OPEC+ Nazirlərinin Monitorinq Komitəsinin iclası keçiriləcək

Bu gün OPEC ölkələrinin, habelə bu təşkilata üzv olmayan neft istehsalçısı ölkələrinin (OPEC+) Sankt-Peterburqda iclası başlanır. İclasda Saziş iştirakçılarının üzərinə götürdükləri öhdəliklər, habelə “qara qızıl” bazarında vəziyyət müzakirə ediləcək.Sazişin icrasını, həmçinin nazirlər komitəsi ölkələrinin ekspertlərindən ibarət texniki komitə izləyir. Komitə hər ay toplaşır. Texniki komitənin budəfəki görüşü iyulun 22-də Sankt-Peterburqda keçirilib və səkkiz saat davam edib. OPEC+ ekspertlərinin iclası Liviya və Nigeriyada nümayəndə heyətlərinin iştirakı ilə geniş tərkibdə keçirilib. Bu ölkələr, Sazişin şərtlərinə görə, neft hasilatının azaldılması öhdəliyindən azad ediliblər və son vaxtlar istehsal həcmini fəal artırırlar, nəticədə “Brent” markalı neftin bir barrelinin qiyməti iyul ayında 45 dollardan aşağı olub.“Nigeriya və Liviya əməkdaşlığa çox həvəsli idi. Onlar bizə bütün rəqəmləri, neft istehsalında öz planlarını, rastlaşdıqları bütün çətinlikləri təqdim etmişdilər. Onların cəhd etdiyi məqsədli göstəricilər bütün bu çətinliklərə uyğun gəlir... OPEC təşkilatın üzv ölkələri ilə həmrəydir. Biz bu iki ölkənin bütün çətinliklərin öhdəsindən gələrək bazara qayıdacağını səbirsizliklə gözləyirik. Çünki onların hasil etdiyi hər barrel lazım olacaq”, - deyə OPEC-in baş katibi Mohammed Barkindo jurnalistlərə müsahibəsində bildirib.OPEC ölkələri 2016-cı il noyabrın 30-da Vyanada neft qiymətlərinin sabitləşdirilməsi məqsədilə gündəlik neft hasilatının 1,2 milyon barrel azaldılması barədə razılıq əldə ediblər. Dekabrın 10-da isə OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Ölkəmiz üçün bu göstərici sutkada 35 min barreldir. Mayın 25-də isə OPEC Nazirlər Şurasının 172-ci iclası çərçivəsində OPEC-ə üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub.Sazişin icrasına nəzarət və onun şərtlərinin təshih edilməsinə dair tövsiyələrin hazırlanması üçün Nazirlərin Birgə Monitorinq Komitəsi yaradılıb və iki aydan bir toplaşır. Komitəyə Səudiyyə Ərəbistanı, Venesuela, Küveyt, Əlcəzair, Oman və Rusiya Federasiyası daxildir.Sazişin icrasını, həmçinin Yüksək Səviyyəli Komitəyə daxil olan ölkələrin ekspertləri izləyirlər. Ayda bir dəfə toplaşan bu komitənin iclaslarında OPEC-in baş katibi Mohammed Barkindo da iştirak edir.xeber100.com

Dövlət Statistika Komitəsinin məlumatına görə…

2017-ci ilin yanvar-iyun aylarında xarici müəssisə və təşkilatlar tərəfindən əsas kapitala 4 milyard 282,7 milyon manat vəsait yönəldilib.Dövlət Statistika Komitəsindən Azərtac-a bildirilib ki, xarici ölkələr və beynəlxalq təşkilatların vəsaitləri hesabına əsas kapitala yönəldilmiş vəsaitin 3 milyard 583,1 milyon manatı (83,7 faizi) Birləşmiş Krallıq, Türkiyə, Malayziya, İsveçrə, Rusiya, İran, ABŞ və Yaponiya sərmayədarlarına məxsus olub.Tikinti müəssisələri tərəfindən yerinə yetirilmiş inşaat işlərinin 67,5 faizini tikinti, yenidənqurma və genişləndirmə, 10,5 faizini əsaslı təmir, 4,2 faizini cari təmir, 17,8 faizini isə digər tikinti işləri təşkil edib.Ümumi inşaat işlərinin 87,0 faizini qeyri-dövlət tikinti müəssisələri yerinə yetiriblər.xeber100.com

Nyu-Yorkun NYMEX birjasında neftin qiyməti ucuzlaşıb

Dünya birjalarında neft ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,15 dollar ucuzlaşaraq 43,29 dollar təşkil edib.AZƏRTAC xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 1,28 dollar azalaraq 48,01 dollar olub.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,02 dollar ucuzlaşaraq 44,44 dollar təşkil edib. Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,02 dollar azalaraq 49,29 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,7 dollar bahalaşaraq 50.28 dollar təşkil edib.xeber100.com

“Buta Airways” aviabiletlərin satışına başlayıb

“Buta Airways” İstanbula və Sankt-Peterburqa aviabiletlərin satışına başlayıb.“Buta Airways” aviaşirkətinin mətbuat xidmətindən Azərtac-a bildirilib ki, “Buta Airways” aşağıbüdcəli aviaşirkətinin rəsmi saytında qış uçuş cədvəli üzrə (oktyabrın 29-dan martın 29-dək) aviabiletlər satışa buraxılıb. Qış uçuş cədvəli üzrə Bakıdan İstanbula (“Sabiha Gökçən” hava limanı) və Sankt-Peterburqa, həmçinin Gəncədən Moskvaya (“Vnukovo” hava limanı) olan reyslərə aviabiletlərin satışına başlanılıb.Aktual uçuş cədvəli ilə bu https://www.butaairways.az/az/flight-schedule linkdə tanış olmaq mümkündür.Qeyd edək ki, aviaşirkət sentyabrın 1-dən Bakıdan Moskva (“Vnukovo” hava limanı), Kiyev (“Julyanı” hava limanı), Antalya, Kazan, Mineralnıye Vodı, Tbilisi və Tehrana uçuşlar yerinə yetirəcək.Bütün istiqamətlər üzrə minimal tarif cəmi 29 avro (bir tərəfə) təşkil edir. Lou-kost aviaşirkət olaraq, “Buta Airways” aviareyslərdə baqajın, əl yükünün daşınması, təyyarə göyərtəsində isti yeməklər, hava limanında qeydiyyat, eləcə də təyyarədə yer seçimi kimi əlavə xidmətləri ödəniş müqabilində təklif edəcək. Tariflər barədə ümumi məlumat “Tariflər və xidmətlər” səhifəsində təqdim olunub.Minimal tarif ilə alınan aviabiletlər qaytarıla və ya dəyişdirilə bilməz. Aviabiletlərin qaytarılması və dəyişdirilməsi şərtləri ilə daha ətraflı “Biletlərinin qaytarılması və dəyişdirilməsi” səhifəsində tanış olmaq mümkündür.xeber100.com  

“Kapital Bank”ın məlumatına əsasən…

"Kapital Bank"ın "Nərimanov Kart Mərkəzi" bu həftənin şənbə və bazar günləri də işləyəcək. Mərkəz iş günlərində olduğu kimi saat 9:00-dan, 18:00-dək fəaliyyət göstərəcək.Bankdan Azərtac-a bildiriblər ki, paytaxtın Nərimanov rayonu, Mirzəbala Əhmədzadə küçəsi 13 ünvanında yerləşən "Nərimanov Kart Mərkəzi"ndən Bankın "Binəqədi", "Şuşa", "Nərimanov", "Nəsimi", "Cəfər Cabbarlı", "Yasamal", "İçərişəhər", "Səbail" və "Xətai" filiallarının müştəriləri Bakı şəhər Təhsil İdarəsinin əməkhaqqı kartlarını, həmçinin sosial, pensiya və digər kartları əldə edə bilərlər.xeber100.com

Bakı Fond Birjasında növbəti hərrac keçirilib

İyulun 21-də Bakı Fond Birjasında (BFB) Azərbaycan İpoteka Fondu ASC-nin faizli, adlı, sənədsiz ipoteka istiqrazlarının yeni buraxılışının yerləşdirilməsi üzrə növbəti hərrac keçirilib.BFB-dən Azərtac-a bildiriblər ki, hərraca çıxarılan istiqrazların (ISIN nömrəsi AZ2019008682) nominal qiymətlə həcmi 25 000 000 manat təşkil edib. Hərrac zamanı sifarişlərin qəbulu Bakı Fond Birjasının ticarət reqlamentinə əsasən saat 11:00-dan 12:30-dək həyata keçirilib. İstiqrazların buraxılış şərtlərinə əsasən hərrac qiyməti 1,008.8300 manat təyin edilib.İstiqrazlar üzrə toplanmış tələbin həcmi nominal qiymətlə 25,000,000 manat olub. Hərraca çıxarılmış istiqrazlar tam həcmdə yerləşdirilib. Yerləşdirmənin anderrayteri qismində birja üzvü "Paşa Kapital" QSC çıxış edir. İstiqrazlar 2037-ci il dekabrın 18-də ödəniləcək.xeber100.com

“Layt” markalı neftin qiyməti ucuzlaşıb

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,01 dollar ucuzlaşaraq 44,46 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,01 dollar azalaraq 49,31 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,89 dollar bahalaşaraq 50,21 dollar təşkil edib.xeber100.com

Vergi borcu ilə bağlı bir sıra yeniliklər təsbit olunub

Vergi Məcəlləsinə edilmiş son əlavə və dəyişikliklərdə vergi borcu ilə bağlı bir sıra yeniliklər təsbit olunub.Azərtac “vergiler.az” saytına istinadla bildirir ki, vergi borclarının dövlət büdcəsinə alınmasının tam həcmdə və operativ təmin edilməsi məqsədilə vergiödəyicisinin siyahıya alınmış əmlakının icra məmurunun sifarişi əsasında elektron hərrac vasitəsilə satılması, vergiödəyicisinin siyahıya alınmış əmlakının satışından əldə olunan vəsait barədə, habelə siyahıya alınmış əmlakların satılması üçün icra məmurları tərəfindən edilmiş sifarişlər üzrə rüblük məlumatların vergi orqanlarına elektron şəkildə təqdim edilməsi də bu yeniliklər sırasındadır.Bundan əlavə, Cinayət Məcəlləsinə edilən əlavə və dəyişikliklərə görə, Azərbaycanda qanunsuz sahibkarlıqla məşğul olan şəxslər cərimə ödəməklə məsuliyyətdən azad olunacaqlar.Belə ki, qanunsuz sahibkarlıqla məşğul olan şəxs cinayət nəticəsində vurulmuş ziyanın (əldə edilmiş gəlirin) iki misli miqdarında cərimə və ya 6 ayadək müddətə azadlıqdan məhrumetmə ilə cəzalandırılırdı.Həmçinin əvvəllər vergi və gömrük rüsumlarından 2000 manat məbləğində yayınan sahibkarlar cinayət məsuliyyətinə cəlb edilirdi. Yeni qanun qüvvəyə mindikdən sonra cinayət məsuliyyəti yaradan hədd 10 dəfə artırılaraq 20.000 manat olub. Yəni 20.000 manata qədər vergi və gömrük rüsumlarından yayınan şəxslər artıq cinayət məsuliyyətinə deyil, inzibati məsuliyyətə cəlb ediləcəklər.İlk dəfə böyük ictimai təhlükə törətməyən qanunsuz sahibkarlıq və ya yalançı sahibkarlıq cinayətlərini törətmiş şəxslər əldə etdikləri qanunsuz gəliri və ya vurduqları ziyanı dövlət büdcəsinə tamamilə ödədikdə məsuliyyətdən azad edilirlər. Bu dəyişikliklər nəticəsində ümumilikdə 24 maddədə sahibkarların məsuliyyəti yüngülləşdirilib.xeber100.com

Cəbhənin müxtəlif istiqamətlərində atəşkəs rejimi pozulub

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 149 dəfə pozub.Müdafiə Nazirliyinin mətbuat xidmətindən Azərtac-a bildiriblər ki, Ermənistanın Noyemberyan rayonunun Şavarşavan kəndində və adsız yüksəkliklərdə, İcevan rayonunun Paravakar kəndində və adsız yüksəkliklərdə yerləşən mövqelərdən Ağstafa rayonunun Köhnəqışlaq, Qazax rayonunun Kəmərli, Qaymaqlı, Fərəhli kəndlərində və adsız yüksəkliklərdə, Berd rayonunun Mosesqex, Çinari, Ayqedzor kəndlərində və adsız yüksəkliklərdə yerləşən mövqelərdən Tovuz rayonunun Ağdam, Koxanəbi, Ağbulaq, Muncuqlu kəndlərində və adsız yüksəkliklərdə, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdəki mövqelərimiz atəşə tutulub.Tərtər rayonunun işğal altındakı Göyarx, Çiləbürt, Yarımca, Ağdam rayonunun Baş Qərvənd, Cəvahirli, Qaraqaşlı, Kəngərli, Novruzlu, Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqelərinə atəş açılıb.xeber100.com