“HOREX Caucasus 2018” keçiriləcək

Aprelin 5-dən 7-dək Bakı Ekspo Mərkəzində 12-ci Qafqaz beynəlxalq mehmanxana, restoran və supermarketlər üçün avadanlıq və ləvazimat sərgisi - “HOREX Caucasus 2018” keçiriləcək.“Iteca Caspian” şirkətindən Azərtac-a bildirilib ki, Cənubi Qafqaz və Xəzəryanı regionun yeganə ixtisaslaşmış tədbiri olan “HOREX Caucasus” sərgisi məhsul və xidmətlərin təqdim olunması, aparıcı sənaye şirkətləri, eləcə də alıcı və tərəfdaşlarla səmərəli fikir və təcrübə mübadiləsi, bazarın rəqabət qabiliyyətinin təhlili və möhkəm işgüzar əlaqələrin qurulması üçün əla imkan yaradır. Sərgini hər il bir çox istehsalçı şirkətlər, məhsul təchizatçıları, ekspertlər, eləcə də geniş istehlakçı auditoriyası ziyarət edir.Sərgi Mədəniyyət və Turizm Nazirliyi, həmçinin Azərbaycanda İxracın və İnvestisiyaların Təşviqi Fondu və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası tərəfindən dəstəklənir. Sərginin təşkilatçıları “Iteca Caspian” və onun Böyük Britaniyadan olan tərəfdaşı “ITE Group” şirkətləridir.Bu il sərgidə qəhvə, qəhvə maşınları, trüfel (göbələk növü) və trüfel məhsulları, yuyucu vasitələr, peşəkar təmizlik avadanlığı, qab-qacaq, habelə otel, restoran və kafe - HoReCa sektoru üçün havatəmizləyici filtrlər təqdim edən Azərbaycan, İtaliya, Rusiya, Türkiyə və digər ölkələrin şirkətləri iştirak edəcək.Sərgi çərçivəsində tədbir iştirakçıları ilə yerli şirkətlər arasında ikitərəfli görüşlər, “Azerbaijan Coffee Days” (“Azərbaycanda qəhvə günləri”) mövzusunda seminar və ilk dəfə olaraq barista çempionatı keçiriləcək. Bu yarışmada qəhvə növlərini düzgün yanaşma əsasında hazırlamağı bacaran peşəkarlar öz məharətlərini nümayiş etdirəcəklər.Beləliklə, “HOREX Caucasus” sərgisi Azərbaycanda intensiv inkişaf edən otel biznesinin tələbatını əks etdirməklə yanaşı, Azərbaycanın otel və restoran sənayesinin peşəkarları üçün ideal işgüzar platformaya çevriləcək.xeber100.com

“Azeri Light” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,15 dollar azalaraq 66,58 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,59 dollar ucuzlaşaraq 65,20 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,53 dollar azalaraq 62,07 dollar təşkil edib.xeber100.com

Bakı Şopinq Festivalının tarixi açıqlanıb

Bakıda üçüncü dəfə təşkil olunacaq şopinq festivalının tarixi açıqlanıb.Azərbaycan Konqreslər Bürosundan Azərtac-a bildirilib ki, növbəti şopinq festivalı mayın 1-dən 31-dək keçiriləcək. Hər zaman olduğu kimi, yerli əhali və turistlər bu festivalda da iştirak etməklə rəngarəng və əlverişli fürsətlər qazanacaqlar. Budəfəki festivalda Bakıda yerləşən 800-ə yaxın mağaza iştirak edəcək. Alıcılar bu mağazalardan yüksək keyfiyyətli geyim, elektronika, məişət texnikası, mebel, ətriyyat və kosmetika, eləcə də digər məhsulları yalnız Bakı Şopinq Festivalı günlərində mövcud olan xüsusi kampaniya və endirimlərlə əldə edə biləcəksiniz. Festival zamanı həm yerli, həm də xarici vətəndaşlar endirimlərdən faydalanmaqdan əlavə “Baku Shopping Festival – Tax- Free” nişanı olan mağazalardan etdikləri hər 100 AZN-dən çox alış-veriş zamanı Əlavə Dəyər Vergisinin (ƏDV) müəyyən qismini geri ala biləcəklər. Həmin məbləği nağd və bank hesabına - karta köçürmə yolu ilə əldə etmək mümkündür. Beləliklə, Bakı Şopinq Festivalı zamanı bəyəndiyiniz malları digər dövrlərdən qat-qat sərfəli qiymətlərlə ala biləcəksiniz.Xatırladaq ki, ƏDV qaytarılması yalnız “Baku Shopping Festival – Tax-Free” nişanı olan mağazalarda mümkündür. Bütün bunlarla yanaşı, festival zamanı dəyərli hədiyyələrin oynanıldığı lotereya, həftəsonu əyləncəli oyunlar, moda nümayişləri və digər müxtəlif tədbirlərin təşkili də nəzərdə tutulur.xeber100.com  

Dünya birjalarında neftin qiyməti…

Dünya birjalarında neftin qiyməti bahalaşır.Azərtac xəbər verir ki, “Azeri Light” markalı neftin bir barrelinin qiyməti 1,62 dollar bahalaşaraq 66,73 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,10 dollar bahalaşaraq 65,64 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,09 dollar artaraq 62,66 dollar təşkil edib.xeber100.com

Dünya birjalarında neftin qiyməti…

Dünya birjalarında neftin qiyməti bahalaşır.Azərtac xəbər verir ki, “Azeri Light” markalı neftin bir barrelinin qiyməti 1,62 dollar bahalaşaraq 66,73 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,10 dollar bahalaşaraq 65,64 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,09 dollar artaraq 62,66 dollar təşkil edib.xeber100.com

Neft Fondunun iştirakı ilə hərrac keçirilib

Martın 6-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.xom

“Bakı Metropoliteni” QSC-nin məlumatı

Metroda yaranan sıxlıq və gecikmələr tam aradan qaldırılıb.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.O bildirib ki, qatarların hərəkət intervalı bərpa olunub və metro stansiyalarında yaranan sərnişin sıxlığı tam aradan qaldırılıb.Qeyd edək ki, martın 5-də “Nəriman Nərimanov” metro stansiyasında işarəvermə avadanlığında baş vermiş texniki nasazlıq səbəbindən saat 08:15-dən etibarən qatarların hərəkət intervalında gecikmə baş verib.xeber100.com

“Caspian European Club”un iclası keçirilib

Bakıda “Caspian European Club”un sədrinin birinci müavini və baş icraçı direktoru Telman Əliyevin sədrliyi ilə klubun idarə heyətinin üçüncü iclası təşkil olunub.“Caspian European Club”dan Azərtac-a bildirilib ki, toplantıda klubun strategiyası, həmçinin 2018-ci ilin sonuna kimi həyata keçirilməsi zəruri olan yeni layihə və məsələlər müzakirə olunub.T.Əliyev iclasın idarə heyətinin üzvlərinin və “Caspian European Club”un işçi komitələrinin rəhbərlərinin iştirakı ilə hər ay keçirildiyini qeyd edib. Hər toplantı ənənəvi olaraq idarə heyəti üzvlərinin bir ofisində təşkil olunur. Budəfəki iclas Avni Dəmirçinin rəhbərlik etdiyi “Ziraat Bank Azerbaijan”ın ofisində baş tutub. A.Dəmirçi, eyni zamanda, “Caspian European Club”un tərkibinə daxil olan “Banking & Finance Committee”nin rəhbəridir.İdarə heyətinin hər bir üzvü hesabat təqdim edib, rəhbərlik etdiyi işçi komitəsinin cari fəaliyyəti və gələcək planları barədə məlumat verib. Bundan əlavə toplantıda, həmçinin ilin sonunadək keçirilməsi nəzərdə tutulan tədbirlər planı təsdiqlənib. Aprelin 18-nə planlaşdırılan V Beynəlxalq “Caspian Energy Forum Tbilisi – 2018”, iyun ayında baş tutacaq VI “Caspian Energy Forum Naxhchivan – 2018”, eləcə də müvafiq olaraq sentyabr və dekabr aylarında keçiriləcək “Caspian Energy Forum Baku – 2018” və “Caspian Energy Forum Prague – 2018”ə hazırlıq müzakirə olunub.“Caspian European Club” Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi ilə 2002-ci ilin iyununda yaradılıb. “Caspian European Club”, “Caspian American Club” və “Caspian Asian Club”un sədri Azərbaycan Prezidentidir.Yarandığı ilk gündən “Caspian European Club” neft sahəsindən əldə olunan gəlirlərin qeyri-neft sektoruna yönəldilməsinə xidmət edir. Sıralarında 5 mindən çox şirkət və təşkilatı birləşdirən “Caspian European Club”, “Caspian American Club” və “Caspian Asian Club” dünyanın 70 ölkəsində fəaliyyət göstərir, dövlət qurumları ilə özəl sektor arasında dialoqun dəstəklənməsi istiqamətində fəal iş aparır.xeber100.com

Beynəlxalq Enerji Agentliyinin hesabatında

Qlobal neft tələbatının 2018-2023-cü illərdə gündəlik 6,9 milyon barrel artaraq 104,7 milyon barrelə çatacağı gözlənilir.Azərtac xəbər verir ki, bu barədə Beynəlxalq Enerji Agentliyinin (IEA) 5 illik bazar analizini əhatə edən “Neft 2018 Hesabatı”nda deyilir.Hesabata görə, ABŞ, Braziliya, Kanada və Norveçdə neft hasilatı artmağa davam edəcək. Bu dövrdə qlobal neft tədarükündəki artımın 60 faizi ABŞ-ın payına düşəcək. Qlobal neft tələbatı 2018-2023-cü illəri əhatə edən dövrdə gündəlik 6,9 milyon barrelədək artaraq 104,7 milyon barrelə çatacaq. Qlobal neft tələbatındakı çoxalmaya Asiyada iqtisadi artım və ABŞ-ın neft-kimya sənayesi təsiredici olacaq. Bu dövrdə qlobal neft istehsalının həcmi isə gündəlik 6,4 milyon barrel artaraq 107 milyon barrelə çatacaq.Bununla yanaşı, Neft İxrac edən Ölkələr Təşkilatı (OPEC) üzrə xam neft hasilatı 2023-cü ilə qədər gündəlik 750 min barrel artacaq.Hesabatı şərh edən IEA-nın icra direktoru Fatih Birol deyib: “Neft yataqlarına qoyulan investisiyaların az olması qlobal bazarda narahatlıq yaradır. Səmərəsi azalan neft yataqlarının inkişafı üçün daha çox investisiya qoymaq lazımdır. Qlobal mənada gündəlik 3 milyon barrel neftin itkisinin qarşısını almaq üçün bu investisiyalar mütləq edilməlidir. Bu göstərici Şimal dənizindən çıxarılan həcmə bərabərdir”.xeber100.com  

“SalamAir” aviaşirkəti yeni uçuşlar həyata keçirmək niyyətindədir

Omana məxsus “SalamAir” aviaşirkəti Bakıya uçuşlar həyata keçirmək niyyətindədir.Azərtac Omanın “Əl-Ruyə” qəzetinə istinadla xəbər verir ki, aviaşirkətin icraçı direktoru Məhəmməd Əhməd Azərbaycan paytaxtı Bakı da daxil olmaqla Tehran, Tbilisi, Dəkkə və Katmanduya uçuşlar həyata keçirməyi planlaşdırdıqlarını söyləyib.xeber100.com