İqtisadiyyat Nazirliyinin məlumatına görə…

"Made in Azerbaijan" brendinin təşviqi məqsədilə İqtisadiyyat Nazirliyi tərəfindən oktyabrın 1-dən 4-dək Macarıstana növbəti ixrac missiyası təşkil olunacaq.İqtisadiyyat Nazirliyinin mətbuat xidmətindən bildiriblər ki, səfər çərçivəsində Azərbaycan şirkətlərinin təmsilçiləri Macarıstan şirkətlərinin nümayəndələri ilə ikitərəfli görüşlər keçirəcək, ixracın təşkili məsələlərini müzakirə edəcək və iri marketlər şəbəkələrində olacaqlar.Qeyd edək ki, Macarıstanın paytaxtı Budapeştə təşkil olunan ixrac missiyasına müsabiqə əsasında seçilmiş və Azərbaycanda meyvə şirələri, təbii mineral sular, meyvə-tərəvəz məhsulları, şərab və digər spirtli içkilər, bal, çay, fındıq, tekstil və mebel istehsalı sahəsində fəaliyyət göstərən 20 şirkətin nümayəndələri daxildir.xeber100.com

Neft Fondunun iştirakı ilə hərrac keçirilib

Sentyabrın 26-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7002 səviyyəsində formalaşıb.xeber100.com

“Layt” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,17 dollar ucuzlaşaraq 50,49 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,10 dollar azalaraq 56,76 dollar təşkil edib.xeber100.com

Beynəlxalq biznes-forumu keçiriləcək

Batumidə "Sitrus məhsullarının ixracı" beynəlxalq biznes-forumu keçiriləcək.Azərtac Gürcüstanın Kənd Təsərrüfatı Nazirliyinə istinadla xəbər verir ki, on ölkənin nümayəndələri - Gürcüstanın sitrus meyvələrinin idxalçıları sentyabrın 30-da Batumidə toplaşacaq. Biznes-forum ölkənin ixrac potensialı ilə tanışlıq məqsədi daşıyır.Tədbir Avropa və Asiyanın müxtəlif ölkələrinin maraqlı tərəflərinin yerli sitrus məhsullarının ixrac potensialı barədə məlumatlandırılması üçün görüşlərin təşkili üzrə fəal kampaniyaya başlamaq məqsədilə keçirilir.Biznes-forumda Gürcüstan hökumətinin üzvləri, diplomatlar, sitrus məhsullarının çeşidlənməsi və emalı üzrə yerli müəssisələrin, ticarət və logistika təşkilatlarının əməkdaşları, müxtəlif ölkələrin iri idxalçıları, yerli və xarici KİV nümayəndələri iştirak edəcəklər.Qeyd edək ki, Gürcüstanda istehsal olunan naringi əsasən Azərbaycan, Rusiya, Ukrayna, Qazaxıstan, Belarus və digər ölkələrə ixrac olunur. İlkin məlumatlara görə, bu mövsümdə məhsul təxminən 50-60 min ton təşkil edəcək. Məhsulun təqribən 10 min tonu sənaye emalı üçün, qalanları isə ixrac üçün nəzərdə tutulub.xeber100.com

“Şahdağ” yay mövsümünü bağlı elan edib

Sentyabrın 25-dən etibarən Şahdağ” Turizm Mərkəzi yay mövsümünü bağlı elan edib.Mərkəzdən Azərtac-a bildirilib ki, yay mövsümü artıq başa çatıb. Sayca beşinci olan bu yay mövsümü ərzində mərkəzə üz tutan turistlərin sayı keçən yay mövsümlərindəki rəqəmləri üstələyərək 40 mindən çox olub. Onların 68 faizdən çoxunu xarici ölkələrdən olan turistlər, xarici turistlərin 83 faizdən çoxunu isə ərəb ölkələrindən gələn turistlər təşkil ediblər.Ümumilikdə əcnəbi qonaqların, xüsusilə Səudiyyə Ərəbistan, BƏƏ, Oman, Küveyt və İraq kimi ölkələrdən olan qonaqların nisbətən çoxluq təşkil etdiyi bu mövsüm də bir-birindən maraqlı tədbirləri və əyləncələri ilə yadda qalıb, mərkəzdə göstərilən xidmətlərin say və keyfiyyətinin yaxşılaşdırılması istiqamətində işlər görülüb, ilk dəfə olaraq çoxdan gözlənilən dağ paraşütü hesab olunan paraplan xidməti istifadəyə verilib.Eləcə də bu mövsüm ilk dəfə olaraq uşaqlar üçün ingilisdilli “Şahdağ” Yay Düşərgəsi beynəlxalq pilot layihəsinin əsası qoyulub, 3 ay davam edən layihə çərçivəsində yay düşərgəsində Azərbaycan, Türkiyə, İran, Fransa, BƏƏ, Gürcüstan, Rusiya və Mərakeş kimi ölkələrdən 160-dan çox uşaq iştirak edib. “ASAN Məktub” layihəsi ilə birlikdə təşkil edilmiş xeyriyyəçilik aksiyası nəticəsində respublikanın müxtəlif bölgələrindən aztəminatlı ailələrdən olan 25 uşağa xeyriyyə məqsədilə düşərgədə bir həftəlik istirahət hədiyyə edilib.Ənənəvi olaraq, mərkəzdə qış mövsümünün açılışı dekabr ayının ilk ongünlüyünə təsadüf edəcək. Qış mövsümünün açılışına kimi isə mərkəz ərazisində 5 ulduzlu “Şahdağ Hotel və Spa” fəaliyyət göstərəcək.xeber100.com  

İtaliya mətbuatı TAP layihəsindən yazır…

Azərbaycan təbii qazını Avropaya daşıyacaq “Trans-Adriatik” (TAP) qaz boru kəməri İtaliya üçün zəruri infrastrukturdur.İtaliya KİV-ləri xəbər verir ki, bu barədə ölkənin keçmiş Baş naziri Matteo Renzi deyib. O, TAP layihəsinin həyata keçirilməsini sürətləndirməyə çağırıb.M.Renzi bu gün İtaliyada enerji siyasətini ciddi şəkildə həyata keçirənlər tərəfindən ölkədə lazımlı infrastrukturun yaradılmasına dəstək verilməsinin vacibliyini qeyd edib.Xatırladaq ki, TAP qaz boru kəməri layihəsinin 50 faizdən çoxu icra edilib. Boru kəmərinin tikintisi işlərinə başlanılandan ötən təxminən 16 ay ərzində layihə üzrə 16 milyon adam/saat iş görülüb. TAP-ın 765 kilometrlik Yunanıstan və Albaniya hissəsində boru kəməri marşrutunun təxminən 539 kilometri, yəni 70 faizi təmizlənib. Qaynaq edilən boruların 45 faizdən çoxu döşənib.Boru kəmərinin tikintisində istifadə olunacaq 55 min borunun təxminən 95 faizi Yunanıstan, Albaniya və İtaliyaya çatdırılıb. TAP-ın dəniz hissəsində istifadə olunacaq boruların sonuncu partiyası isə sentyabrın 3-6-da İtaliyanın Brindisi bölgəsində boşaldılıb. TAP-ın keçdiyi ölkələrdə ümumilikdə 5 min 500 nəfər işçi çalışır.xeber100.com

“AzəriLayt” markalı neftin qiyməti…

Azərbaycan neftinin qiyməti bahalaşıb.Azərtac xəbər verir ki, “AzəriLayt” markalı neftin bir barrelinin qiyməti 0,40 dollar bahalaşaraq 59,12 dollar təşkil edib.xeber100.com

Bakı Expo Mərkəzində sərgi açılıb

Sentyabrın 23-də Bakı Expo Mərkəzində beynəlxalq ayaqqabı və dəri malları sərgisi açılıb.Azərtac xəbər verir ki, sərgidə dünyanın 10 ölkəsindən 30 əmtəə nişanlı məhsul nümayiş olunur. İlk dəfə Bakıda təşkil olunan sərgi "Shoesstar Caspian" adı ilə ziyarətçilərə təqdim edilib. Nümayiş olunan bütün kolleksiyalar 2018-ci il mövsümü üçün nəzərdə tutulub.Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının vitse-prezidenti Vüqar Zeynalov bildirib ki, Almaniya, İspaniya, İtaliya, Rusiya, Portuqaliya və digər ölkələrin sərgidə iştirakı gələcək əməkdaşlıq üçün yaxşı zəmin yaradacaq.Qeyd edib ki, məqsəd növbəti mövsüm üçün ayaqqabıları nümayiş etdirməkdir. "Sərginin ildə iki dəfə təşkili nəzərdə tutulur. Biz yaz-payız kolleksiyalarını təqdim etmək niyyətindəyik", - deyə A.Sakayeva diqqətə çatdırıb.xeber100.com

II “Bankçılıq Forumu”nun keçirilməsi planlaşdırılır

Azərbaycan Banklar Assosiasiyasının (ABA) və İqtisadi İslahatlarının Təhlili və Kommunikasiya Mərkəzinin birgə təşkilatçılığı ilə noyabrın 23-24-də Bakıda "Bank sisteminin yeni inkişaf dövrünə adaptasiyası" adlı II "Bankçılıq Forumu"nun keçirilməsi planlaşdırılır.Azərtac ABA-ya istinadla xəbər verir ki, forumun məqsədi maliyyə-bank sisteminin yeni inkişaf dövrünə adaptasiyası, maliyyə dayanıqlılığının daha da gücləndirilməsinə dair məsələlər, bank sisteminin sağlamlaşdırılması istiqamətində əldə olunmuş nailiyyətlər, nağdsız ödənişlərin artırılması istiqamətləri, banklarda komplayensin inkişafı məsələlərinin müzakirəsi, bankçılıq sahəsində yeniliklər və innovasiyalar barədə qabaqcıl təcrübələrin öyrənilməsinə vəsilə olmaqdır.Forumda xarici şokların təsirinin minimallaşdırılması istiqamətində görülmüş işlər və yeni çağırışlar, nağdsız cəmiyyətə doğru: ödəniş ekosistemində son trendlər, yeni bazar iştirakçıları və innovativ ödəniş həlləri, müasir bankçılıqda komplayns və bank sisteminin inkişafının hüquqi bazasının təkmilləşdirilməsi istiqamətləri üzrə panellər, qeyd edilən məsələlər ətrafında çıxışlar və müzakirələr təşkil olunacaq.Tədbirdə maliyyə-iqtisadiyyat sahəsində tənzimləyici və nəzarət orqanlarının yuxarı menecmenti, kommersiya banklarının yuxarı menecmenti, biznes və ictimai təşkilatların rəhbərləri, beynəlxalq maliyyə institutlarının və xarici ölkələrin Azərbaycandakı səfirliklərinin nümayəndələri, həmçinin digər ölkələrdən dəvətlilər iştirak edəcəklər.Qeyd edək ki, ABA 1990-cı ildə kommersiya bankları tərəfindən təsis edilib. ABA-nın yaradılmasında əsas məqsəd üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarət olub. Hazırda 30 bank və 2 bank olmayan kredit təşkilatı, eyni zamanda "Azericard" MMC ABA-nın üzvüdür.xeber100.com

Mərkəzi Bank depozit hərracı keçirəcək

Sentyabrın 25-də Azərbaycan Respublikasının Mərkəzi Bankı tərəfindən vəsaitlərin cəlb edilməsi üzrə depozit hərracı keçiriləcək.Azərtac Mərkəzi Banka istinadla xəbər verir ki, hibrid hərracda 100 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. "Bloomberg" ticarət sistemində keçiriləcək hərrac üzrə faiz dərəcələri 10,01-14,99 faiz təşkil edir.xeber100.com