“Caspian Agro 2018” sərgisi keçiriləcək

Mayın 16-dan 18-dək Bakı Ekspo Mərkəzində kənd təsərrüfatı və qida məhsullarının nəhəng regional forumu – XII Azərbaycan Beynəlxalq Kənd Təsərrüfatı “Caspian Agro 2018” sərgisi keçiriləcək.Bu barədə Azərtac-a sərginin təşkilatçısı “Caspian Event Organisers” şirkətindən açıqlama verilib.Məlumata əsasən, sərgi aqrar sektorun ən müxtəlif sahələrini təmsil edən şirkətlər üçün nəzərdə tutulmuş kənd təsərrüfatı texnikasının, habelə avadanlıq və texnoloji həll variantlarının tematik nümayişini təmin edən ən iri regional platforma statusunu bir daha təsdiq edəcək.Həmçinin tərəvəzçilik, sənaye təyinatlı bağçılıq və üzümçülük sahələri üçün müasir kənd təsərrüfatı texnologiyalarını təqdim edən bu sərgi layihəsinin məqsədi meyvə-tərəvəz biznesinin sahə və bağlardan tutmuş istehlakçılara qədər bütün prosesi çərçivəsində həm yerli, həm də qlobal müstəvidə mövcud olan ən yaxşı məhsul və xidmətləri nümayiş etdirməkdir.Azərbaycan Respublikası Kənd Təsərrüfatı Nazirliyi “Caspian Agro” sərgisinə yaxından dəstək göstərir. Həmçinin sərgi BMT-nin Ərzaq və Kənd Təsərrüfatı Təşkilatı (FAO), Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) tərəfindən dəstəklənir.Bu il “Caspian Agro 2018” sərgisində Azərbaycan, Almaniya, ABŞ, Belarus, Çin, Gürcüstan, Niderland, İtaliya, İspaniya, Rusiya, Türkiyə və digər ölkələri təmsil edən kənd təsərrüfatı məhsul və avadanlıqlarının istehsalçı və distribütorları iştirak edəcəklər. İlk dəfə sərgidə Vyetnamın da məhsulları nümayiş olunacaq.xeber100.com

“AtaBank” güzəşt kampaniyasına başlayıb

Daim müştərilərinin qeydinə qalan və Azərbaycan xalqına töhfələrini verən "AtaBank" Novruz Bayramı münasibətilə müştərilərinə bayram sevinci yaşatmaq məqsədilə 2015-ci il dekabrın 20-dək verilmiş və ya restrukturizasiya edilmiş, əsas borc məbləği 100.000 ABŞ dollarınadək olan kreditlərə güzəşt kampaniyasına başlayıb.Bankdan Azərtac-a bildiriblər ki, kampaniya lombard və əmanət girovu ilə verilmiş kreditlərə şamil olunmur. Kampaniya martın 30-dək davam edəcək. Ətraflı məlumat almaq istəyənlər banka müraciət edə bilərlər.1993-cü ildən fəaliyyət göstərən "AtaBank" ASC 100 faiz yerli kapitala malik, qabaqcıl texnologiyalı universal Azərbaycan bankıdır. Bank Bakıda və ölkənin müxtəlif regionlarında 31 filial və şöbəsi vasitəsilə korporativ və fərdi müştərilərə tam xidmətlər spektrini təqdim edir.xeber100.com

Azərbaycan-Hindistan məhsullarının sərgisi açılıb

Martın 13-də “Amay” Ticarət Mərkəzində Hindistanın PHD Ticarət və Sənaye Palatasının (PHDCCI) eksklüziv Hindistan məhsullarının nümayişi və sərgisi açılıb.Azərtac xəbər verir ki, Hindistanın Azərbaycandakı səfiri Sanjay Rana jurnalistlərə müsahibəsində bildirib ki, PHD Ticarət və Sənaye Palatası Azərbaycanda yeni partnyorlar axtarışındadır.Səfir qeyd edib ki, “Hindistanın Ən Yaxşıları – Eksklüziv Hindistan Məhsulları” sərgisində 95 şirkət müxtəlif məhsullar təqdim edirlər. Bu məhsullara elektrik və elektronik məhsullar, velosiped, düyü, çay, ədviyyat, qablaşdırma, əczaçılıq, hədiyyə və əl işləri, dəftərxana ləvazimatları, ev mebelləri, tekstil və geyim, zərgərlik məhsulları, kosmetika daxildir.“Azərbaycan və Hindistan arasında iqtisadi və ticarət əlaqələrinin, biznes əməkdaşlığının genişləndirilməsi və daha da möhkəmləndirilməsi məqsədilə Hindistan-Azərbaycan biznes-forumu çərçivəsində PHD Ticarət Palatası ilə Azərbaycan Sahibkarlar (İşəgötürənlər) Təşkilatları Milli Konfederasiyası (ASK), Azərbaycan Respublikasının Ticarət və Sənaye Palatası və Azərbaycan İxracın və İnvestisiyaların Təşviqi Fondu (AZPROMO) arasında Anlaşma Memorandumu imzalanacaq”, - deyə Sanjay Rana söyləyib.Xatırladaq ki, bu tədbirlər Hindistan Hökumətinin Ticarət və Sənaye Nazirliyinin, Azərbaycan Sahibkarlar (İşəgötürənlər) Təşkilatları Milli Konfederasiyasının (ASK), Azərbaycan Respublikasının Ticarət və Sənaye Palatasının və Azərbaycan İxracın və İnvestisiyaların Təşviqi Fondunun (AZPROMO) dəstəyi ilə Azərbaycan və Hindistan arasında ikitərəfli biznes əməkdaşlığı çərçivəsində keçirilir.Sərgi martın 16-dək davam edəcək.xeber100.com

“Buta Airways” aviaşirkəti birbaşa uçuşlara başlayır

“Buta Airways” 2018-ci il iyunun 7-dən etibarən Türkiyənin məşhur kurort şəhəri – Alanyaya birbaşa uçuşlara başlayır.“Buta Airways” aviaşirkətinin mətbuat xidmətindən Azərtac-a bildirilib ki, aviaşirkətin digər istiqamətləri kimi Bakı-Alanya (Qazipaşa hava limanı) istiqaməti üzrə də minimal tarif 29 avro (bir tərəfə) təşkil edəcək. Uçuşlar həftədə iki dəfə - cümə axşamı və şənbə günləri həyata keçiriləcək.Aviabiletləri artıq aviaşirkətin rəsmi internet saytında, həmçinin satış ofislərində əldə etmək mümkündür.Loukost aviaşirkət olaraq, minimal tarifdə baqajın, əl yükünün daşınması, təyyarə göyərtəsində isti yeməklər, hava limanında qeydiyyat, eləcə də təyyarədə yer seçimi kimi əlavə xidmətlər ödəniş müqabilində təklif edilir.Alanya Aralıq dənizi sahilində gözəl şərq şəhəri və eyni zamanda Türkiyənin yazdan payıza kimi istirahət edə biləcəyiniz sərfəli kurortudur. Müxtəlif çalarlı isti dəniz, mavi bayraqlarla işarələnən möhtəşəm çimərliklər, gözəl mənzərələr, maraqlı çoxəsrlik tarix, su əyləncələri, parlaq gecə həyatı turistlərə buradakı istirahətini uzun müddət xatırladacaq.xeber100.com

Bakı Nəqliyyat Agentliyinin məlumatı

Bakıda bir sıra avtobus dayanacaqlarına xəbərdarlıq elanları vurulub.Azərtac xəbər verir ki, bu barədə Bakı Nəqliyyat Agentliyindən məlumat verilib.Bildirilib ki, “Tütün məmulatlarının istifadəsinin məhdudlaşdırılması haqqında” Azərbaycan Respublikası qanunun tələbinə uyğun olaraq Bakı Nəqliyyat Agentliyi tərəfindən quraşdırılan dayanacaq pavilyonlarına siqaret çəkməyin qadağan olunduğunu bildirən xəbərdarlıq elanları vurulub.xeber100.com

“Azərişıq” ASC ehtiyat tədbirlərini gücləndirəcək

Novruz bayram günlərində istehlakçılar fasiləsiz elektrik enerjisi ilə təmin olunacaq.“Azərişıq” ASC Novruz bayramı günlərində ehtiyat tədbirlərini gücləndirəcək. Bayram və qeyri-iş günlərində enerji istehlakçılarının, habelə bayram tədbirlərinin keçirildiyi yerlərin fasiləsiz elektrik enerjisi ilə təchiz olunması məqsədilə Bakı şəhərində və regionlarda təşkilatı və texniki tədbirlər görülüb. Eyni zamanda, martın 20-dən 27-dək “Azərişıq” ASC-nin Mərkəzi Aparatı və Rayon Enerji Təchizatı və Satışı idarələri üzrə məsul vəzifəli şəxslərdən ibarət növbətçilik təşkil edilib.ASC-nin mətbuat xidmətindən Azərtac-a bildirilib ki, bayram günlərində enerji istehlakçılarının, bayram tədbirlərinin keçiriləcəyi yerlərin fasiləsiz elektrik enerjisi ilə təchiz olunmasını, habelə baş verə biləcək hər hansı qəza hadisəsinin qarşısının alınması üçün zəruri tədbirlər görülüb, elektrik şəbəkəsinin normal rejiminin təmin olunması məqsədilə RETSİ-lər üzrə təşkil edilmiş növbətçilik üzərində nəzarət gücləndiriləcək. Bayram tədbirlərinin keçirildiyi günlərdə Texniki Direktorluğa tabe olan xidmət sahələrində və Avtonəqliyyat İdarəsində növbətçilik təşkil edilərək, zəruri mal-materialların ehtiyatı yaradılacaq.Baş vermiş qəzaların nəticələrinin aradan qaldırılması halları istisna olmaqla, bayram günlərində tədbirlərin keçirildiyi yerlərdə aparılması planlaşdırılan yenidənqurma və əsaslı təmir-tikinti işləri müvəqqəti olaraq dayandırılacaq.xeber100.com

Dünya birjalarında neftin qiyməti…

Dünya birjalarında neftin qiyməti bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,04 dollar bahalaşaraq 65,73 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti də 0,04 dollar artaraq 62,24 dollar təşkil edib.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, martın 12-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 1 milyard 131,7 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 8,01 faiz təşkil edib.xeber100.com

XXIV Beynəlxalq Qida Sənayesi Sərgisi keçiriləcək

Mayın 16-dan 18-dək “Bakı Ekspo” Mərkəzində regionun qida sənayesi üzrə mühüm və əhəmiyyətli tədbirlərindən biri - Azərbaycan Beynəlxalq Qida Sənayesi “WorldFood Azerbaijan 2018” sərgisi keçiriləcək.Keçirildiyi 24 il ərzində sərgi Xəzəryanı regionda qida sənayesi üzrə aparıcı və irimiqyaslı təbdir mövqeyini daha da möhkəmləndirməyə müvəffəq olub. Sərgi Azərbaycan Respublikası Kənd Təsərrüfatı Nazirliyi, Azərbaycanda İxracın və İnvestisiyaların Təşviqi Fondu (AZPROMO), Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) və Azərbaycan Respublikasının Qida Təhlükəsizliyi Agentliyi tərəfindən dəstəklənir. Sərginin təşkilatçıları qismində “Iteca Caspian” və “ITE Group” şirkətləri çıxış edirlər.“Iteca Caspian”dan azərtac-a bildirilib ki, tədbirdə dünyanın 20 ölkəsini təmsil edən iştirakçılar yerli və xarici istehsalçıların geniş çeşidli məhsullarını nümayiş etdirəcəklər.xeber100.com  

“Bakcell” şirkəti əmək yarmarkasına qatılıb

Azərbaycanın ilk mobil operatoru və aparıcı mobil internet provayderi “Bakcell” Qərbi Kaspi Universitetinin təşkil etdiyi əmək yarmarkasında iştirak edib.Şirkətdən Azərtac-a bildirilib ki, özünün genişmiqyaslı korporativ sosial fəaliyyətinə görə seçilən “Bakcell” şirkəti Azərbaycan gənclərinin təhsili və peşəkar inkişafını diqqət mərkəzində saxlayır. Bu fəaliyyətin davamı olaraq “Bakcell” martın 10-da Qərbi Kaspi Universitetinin təşkil etdiyi əmək yarmarkasında iştirak edib. Müxtəlif sahələri təmsil edən 50-dən artıq nüfuzlu şirkətin qatıldığı əmək yarmarkasında universitetin tələbə və məzunlarına “Bakcell” şirkətinin satış və marketinq departamentlərində mövcud vakansiya və təcrübə imkanları barədə məlumat verilib. Həmçinin gənclər “Bakcell” şirkətinin öz müştərilərinə və xidmətlərinə innovativ yanaşma üsulları barədə geniş məlumatla tanış olublar. Karyera sərgisindəki “Bakcell” stendi iştirakçıların böyük marağına səbəb olub.Qeyd edək ki, “Bakcell” və Qərbi Kaspi Universiteti arasında 2017-ci il dekabrın 14-də Anlaşma Memorandumu imzalanıb. Memoranduma əsasən, tərəflər arasında elm, təhsil, kadr məsələləri və qarşılıqlı maraq kəsb edən digər sahələrdə əməkdaşlığın qurulması nəzərdə tutulur. Bu əməkdaşlıq çərçivəsində görüləcək işlər ölkəmizdə təhsil və iqtisadiyyatın inkişafı üçün faydalı olmaqla yanaşı, Azərbaycan gənclərinin əmək bazarına uyğun mütəxəssis olaraq yetişdirilməsinə töhfə verəcək.“Bakcell” şirkəti gənclərin təhsil almasına və karyera qurmasına dəstək göstərir və beləliklə Azərbaycan gənclərinin parlaq gələcəyinə öz töhfəsini verir.xeber100.com