Dünya birjalarında neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,36 dollar bahalaşaraq 49,33 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,29 dollar artaraq 51,73 dollar olub.xeber100.com

“Startap yarat” təlimi təşkil olunacaq

Startapçıların maarifləndirilməsi, onların inkişafı və ölkəmizin hər bir regionunda yeni startapların yaranması məqsədilə Nəqliyyat, Rabitə və Yüksək Texnologiyalar Nazirliyi tərəfindən startaplar üçün təlimlərə start verilir.Nazirlikdən Azərtac-a bildirilib ki, təlimlər mayın 2-3-də Bakıda Elektron Hökumət Təlim-Tədris Mərkəzinin təşkilatçılığı, İnformasiya Texnologiyalarının İnkişafı Dövlət Fondunun və Yüksək Texnologiyalar Parkının dəstəyi ilə təşkil ediləcək.Elektron Hökumət Təlim-Tədris Mərkəzinin regional mərkəzləri vasitəsilə Naxçıvan, Gəncə, Mingəçevir, Lənkəran və Sumqayıtda fəaliyyət göstərən startapçılar və bu sahəyə marağı olan şəxslər telekonfrans vasitəsilə təlimlərdə iştirak etmək imkanı qazanacaqlar.Təlimin əsas məqsədi yeni startapların yaradılmasını təşviq etmək və bu sahədə lazımi biliklərin öyrədilməsidir. Eyni zamanda, iştirakçılara startaplar üçün keçirilən müsabiqələrdə iştirak etmək imkanları, müsabiqələrdə layihələrin təqdim edilməsi yolları, “pitching” və layihələrin videotəqdimatlarının hazırlanması kimi bacarıqlar təqdim ediləcək.xeber100.com

“Gazprom” 2016-cı ildə 16,7 milyard dollar xalis mənfəət əldə edib

Rusiyanın enerji nəhəngi "Gazprom" şirkəti 2016-cı ildə 951 milyard rubl (16,7 milyard dollar) xalis mənfəət əldə edib.Azərtac şirkətə istinadla xəbər verir ki, "Gazprom"un keçənilki mənfəəti əvvəlki illə müqayisədə 20,9 faiz artıb.Şirkətin ötənilki satış üzrə gəlirləri isə 0,6 faiz artaraq 6,1 trilyon rubl təşkil edib. Gəlir və mənfəətin çoxalmasına Avropanın təbii qaza olan tələbatının artması təsir edib. "Gazprom" ötən il Avropaya təbii qaz ixracını 2015-ci illə müqayisədə 12,5 faiz artırıb.xeber100.com

Vergilər Nazirliyinin məlumatına əsasən…

Vergi orqanı olmayan şəhər və rayonlarda vergiödəyiciləri üçün müasir avadanlıqlar və sürətli internet xətti ilə təchiz edilmiş 58 xidmət mərkəzi yaradılaraq, vergiödəyicilərinin istifadəsinə verilib.Azərtac xəbər verir ki, bunu Vergilər Nazirliyinin Vergiödəyicilərinə xidmət və şəffaf vergi partnyorluğu departamentinin baş direktorunun müavini Elçin Məmmədov deyib.Onun sözlərinə görə, bunların 7-si Bakı şəhərində, 51-i isə digər şəhər və rayonlarda yerləşir. Xüsusilə regionlarda sahibkarlığın inkişafı və əlverişli biznes mühitinin formalaşdırılması məqsədilə 51 xidmət mərkəzindən 39-u vergi orqanı olmayan şəhər və rayonlarda yaradılıb.2017-ci ilin yanvar-mart ayları ərzində xidmət mərkəzlərində qəbul edilmiş vergiödəyicilərinin sayı 171 min 785 nəfər, göstərilmiş xidmətlərin sayı isə 279 min 571 olub. Xidmət mərkəzlərinə müraciət etmiş şəxslərin 73,2 faizi məhz regionlarda yerləşən xidmət mərkəzlərinə üz tutub.xeber100.com

“AzəriLayt” markalı neftin qiyməti ucuzlaşıb

Dünya birjalarında neftin qiyməti müxtəlif istiqamətdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,59 dollar bahalaşaraq 49,56 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,61 dollar artaraq 52,05 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 1,55 dollar ucuzlaşaraq 52,46 dollar təşkil edib.xeber100.com

Mənzil İnşaatı Dövlət Agentliyinin məlumatı

Güzəştli mənzillərin əldə edilməsi üçün tələb olunan sənədlərin siyahısı müəyyənləşdirilib.Azərbaycan Respublikasının Prezidenti yanında Mənzil İnşaatı Dövlət Agentliyinin mətbuat xidmətindən Azərtac-a bildirilib ki, “MİDA” Məhdud Məsuliyyətli Cəmiyyətinin sərəncamında olan mənzillərin güzəştlə əldə edilməsini təmin etmək məqsədilə “Elektron hökumət” portalında yaradılacaq “Güzəştli mənzil” elektron sisteminin istifadəyə verilməsi ilə bağlı hazırlıq işləri tamamlanmaq üzrədir.Ötən müddət ərzində aidiyyəti dövlət orqanları ilə təşkil olunmuş səmərəli əməkdaşlıq nəticəsində güzəştlə mənzil əldə etmək hüququ olan vətəndaşlar tərəfindən təqdim olunmalı sənədlərin siyahıları dəqiqləşdirilib. Eyni zamanda, təqdim olunacaq sənədlərin müvafiq qurumlar tərəfindən yoxlanılması müddətini minimuma endirərək vətəndaşların rahatlığını təmin etmək məqsədilə aidiyyəti məlumat bazalarının “Güzəştli mənzil” sistemi ilə inteqrasiyası üçün tədbirlər görülüb.xeber100.com  

Milli Məclisin iqtisadi siyasət komitəsinin iclası keçirilib

Aprelin 28-də Milli Məclisin iqtisadi siyasət, sənaye və sahibkarlıq komitəsinin iclası keçirilib.Azərtac xəbər verir ki, komitənin sədri Ziyad Səmədzadə iclasın gündəliyi barədə məlumat verib. İclasda “Daşınar əmlakın yüklülüyü haqqında” qanun layihəsi ikinci oxunuşda müzakirə olunub.Komitə sədri Ziyad Səmədzadə bildirib ki, birinci oxunuşda layihə ilə bağlı səslənən fikir və təkliflər qısa zaman kəsiyində qanun layihəsində yer alıb. Milli Məclisin iqtisadi qanunvericilik şöbəsi, Maliyyə Bazarlarına Nəzarət Palatası ilə birgə qanun layihəsinə xüsusilə də sadələşdirilmə, texniki, eləcə də mahiyyət baxımından bir sıra dəyişikliklər edilib.Qanun layihəsində daşınar əmlakın yüklülük sahiblərinin tələblərinin ödənilməsi, yüklülük predmetinin özgəninkiləşdirilməsi, yüklülük predmetinin satış üsulları, əldə olunan gəlirin bölüşdürülməsi, daşınar əmlakın yüklülüyünün dövlət reyestri və yüklülüyün qeydə alınması qaydaları əksini tapıb.Müzakirələr zamanı deputatlar qanun layihəsi ilə bağlı təkliflərini bildiriblər.Sonda qanun layihəsi ikinci oxunuşda Milli Məclisin plenar iclasına tövsiyə olunub.xeber100.com

“Layt” markalı neftin qiyməti ucuzlaşıb

Dünya birjalarında neftin qiyməti müxtəlif istiqamətdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,27 dollar ucuzlaşaraq 49,35 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,19 dollar azalaraq 51,63 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,60 dollar bahalaşaraq 54,01 dollar təşkil edib.xeber100.com

Mərkəzi Bank USD/AZN rəsmi məzənnəsini açıqlayıb

Azərbaycan Mərkəzi Bankı (AMB) aprelin 27-nə olan USD/AZN rəsmi məzənnəsini açıqlayıb.Bankdan Azərtac-a bildiriblər ki, Azərbaycan Mərkəzi Bankının aprelin 27-nə USD/AZN rəsmi məzənnəsi 1,7025 manat səviyyəsində müəyyən olunub.xeber100.com

Neftin qiyməti müxtəlif istiqamətdə dəyişib

Dünya birjalarında neftin qiyməti müxtəlif istiqamətdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,04 dollar ucuzlaşaraq 49,52 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,01 dollar azalaraq 52,09 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,20 dollar bahalaşaraq 53,41 dollar təşkil edib.xeber100.com