Bakı Nəqliyyat Agentliyinin məlumatı əsasında…

52 nömrəli marşrut xətti ilə hərəkət edən avtobuslar "BakıKart" sisteminə keçib.Azərtac xəbər verir ki, bu barədə Bakı Nəqliyyat Agentliyindən məlumat verilib.Bildirilib ki, müntəzəm marşrut xətləri üzrə gediş haqqının “BakıKart” vasitəsilə ödənilməsi istiqamətində tədbirlər davam etdirilir. Bu çərçivədə görülən işlər nəticəsində daha bir müntəzəm marşrut xətti üzrə gediş haqqının ödənişi “BakıKart” vasitəsilə həyata keçiriləcək. Belə ki, fevralın 17-dən 52 nömrəli müntəzəm marşrut xəttindən (Binəqədi rayonu, M.Kazımovski küçəsi-Səbail rayonu, Ə.Cavad küçəsi) istifadə edən sərnişinlər gediş haqqını “BakıKart” vasitəsilə ödəyəcəklər. Nağdsız ödəniş sisteminə keçidlə əlaqədar 52 nömrəli müntəzəm marşrut xətti üzrə sərnişindaşıma fəaliyyəti ilə məşğul olan “Xaliq Faiqoğlu” MMC tərəfindən avtobuslarda xüsusi kart oxuma cihazları quraşdırılıb.52 nömrəli müntəzəm marşrut xətti üzrə avtobuslardan istifadə edən sərnişinlərin “BakıKart” əldə etməsi, eyni zamanda, balanslarını rahat şəkildə artıra bilməsi üçün Bakı Nəqliyyat Agentliyi tərəfindən zəruri işlərin görülməsi təmin edilib.Məlumat üçün bildirək ki, hazırda paytaxtda 21 marşrut xətti üzrə avtobuslarda gediş haqqı nağdsız formada “BakıKart” vasitəsilə həyata keçirilir.xeber100.com

“Xəzər dənizi və Mərkəzi Asiya ölkələri – 2018” adlı beynəlxalq konfrans keçirilir

Tbilisidə "Hidroenergetika: Xəzər dənizi və Mərkəzi Asiya ölkələri - 2018" adlı beynəlxalq konfrans və sərgi keçirilir.Azərtac xəbər verir ki, Azərbaycan nümayəndə heyətinin iştirak etdiyi konfransda Xəzər dənizi və Mərkəzi Asiya ölkələrində hidroenergetikanın inkişaf perspektivləri, bu sahəyə investisiya yatırımının effektivliyi, enerji təhlükəsizliyi, enerji mübadiləsi və bu sahədə qarşılıqlı əməkdaşlıq məsələləri müzakirə olunur.Konfransda çıxış edənlər hidroenergetika, kiçik və böyük su elektrik stansiyalarının effektivliyi barədə öz ölkələrinin təcrübəsini bölüşürlər.Konfrans işini fevralın 15-də davam etdirəcək. Tədbirdə “Azərenerji” ASC yanında "Elmi-Tədqiqat və Layihə-Axtarış Energetika İnstitutu" MMC-nin Hidrolayihə İdarəsinin baş mühəndisi Cəlaləddin Vəliyev çıxış edəcək, Azərbaycanda bu sahədə görülmüş işlər, qəbul olunmuş dövlət proqramları barədə məlumat verəcək.xeber100.com

“B2B Luxury & MICE Workshop” adlı ənənəvi illik tədbir keçiriləcək

Fevralın 15-də “JW Marriott Absheron” otelində turizm biznesi peşəkarları üçün “B2B Luxury & MICE Workshop” adlı ənənəvi illik tədbir keçiriləcək.Tədbirin təşkilatçıları Britaniyanın TMI Consultancy konsaltinq şirkəti və onun Azərbaycandan olan tərəfdarlarıdır. Vorkşopun iştirakçıları bir tərəfdən Azərbaycan turizminin lüks seqmentindən olan aparıcı şirkətlər, digər tərəfdən isə dünyanın müxtəlif ölkələri və regionlarından olan xarici beşulduzlu otellər, turoperaperatorlar və turizm ofislərinin nümayəndələri olacaq. “B2B Luxury & MICE Workshop” layihəsi çərçivəsində habelə fevralın 13-də Almatıda, 17-də isə Tbilisidə vorkşoplar keçiriləcək.Mədəniyyət və Turizm Nazirliyindən Azərtac-a bildirilib ki, bu il ilk dəfə olaraq tədbirin rəsmi tərəfdaş ölkəsi qismində Sloveniya çıxış edir. Vorkşopun açılışında bu ölkənin turizm ofisinin nümayəndələri Bakının turizm şirkətləri üçün təqdimat keçirəcək, turizm istiqaməti olaraq ölkənin unikal cəhətləri haqda söhbət açacaq, habelə “Turkish Airlines” hava yolları şirkəti Sloveniyanın paytaxtına Bakı-İstanbul-Lyublyana təyyarə reyslərinin əlverişli proqramını təqdim edəcəklər.xeber100.com

“Azərbaycan Xəzər Dəniz Gəmiçiliyi” QSC-nin məlumatı

“Azərbaycan Xəzər Dəniz Gəmiçiliyi” QSC-nin Dəniz Nəqliyyat Donanmasına məxsus “Prezident Heydər Əliyev” tankerinin təmiri başa çatıb.“Azərbaycan Xəzər Dəniz Gəmiçiliyi” (AXDG) QSC-nin mətbuat xidmətindən Azərtac-a bildirilib ki, “Zığ” Gəmi Təmiri və Tikintisi Zavodunda aparılan təmirdən sonra tanker dəniz sınaq yoxlanışından uğurla keçib və istismara qaytarılıb.Təmir zamanı tankerin sualtı və suüstü hissələri, göyərtəsi təmizlənərək rənglənib. Yük anbarlarında və ballast çənlərində gövdə-qaynaq işləri görülüb. Boru işləri yerinə yetirilib.Eyni zamanda, köməkçi mühərriklər təmir olunub, yeni nasoslar quraşdırılıb. Gəmidə elektrik avadanlıqları tamamilə sazlanıb.Gəmi təmirçiləri xidməti və yaşayış otaqlarının da heyətin ürəyincə olması üçün əllərindən gələni əsirgəməyiblər.Xatırladaq ki, “Prezident Heydər Əliyev” gəmisi “AXDG” QSC-nin nəqliyyat donanmasına məxsus ən nəhəng tankerlərdən biridir. Uzunluğu 149,9 metr, eni 17,3 metr olan tankerin tam yükgötürmə qabiliyyəti 13,8 min tondur. Gəmi maye yüklərin daşınmasında istismar edilir.“Azərbaycan Xəzər Dəniz Gəmiçiliyi” QSC-nin tanker donanması Xəzər hövzəsində aparıcı mövqeyə malikdir. Hazırda gəmiqayırmanın yeni nailiyyətləri əsasında “Bakı Gəmiqayırma Zavodu” MMC-də AXDG üçün iki yeni tanker tikilir.xeber100.com

Dünya birjalarında neftin qiyməti…

Dünya birjalarında neftin qiyməti yenidən bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,55 dollar artaraq 63,34 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,63 dollar bahalaşaraq 59,83 dollar təşkil edib.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, fevralın 12-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 848,2 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 8,01 faiz təşkil edib.xeber100.com  

COMEX-də sonuncu hərraclarda

Amerika fond bazarında "Dow Jones" indeksi 1,38% - 24 190,90 bəndədək, "S&P 500" 1,49% - 2 619,55 bəndədək, NASDAQ isə 1,44% - 6 874,49 bəndədək bahalaşıb."Apa-Economics" xəbər verir ki, Avropa fond bazarlarında "FTSE 100" indeksi 1,09% - 7 092,43 bəndədək, Almaniya DAX-I 1,25% - 12 107,48 bəndədək, Fransa CAC-40-ı isə 1,41% - 5 079,21 bəndədək ucuzlaşıb.COMEX-də sonuncu hərraclarda qızılın unsiyasının qiyməti 3,30 dollar bahalaşaraq 1 315,70 dollara, gümüşün unsiyasının qiyməti 0,20 dollar ucuzlaşaraq 16,14 dollara satılıb.xeber100.com

Dünya birjalarında neftin qiyməti ucuzlaşıb

Neftin qiyməti kəskin ucuzlaşır.Azərtac xəbər verir ki, son 10 ildə ilə ən yaxşı sıçrayışla başlayan və 71 dollar/barrelədək bahalaşan neftin qiyməti bu həftə ABŞ-da istehsalın artması ilə kəskin azalıb. ABŞ-ın neft hasilatının rekord səviyyəyə çatması OPEC və qeyri-OPEC ölkələrlə əldə edilən istehsalın azaldılmasına dair sazişi kölgədə qoyub, nəticədə “qara qızıl”ın bir barrelinin qiyməti 71 dollardan 64 dollara düşüb.Bundan başqa, İranın neft istehsalını artıracağına dair planını açıqlaması da qiymətə öz təsirini göstərib. Bütün bunlar investorlarda qlobal neft təklifinin artacağına dair narahatlıq yaradır.“Brent” markalı xam neftinin bir barrelinin qiyməti dekabrın 20-dən etibarən ən aşağı səviyyəyə enib. Bu son 2 ayın minimumu deməkdir.Hazırda “Brent” neftinin bir barreli Londonun ICE birjasında 64,59 dollar, “Light” markalı neftin bir barreli isə Nyu-Yorkun NYMEX birjasında 60,72 dollara alıcı axtarır.xeber100.com

Beynəlxalq Aeroportun məlumatı əsasında…

Gəncə aeroportunda qatı duman səbəbindən Bakı-Gəncə aviareysində ləngimə olub.Azərtac Heydər Əliyev Beynəlxalq Aeroportuna istinadla xəbər verir ki, fevralın 8-də saat 08:00-da həyata keçirilməli olan J2-239 saylı Bakı-Gəncə reysi təxirə salınıb. AZAL-ın “Embraer E190LR” təyyarəsi ilə həyata keçirilməsi nəzərdə tutulan reys ilə növbəti uçuşun vaxtı hazırda məlum deyil.xeber100.com

Dünya birjalarında neftin qiyməti…

Neftin qiyməti son 2 ayın minimumuna yaxınlaşır.Azərtac xəbər verir ki, dünya birjalarında neftin qiyməti ABŞ-ın xam neft istehsalının rekord səviyyəyə çatması və bununla əlaqədar olaraq qlobal neft təklifinin tələbatdan çox olacağı narahatlığı fonunda son 2 ayın minimumuna çatıb.Belə ki, “Light” markalı xam neftin bir barreli ötən il dekabrın 6-dan indiyədək ən aşağı qiymətə satılıb.Hazırda “Brent” markalı neftin bir barreli Londonun ICE birjasında 65,43 dollar, “Light” neftinin bir barreli isə Nyu-Yorkun NYMEX birjasında 61,69 dollara alıcı axtarır.xeber100.com