“İtaliya Dizayn Günü” keçiriləcək

Bakıda “İtaliya Dizayn Günü” keçiriləcək.Azərtac xəbər verir ki, bu barədə İtaliyanın Azərbaycandakı səfiri Augusto Massari Bakıda keçiriləcək “İtaliya Dizayn Günü”nün təqdimatı ilə bağlı mətbuat konfransında deyib.O bildirib ki, İtaliya dizayn mədəniyyətinin yaradılması orta əsrlər intibah dövrünün emalatxanalarından başlayaraq yüksək estetik məzmunlu yenilikçi məhsullar yaratmaq üçün müxtəlif bacarıqları özündə birləşdirib. Sənaye dizaynı sahəsində aparılan araşdırmalar İtaliya iqtisadi inkişafının məhsulunun xarakterik elementinə çevrilib. Bu tip dizayn İtaliya mədəniyyətinin ruhuna aiddir və bu dünyada “Made in Italy” brendi kimi tanınır.Tədbirin martın 1-də keçiriləcəyini deyən səfir qeyd edib ki, İtaliyanın Azərbaycandakı səfirliyi tərəfindən təşkil olunan İtaliyanın qabaqcıl texnologiyalarının təbliğini və müxtəlif sektorlar üzrə İtaliya ilə Azərbaycan arasında əməkdaşlığın qurulmasını nəzərdə tutan “İtaliya Dizayn Günü” Bakı ilə yanaşı dünyanın 100 ölkəsində qeyd olunacaq. Keçirilən tədbirin mövzusu “Dizayn və davamlılıq arasındakı əlaqə”dir.Səfirin sözlərinə görə, bu mövzu Bakıda Ekspo 2025-i keçirmək üçün namizədliyini irəli sürmüş Azərbaycan tərəfindən seçilmiş mövzu ilə uzlaşır. İtaliya memarlığı və dizaynı üzərində fokuslanan tədbir Bakı Media Mərkəzi və Azərbaycan Memarlıq və İnşaat Universitetində keçiriləcək. Tədbirlərdə dövlət və hökumət qurumlarının nümayəndələri, İtaliya və Azərbaycan memarları və dizaynerləri, Memarlıq və İnşaat Universitetinin tələbə və professor heyəti, yerli və xarici memar və dizaynerlər, İtaliya və Azərbaycan brendlərinin nümayəndələri, tikinti şirkətlərinin təmsilçiləri iştirak edəcək.xeber100.com

“Hodroenergetika: Mərkəzi Asiya – 2018” adlı konfrans başa çatıb

Tbilisidə keçirilən “Hodroenergetika: Xəzər dənizi və Mərkəzi Asiya – 2018” adlı beynəlxalq konfrans başa çatıb.Azərtac xəbər verir ki, konfransın sonuncu günü Azərbaycanda əhalinin fasiləsiz və səmərəli elektrik enerjisi ilə təmin olunması istiqamətində görülən işlər barədə məlumat verilib.Azərbaycan nümayəndə heyətinin üzvü, “Azərenerji” ASC yanında "Elmi-Tədqiqat və Layihə-Axtarış Energetika İnstitutu" MMC-nin Hidrolayihə İdarəsinin baş mühəndisi Cəlaləddin Vəliyev bildirib ki, son illər ölkəmizdə bu sahədə çox mühüm layihələr həyata keçirilib, su elektrik stansiyaları tikilib və daha bir neçə layihə üzərində işlər davam etdirilir. Bunun nəticəsidir ki, bu gün Azərbaycan Respublikası üzrə “Azərenerji” tərəfindən yerinə yetirilmiş işlər üzrə enerji sisteminin qoyuluş gücü 7 GVt təşkil edir.Bildirilib ki, Azərbaycan Prezidenti İlham Əliyevin regionların sosial-iqtisadi inkişafı ilə əlaqədar imzaladığı Dövlət Proqramının çərçivəsində respublikamızın iqtisadi rayonları üzrə 6 kiçik Su Elektrik Stansiyasının (SES) tikintisi başa çatıb. Daha 3 silsilə SES-in tikintisi isə davam edir. Eyni zamanda, respublika ərazisindəki bir neçə çay üzərində kiçik SES-lərin tikintisi üzrə təhqiqat işləri aparılır.Azərbaycanın enerji potensialı qonşu ölkələrlə enerji mübadiləsi və əməkdaşlığına da geniş imkanlar yaradır.Konfransda iştirak edən İran, Gürcüstan, Türkiyə və Rusiyadan olan energetiklər Azərbaycanın enerji potensialını yüksək qiymətləndiriblər.Tədbirdə energetika sahəsində yeniliklər, iştirakçı ölkələrdə əhalinin elektrik enerjisi ilə fasiləsiz təminatı, enerji təhlükəsizliyi, kiçik, orta və irihəcmli elektrik stansiyalarının tikintisi, alternativ enerji mənbələrinin yaradılması, elektrik enerjisi mübadiləsi və s. məsələlər müzakirə olunub.xeber100.com

“Azərbaycan Dəmir Yolları” QSC-nin məlumatı

Fevralın 16-dan 11 kilometrlik dəmir yolu əsaslı təmir olunur.“Azərbaycan Dəmir Yolları” QSC-nin ictimaiyyətlə əlaqələr şöbəsindən Azərtac-a bildirilib ki, Alabaşlı stansiyasında 1700 metr uzunluğunda cüt yol, Soyuq Bulaq stansiyasında 2150 metr uzunluğunda tək və cüt yollar, Gəncə-Alabaşlı mənzilində isə 7,2 kilometr dəmir yolu təmir olunacaq. Təmir işləri on gün davam edəcək.Əsaslı təmir işlərini 5 saylı “İxtisaslaşdırılmış Dəmir Yolu Müəssisəsi” MMC-nin kollektivi həyata keçirir.Xatırladaq ki, 2015-ci il aprelin 14-də “Azərbaycan Dəmir Yollarının Yenidən Qurulması” layihəsinin 2-ci mərhələsinin icrası məqsədilə, “Azərbaycan Dəmir Yolları” Qapalı Səhmdar Cəmiyyəti ilə Çexiya Respublikasının “MORAVIA STEEL” şirkətləri arasında “Azərbaycan Respublikası Dəmir Yollarının Bakı-Böyük Kəsik sahəsində 600 kilometr hissənin maddi–texniki təchizatı və əsaslı təmiri” barədə İxrac Müqaviləsinə əlavə Saziş imzalanıb.Yeni layihənin icrasına 2015-ci ilin oktyabr ayının sonlarında başlanılıb və bu günə kimi 458 kilometr dəmir yolu əsaslı təmir olunub.xeber100.com

Fevralın 16-na olan USD/AZN rəsmi məzənnəsi açıqlanıb

Azərbaycan Mərkəzi Bankı (AMB) fevralın 16-na olan USD/AZN rəsmi məzənnəsini açıqlayıb.Bankdan Azərtac-a bildiriblər ki, Azərbaycan Mərkəzi Bankının fevralın 16-dan etibarən USD/AZN rəsmi məzənnəsi 1,7001 manat səviyyəsində müəyyən olunub.xeber100.com

“Şimal-Cənub” nəqliyyat dəhlizi müzakirə ediləcək

İran Prezidenti Həsən Ruhaninin Hindistana səfəri çərçivəsində tranzit daşımalar əsas müzakirə mövzularından biri olacaq.Azərtac xəbər verir ki, bunu Prezident Həsən Ruhani Hindistana səfəri öncəsi jurnalistlərə verdiyi açıqlamada deyib. Onun sözlərinə görə Hindistan İran vasitəsilə dünya bazarlarına çıxış əldə etmək niyyətindədir.Xatırladaq ki, Hindistan İranın Çabahar limanının yenidən qurularaq təkmilləşdirilməsi üçün 500 milyon dollar kredit ayırıb. Bu liman “Şimal-Cənub” Beynəlxalq Nəqliyyat Dəhlizinin formalaşmasında əhəmiyyətli rol oynayacaq. Hindistanın Mumbai limanından yüklər gəmilərlə Çabahar limanına, buradan isə Qəzvin-Rəşt-Astara(İran)-Astara(Azərbaycan) dəmir yolu vasitəsilə Rusiya və Avropaya daşınacaq.Eyni zamanda Hindistan Çabahar limanı vasitəsilə Əfqanıstan və Mərkəzi Asiya ölkələri ilə də ticarət əlaqəsi yaradacaq.xeber100.com

Neft Fondunun iştirakı ilə hərrac keçirilib

Fevralın 15-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7001 səviyyəsində formalaşıb.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 1,1 dollar ucuzlaşaraq 63,69 dollar olub.xeber100.com

Bakı Nəqliyyat Agentliyinin məlumatı əsasında…

52 nömrəli marşrut xətti ilə hərəkət edən avtobuslar "BakıKart" sisteminə keçib.Azərtac xəbər verir ki, bu barədə Bakı Nəqliyyat Agentliyindən məlumat verilib.Bildirilib ki, müntəzəm marşrut xətləri üzrə gediş haqqının “BakıKart” vasitəsilə ödənilməsi istiqamətində tədbirlər davam etdirilir. Bu çərçivədə görülən işlər nəticəsində daha bir müntəzəm marşrut xətti üzrə gediş haqqının ödənişi “BakıKart” vasitəsilə həyata keçiriləcək. Belə ki, fevralın 17-dən 52 nömrəli müntəzəm marşrut xəttindən (Binəqədi rayonu, M.Kazımovski küçəsi-Səbail rayonu, Ə.Cavad küçəsi) istifadə edən sərnişinlər gediş haqqını “BakıKart” vasitəsilə ödəyəcəklər. Nağdsız ödəniş sisteminə keçidlə əlaqədar 52 nömrəli müntəzəm marşrut xətti üzrə sərnişindaşıma fəaliyyəti ilə məşğul olan “Xaliq Faiqoğlu” MMC tərəfindən avtobuslarda xüsusi kart oxuma cihazları quraşdırılıb.52 nömrəli müntəzəm marşrut xətti üzrə avtobuslardan istifadə edən sərnişinlərin “BakıKart” əldə etməsi, eyni zamanda, balanslarını rahat şəkildə artıra bilməsi üçün Bakı Nəqliyyat Agentliyi tərəfindən zəruri işlərin görülməsi təmin edilib.Məlumat üçün bildirək ki, hazırda paytaxtda 21 marşrut xətti üzrə avtobuslarda gediş haqqı nağdsız formada “BakıKart” vasitəsilə həyata keçirilir.xeber100.com

“Xəzər dənizi və Mərkəzi Asiya ölkələri – 2018” adlı beynəlxalq konfrans keçirilir

Tbilisidə "Hidroenergetika: Xəzər dənizi və Mərkəzi Asiya ölkələri - 2018" adlı beynəlxalq konfrans və sərgi keçirilir.Azərtac xəbər verir ki, Azərbaycan nümayəndə heyətinin iştirak etdiyi konfransda Xəzər dənizi və Mərkəzi Asiya ölkələrində hidroenergetikanın inkişaf perspektivləri, bu sahəyə investisiya yatırımının effektivliyi, enerji təhlükəsizliyi, enerji mübadiləsi və bu sahədə qarşılıqlı əməkdaşlıq məsələləri müzakirə olunur.Konfransda çıxış edənlər hidroenergetika, kiçik və böyük su elektrik stansiyalarının effektivliyi barədə öz ölkələrinin təcrübəsini bölüşürlər.Konfrans işini fevralın 15-də davam etdirəcək. Tədbirdə “Azərenerji” ASC yanında "Elmi-Tədqiqat və Layihə-Axtarış Energetika İnstitutu" MMC-nin Hidrolayihə İdarəsinin baş mühəndisi Cəlaləddin Vəliyev çıxış edəcək, Azərbaycanda bu sahədə görülmüş işlər, qəbul olunmuş dövlət proqramları barədə məlumat verəcək.xeber100.com

“B2B Luxury & MICE Workshop” adlı ənənəvi illik tədbir keçiriləcək

Fevralın 15-də “JW Marriott Absheron” otelində turizm biznesi peşəkarları üçün “B2B Luxury & MICE Workshop” adlı ənənəvi illik tədbir keçiriləcək.Tədbirin təşkilatçıları Britaniyanın TMI Consultancy konsaltinq şirkəti və onun Azərbaycandan olan tərəfdarlarıdır. Vorkşopun iştirakçıları bir tərəfdən Azərbaycan turizminin lüks seqmentindən olan aparıcı şirkətlər, digər tərəfdən isə dünyanın müxtəlif ölkələri və regionlarından olan xarici beşulduzlu otellər, turoperaperatorlar və turizm ofislərinin nümayəndələri olacaq. “B2B Luxury & MICE Workshop” layihəsi çərçivəsində habelə fevralın 13-də Almatıda, 17-də isə Tbilisidə vorkşoplar keçiriləcək.Mədəniyyət və Turizm Nazirliyindən Azərtac-a bildirilib ki, bu il ilk dəfə olaraq tədbirin rəsmi tərəfdaş ölkəsi qismində Sloveniya çıxış edir. Vorkşopun açılışında bu ölkənin turizm ofisinin nümayəndələri Bakının turizm şirkətləri üçün təqdimat keçirəcək, turizm istiqaməti olaraq ölkənin unikal cəhətləri haqda söhbət açacaq, habelə “Turkish Airlines” hava yolları şirkəti Sloveniyanın paytaxtına Bakı-İstanbul-Lyublyana təyyarə reyslərinin əlverişli proqramını təqdim edəcəklər.xeber100.com