hazırlıq prosesi çərçivəsində keçirəcəyi yoxlama oyunlarındakı rəqibləri müəyyənləşib. Belə ki, “İnter” yanvarın 15-də “Ordubaşı” (Qazaxıstan), üç gün sonra “Botoşani” (Rumıniya), yanvarın 19-da “İstiqlol” (Tacikistan) və yanvarın 21-də “Orenburq” (Rusiya) komandaları ilə yoxlama oyununda gücünü sınayacaq.xeber100.com

Azərbaycan yığması yoxlama oyunu keçirib

Antalyada təlim-məşq toplanışında olan 21 yaşadək futbolçulardan ibarət Azərbaycan yığması yoxlama oyunu keçirib.AFFA-dan Azərtac-a bildiriblər ki, yığmamız Almaniyanın “Rot Veis Erfurt” komandası ilə qarşılaşıb.Görüşdə hesab açılmayıb.xeber100.com

“Hürriyyət” qəzeti yazır…

Çin Super Liqası güclənməkdə davam edir.“Hürriyyət” qəzeti xəbər verir ki, keçən mövsüm 40 milyon avroya Madridin “Atletiko” komandasından “Barselona”ya keçən Arda Turan daha bir transfer astanasındadır. Katalon klubunun türkiyəli futbolçusu Arda Turan karyerasını Çində davam etdirə bilər.O, Çinin “Şanxay Şenxua” klubu ilə razılığa gəlib. Üçillik müqaviləyə əsasən, Ardanın Çində bir mövsüm üçün məvacibi 20 milyon avro təşkil edəcək. Hazırda “Şanxay Şenxua”nın “Barselona” ilə yekun məbləğə dair danışıqlar apardığı bildirilir. Tərəflər 29 yaşlı futbolçunun transferi üçün nə qədər kompensasiya ödəniləcəyini müzakirə edirlər.2015-ci ildən İspaniya təmsilçisinin heyətində çıxış edən Arda cari mövsümdə 21 oyun keçirib. Onun aktivində 11 qol və 7 məhsuldar ötürmə var.xeber100.com

Cüdo Federasıyasının məlumatı…

Yanvarın 12-də “Sərhədçi” Olimpiya İdman Kompleksində cüdo üzrə gənclər arasında Bakı şəhər açıq birinciliyinə start verilib.Azərbaycan Cüdo Federasıyasından Azərtac-a bildiriblər ki, ilin ilk yarışı iki gün davam edəcək. Paytaxt birinciliyində 200-ə yaxın cüdoçu qüvvəsini sınayır.Yarışın ilk günündə qızların mübarizəsində bütün çəki dərəcələrində qaliblər müəyyənləşib. Oğlanların yarışında isə 55 və 60 kiloqram çəki dərəcələrində qarşılaşmalar başa çatıb.xeber100.com