Beynəlxalq Telekommunikasiya İttifaqı memarlıq müsabiqəsi keçirir

Beynəlxalq Telekommunikasiya İttifaqı (BTİ) Cenevrədə yerləşən mənzil-qərargahının yeni binasının yaradılması üzrə memarlıq müsabiqəsi keçirir.Azərtac xəbər verir ki, “ITU” resursunun yaydığı məlumata görə, BTİ-nin mənzil-qərargahı 1962-ci ildən Cenevrədə “Millətlər meydanı”nda (Place des Nations) yerləşir. Yeni layihə sayəsində “ağıllı” mənzil-qərargahın inşası təşkilatın Cenevrədə beynəlxalq təsisatların diqqət mərkəzində olmaqla üzv dövlətlərə, özəl sektorun nümayəndələrinə, assosiativ üzvlərə və akademik təşkilatlara xidmətlərin göstərilməsini gücləndirəcək.Müsabiqədə təşkilata üzv 193 dövlətdən birində tələb olunan qaydada qeydiyyatdan keçən bütün peşəkar memarlar iştirak edə bilər. İki mərhələdən ibarət olacaq müsabiqədə iştirak üçün ərizələr münsiflər heyətinə anonimliyə riayət edilməklə və İsveçrə Mühəndis və Arxitektorlar Cəmiyyətinin (SIA) “SIA-142” standartına uyğun təqdim edilməlidir.Müsabiqədə iştirak etmək istəyənlər BTİ-nin saytında yerləşdirilən məlumatla tanış ola, layihə və müsabiqədə iştiraka dəvətlə bağlı daha ətraflı informasiyanın verildiyi İsveçrə dövlət satınalmaları platformasında qeydiyyatdan keçə bilərlər.Qeydiyyat 2017-ci il 5 may tarixinədək aparılır.xeber100.com

Vergi orqanlarında işə qəbulla bağlı test imtahanı keçirilib

Aprelin 15-də Vergilər Nazirliyi Dövlət İmtahan Mərkəzi ilə birlikdə ərazi vergi orqanlarında və rayon vergilər şöbələrindəki vakant vəzifələrə işə qəbulla bağlı test imtahanı keçirib.Müsabiqədə iştirakla bağlı 1444 nəfər vətəndaş müraciət edib, onlardan vakant vəzifələrin tələblərinə uyğun olan 1324 nəfəri namizəd qismində müsabiqədə iştiraka buraxılıb.Məlumatda həmçinin qeyd olunub ki, müsabiqə test imtahanı və müsahibə olmaqla iki mərhələdə keçirilib.Qanunvericiliyə uyğun olaraq, test imtahanında uğur qazanmış namizədlər müsabiqənin ikinci mərhələsinə – müsahibəyə buraxılırlar. Müsahibələrdə namizədlərin ümumi dünyagörüşü, onların müvafiq sahədə bilikləri və onları tətbiq etmək bacarıqları yoxlanılır. Şəffaflığın təmin edilməsi üçün müsahibə kollegial şəkildə – Müsabiqə Komissiyası tərəfindən aparılır, bu zaman audio-video çəkilişdən istifadə edilir.Müsahibədə uğur qazanan namizədlər dövlət vergi orqanlarının ehtiyat kadrlar siyahısına daxil ediləcək və onların vakant vəzifələrə təyinatı üzrə müvafiq tədbirlər görüləcək. Müsahibənin nəticələri nazirliyin internet saytı vasitəsi ilə ictimaiyyətə açıqlanacaq.xeber100.com

Beynəlxalq Büdcə Birliyinin plenar iclası keçirilib

Bişkek şəhərində PEMPAL (Dövlət maliyyəsinin idarə edilməsində qarşılıqlı təcrübə mübadiləsi) Beynəlxalq Büdcə Birliyinin plenar iclası keçirilib. “Büdcənin idarəetmə vasitələri” mövzusunda keçirilən Avropa, MDB və Mərkəzi Asiyanın 14 ölkəsinin əlaqədar sahələrinin nümayəndələri iştirak ediblər.Azərbaycanın da təmsil olunduğu iclasda iştirakçı ölkələrin maliyyə nazirliklərinin əməkdaşları dövlət büdcəsinin idarəçiliyi, büdcə siyasətinin təkmilləşdirilməsi və büdcə şəffaflığının təmini sahəsindəki islahatlarla bağlı məsələləri müzakirə ediblər. Bildirilib ki, dövlətin maliyyə sisteminin səmərəli istifadə olunması ölkənin sabit inkişafında mühüm rol oynayır, mövcud ehtiyatların düzgün bölüşdürülməsini və keyfiyyətli dövlət xidməti göstərilməsini təmin edir. Qeyd olunub ki, tədbirin keçirilməsində məqsəd büdcənin idarəçiliyi sahəsində qabaqcıl təcrübənin öyrənilməsi və təcrübə mübadiləsinin aparılmasıdır.xeber100.com

“Baltic Weekend” beynəlxalq forum keçiriləcək

Aprelin 20-21-də Tbilisidə kommunikasiya üzrə "Baltic Weekend" beynəlxalq forum keçiriləcək.Azərtac "Vestnik Kavkaza" saytına istinadla xəbər verir ki, foruma Azərbaycan, Gürcüstan, Türkiyə, Rusiya, Almaniya, Niderland və Xorvatiyadan 100-ə yaxın iştirakçı qatılacaq.Beynəlxalq forumda dünya PR-sənayesinin aktual problemləri müzakirə ediləcək, iştirakçılar yeni texnologiyalar sahəsində bilik və təcrübələrini bölüşəcək, lokal və qlobal səviyyələrdə ictimaiyyətlə əlaqələrin inkişaf perspektivlərini qiymətləndirəcəklər.Tbilisi forumu kommunikasiya bazarının nümayəndələrini, o cümlədən PR, GR, digital, reklam və marketinq sahəsinin mütəxəssislərini bir araya gətirəcək.xeber100.com

Dövlət Gömrük Komitəsinin məlumatı

Bu ilin yanvar-mart aylarında Azərbaycana ümumilikdə 1431 ədəd avtomobil idxal olunub.Dövlət Gömrük Komitəsinin mətbuat xidmətindən Azərtac-a bildirilib ki, ötən ilin analoji dövrü ilə müqayisədə ölkəyə idxal olunan avtomobillərin sayı 69 ədəd və ya 5,1 faiz artıb.Ölkəyə gətirilən avtomobillərin 25-i sürücü daxil olmaqla, 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 1185 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 195 ədədi yük daşımaq üçün motorlu nəqliyyat vasitələri, 26 ədədi isə xüsusi təyinatlı motorlu nəqliyyat vasitələridir.xeber100.com

“Layt” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,36 dollar ucuzlaşaraq 52,87 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,28 dollar azalaraq 55,61 dollar olub.xeber100.com

V Daşkənd Beynəlxalq Turizm Sərgisi başa çatıb

Özbəkistanda keçirilən “İstirahət dünyası” V Daşkənd Beynəlxalq Turizm Sərgisi başa çatıb.Sərgidə ölkəmizi Özbəkistandakı səfirliyimizin nəzdindəki Azərbaycan Mədəniyyət Mərkəzi (AMM) təmsil edib.Tədbir çərçivəsində Azərbaycan və Özbəkistanın turizm assosiasiyaları arasında əlaqələrin inkişafına dair əməkdaşlıq memorandumu imzalanıb.Ölkəmiz tərəfdən memorandumu Azərbaycan Turizm Assosiasiyasının rəhbəri Nahid Bağırov Özbəkistan tərəfdən bu ölkənin Turizm Assosiasiyasının rəhbəri Nəbican Kasimov imzalayıblar.xeber100.com

Dünya bazarında neftin qiyməti…

Dünya bazarında xam neftin bir barrelinin qiyməti 2020-ci ildə 100 dollar ola bilər.Anadolu agentliyi xəbər verir ki, İ.M.Qubkin adına Rusiya Dövlət Neft və Qaz Universitetinin beynəlxalq əlaqələr üzrə rektorunun müavini Anatoli Zolotuxin bu fikirdədir. Onun qənaətinə görə, neftin qiyməti 2020-ci ildə 100 dollar/barrelə çatacaq, lakin bu səviyyəni ötə bilməyəcək. Kömür, neft və təbii qaz isə yaxın gələcəkdə ümumi enerji səbətində 75 faizlik paya sahib olacaq.xeber100.com

Anlaşma Memorandumu imzalanıb

“Ərzaq məhsullarının tədarükü və təchizatı” Açıq Səhmdar Cəmiyyəti ilə İtaliyanın “IDROMECCANICA LUCCHINI SpA” şirkəti arasında Azərbaycanda tərəvəz məhsulları istehsal edəcək müasir istixanaların tikintisi üzrə Anlaşma Memorandumu imzalanıb.ASC-nin mətbuat xidmətindən Azərtac-a bildirilib ki, Memorandumu Cəmiyyətin İdarə Heyətinin sədri Əbülfət Qocayev və İtaliya şirkətinin satış meneceri Cesare Ghizzi imzalayıblar.İmzalanmış Memoranduma əsasən, İtaliya şirkəti Azərbaycanda istixanaların tikintisi, birgə idarəedilməsi, işçi potensialının formalaşdırılması, işçilərə zəruri texniki biliklərin verilməsini həyata keçirəcək.İtaliya tərəfi “Lucchini-Az” şirkəti təsis edəcək və layihənin həyata keçirilməsi üçün “Ərzaq məhsullarının tədarükü və təchizatı” ASC ilə “Lucchini-Az” şirkəti arasında birgə müəssisə yaradılacaq.Cəmiyyət layihənin icrası üçün lazım olan bütün zəruri işləri - su, elektrik, yol üçün əlverişli olan bütün məsələlərin həllini öz üzərinə götürüb.İnfrastrukturun yaradılması üçün xərclər, razılaşdırmalar, müqavilə imzalandıqdan sonra nəzərə alınacaq. İlkin mərhələdə istixana komplekslərinin qurulmasına 30 milyon avro dəyərində sərmayə qoyulması nəzərdə tutulub.İmzalanma mərasimindən sonra ASC rəhbərliyi və İtaliya şirkətinin nümayəndələri istixanaların qurulacağı ərazilərə baxış keçirərək məsləhətləşmələr aparıblar. Xəzər rayonunun Zirə qəsəbəsində yerləşən ərazi xarici qonaqlar tərəfindən istixana kompleksinin qurulması üçün uğurlu seçim kimi qiymətləndirilib.Qeyd olunub ki, İtaliyanın “ IDROMECCANICA LUCCHINI SpA” şirkəti bir sıra ölkələrdə kənd təsərrüfatı məhsullarının innovasiyalı texnologiyalara əsaslanaraq yetişdirən istixana komplekslərinin qurulması işlərini icra edir.xeber100.com

İxracın və İnvestisiyaların Təşviqi Fondunun məlumatı

Sahibkarlar və işgüzar dairələr mayın 22-25-də Türkiyədə təşkil olunacaq IV "Domotex Turkey" xalça sərgisinə dəvət olunurlar.Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, sərgi çərçivəsində yun, ipək, kəşmir, bambuk və digər müxtəlif materiallardan hazırlanmış müasir və ya ənənəvi xalçalar nümayiş etdiriləcək.Qeyd edək ki, ötən il sərgiyə Belçika, Çin, Fransa, Almaniya, İran, Hindistan, İordaniya, Hollandiya və Özbəkistandan maraq göstərilib.xeber100.com